Touch Changwon Christian Church -TCCC

18/04/2022

Pagkaing Espirituwal ngayong Lunes
Abril 18, 2022
Pamagat: Pinagmamalasakitan

Kasama natin ang Panginoong Makapangyarihan. -Salmo 46:11

Basahin: Salmo 46
Ang Salita ng Dios (Tagalog Contemporary Bible)

1 Ang Dios ang ating kanlungan at kalakasan.
Siyaʼy laging nakahandang sumaklolo sa oras ng kagipitan.
2 Kaya huwag tayong matatakot kahit lumindol man,
at gumuho ang mga bundok at bumagsak sa karagatan.
3 Humampas man at umugong ang mga alon na naglalakihan,
at mayanig ang kabundukan.

4 May ilog na nagbibigay ng kagalakan sa bayan ng Dios,
sa banal na tahanan ng Kataas-taasang Dios.
5 Ang Dios ay nakatira sa lungsod na ito kaya hindi ito magigiba.
Itoʼy kanyang ipagtatanggol sa kinaumagahan.
6 Nagkakagulo ang mga bansa; bumabagsak ang mga kaharian.
Sa sigaw ng Dios, ang mga tao sa mundo ay parang matutunaw sa takot.
7 Kasama natin ang Panginoon ng hukbo ng kalangitan.
Ang Dios ni Jacob ang ating kanlungan.

8 Halika, tingnan mo ang mga kahanga-hangang bagay na ginagawa ng Panginoon sa mundo.
9 Kanyang pinatitigil ang mga digmaan sa lahat ng sulok ng mundo.
Binabali niya ang mga sibat, pinuputol ang mga pana, at sinusunog ang mga kalasag.
10 Sinasabi niya,
“Tumigil kayo at kilalanin ninyo na ako ang Dios.
Akoʼy pararangalan sa mga bansa.
Akoʼy papupurihan sa buong mundo.”

11 Kasama natin ang Panginoong Makapangyarihan.
Ang Dios ni Jacob ang ating kanlungan.

Ang Salita ng Dios (Tagalog Contemporary Bible)
Copyright © 2009, 2011, 2014, 2015 by Biblica, Inc. ®
Used by permission of Biblica, Inc.® All rights reserved worldwide.

Si Debbie ay nagmamay-ari ng isang negosyo na naglilinis ng mga bahay. Minsan, habang naghahanap siya ng mga bagong kliyente, nakausap niya sa telepono ang isang babae. Sinabi nito na hindi niya kayang bayaran ang serbisyo nila Debbie dahil kasalukuyan siyang nagpapagamot sa sakit na kanser. Dahil doon, pinasimulan ni Debbie ang isang organisasyon kung saan tumanggap sila ng mga donasyon sa iba’t ibang kumpanya para maserbisyuhan nang libre ang mga may sakit na kanser. Sinabi ng isang babae pagkatapos linisin ang kanyang bahay, “Sa unang pagkakataon, naniniwala ako na malalabanan ko ang aking kanser.”

Kung mayroon tayong pinagdaraanang pagsubok sa buhay, malaki ang naitutulong sa atin ng pagpapakita ng suporta at malasakit ng ibang tao. Higit na nagpapatatag sa ating loob at nagbibigay sa atin ng pag-asa ang malaman na kasama natin ang Dios at lubos Siyang nagmamalasakit sa atin. Ipinapaalala sa atin sa Salmo 46 na, “Ang Dios ang ating kanlungan at kalakasan.

Siya’y laging nakahandang sumaklolo sa oras ng kagipitan” Sinabi rin ng Dios, “Tumigil kayo at kilalanin ninyo na Ako ang Dios...Ako’y papupurihan sa buong mundo. Kasama natin ang Panginoong Makapangyarihan” (TAL. 1, 10, 11).

Magiging matatag ang ating loob at mapupuno ng pag-asa ang ating mga puso sa mga panahong dumaranas tayo ng mga pagsubok kung lagi nating aalalahanin ang mga pangako ng Dios at ang katotohanang lagi Niya tayong sasamahan.

- Anne Cetas

Salamat po Panginoon sa Inyong pagkilos at mga pangako. Nawa’y lagi akong magtiwala sa Inyo at sa Inyong kapangyarihan.

React, Share, and post your reflections.
Follow us on Twitter: twitter.com/odbpilipinas
and on Instagram: instagram.com/ourdailybreadpilipinas
Visit filipino-odb.org
to learn more about Our Daily Bread Ministries and our resources
Copyright © 2022 Our Daily Bread Ministries, All rights reserved.
Disclaimer: Please note that internet browsers and online platforms may have built-in translation features that may inadvertently change the meaning and overall thought of our content.

20/03/2022

Pagkaing Espirituwal Ngayong Lunes
Marso 21, 2022
Pamagat: Si Chirpy

Dinadalhan siya ng mga uwak ng tinapay at karne tuwing umaga at gabi, at sa ilog siya umiinom. -1 Mga Hari 17:6

Basahin: 1 Mga Hari 17:2-6
Ang Salita ng Dios (Tagalog Contemporary Bible)

2 Pagkatapos, sinabi ng Panginoon kay Elias,
3 “Umalis ka rito, tuntunin mo ang daan pasilangan at magtago ka sa daluyan ng tubig Kerit, sa bandang silangan ng Jordan.
4 Sa ilog ka uminom, at uutusan ko ang mga uwak na magdala sa iyo ng pagkain doon.”
5 Sinunod ni Elias ang utos ng Panginoon sa kanya. Pumunta siya sa daluyan ng tubig sa Kerit, sa bandang silangan ng Jordan at doon nanirahan.
6 Dinadalhan siya ng mga uwak ng tinapay at karne tuwing umaga at gabi, at sa ilog siya umiinom.

Ang Salita ng Dios (Tagalog Contemporary Bible)
Copyright © 2009, 2011, 2014, 2015 by Biblica, Inc. ®
Used by permission of Biblica, Inc.® All rights reserved worldwide.

Sa loob ng 12 taon, araw-araw na dinalaw ng ibong si Chirpy ang taong tumulong sa nabali niyang paa. Sinuyo ni John si Chirpy ng biskwit pang-aso at kalaunan ay napagaling niya ito. Kahit Marso hanggang Setyembre lang nasa Instow Beach sa Devon, England si Chirpy, madali lang nahahanap nila ni John Sumner ang isa’t isa. Diretsong lumilipad si Chirpy kay John pagdating nito sa baybayin arawaraw kahit wala na itong nilalapitang iba. Sigurad**g kakaiba ang pagkakaibigang ito!

Naalala ko ang isa pang hindi pangkaraniwan na pagkakaibigan ng ibon at tao. Noong panahon ng taggutom, ipinadala ng Dios ang isa sa Kanyang mga propeta na si Elias upang “magtago…sa daluyan ng tubig Kerit.” Sinabi ng Dios na uminom siya sa ilog at magpapadala siya ng mga uwak bitbit ang kanyang pagkain (1 MGA HARI 17:3-4).

Paano ibinigay ng Dios ang iyong mga pangangailangan sa kakaibang paraan?
Sa kabila ng mahirap na kinalalagyan ay naibigay pa rin ang pagkain at inumin na kailangan ni Elijah. Kakaibang tagapagbigay ng pagkain ang mga uwak dahil sila mismo ay kumakain ng mga hindi kaaya-ayang bagay. Ngunit nagdala sila ng masustansiyang pagkain kay Elijah.

Hindi kapanipanibago kung ang tao ang siyang tumutulong sa ibon. Ngunit kung ibon ang siyang nagbibigay ng “tinapay at karne tuwing umaga at gabi,” ito ay dahil lamang sa kapangyarihan at pangangalaga ng Dios (B. 6). Gaya ni Elijah, maaari din tayong magtiwala na ibibigay ng Dios ang ating pangangailangan.

Paano ibinigay ng Dios ang iyong mga pangangailangan sa kakaibang paraan? Paano nito napalalim ang pagtitiwala mo sa Kanya?

- Kirsten Holmberg

Mapagmahal na Dios, tulungan mo akong magtiwala na Inyong pupunuan ang lahat ng aking pangangailangan kahit gaano man kahirap ang aking kalagayan.

React, Share, and post your reflections.
Follow us on Twitter: twitter.com/odbpilipinas
and on Instagram: instagram.com/ourdailybreadpilipinas
Visit filipino-odb.org
to learn more about Our Daily Bread Ministries and our resources
Copyright © 2021 Our Daily Bread Ministries, All rights reserved.
Disclaimer: Please note that internet browsers and online platforms may have built-in translation features that may inadvertently change the meaning and overall thought of our content.

12/02/2022

05/02/2022

Pagkaing Espirituwal ngayong Sabado.
Pebrero 5, 2022
Pamagat: Manatili Sa Tamang Daan

Ang Banal na Espiritu na tinanggap ninyo kay Cristo ay nananatili sa inyo, kaya hindi na kailangang turuan pa kayo ng iba…At ang mga itinuturo niya ay katotohanan at hindi kasinungalingan. -1 Juan 2:27

Basahin: 1 Juan 2:18–27
Ang Salita ng Dios (Tagalog Contemporary Bible)

18 Mga anak, malapit na ang mga huling araw, at tulad ng narinig ninyo, malapit na ang pagdating ng anti-Cristo. Ngayon pa lang ay marami nang anti-Cristo, kaya alam nating malapit na ang mga huling araw.
19 Kahit naging kasama natin sila noong una, hindi sila tunay na kabilang sa atin. Sapagkat kung tunay na kabilang sila, nanatili sana sila sa atin. Ngunit ang pagtiwalag nilaʼy nagpapakita na hindi talaga sila kabilang sa atin.

20 Ngunit ipinagkaloob sa inyo ang Banal na Espiritu, kaya alam ninyong lahat ang katotohanan. 21 Sumusulat ako sa inyo, hindi dahil sa hindi ninyo alam ang katotohanan kundi dahil sa alam nʼyo na, at alam din ninyo na walang kasinungalingan na maaaring magmula sa katotohanan.
22 At sino ba ang sinungaling? Ang taong nagsasabing hindi si Jesus ang Cristo. Siya ang anti-Cristo. Ayaw niyang kilalanin ang Ama at ang Anak.
23 Ang taong hindi kumikilala sa Anak, hindi sumasakanya ang Ama. Ngunit ang taong kumikilala sa Anak, sumasakanya ang Ama.

24 Huwag ninyong kalimutan ang mga natutunan ninyo mula pa noong una, upang patuloy kayong mamuhay nang may pagkakaisa sa Anak at sa Ama.
25 Sa ganoon, mapapasainyo ang ipinangako ni Cristo: ang buhay na walang hanggan.

26 Isinusulat ko sa inyo ang tungkol sa mga taong nanlilinlang sa inyo.
27 Kung tungkol naman sa inyo, ang Banal na Espiritu na tinanggap ninyo kay Cristo ay nananatili sa inyo, kaya hindi na kailangang turuan pa kayo ng iba. Sapagkat ang Banal na Espiritu ang magtuturo sa inyo sa lahat ng bagay. At ang mga itinuturo niya ay katotohanan at hindi kasinungalingan. At gaya ng itinuro niya sa inyo, manatili kayo kay Cristo.

Ang Salita ng Dios (Tagalog Contemporary Bible)
Copyright © 2009, 2011, 2014, 2015 by Biblica, Inc. ®
Used by permission of Biblica, Inc.® All rights reserved worldwide.

Iniaalay ni David Brown sa Dios ang kanyang pagkapanalo at parangal na pinakamabilis tumakbo na bulag sa buong mundo. Pinapasalamatan din niya ang gabay niya sa pagtakbo na si Jerome Avery.

Sinabi ni Brown na ang sekreto sa kanyang pagkapanalo ay ang pakikinig sa bawat paggabay ni Avery sa kanya. Nakikinig at nagsasanay si Brown kasama si Avery upang malampasan ang bawat kurbada sa kanilang pagtakbo. Hindi lang mga salita mula kay Avery ang naging gabay ni Brown maging ang pag-akay nito sa kanya ng katawan patungo sa tamang daan.

Mayroon din naman tayong gabay sa pagtahak ng buhay dito sa mundo – ito ang Banal na Espiritu. Sa sandaling magtitiwala ang isang tao sa Panginoong Jesus, mananahan ang Banal na Espiritu sa kanya at magiging gabay kung paano tayo mamumuhay dito sa mundo. Sinabi naman ni Apostol Juan, “Isinusulat ko sa inyo ang tungkol sa mga taong nanlilinlang sa inyo…ang Banal na Espiritu na tinanggap ninyo kay Cristo ay nananatili sa inyo, kaya hindi na kailangang turuan pa kayo ng iba. Sapagkat ang Banal na Espiritu ang magtuturo sa inyo sa lahat ng bagay. At ang mga itinuturo niya ay katotohanan at hindi kasinungalingan” (1 JUAN 2:26-27).

Ipinahayag ito Juan upang bigyang babala tayo sa anti-Cristo na itinatanggi na si Jesus ang Dios na nagkatawang-tao para iligtas ang lahat (T. 22). Marami rin tayong makakaharap na mga hindi naniniwala sa Dios. Gayon pa man, gagabayan tayo ng Banal na Espiritu. Mapagkakatiwalaan ang Kanyang paggabay upang manatili tayo sa tamang daan patungo kay Jesus.

-Patricia Raybon

Panginoon, tulungan N’yo po nawa kami na maiayon sa gabay ng Banal na Espiritu ang ninanais ng aming puso.

React, Share, and post your reflections.
Follow us on Twitter: twitter.com/odbpilipinas
and on Instagram: instagram.com/ourdailybreadpilipinas
Visit filipino-odb.org to learn more about Our Daily Bread Ministries and our resources
Copyright © 2021 Our Daily Bread Ministries, All rights reserved.
Disclaimer: Please note that internet browsers and online platforms may have built-in translation features that may inadvertently change the meaning and overall thought of our content.

11/01/2022

Pagkaing Espirituwal ngayong Miyerkules.
Enero 12, 2022
Pamagat: Walang Maitatago

Aawitan ko ang aking Dios ng mga papuri habang ako’y nabubuhay. -Salmo 146:2

Basahin: Salmo 146
Ang Salita ng Dios (Tagalog Contemporary Bible)

1 Purihin ang Panginoon!
Karapat-dapat na purihin ang Panginoon.
2 Buong buhay akong magpupuri sa Panginoon.
Aawitan ko ang aking Dios ng mga papuri habang akoʼy nabubuhay.

3 Huwag kayong magtiwala sa mga makapangyarihang tao o kaninuman,
dahil silaʼy hindi makapagliligtas.
4 Kapag silaʼy namatay, babalik sila sa lupa,
at ang kanilang mga binabalak ay mawawalang lahat.
5 Mapalad ang tao na ang tulong ay nagmumula sa Dios ni Jacob,
na ang kanyang pag-asa ay sa Panginoon na kanyang Dios,
6 na siyang gumawa ng langit at lupa, ng dagat at ang lahat ng narito.
Mananatiling tapat ang Panginoon magpakailanman.
7 Binibigyan niya ng katarungan ang mga inaapi,
at binibigyan ng pagkain ang mga nagugutom.
Pinalalaya ng Panginoon ang mga bilanggo.
8 Pinagagaling niya ang mga bulag para makakita,
pinalalakas ang mga nanghihina,
at ang mga matuwid ay minamahal niya.
9 Iniingatan niya ang mga dayuhan,
tinutulungan ang mga ulila at mga biyuda,
ngunit hinahadlangan niya ang mga kagustuhan ng masasama.

10 Mga taga-Zion, ang Panginoon na inyong Dios ay maghahari magpakailanman.

Purihin ang Panginoon!

Ang Salita ng Dios (Tagalog Contemporary Bible)
Copyright © 2009, 2011, 2014, 2015 by Biblica, Inc. ®
Used by permission of Biblica, Inc.® All rights reserved worldwide.

Isinalarawan ni Wallace Stegner sa isang sulat ang pagiging mabuting tao ng kanyang namayapang ina. Gayundin ang pagbibigay ng lakas ng loob kanyang ina sa iba. Naalala pa ni Wallace ang lakas sa tinig ng kanyang ina. Hindi rin nakakalimot at laging nakakahanap ng pagkakataon ang kanyang ina na kumanta ng papuri para sa mga biyayang ipinagkakaloob sa kanya ng Dios. Maliit man o malaki ito.

Lagi rin namang naghahanap ng pagkakataon na umawit ng papuri sa Dios ang sumulat ng Salmo 146 sa Lumang Tipan ng Biblia. Kumakanta siya sa tuwing masaya o kahit malungkot. Ang pagkanta ng papuri na bukal sa puso ay likas na tugon sa Dios na “Siyang gumawa ng langit at lupa (SALMO 146:6). Umaawit tayo nang may pagpapasalamat dahil “binibigyan [Niya] ng pagkain ang mga nagugutom” (TAL. 7) at “pinagagaling ang mga bulag para makakita” (TAL. 8).

Gayundin naman, “tinutulungan [ng Dios] ang mga ulila at mga biyuda” (TAL. 9). Magandang maging bahagi ng ating pamumuhay ang mga awit na nagpapalakas ng loob sa atin. Ilagak natin ang ating pagtitiwala sa “Dios ni Jacob” na siyang “mananatiling tapat magpakailanman” (TAL. 5-6).

Hindi naman batayan ang ganda ng boses sa pag-awit para makapagpuri sa Dios. Sa halip, kung isinasapamuhay natin ng taos-puso ang pagpaparangal at pagpupuri sa ating Dios, tunay na nagagalak ang Dios.
-John Blase

Aming Dios na Siyang lumikha ng langit at lupa, nagagagalak po ako sa Inyong pag-iingat at kagandahang-loob sa akin. Maging awit nawa ng pagpupuri para sa Inyo ang aking buhay.

React, Share, and post your reflections.
Follow us on Twitter: twitter.com/odbpilipinas
and on Instagram: instagram.com/ourdailybreadpilipinas
Visit filipino-odb.org to learn more about Our Daily Bread Ministries and our resources
Copyright © 2021 Our Daily Bread Ministries, All rights reserved.
Disclaimer: Please note that internet browsers and online platforms may have built-in translation features that may inadvertently change the meaning and overall thought of our content.

05/01/2022

Blessed Morning!!

21/11/2021

https://m.facebook.com/story.php?story_fbid=1584256261934570&id=100033329626258

19/11/2021

TGIF!!

03/10/2021

Mapagpalang Gabi mga Kapatid!!

28/12/2020

BLESSED MONDAY!!