https://www.nimolyoungprayer.com/

ໄວລຸ້ນສາຍທຳ Nimol Young Prayer, Luang Prabang (2026)

22/04/2023

ບອກບຸນຕໍ່ 🙏🙏

01/03/2023

01/03/2023

ສະພາວະທັງຫຼາຍ ຜ່ານມາແລ້ວຜ່ານໄປ

“ຖ້າເຮົາມີສະຕິເຝົ້າເບິ່ງແຍງຮັກສາຈິຕຢູ່ ກິເລສເກີດປຸບຮູ້ທັນ
ຖ້າຮູ້ຖືກຕ້ອງກິເລສຈະດັບທັນທີ
ຖ້າຮູ້ບໍ່ຖືກຕ້ອງ ເຊັ່ນ ເຫັນກິເລສເກີດຂຶ້ນແລ້ວຢາກໃຫ້ກິເລສດັບ
ບໍ່ມັກກິເລສ ອັນນີ້ຈິຕບໍ່ເປັນກາງ
ຈິຕຍິນຮ້າຍກັບກິເລສ ກິເລສບໍ່ດັບດອກ
ເພາະກິເລສກຳລັງເກີດກໍຄືຄວາມຍິນຮ້າຍ
ຕົວໂທສະ ມັນເກີດ

ຖ້າເຮົາອ່ານຈິຕອ່ານໃຈຕົນເອງໄດ້ຊຳນິຊຳນານ
ຈິຕມັນມີໂທສະ ມີຂຶ້ນມາ ໃຈມັນບໍ່ມັກ
ມັນມີໂທສະຊ້ອນອີກຕົວໜຶ່ງແລ້ວ
ເຮົາມີສະຕິຮູ້ທັນລົງໄປ ຄວາມບໍ່ມັກດັບ ຈິຕກໍເປັນກາງ
ພໍຈິຕເປັນກາງປຸບ ຈິຕກໍຊົງສະມາທິເປັນກາງ
ມັນຈະເຫັນເລີຍ ຕົວໂທສະອັນນັ້ນ
ເປັນຂອງທີ່ເກີດຂຶ້ນ ຕັ້ງຢູ່ແລ້ວກໍດັບໄປ
ຫ້າມບໍ່ໄດ້ ບັງຄັບບໍ່ໄດ້ ແລ້ວປັນຍາມັນກໍເກີດ

ຄ່ອຍໆ ເຝິກເລື້ອຍໆໄປ ມີສະຕິຮູ້ກາຍ ວາຈາ ໃຈໄປ
ໂດຍສະເພາະຮູ້ທັນຈິຕໃຈຕົນເອງເຝິກຫຼາຍໆ ຈິຕຈະຕັ້ງໝັ້ນຂຶ້ນມາ
ບໍ່ຫຼົງໄປຕາມຄວາມຍິນດີຍິນຮ້າຍ
ພໍຈິຕຕັ້ງໝັ້ນ ຈິຕເປັນກາງ
ກໍເຫັນສະພາວະທັງຫຼາຍ ຜ່ານມາແລ້ວກໍຜ່ານໄປ

ພຶດຕິກຳທາງຮ່າງກາຍ
ຮ່າງກາຍດຽວກໍຢືນ ດຽວກໍຍ່າງ ດຽວກໍນັ່ງ ດຽວກໍນອນ
ແຕ່ລະອັນໆ ຜ່ານມາແລ້ວກໍຜ່ານໄປ
ຮ່າງກາຍຫາຍໃຈອອກແລ້ວກໍຜ່ານໄປ
ກໍເກີດຮ່າງກາຍຫາຍໃຈເຂົ້າແລ້ວກໍຜ່ານໄປ
ທຸກສິ່ງທຸກຢ່າງກໍຈະຜ່ານໄປ

ນາມມະທັມກໍເກີດຂຶ້ນແລ້ວກໍຜ່ານໄປຄືກັນ
ຄວາມສຸກເກີດຂຶ້ນມາແລ້ວກໍຜ່ານໄປ
ຄວາມທຸກເກີດຂຶ້ນມາແລ້ວກໍຜ່ານໄປ
ຄວາມທຸກຖາວອນບໍ່ມີ
ທຸກຂະເວທະນາຖາວອນບໍ່ມີ
ຈະເຫັນທຸກຢ່າງມັນມາແລ້ວໄປໆ

ພໍເຮົາເບິ່ງຫຼາຍໆ ຈິຕເປັນກາງ ເປັນກາງເພາະປັນຍາ
ເຂົ້າໃຈຄວາມຈິງແລ້ວວ່າທຸກຢ່າງ
ເກີດຂຶ້ນ ຕັ້ງຢູ່ ແລ້ວກໍດັບໄປ
ບໍ່ຫຼົງຍິນດີ ບໍ່ຫຼົງຍິນຮ້າຍ
ບໍ່ມີຄວາມມັກ ຄວາມບໍ່ມັກ ເປັນກາງ”
ທ່ານສາມາດຟັງເພີ່ມຕື່ມໄດ້ທີ່
youtube.com/watch?v=W_c7kUtcAj8&t=1s
ພຣະອາຈານໃຫຍ່ປຣາໂມດ ປາໂມດໂຊ
ວັດສວນສັນຕິທັມ
ວັນທີ 03.10.2021....................................................

ຂໍຂອບໃຈຂໍ້ທັມຈາກເພຈ :Dhamma.com
ແປພາສາລາວ : ທີມງານລູກສິດຫລວງພໍ່ປຣາໂມດ ປາໂມດໂຊ-ຊາວລາວ SATI HOME
#ບ້ານສະຕິ #ຫລວງພໍ່ປຣາໂມດ #ພຣະອາຈານໃຫຍ່ປຣາໂມດ #ຮຽນພາວະນາ #ທັມມະເພື່ອຄວາມພົ້ນທຸກ #ທັມມະສໍາລັບຄົນເມືອງ