26/05/2026
វត្តប្រជុំនទី(ក្រពើហា) មានកិត្តិយស សូមថ្វាយ ប្រគេន និងជម្រាបជូន សម្តេច ព្រះរាជាគណៈ ព្រះមន្ត្រីសង្ឃ ព្រះថេរានុត្ថេរៈគ្រប់ព្រះអង្គ សម្តេច ឯកឧត្តម លោកអ្នកឧកញ៉ា អ្នកឧកញ៉ា ឧកញ៉ា លោកជំទាវ លោក លោកស្រី និងពុទ្ធបរិស័ទគ្រប់មជ្ឈដ្ឋាន ព្រះរាជមេត្តា ព្រះមេត្តា និងមេត្តាជ្រាបថាៈ
ថ្មីៗនេះ មានជនក្លែងបន្លំបានបង្កើត អាខោនហ្វេកប៊ុក ដោយដាក់ឈ្មោះ និងរូបភាពរបស់ ព្រះសិរីវិសុទ្ធិ វ័ន្ត វណ្ណោ ព្រះចៅអធិការវត្តប្រជុំនទី(ក្រពើហា) ហើយឆាតទៅអ្នកស្គាល់រាប់អានជាមួយព្រះសិរីវិសុទ្ធិ ក្នុងន័យបង្ខូចកិត្តិយស និងសេចក្តីថ្លៃថ្នូររបស់ ព្រះសិរីវិសុទ្ធិ ព្រះចៅអធិការវត្តប្រជុំនទី(ក្រពើហា)។
វត្តប្រជុំនទី(ក្រពើហា) សូមថ្វាយ ប្រគេន និងជូនជ្រាប និងសូមឲ្យអ្នកដែលបង្កើតហ្វេកប៊ុកក្លែងបន្លំនេះបញ្ឈប់ជាបន្ទាន់ និងលុបហ្វេកប៊ុកអាខោននេះចេញពីបណ្តាញសង្គមបើពុំដូច្នោះទេ គណៈគ្រប់គ្រងវត្តនិងមានវិធានការទៅតាមផ្លូវច្បាប់។
អាស្រ័យហេតុ សូម សម្តេច ព្រះរាជាគណៈ ព្រះមន្ត្រីសង្ឃ ព្រះថេរានុត្ថេរៈគ្រប់ព្រះអង្គ សម្តេច ឯកឧត្តម លោកអ្នកឧកញ៉ា អ្នកឧកញ៉ា ឧកញ៉ា លោកជំទាវ លោក លោកស្រី និងពុទ្ធបរិស័ទគ្រប់មជ្ឈដ្ឋាន ព្រះរាជមេត្តា ព្រះមេត្តា និងមេត្តាជ្រាបជាព័ត៌មាន និងសូមកុំមានការយល់ច្រលំ និងចាញ់បោកឡើយ។
សូមអរព្រះរាជគុណ អរព្រះគុណ និងអរគុណ៕
