Sa ma khom dek vut

02/01/2026

🪷 4-5/12/2025🪷
ກຸ່ມອາສາຂ້ອງພວກເຮົາໄດ້ໄປປະຕິວັດໜ້າທີ່ຢູ່ວັດບ້ານເຕື້ອມເມືອງຊໍາເໜືອແຂວງຫົວພັນ
————————————————-
ງານບຸນຜ້າປ່າສາມັກຄີ ລາວ-ໄທ ສົມທົບທືນປະຕິສັງຂອນຫຼັງຄາວັດບ້ານເຕື້ອມ ແລະ ພິທີປະກາດພຣະອົງຕື້ບ້ານເຕື້ອມເປັນມໍລະດົກແຫ່ງຊາດຂັ້ນທ້ອງຖິນໂດຍມີ:
#ຄະນະປະທານຝ່າຍສົງ
1. ພຣະອາຈານ ລຳພັນ ບຸນມີໄຊ ປະທານ ອພສ ແຂວງ
2. ພຣະອາຈານ ລິນທອງ ບຸນທະມີໄຊ ຮອງປະທານ ອພສ ແຂວງ
3. ພຣະອາຈານ ນີກອນ ທິບລາພອນ ຮອງປະທານ ອພສ ແຂວງ ປະທານ ອພສ ເມືອງຊຳເໜືອ ແລະພຣະເຖຣານຸເຖຣະ
#ຄະນະປະທານຝ່າຍຄະລາວາດ
1. ທ່ານ ຄອນປະພັນ ເລືອງສີຈັນທອງ ຮອງເລຂາພັກແຂວງ ປະທານ ສະພາແຂວງຫົວພັນ
2. ທ່ານ ອ່ອນພັນ ທອງທິດາ ຄະນະພັກແຂວງ ເລຂາພັກເມືອງ ເຈົ້າເມືອງຊຳເໜືອ
3. ທ່ານ ປອ ບຸນມີໄຊ ກົງປາຣີ ຄະນະພັກແຂວງ ຫົວໜ້າຫ້ອງວ່າການແຂວງຫົວພັນ ແລະການນຳ ແຂວງ ເມືອງ ເຂົ້າຮ່ວມ
—————————————————————
ປະຫວັດ:

ວັດ​ພະ​ເຈົ້າ​ອົງ​ຕື້​ບ້ານ​ເຕື້ອມ ເມືອງ​ຊຳ​ເໜືອ ເປັນວັດທີມີຄວາມເກົ່າແກ່ ເຊີ່ງເປັນສະຖານທີ່ປະດິດສະຖານຂອງພຣະເຈົ້າອົງຕື້ ແລະ ພ​ຣະເຈົ້າອົງຫຼວງ ໃນອາດີດຈົນເຖີງປະຈຸບັນ ​ວັດ​ດັ່ງ​ກ່າວສ້າງຂື້ນໃນຊຸມປີ ພ​ສ 2109 ໂດຍການນຳພາສ້າງຂອງອົງພະຫ້າວເຊີ່ງ​ແມ່ນ​ສະ​ກຸນ​ຊ່າງວຽງ​ຈັນ ຈຸດ​ປະ​ສົງ​ໃນ​ການ​ສ້າງວັດ​ແຫ່ງ​ນີ້​ແມ່​ນ​ເພື່ອ​ເປັນຫຼັກ​ບ້ານຫຼັກ​ເມືອງ, ເປັນ​ບ່ອນ​ສັກ​ກະ​ລະ​ບູ​ຊາ ແລະ ເປັນ​ສີ່ງ​ທີຢັ້ງ​ຍືນເຖີງ​ຄວາມ​ຈະ​ເລີນ​ຮຸ່ງ​ເຮືອງ​ທາງ​ດ້ານ​ວັດ​ທະ​ນະ​ທຳ​ຂອງ​ອານ​ຈັກ​ລາວ​ລ້ານ​ຊ້າງ​ໃນ​ເວ​ລານັ້ນ; ວັດ​ແຫ່ງ​ນີ້ມີຮູບຊົງເອກະລັກພື້ນ​ຖານ​ສິ​ລະ​ປະລ້ານຊ້າງ, ​ກໍ່​ດ້ວຍດິນ​ຈີ່ ​ປູນ​ປະ​ທາຍ, ​ຫຼັງ​ຄາ​ສູງມີຫຼາຍ​ຊັ້ນ, ມີ​ການ​ປະ​ດັບ​ດ້ວຍ​ລວດ​ລາຍ​ແກະ​ສະຫຼັກໄມ້ ແລະ ຮູບ​ແຕ້ມ​ຜາ​ພະ​ໜັງ​ຕ່າງໆ ຖື​ໄດ້​ວ່າ​ເປັນວັດ​ອີກ​ແຫ່ງ​ໜື່ງ​ທີ່​ມີ​ຄວາມ​ງົດ​ງາມ​ຢູ່​ໃນ​ເຂດ​ແຄວ້ນ​ແຂວງ​ຫົວ​ພັນ​ພວກ​ເຮົາ; ອົງ​ພະ​ຫ້າວກໍ​ໄດ້ມີ​ຄວາມ​ຄິດ​ທີ່​ຈະ​ສືບ​ຕໍ່​ສ້າງ​ພະ​ພຸດ​ທະ​ຮູບ​ອົງ​ທອງ ​ຂື້ນ​ເພື່ອ​ປະ​ດິດ​ສະ​ຖານ​ໄວ້ຢູ່​ວັດ​ແຫ່ງ​ນີ້​ຕື່ມ ພຣະອົງຕື້​ບ້ານ​ເຕື້ອມ ເປັນພ​ຣະປາງມະຣະມີໄຊ ມີ​ຄວາມ​ສູງ​ທັງໝົດ​ຈາກ​ແທ່ນ​ພະ 2 ແມັດ 27 ຊັງ​ຕີ​ແມັດ, ບ່າ​ໄລ່​ກ້​ວາງ 85 ຊັງ​ຕີ​ແມັດ ແລະ ໜ້າ​ຕັກ​ກວ້າງ 1 ແມັດ 22 ຊັງ​ຕີ​ແມັດ ດ້ວຍຄວາມສຳຄັນເກົ່າແກ່ ແລະ ມີຄຸນຄ່າທາງປະຫວັດສາດ, ວັດທະນະທໍາ ຖືໄດ້ວ່າເປັນພະພຸດທະຮູບອົງໜື່ງທີ່ມີຄວາມເກົ່າແກ່ ແລະ ມີຊື່ສຽງ ເຊີ່ງໄດ້ສ້າງຂື້ນໃນ​ປີ ພ​ສ 2181 ໂດຍການນຳພາຂອງ ສົມ​ເດັດ​ສີ​ສຸ​ມັງ ຄະ​ຣາ​ປັນ​ຍາ ພ້ອມ​ດ້ວຍພໍ່​ແມ່​ປະ​ຊາ​ຊົ​ນ​ຊາວ​ບ້ານ​ເຕື້ອມ, ເຊີ່ງ​ສະ​ຖານ​ທີ່ຫຼໍ່​ພ​ຣະ​ອົງ​ຕື້​ບ້ານ​ເຕື້ອມແຫ່ງ​ນີ້​ແມ່ນ​ຢູ່ບໍລິເວນ​ທາງຫຼັງ​ວັດ​ແຫ່ງ​ນີ້ ພາຍຫຼັງທີ່ມີການຫຼໍ່ສຳເລັດແລ້ວ ແລະ ເຫັນວ່າພຣະອົງດັ່ງ​ກ່າວໄດ້ມີອົງປະກອບ ແລະ ຮູບຊົງລັກ​ສະ​ນະ​ທີ່ງົດງາມຕາມຈຸດປະສົງທີ່ຕ້ອງການແລ້ວ ຈິ່ງໄດ້ທຳພິທີອັນເຊີນຂື້ນປະດິດສະຖານຢູ່ເທີງແທ່ນ​ທີ່​ອົງ​ພະ​ຫ້າວ​ໄດ້ທຳ​ການຫຼໍ່​ເອົາ​ໄວ້​ແລ້ວ​ກ່ອນ​ໜ້າ​ຢູ່ວັດແຫ່ງນີ້ ແລະ ໄດ້​​ຂຽນຈາ​ລຶກໃສ່​​ແທ່ນອົງ​ພຣະ​ເຈົ້າ​ອົງ​ຕື້ ທີ່​ມີ​ເນື້ອ​ໃນ​ລະ​ບຸ​ເຖີງ​ປີ​ສ້າງ​ພ້ອມ​ດ້ວຍສັດ​ທາ​ສ້າງ​ພ​ຣະ​ອົງ​ຕື້​ດັ່ງ​ກ່າວ ແລະ ໄດ້ໃສ່ຊື້​ວ່າ​ພ​ຣະ​ເຈົ້າ​ອົງ​ຕື້​ບ້ານ​ເຕື້ອມຈົນ​ຮອດ​ທຸກວັນ​ນີ້

ຖອດຈາລຶກ ຈາກອັກສອນບັນທຶກອ້ອມແທ່ນພຣະເຈົ້າອົງຕື້ ບ້ານເຕື້ອມ
ສີສີ ສິດທິ ທູນຖວາຍນົບນ້ອມ ນະມັດສະການ ແກ່ພຸດທະບາດໃສສີ ໂສລັດສະສັງກາດຣາຊະ ໄດ້ທຸກຮ້ອຍປີເສັດ ເດືອນ ໓ ຂື້ນ ໓ ຄ່ຳ ພ່ຳວ່າໄດ້ມື້ກົດສະງ້າ ວັນ ໕ ລິດຈະນາແລ້ວຍາມທ່ຽງວັນ ພິຈັກບັນຫາ ເຈົ້າສັດທາຜູ້ພຣະອົງນີ້ມີ ມະຫາໂສມເດັດ ສີສຸມັງຄະລະປັນຍາ ມີສັດທາສ້າງກັບສິດຮຽນທັງຫຼາຍ ຊູຕົນ ແລະ ອອກຕົນມີທານເປັນເຄົ້າ ເທົ້າມາທ້າວຂຸນ ທັງນ້ອຍໜຸ່ມຍິງຊາຍເຖົ້າແກ່ພ້ອມກັນສ້າງແລ
ບັດນີ້ຈັກຈາຫາເຈົ້າສັດທາເມືອງ ແວ່ນ ມີ ເພຍ ສີບູລົມເປັນເຄົ້າເທົ້າມາ ທ້າວຂຸນທັງປວງ ແລ ພອງຫໍຂຸນກວານທຸກບ້ານ ແລ ທ້າວຂຸນທັງປວງ ພ້ອມກັນມີສັດທາແລ
ບັດນີ້ ຈັກເວົ້າ ສັດທາທາງ ເມືອງແສນມີທອງ ແສນສອງໝື່ນມີເຈົ້າຫົວພໍ່ແລ ສິດຮຽນຊູຕົນແລ ອອກຕົນ ມີອາດຍາ ເຮົາເປັນເຄົ້າ ທ້າວຂຸນທັງປວງແລ ເມືອງແສນ ມີ ອົງລີ ອົງຈິງ ແລ ທ້າວຂຸນນ້ອຍໜຸ່ມຍິງຊາຍ ພ້ອມກັນ ມີສັດທາແລ
ບ້ານຫ້ວຍແສນມີ ກວານເປັນເຄົ້າ ເທົ້າມາ ທ້າວຂຸນນ້ອຍໜຸ່ມຍິງຊາຍ ພ້ອມກັນມີສັດທາແລ
ແກ້ວອຸດທາແລ ທ້າວບານ ທ້າວປັນຍາ ພ້ອມກັນມີສັດທາທຸກຄົນ ແລະ ຖິດແກ້ວ ເປັນຜູ້ມີສັດທາໂຮມທອງ ແລ

ຖອດໂດຍ: ພຣະຄູຣ ລຳພັນ
ທ່ານ ສີດາ

04/10/2025

🪷ເພືອກະກຽມ ເຂົ້າຮ່ວມງານປະກວດເຮືອໄຟ🪷
7/10/2025ນີ້ ທີ່ຂົ້ວນ້ຳຊຳ ກຸ່ມອາສາຂອງເຮົາໄດ້ຮັບສະມາຊິກໃໝ່ ແລະໄດ້ສ້າງເຮືອໄຟເພືອລົງປະກວດ ຕອນນີ້ເຮືອຂ້ອງພວກເຮົາສ້າງໄດ້60-70%ແລ້ວ 🙏🏻ຂອບໃຈທຸກທ່ານທີ້ຮ່ວມອະນຸໂມທະນາບຸນນໍາ🙏🏻

02/10/2025

🙏🏻ຮັບສະມັກ ສະມາຊີກໃໝ່🙏🏻
ກຸ່ມອາສາສະມັກວັດອົງຕື້ ແຂວງຫົວພັນ
ສົນໃຈຕິດຕໍ່02091469696-02022574554
ຫຼືອິນບັອກມາທາງເຟສ
ບໍ່ຈໍາກັດ ເພດ ອາຍຸ ການສຶກສາ

01/10/2025

🪷ເຮືອໄຟກຸ່ມອາສາສະມັກວັດອົງຕື້ປີ2025🪷
#ຈັກສິຫຼອດບໍ່ຫຼອດ😅😅
🙏🏻ຂໍອະນຸໂມທະນາບຸນ ຮ່ວມສົບທົບທຶນສ້າງເຮືອໄຟ ກຸ່ມເດັກອາສາວັດອົງຕື້🙏🏻

01/08/2025

#13:00

ຂໍນິມົນ ພຣະສົງສາມະເນນ ເຈົ້າອະທິການວັດທຸກໆທົ່ວເມືອງຊຳເໜືອ, ບັນດາປະທານ ອພສ ເມືອງ, ພຣະສົງທຸກໆເມືອງ ທີ່ເດີນທາງສະດວກ ແລະ ຂໍຮຽນເຊີນຈະເລີນພອນອອກຕົນສັດທາຍາດໂຍມທັງຫຼາຍ ເຂົ້າຮ່ວມພິທີ ຖວາຍມຸທິຕາສາມີຈິກັມ ທຳຄອງວັດ ພຣະອາຈານ ປະທານ ອພສ ແຂວງຫົວພັນ ແລະ ພຣະອາຈານໃຫຍ່ ຄະນະທີ່ປຶກສາ ອພສ ແຂວງຫົວພັນ
ໃນເທດສະການພັນສາ ປະຈຳປີ ພຣະພຸດທະສັງກາດ 2568, ໃນເວລາ 13:00 ໂມງ, ຂອງວັນທີ 02 ສິງຫາ 2025,
#ທີ່: ພັດທະສິມມາ ວັດອົງຕື້ ສີບຸນເຮືອງ ໄຊຍາຣາມ ເມືອງຊຳເໜືອ ແຂວງຫົວພັນ

16/03/2025

🙏🏻15/3/2025🙏🏻
🪷ວັດບ້ານສະນອດ ເມືອງຊໍາເໜືອແຂວງຫົວພັນ🪷

11/03/2025

🙏🏻🪷KingKeo Seepanyar

#ຂ່າວບຸນໃຫຍ່
ວັດໂພທິວັນນາຣາມ
ບ້ານສະນອດ
ເມືອງຊຳເໜືອ
ແຂວງຫົວພັນ

29/01/2025

🙏🏻🪷

15/01/2025

🪷ມາຮູ້ຈັກກັບ ປ້າຍຂອງກຸ່ມອາສາວັດອົງຕື້( #ເດັກວັດ)🪷
ປັດຈຸບັນມີຊະມາຊິກຢູ່7ຄົນ
ວັນສ້າງຕັ້ງ ກຸ່ມອາສາວັດອົງຕື້ແມ່ນ ກົງກັບວັນຈັນ
ທີ່5ທັນວາປີ2022 ເວລາ18:32ນາທີ່ ຊື່ທຳອິດແມ່ນ ເດັກວັດ

14/12/2024