18/01/2021
#ຄະນະສົງເມືອງປາກຊ່ອງ ແຂວງຈຳປາສັກ.
ຂໍແຈ້ງຂ່າວຄວາມເສົ້າສະຫຼົດໃຈມາຍັງ: ເຈົ້າອະທິການວັດ ທ່ານນາຍບ້ານ ແນວໂຮມ ສາລະວັດ ແລະ ອອກຕົນຍາດໂຍມທຸກໆບ້ານ ພາຍໃນເມືອງປາກຊ່ອງ. ເພື່ອຊາບວ່າ: ພຣະອາຈາຣຍ໌ ປູ່ສັງ ທອງຈະເລີນ ເຈົ້າອະທິການວັດ ປິ່ນແກ້ວທັມມະຣັງສີ ບ້ານສົມສະໜຸກໃໝ່ ກຸ່ມ 4 ເມືອງປາກຊ່ອງ ແຂວງຈຳປາສັກ. ໄດ້ເຖີງແກ່ມໍຣະນະພາບແລ້ວ ໃນວັນທີ 15/01/2021 ກົງກັບວັນສຸກ ຂຶ້ນ 2 ຄໍ່ຳ ເດືອນ 3 ພ.ສ. 2563. ໃນເວລາ: 16 ໂມງ 50 ນາທີ. ດ້ວຍພະຍາດຂອງເພິ່ນເອງ, ສິຣິລວມອາຍຸໄດ້ 86 ປີ 10 ພັນສາ. ປັດຈຸບັນໄດ້ຕັ້ງສົບບຳເພັນກຸສົນທີ່ສາລາໂຮງທັມ ວັດປິ່ນແກ້ວທັມມະຣັງສີ ບ້ານສົມສະໜຸກໃໝ່ ກຸ່ມ 4 ເມືອງປາກຊ່ອງ ແຂວງຈຳປາສັກ. ສ່ວນວັນງານຊາປະນະກິດຖວາຍພຣະເພີງສົບ ຈະໄດ້ຈັດຂຶ້ນໃນວັນທີ 24 / 01 / 2021 ກົງກັບວັນອາທິດ ຂຶ້ນ 11 ຄ່ຳ ເດືອນ 3 ພ.ສ. 2563. ໃນຕອນແລງເວລາ: 13 ໂມງ 30 ນາທີ. ເຄື່ອນຍ້າຍພຣະສົບອອກຈາກສາລາໂຮງທັມໄປສູ່ຫໍພຣະເມຣຸມາດຊົ່ວຄາວ, ອ່ານຊີວະປະຫວັດຫຍໍ້, ວາງພວງມາລາ, ທອດຜ້າບັງສຸກຸນ, ວາງດອກໄມ້ຈັນ, ທູບທຽນ ແລະ ປະຊຸມເພີງເຢັນ. ໃນຕອນກາງຄືນ ເວລາ: 17 ໂມງ 30 ນາທີ ທໍຳພິທີຖວາຍພຣະເພີງຮ້ອນ ເປັນວາລະສຸດທ້າຍ.
ດັ່ງນັ້ນ, ຈຶ່ງໄດ້ແຈ້ງຂ່າວມາເພື່ອຊາບໂດຍທົ່ວເຖີງກັນ ແລະ ໄປຮ່ວມໄຫວ້ອາໄລ, ຮ່ວມອຸໂປໂມທະນາ, ເປັນເຈົ້າພາບເຈົ້າສັດທາ ໃນງານບຳເພັນກຸສົນສົບ ແລະ ງານຊາປະນະກິດຖວາຍພຣະເພີງສົບ ຂອງພຣະອາຈາຣຍ໌ ປູ່ສັງ ທອງຈະເລີນ ເຈົ້າອະທິການວັດ ປິ່ນແກ້ວທັມມະຣັງສີ ບ້ານສົມສະໜຸກໃໝ່ ກຸ່ມ 4 ເມືອງປາກຊ່ອງ ແຂວງຈຳປາສັກ. ຕາມການແຈ້ງຂ່າວນີ້ດ້ວຍ.
( ແຈ້ງຂ່າວມາດ້ວຍຄວາມນັບຖືເປັນຢ່າງສູງ )
