https://www.facebook.com/111057526227980/

قصص واذكار, Al Fintas (2026)

07/12/2025

في كوكب اليابان
يموت أكثر من 30 ألف مسن سنوياً
وحيدين في منازلهم وتظل جثثهم تتحلل
لشهور قبل أن يتم اكتشاف وفاتهم!!
حتى بات وفاة كبار السن وموتهم وحيدين بلا عائلة
أو أحد يسأل عنهم ظاهرة تسمى بكودوكوشي kodokushi
من القصص المحزنة
اوساكا ذو 91 سنة والذي يعاني من الشلل
ماتت زوجته التي كانت تعتني به
ثم مات هو جوعاً و تعفنت جثتيهما
ولم يكتشف موتهما إلا بعد اسابيع
اما ابنهما فقد رحل إلى مدينة يوكوهاما
منذ زمن طويل ولم يفكر حتى بالاتصال
بهم .. فضلا أن يحضر جنازتهما ..
فهل عرفت الان لماذا قطع الارحام من الكبائر
قال تعالى: فَهَلْ عَسَيْتُمْ إِن تَوَلَّيْتُمْ أَن تُفْسِدُوا فِي الْأَرْضِ وَتَقَطَّعُوا أَرْحَامَكُمْ * أُولَئِكَ الَّذِينَ لَعَنَهُمُ اللَّهُ فَأَصَمَّهُمْ وَأَعْمَىٰ أَبْصَارَهُمْ
فالحمد لله على نعمة الإسلام وكفى بها نعمة ☝️

04/12/2025

يفنى العباد ولا تفنى صنائعهم،
فاختر لنفسك ما يحلو به الأثرُ 💚

هنا تقريبًا بدأت الرحلة، والله وحده يعلم هتنتهي فين.

في قرية أم الحويطات، اللي بتبعد حوالي 30 كيلو عن سفاجا على البحر الأحمر.
الحياة بسيطة جدًا، ووالدي رحمه الله عليه كان عامل في مناجم الفوسفات.

سنة 1997 نزل السيل، وكان يوم كارثي،
هربنا على الجبال،
السيل دمّر البيت تقريبًا،
والناس كانت بتموت من لدغات العقارب والتعابين،
وأنا نفسي صابتني لدغة ثعبان، لكن ربنا سلّم.

ولأن الحال بسيط، راح والدي يشتري أرض في مدينة سفاجا علشان نبدأ من جديد،
بس سعر الطوب والبناء كان غالي جدًا هناك.

كنت في عمر 12 سنة تقريبًا، وأكبر إخواتي،
ومن اليوم ده فهمت إن الحياة صعبة، وإن لازم أشيل مع أبويا.

عرضت عليه إننا نشتري آلة صنع طوب بسيطة،
ونروح كل يوم في الأتوبيس الوحيد الساعة 6 الصبح من أم الحويطات لسفاجا
علشان نصنع الطوب في الأجازة الصيفية.

بعد حوالي سنتين، الحمد لله عملنا الطوب الكافي للدور الأول من البيت،
وبنينا البيت، وحولنا لسفاجا علشان أكمّل الثانوية العامة هناك.

كنت أشتغل في ورشة رخام في الأجازة،
ولما الورشة مكنتش تفتح كل يوم،
لقيت فرصة أحسن في ورشة البلاط،
واليومية كانت 5 جنيه.

في فترة الراحة في الورشة،
كان معايا كشكول كاتب فيه إني هدرس الدكتوراه من جامعة برلين في ألمانيا،
كانوا يضحكوا عليا لما أقول كده،
لكن الوحيد اللي كان مؤمن إني هعمل كده هو والدي رحمه الله عليه.

ولما سافرت فعلًا للدكتوراه في المملكة المتحدة، مش ألمانيا،
قولت له:
“ما سافرتش ألمانيا للدكتوراه زي ما كنت حابب.”
قال لي:
“يمكن ربنا عاوزك تروح هناك تدرّس لهم كدكتور، مش تدرس من عندهم كطالب.”

وسبحان الله
من أم الحويطات
إلى سفاجا
ثم دكتوراه وأبحاث في جامعة الملكة في بلفاست
ثم إلى جامعة كانتربري في إنجلترا الآن
والطريق لسه مكمل، والتحديات لسه موجودة، وربنا ألطف وأعلم باللي جاي.

الغرض من البوست مش الحكاية في حد ذاتها،
الغرض إنك، مهما كانت الحياة صعبة،
تحاول، وتعافر، وتشتغل على نفسك،
وتفتكر دايمًا إن ربك كريم، لا يضيع تعب ولا دمع ولا سعي
منقوله 👏

22/10/2025

واحد عنده مزرعة عنب و اثنين حرامية كل يوم ييجوا بالليل ومعاهم قفصين كبار ويملوها عنب و ييمشوا .
كل يوم الحرامية بييجوا يسرقوا عنب من نفس المزرعة بتاعت نفس الراجل
صاحب المزرعة كان عارف كدة بس بيكبر دماغه
و في يوم قرر انه مش هيفضل يتسرق العمر كله
" لازم آخد موقف "
نزل بالليل لما الحراميه وصلوا ومعاه عصايا و لكنه سمع واحد بيقول للتاني
" يا أخي إحنا بقالنا سنين طويلة بنيجي كل يوم نسرق نفس العنب من نفس الراجل .. لا إحنا إتغنينا .. ولا الراجل إفتقر !!!!!! "
ساعتها صاحب المزرعة خد بعضه ورجع ع البيت تاني وهو ناوي يسيبهم يسرقوا واعتبر ان العنب ده لوجه الله وعرف إن ربنا معوضه ومباركله في حاجات كتير بسبب الناس الطمعانة ويكفي إن هو أحسن منهم وهما محتاجين له
اللي جرب يدي و بس عمره ما هيفتقر
واللي جرب ياخد و بس عمره ماهيغتني
معادلة سهلة بس مين بيفهمها اعطى دائما وانتظر العوض من الله

30/09/2025

في عهد الطاغية نيرون إمبراطور روما أرسل سفينة محملة بالذهب إلي مصر لتأتي برمال لتفرش في ساحة حلبة المصارعة (كولوسيوم) التي تقام عليها ألعاب القتل مثل التقاتل بين العبيد،او التقاتل بين البشر والحيوانات المفترسة،

و بينما هذه السفن في البحر قامت الجماهير بثورة لأن روما كانت تمر بمجاعة كبيرة..حيث لم تكن هناك حبة قمح واحدة في البلاد و ثار الناس في الشوارع و حطموا المدينة.

حين وصلت السفن إلي مصر علم كبير الضباط المسئول عن القافلة بما حدث فسأل الحاكم الروماني لمصر عما يجب أن يفعله، هل يشتري بالمال قمحاً ليعود به لينقذ روما أم ينفذ ما أمر به قيصر نيرون و يعود بالرمال.

تعجب الحاكم من السؤال الذي لا يصح أن يصدر عن ضابط في مثل هذه المكانة الكبيرة. بالطبع عليه ان يعود لقيصر بأسرع ما يمكن محملاً بكل ما يمكنه من الرمال !

المرعب في الأمر أنه حين عاد بالرمال و بدأت الألعاب هدأ الشعب و إنتهت الثورة!!. حيث إنشغل الناس في الألعاب و نسوا ما يمرون به من مجاعة.

لازالت هذه الاستراتيجية تستخدم للسيطرة على الشعوب الغافلة الى يومنا هذا اعطي الشعوب كرة القدم و السينما والحفلات الغنائية ، و قدم بعض المنح و الوعود الفارغة ثم افعل ما شئت بهم ....

يقول الدكتور مصطفى محمود : ( أكبر إنجاز حققته انظمة الدول المتخلفة هو انها استطاعت إقناع شعوبها بأن التأهل لكأس العالم إنجاز كبير وإن انهيار التعليم والصحة شيء عادي) .

30/09/2025

.؟

27/12/2024

اسال الله العلي القدير أن تكون سنة خير ع المسلمين جميعا 🙏🤲

11/10/2024

🤍🤍

11/10/2024

‏يقول أحد الأخوة :
في طفولتي عندما كان يدخل موسم فاكهة المانجا،كان أبي يحضر منها كمية للبيت،وكنا نجلس حوله لنشاركه طعمها العذب،كنا نحب هذه الفاكهة كثيراً،فكان يعطينا اللبّ منها،ويقوم هو بأكل قشورها

كنت أراقب هذا التصرف الغريب منه دون أن أعلم السبب؟
سألته يوماً :لماذا يا أبتي؟؟
‏لماذا تأكل قشور المانجا يا أبي ؟!

نظر إلي بإبتسامة وقال :أكلها أنا حتى لا تأكلها أنت

لم أفهم معنى كلامه في وقتها،وبرّرت الأمر بأنها قد تكون عادة قديمة اكتسبها من أيامه التي عاشها في طفولته بين أحضان الفقر القاسي، وخصوصاً أن طعم قشور المانجا ليس سيئاً ولكن لا يقارن بما داخلها
‏المهم : مع الأيام نسيت أمر قشور المانجا، كما نسيت الكثير من الذكريات بين صفحات كتاب الزمن، إلى مدة قريبة عندما أهداني صديق لي فاكهة مانجا، جلبها لي كهدية من بلد بعيدة ..
كنت أمنّي نفسي بالإستمتاع بطعمها الذي ينافس شهد النحل طوال الطريق وأنا متجه الى بيتي، وبمجرد أن وصلت البيت بدأت في تقطيع تلك المانجا وهي تتفجر بين يدي بما تحتويه من لبّ ذهبي، وعصير ملكي !!
الحقيقة أني أحب تلك الفاكهة كثيراً !!
‏وقبل أن أضع أول قطعة منها في فمي، اقتربت إبنتي الصغيرة مني وقالت : أبي، أريد قطعة ؟
ابتسمت من طلبها واعطيتها الجزء الذي كان بيدي
وعلى الفور إقترب إبني يطلب مثل ما حصلت عليه اخته
ولحقتهما أختهما الثالثة تطلب حصتها تماماً كما حصَّل إخوانها .

كانت فرحتي بالنظر لهم وهم يمرغون وجوههم بقطع المانجا، والسعادة والفرح تشع من أعينهم كشمس الصباح الدافئة بعد ليلة شتاء قارص !
‏وفي لحظة وجدت نفسي أمام صحن خالي إلا من بعض قشور المانجا التي مازال عالقاً بها أجزاء صغيرة من فتات الفاكهة الأصلية ..

بدأت بالتهام قشور المانجا دون تفكير الى أن توقفت فجأة لأتذكر كلمات أبي رحمه الله !!

الآن فقط بعد كل تلك الأيام والسنوات اتضحت لي معنى كلماته وماذا كان يقصد بعبارته، وغصّت اللقمة في فمي وهطلت الدموع من عينيّ.
‏الآن فقط علمت أن سعادة أبي الحقيقية لم تكن يوماً في أكل قشور المانجا، وإنما كانت سعادته الحقيقية في رؤيتنا ونحن ناكل أفضل جزء منها أمامه .
كانت فرحته الغامرة وهو يشاهدنا ونحن نحصل على أفضل وأنقى وأجود ما كان يقدمه إلينا في لحظتها

وتساءلت حينها والدموع في عيني :
يا هل ترى، كم من مانجا قدمها لنا أبي واكتفى هو بمجرد قشورها ؟!
‏وأنا هنا لا أقصد تلك الفاكهة بذاتها، ولكن أقصد كل ما ترمز له في هذه الحياة !!
فالمانجا قد تكون ملبساً، أو بيتاً، أو فراش، أو نوماً مريحاً، أو تعليماً، وقد تكون أيضاً لمسة حنان على الكتف، أو قبلة على الوجه، أو مسح دمعة من على الخد !!

(( والله، مانجا الأهل لا حدود لها، ولا يمكن لأحد أن يقيِّم سعرها ))
‏- أنظر إلى من حولي لأجد أبناء لا يقدرون أهلهم حق القدر، ولا يوفون حقهم، وكأن وظيفة الأهل في هذه الحياة هي في اختلاق الذرائع التي من شأنها أن تكدر صفو حياتهم

- أرى أبناء قد تملكهم الغرور حتى حسبوا أنهم يفوقون أهلهم علماً وفكراً ومنطق

- أرى أبناء يقدسون كلمة الزوجة في مقابل دموع الأم أو الأب

- أرى أبناء يهجرون أهلهم في ديار رعاية بعيدة ويتركونهم لرحمة الغرباء
‏- أرى أبناء قد يقاطعون أهلهم سنيناً طويلة

- أرى أبناء يتمنون زوال أهلهم من هذه الدنيا عاجلاً ليس آجل من أجل أن يرثونهم

- أرى كل ذلك وفي نفسي لو كان الأمر بيدي، لدفعت عمري كله ثمناً حتى يعود بي الزمن لأجلس مع أبي يوماً واحداً أسبقه حينما يحضر فاكهة المانجا، لالتهم قشورها بدلاً عنه ليتبقى له فقط أفضل ما فيها .
‏حتى اذا سألني لماذا أحب أكل قشور المانجا ؟
فأقول له :
( أكلها أنا حتى لا تأكلها أنت )

إهداء الى كل من مازال أباه على قيد الحياة، عسى أن تجد الى قلبه دليلاً

اللهم اغفر وارحم آبائنا وأمهاتنا واجعلهم من أهل الفردوس الأعلى برحمتك يا أرحم الراحمين

27/06/2023

‏لبيك وان قست القلوب
لبيك وان فاضت الذنوب
لبيك ربى ولم اكن فى صفوفهم مصليا
لبيك ربى وان لم اكن بين الحجاج ساعيا
لبيك ربى وان لم أكن بين الزحام ملبيا
لبيك اللهم عفوا وعافية ❤😢

21/05/2023

للعظة والعبرة
اقرؤها مهمه جدا

لما شوفت الصورة المرعبة دي من شوية، افتكرت
القصة اللي دار أحداثها في 2017 تقريبا :

كنت بخالي في معهد الأورام في القاهرة
كان عنده سرطان الدم و كان بيتعالج هناك ...الله يرحمه بقي ما قعدش 15 يوم

المهم كان فيه في الاوضة أربع سراير بينهم فواصل عبارة عن ستائر كدا

و أنا كنت مقيم مع خالي مرافق ليه ...

المهم كان جنبنا سرير كدا فيه واحد صعيدي مريض سرطان الرئة.... الراجل دا باليل ما كناش بنعرف نغفل لحظة من بكاه
وكل ما ينام شوية يقوم من النوم يصرخ مفزوع ...

أنا كل دا طبعاً عارف إن دا من الكيماوي و الألم بتاعه
لحد ما قام مفزوع في ليلة و دخلت من الستارة أطمن عليه وأجبله حاجة دافئة يشربها و قعدت أطمن فيه وأقوله معلش ألم الكيماوي صعب بس دا إختبار من ربنا وقريب هتخف وكدا يعني ....
فالراجل ضحكلي ضحكة غريبة كدا وقالي ألم الكيماوى ..!
هو إنت فاكرني يا إبني بعيط من ألم الكيماوي.. الألم اللي جوايا يا إبني مفيش جبل يتحمله ... وعمال يبكي
طب قولي مالك ...إحكيلي يا عم أحمد ...فيه إيه ..عاوز إيه أعملهولك .....
المهم قالي خلاص العمل عمل ربك بقى.....
ولقيته بيقول هو ممكن ربنا يخليه يسامحني ....
هو مين يا عم أحمد ....قال واحد ظلمته ...ظلمته جامد ..ما رحمتوش ولا رحمت عياله ....ما صعبش علي منظره و هو بيبكي و يقولي مستنيك قدام ربنا ....قلبي ما رقش لتلات ولاد وبنتين وأمهم وهو ماشي بيهم بعد ما سرقت شقاه.... والراجل حرفيا الدموع غرقت الملاية...
إحكيلي يا عم أحمد
قال الطمع ...أيوة الطمع وموت القلب ...الراجل كان شريكي في تجارة كبيرة وليه معايا نصها و من طيبته سابلي كل حاجة أديرها ، وعلشان أنا كان علي مخ إبليس طلعته من التجارة مالوش مليم احمر ومديون كمان... والناس كانت عارفة إني ظالمه بس انا كنت مرتب ورقي كويس قوي ...وقعدات و جري ومحاكم وما طالش مني ولا مليم
و أنا كل مدى كل ما قلبي بيموت وبيجمد وأقول عيالي أولى وخلاص لما غلب منى باع بيته وطلع من البلد
ويوم ما طلع عدى علي في الوكالة وقدام الناس قالي أنا ماشي بس مستنيك قدام ربنا ...
ولا هز كلامه فيا شعرة
و مشي ...
وأنا الدنيا إحلوت معايا بشكل ...
لدرجة إني صدقت إن دا مالي وحلالي وحجيت كام مرة و عملت كام عمرة وبقت الفلوس معايا مش عارف عددها
كبرت العيال وإتعلمت ومنهم اللي مسك معايا التجارة
وعربيات ودنيا وأول ما تعبت رموني في البيت زي الكلب
وكل حاجة تبعهم ...
ولما حسيت إن التعب بيزيد قولتلهم فيه واحد ليه عندي دين وعاوز أسدده
قالولي يوم القيامة إبقى قابله وسدده والراجل بيعيط بحرقة ....
قال إفتكرت كلمة الراجل لما قالي مستنيك قدام ربنا
وسألت وعرفت عيال الراجل وإنهم ما شاء الله بقوا في دنيا تانية وأبوهم مات من فترة ولما طلبت يسامحوني ...
قالولي والله لو دخول الجنة واقف علي حسنة مننا ما هتاخدها
وعيالي لما لقوني تعبتهم
رموني في المستشفي
وبقوا يبعتولي أي حاجة مع سواق ولا حاجة ولا حد منهم دور عليا
وفعلا ما كانش حد بيجيله إلا واحد إسمه محسن سواق في الوكالة .....

قالي كل ما أغمض عيني أشوفه قدامي بيقولي خلاص ما بقاش إلا القليل وحقي هاخده
كل ما أغمض عيني أشوفه قدامي ...عذاب يا ابني ...عذاااب يا بني ربنا ما يكتبه عليك ....و تقولي ألم الكيماوي
والراجل صوت عياطه لم الناس علينا .......
بس أصعب جملة الراجل دا قالها والله قشعرت منها ...لما قال أنا بقالي شهر كل ما انام أشوف مكاني في جهنم ..!
ومات خالي وفي يوم روحت بعد موت خالي أسال عليه قالولي مات لوحده ما كانش حد معاه .

المرعب فى القصه ان الظالم ظل عمره كله فى نعيم وتوفيق وصحه ومكسب ونجاح دنيوى ومال وفير وأولاد
ودا يخدع ناس كتير انهم على حق

قيل فى الأثر ((إن الله إذا غضب على عبد، رزَقه من حرام, وإذا اشتدَّ غضبُه عليه، بارك له فيه))

اللهم اكفنا بحلالك عن حرامك واغننى بفضل عمن سواك
اللَّهِ اللَّهمَّ إنَّا نعوذُ بكَ من أن نزلَّ أو نضلَّ أو نظلمَ أو نظلمَ أو نجهلَ أو يجهلَ عَلينا

اللهم احسن خاتمتنا
وعند الله تجتمع الخصوم

16/05/2023

أرزاق..

الناس بتشيل فلوسها في الدهب وأنا والله كان معايا عشرين جنيه دهب وبعتهم من 11 سنة لما كان الجنيه بألفين جنيه.. شوف النهارده الجنيه داخل له على عشرين ألف..

أرزاق..

أنا وصلت 35 ولسه ما اتجوزتش وهي اتطلقت من هنا واتجوزت واحد شغال في الخليج وجاب لها عربية وشقة باسمها..

أرزاق..

أنا قفلت الشركة وبادور على شغل وهو فتح شغل في السعودية لما جاله مستثمر سعودي واداله 5 مليون..

أرزاق..

صاحبي قال لنا على الشغل في نفس اليوم.. أنا كنت ساعتها مركز في مشروع فما رحتش وهو راح واتقبل.. تشوفه دلوقتي وهو ماسك الشغل في الشركة وبيقبض بالدولار وانا شغال على العربية أوبر..

أرزاق..

لما نقول أرزاق ناخد بالنا بنقولها ازاي.. عشان هي ينفع تتقال بطريقتين.. طريقة نسقط بيها من عين ربنا.. وطريقة نكسب بيها رضا ربنا..

سبحانه وتعالى بيقول "وجعلنا بعضكم لبعض فتنة أتصبرون"..

في التفسير ما معناه:
جعل الغني اختبار للفقير..
وجعل المنعَم عليه اختبار للمبتلَى..
هل هيرضى بقضاء الله ويصبر على الابتلاء
واللا يسخط على اللي هو فيه ويحقد على المنعَم عليه؟!

وفي الوقت نفسه:
جعل الفقير اختبار للغني..
وجعل المبتلَى اختبار للمنعم عليه..
هل هيشعر بنعمة الله ويشكر عليها ويشفق على المبتلى
واللا هيعتقد انه مرضي عنه والآخر مغضوب عليه ويشعر بالاستحقاق وينسى شكر الله؟!

دايما قول "أرزاق" لما تشوف تفاوت الرزق واختلاف الناس.. بس اوعى تقولها اعتراض أو تريقة أو حزن على نصيب..

قول أرزاق وانت تقصد بيها: سبحانك يا مقسم الأرزاق.. جل جلالك وسمت حكمتك.. يا لطيف يا خبير.. يا أكرم الأكرمين.. لك الحمد على تدبيرك.. اكفنا بحلالك عن حرامك.. وأغننا بفضلك عمن سواك..

20/04/2023

وداعاً ايها الشهر الحبيب 💔

قصص واذكار

07/12/2025

04/12/2025

22/10/2025

30/09/2025

30/09/2025

27/12/2024

11/10/2024

11/10/2024

27/06/2023

21/05/2023

16/05/2023

20/04/2023

Address

Website

Alerts

Contact The Place Of Worship

Shortcuts

Share

Category