វត្តបទុមស្រះឈូក ភ្នំលៀប-Wat Botum Srahchhuk Phnom Leab

31/07/2026

20/07/2026

ភិក្ខុ អគ្គបណ្ឌិតោ ឈឿង សិរី បានដឹកនាំអាចារ្យ គណៈកម្មការវត្ត ចូលរួមប្រជុំស្តីពីបច្ចុប្បន្នភាព តួនាទី ភារកិច្ចអាចារ្យ គណៈកម្មការទូទាំងស្រុកព្រះនេត្រព្រះ។

សមាសភាពចូលរួម៖
- មន្ត្រីមន្ទីរធម្មការ និងសាសនាខេត្តបន្ទាយមានជ័យ
- មន្រ្តីសាលាស្រុកព្រះនេត្រព្រះ
- មន្រ្តីសាលាអនុគណស្រុកព្រះនេត្រព្រះ
- ព្រះចៅអធិការវត្តគ្រប់បណ្តាវត្តក្នុងស្រុក
- អាចារ្យ គណៈកម្មការវត្តទូទាំងស្រុក

រសៀលថ្ងៃចន្ទ ៦កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០
ត្រូវនឹងថ្ងៃទី២០ ខែកក្កដា ឆ្នាំ២០២៦។

14/07/2026

កិច្ចប្រជុំអាចារ្យ គណៈកម្មការវត្ត ស្តីពីវឌ្ឍនភាពអារាមស្រះឈូក
១-ចួបជុំ អាចារ្យ គណៈកម្មការវត្ត
២-បទនមស្ការសង្ខេប
៣-បើកអង្គប្រជុំ
៤-ចំណូល-ចំណាយ ឆមាស ឆ្នាំ២០២៦
៥-ការរៀបចំអាចារ្យ គណៈកម្មការ (រចនាសម្ពន្ធ តួនាទី ភារកិច្ច)
៦-ការកសាង និងការទ្រទ្រង់ព្រះសង្ឃ
៧-វិស័យពុទ្ធិកសិក្សា (បញ្ហាប្រឈម និងដំណោះស្រាយ)
៨-ទិសដៅអនុវត្ត និងអភិវឌ្ឍបន្ត
៩-ផ្សេងៗ
១០- ផ្សាយមេត្តា បិទកិច្ចប្រជុំ

ថ្ងៃអង្គារ ១៥រោច ខែបឋមសាឍ ឆ្នាំមមី អដ្ឋស័ក ព.ស.២៥៧០
ត្រូវនឹងថ្ងៃទី១៤ ខែកក្កដា ឆ្នាំ២០២៦។

09/07/2026

ភិក្ខុអគ្គបណ្ឌិតោ ឈឿង សិរី ព្រះចៅអធិការវត្ត ចូលរួមរំលែកទុក្ខជាមួយលោកជំទាវ មហាឧបាសិកាពុទ្ធសាសនូបត្ថម្ភ ឆន វណ្ណាត និងក្រុមគ្រួសារ ដែលមហាឧបាសិកាពុទ្ធសាសនូបត្ថម្ភ នង ចែ ត្រូវជាម្តាយបង្កើត បានទទួលមរណភាពកាលពីថ្ងៃអង្គារ ៨រោច ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៧ ខែកក្កដា ឆ្នាំ២០២៦ វេលាម៉ោង ១៥:៤០ នាទីរសៀល ក្នុងជន្មាយុ ៩៧ឆ្នាំ ដោយជរាពាធ នៅសង្កាត់គោកចក ក្រុង/ខេត្តសៀមរាប។

🗓️🗓️ថ្ងៃព្រហស្បតិ៍ ១០រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ២៥៧០
ត្រូវនិងថ្ងៃទី៩ ខែកក្កដា ឆ្នាំ២០២៦

08/07/2026

ភិក្ខុអគ្គបណ្ឌិតោ ឈឿង សិរី ព្រះចៅអធិការវត្ត បានអមដំណើរព្រះសុទត្តមុនី អ៊ុច សារិទ្ធ ព្រះរាជាគណៈកិត្តិយស ព្រះគ្រូអនុគណស្រុកព្រះនេត្រព្រះ និងព្រះមន្ត្រីសង្ឃ ចូលរួមរំលែកទុក្ខជាមួយ លោក កែវ ប៊ុនយឿន ប្រធានក្រុមប្រឹក្សាស្រុកព្រះនេត្រព្រះ ដែលលោក កែវ វុទ្ធឹង ត្រូវជាប្អូនបង្កើត បានទទួលមរណភាពនៅសង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។

🗓️🗓️ថ្ងៃពុធ ៩រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ២៥៧០
ត្រូវនិងថ្ងៃទី៨ ខែកក្កដា ឆ្នាំ២០២៦

08/07/2026

អាត្មាភាព ព្រះចៅអធិការ អាចារ្យ គណៈកម្មការវត្តបទុមស្រះឈូក ហៅវត្តភ្នំលៀប សូមចូលរួមរំលែកនូវមរណទុក្ខជាមួយក្រុមគ្រួសារនៃសពដោយក្តីសោកស្តាយ និងអាឡោះអាល័យជាទីបំផុតផង។

22/06/2026

សួនបន្លែវត្តបទុមស្រះឈូក-ភ្នំលៀប

07/06/2026

ភិក្ខុ អគ្គបណ្ឌិតោ ឈឿង សិរី បានដឹកនាំពុទ្ធបរិស័ទចំណុះជើងវត្តបទុមស្រះឈូកភ្នំលៀប និងនាំយកថវិកា ដើម្បីចូលរួមពិធីបុណ្យផ្កាប្រាក់សាមគ្គីទ្រទ្រង់មន្ទីរពេទ្យកុមារអង្គរលើកទី១៣ នៅវត្តរាជបូណ៌ ក្រុងសៀមរាប។

រសៀលថ្ងៃអាទិត្យ ៧រោច ខែជេស្ឋ ឆ្នាំមមី អដ្ឋស័ក ព.ស.២៥៧០
ត្រូវនឹងថ្ងៃទី៧ ខែមិថុនា ឆ្នាំ២០២៦។

06/06/2026

សូមថ្លែងអំណរគុណទាយក វុធ ភក្តី ទាយិកា អ៊ឹម សុគីម ព្រមទាំងញាតិព្រះធម៌ ក្រុងសិរីសោភណ ដែលបានរៀបចំសិក្ខូបករណ៍សម្រាប់ប្រគេន/ជូនសមណសិស្ស-សិស្សក្នុងពិធីបើកបវេសនកាលឆ្នាំសិក្សា២០២៦-២០២៧។

សូមប្រសិទ្ធពរជ័យ សិរីមង្គល វិបុលសុខ គ្រប់ប្រការ ចូរកើតមាន និងចួបពុទ្ធពរទាំងឡាយ ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

06/06/2026

សូមថ្លែងអំណរគុណ ថ្នាក់ដឹកនាំស្រុកព្រះនេត្រព្រះ និងថ្នាក់ដឹកនាំឃុំភ្នំលៀប ដែលតែងតែផ្តល់កិត្តិយស ចំពោះវត្តបទុមស្រះឈូក-ភ្នំលៀប ឆ្លៀតឱកាសដ៏មមាញឹកចូលរួមពិធីផ្សេងៗ។

អរគុណពុទ្ធបរិស័ទដែលតែងតែឧបត្ថម្ភ និងទ្រទ្រង់ចង្ហាន់ប្រចាំខែសម្រាប់ព្រះសង្ឃ និងសមណសិស្សដែលកំពុងគង់សិក្សា។

សូមថ្នាក់ដឹកនាំ និងពុទ្ធបរិស័ទ ទទួលបាននូវពុទ្ធពរទាំងឡាយ ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។