គណៈកម្មាធិការសាខាគណបក្សមន្ទីរអធិការកិច្ច រាជធានីភ្នំពេញ

23/05/2026

23/05/2026

#ការកែទម្រង់គឺជាគន្លឹះនៃការរីកចម្រើនសេដ្ឋកិច្ច 📈
​🏛️ នៅក្នុងពិធីសម្ពោធដាក់ឱ្យប្រើប្រាស់ជាផ្លូវការនូវអគារទីស្តីការគណៈកម្មាធិការជាតិ និងអគារអគ្គនាយកដ្ឋានពន្ធដារ នៃក្រសួងសេដ្ឋកិច្ចនិងហិរញ្ញវត្ថុ កាលពីថ្ងៃទី២១ ខែឧសភា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានសង្កត់ធ្ងន់លើសារៈសំខាន់ជាយុទ្ធសាស្ត្រនៃការកែទម្រង់រដ្ឋបាលសាធារណៈ ដូចខាងក្រោម៖

​🎯 ទស្សនវិស័យស្នូល៖ សម្តេចធិបតី បានលើកឡើងឡើងវិញនូវពាក្យស្លោករបស់ សម្តេចតេជោ ដែលថា «ទម្រង់រស់ មិនកែទម្រង់ គឺស្លាប់» គឺជាការពិតជាក់ស្តែង និងត្រឹមត្រូវគ្រប់កាលៈទេសៈទាំងអស់។ ការកែទម្រង់ គឺជាគន្លឹះមិនអាចខ្វះបាន សម្រាប់ការរីកចម្រើនសេដ្ឋកិច្ចជាតិ។

​🛠️ សកម្មភាពជាក់ស្តែងរបស់រាជរដ្ឋាភិបាល៖ នៅក្នុងនីតិកាលទី៧ នៃរដ្ឋសភា ករណីកែទម្រង់រដ្ឋបាលសាធារណៈ ត្រូវបានដាក់ចេញជាវិធានការគន្លឹះដ៏សំខាន់មួយ តាមរយៈការធ្វើវិភាគមុខងារ និងការកែទម្រង់រចនាសម្ព័ន្ធបណ្តាស្ថាប័នមួយចំនួន។

​🔄 និរន្តរភាពនៃការងារ៖ សម្តេចធិបតី បានបញ្ជាក់ថា គោលការណ៍កែទម្រង់នេះ មិនមែនជារឿងថ្មីថ្មោង ឬទើបតែធ្វើឡើងបន្ទាប់ពីមានសង្គ្រាមនោះទេ ប៉ុន្តែរាជរដ្ឋាភិបាលបាននិងកំពុងអនុវត្តនៅគ្រប់ស្ថាប័នរដ្ឋ ដោយបានដាក់ចេញនូវវិធានការកែទម្រង់នេះ តាំងពីដើមអាណត្តិមកម៉្លេះ។

​ #សម្តេចធិបតី #ហ៊ុនម៉ាណែត #នាយករដ្ឋមន្ត្រី #កម្ពុជា #ការកែទម្រង់រដ្ឋបាលសាធារណៈ #សេដ្ឋកិច្ចជាតិ #អគ្គនាយកដ្ឋានពន្ធដារ

14/05/2026

សូមក្រាបបង្គំទូលថ្វាយព្រះពរ ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត! 🇰🇭

ក្នុងឱកាសដ៏មហានក្ខត្តឫក្សនៃព្រះរាជពិធីបុណ្យចម្រើនព្រះជន្មវស្សា គម្រប់ ៧៣ យាងចូល ៧៤ ព្រះវស្សា របស់ ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា 🙏

ទូលព្រះបង្គំយើងខ្ញុំ សូមលើកហត្ថប្រណម្យបួងសួងដល់គុណបុណ្យព្រះរតនត្រ័យ និងបារមីនៃព្រះមហាស្វេតច្ឆត្រ សូមតាមជួយបីបាច់ថែរក្សា អភិបាលគ្រងគ្រងព្រះអង្គ សូមទ្រង់ប្រកបដោយព្រះពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ដើម្បីគង់ប្រថាប់ជាម្លប់ដ៏ត្រជាក់ត្រជុំដល់ប្រជារាស្ត្រខ្មែរជានិច្ចនិរន្តរ៍តរៀងទៅ 👑
សូមព្រះអង្គទ្រង់មានព្រះជន្មាយុយឺនយូរជាងរយព្រះវស្សា! 🇰🇭

#ព្រះមហាក្សត្រកម្ពុជា #ចម្រើនព្រះជន្ម #១៤ឧសភា២០២៦

09/05/2026

#កិច្ចប្រជុំបូកសរុបការងារឃោសនាអប់រំប្រចាំខែមេសាន៨ងលើកទិសដៅការងារខែឧសភាឆ្នាំ២០២៦

📆នារសៀលថ្ងៃសុក្រ ៦រោច ខែពិសាខ ឆ្នាំរោង អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៨ ខែឧសភា ឆ្នាំ២០២៦ កិច្ចប្រជុំឃោសនាអប់រំប្រចាំខែមេសា និងទិសដៅការងារឃោសនាអប់រំខែឧសភា ឆ្នាំ២០២៦ បានប្រព្រឹត្តទៅក្រោមអធិបតីភាពដ៏ខ្ពង់ខ្ពស់ ឯកឧត្តម ហួត ហៃ អនុប្រធានគណៈកម្មាធិការគណបក្សប្រជាជនកម្ពុជារាជធានីភ្នំពេញ នៅទីស្នាក់ការគណៈកម្មាធិការគណបក្សរាជធានីភ្នំពេញ។
✨ ក្នុងឱកាសនោះ លោក ម៉ារ វាសនា អនុប្រធានសាខាគណៈកម្មាធិការគណបក្សមន្ទីរអធិការកិច្ចរាជធានីភ្នំពេញ បានអញ្ជើញចូលរួមក្នុងអង្គប្រជុំ ដែលមានគោលបំណងសំខាន់ៗរួមមាន៖
🔸បូកសរុប និងវាយតម្លៃលទ្ធផលការងារឃោសនាអប់រំប្រចាំខែមេសា កន្លងទៅ។
🔸 ពិភាក្សា និងដាក់ចេញនូវទិសដៅការងារគន្លឹះៗសម្រាប់ខែឧសភា ឆ្នាំ២០២៦។
🔸 ពង្រឹងស្មារតីសាមគ្គីភាព និងលើកកម្ពស់ប្រសិទ្ធភាពការងារជូនសមាជិកបក្ស និងមន្ត្រីរាជការគ្រប់លំដាប់ថ្នាក់។

#មន្ទីរអធិការកិច្ចរាជធានីភ្នំពេញ #សាខាគណៈកម្មាធិការមន្ទីរអធិការកិច្ចរាជធានីភ្នំពេញ #គណបក្សប្រជាជនកម្ពុជា #រាជធានីភ្នំពេញ #កិច្ចប្រជុំឃោសនាអប់រំ #រដ្ឋបាលរាជធានីភ្នំពេញ #សកម្មភាពបក្ស

08/05/2026

#សកម្មភាពការងារគណបក្សរាជធានីភ្នំពេញ 🇰🇭
​នាថ្ងៃព្រហស្បតិ៍ ១៤កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី៣០ ខែមេសា ឆ្នាំ២០២៦ កន្លងទៅនេះ លោក ឈៀវ សីហា បានអញ្ជើញចូលរួមកិច្ចប្រជុំស្តីពីការធ្វើរបាយការណ៍សង្ខេបអំពីការវាយតម្លៃលទ្ធផលនៃការអនុវត្តគោលនយោបាយអភិវឌ្ឍន៍សង្កាត់ឆ្នាំ២០២២-២០២៧ និងលើកទិសដៅអភិវឌ្ឍន៍សង្កាត់ឆ្នាំ២០២៧-២០៣២ របស់គណបក្សរាជធានីភ្នំពេញ។
​🏛️ កិច្ចប្រជុំនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តម ម៉ប់ សារិន ប្រធានគណៈប្រចាំការនៃគណៈអចិន្ត្រៃយ៍គណៈកម្មាធិការគណបក្សរាជធានីភ្នំពេញ។

⭐គោលបំណងនៃកិច្ចប្រជុំគឺដើម្បីពិនិត្យលើសមិទ្ធផលការងារកន្លងមក និងពង្រឹងផែនការយុទ្ធសាស្ត្រថ្មីៗ សំដៅបន្តជំរុញការអភិវឌ្ឍនៅតាមមូលដ្ឋានសង្កាត់ឱ្យកាន់តែរីកចម្រើន និងបម្រើផលប្រយោជន៍ជូនប្រជាពលរដ្ឋឱ្យកាន់តែមានប្រសិទ្ធភាពខ្ពស់។
​ #គណបក្សប្រជាជនកម្ពុជា #រាជធានីភ្នំពេញ #អភិវឌ្ឍន៍សង្កាត់ #មន្ទីរអធិការកិច្ចរាជធានីភ្នំពេញ #សាខាគណៈកម្មាធិការមន្ទីរអធិការកិច្ចរាជធានីភ្នំពេញ #សកម្មភាពការងារ #ភ្នំពេញ

05/05/2026

ជំហរម៉ឺងម៉ាត់របស់កម្ពុជា លើការដោះស្រាយវិវាទដែនសមុទ្រតាមផ្លូវច្បាប់អន្តរជាតិ 🇰🇭⚖️
សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានបញ្ជាក់យ៉ាងច្បាស់ពីឆន្ទៈ និងជំហររបស់រាជរដ្ឋាភិបាល ក្នុងការដោះស្រាយតំបន់ទាមទារដែនសមុទ្រត្រួតគ្នារវាងកម្ពុជា និងថៃ តាមរយៈ
១.ការសម្រេចប្រើប្រាស់យន្តការអន្តរជាតិ៖កម្ពុជាជ្រើសរើសយកយន្តការ «ការផ្សះផ្សាដោយចាប់បង្ខំ» (Compulsory Conciliation) នៃអនុសញ្ញា UNCLOSដើម្បីស្វែងរកដំណោះស្រាយដោយសន្តិវិធី និងយុត្តិធម៌ ផ្អែកលើមូលដ្ឋានច្បាប់។
២.ការសោកស្តាយចំពោះការដកខ្លួនរបស់ភាគីថៃ៖ ការសម្រេចដកខ្លួនជាឯកតោភាគីរបស់ភាគីថៃចេញពី MOU 2001 គឺជាការបោះបង់ចោលនូវក្របខ័ណ្ឌចរចាទ្វេភាគី ដែលភាគីទាំងពីរបានកសាងរួមគ្នាយ៉ាងយូរមកហើយ។
៣.ការប្រកាន់ខ្ជាប់នូវច្បាប់ជាមូលដ្ឋាន៖ក្នុងនាមជារដ្ឋដែលគោរពច្បាប់ កម្ពុជាពុំមានជម្រើសអ្វីក្រៅពីពឹងផ្អែកលើច្បាប់អន្តរជាតិ និងយន្តការរបស់អង្គការសហប្រជាជាតិ ដើម្បីដោះស្រាយជម្លោះដោយសន្តិវិធីនោះឡើយ។
៤.ឆន្ទៈមោះមុតដើម្បីសន្តិភាព និងស្ថិរភាព៖ការសម្រេចចិត្តនេះ គឺដើម្បីស្វែងរកដំណោះស្រាយប្រកបដោយយុត្តិធម៌ ដែលអនុញ្ញាតឱ្យប្រជាជននៃប្រទេសទាំងពីរ រស់នៅជាមួយគ្នាដោយសន្តិភាព និងក្តីសុខសាន្តយូរអង្វែង។ 🕊️ស្រលាញ់សន្តិភាព

#កម្ពុជា #សម្តេចធិបតី #ហ៊ុនម៉ាណែត #ច្បាប់សមុទ្រ #សន្តិភាព #អធិបតេយ្យភាពជាតិ

05/05/2026

សារសម្លេងសម្តេចបវធិបតី កម្ពុជាសម្រេចប្រើច្បាប់សមុទ្រអន្តរជាតិ (UNCLOS) ដើម្បីដោះស្រាយវិវាទដែនសមុទ្រ បន្ទាប់ពីភាគីថៃដកខ្លួនពី MOU 2001។ នេះជាជំហរច្បាស់លាស់ក្នុងការស្វែងរកយុត្តិធម៌ និងសន្តិភាពតាមផ្លូវច្បាប់អន្តរជាតិ។ 🇰🇭⚖️
​ #សម្តេចធិបតី #ហ៊ុនម៉ាណែត #កម្ពុជា #ច្បាប់អន្តរជាតិ #មន្ទីរអធិការកិច្ចរាជធានីភ្នំពេញ

18/04/2026

ក្នុងនាមជាកូនចៅ ចៅទួត ក្រោមម្លប់សន្តិភាព និងព្រះបារមី!
​ថ្នាក់ដឹកនាំ និងសមាជិក សមាជិកានៃ គណៈកម្មាធិការសាខាគណបក្សមន្ទីរអធិការកិច្ចរាជធានីភ្នំពេញ មានជំនឿចិត្តយ៉ាងមុតមាំថា ក្រោមការយកចិត្តទុកដាក់ពិនិត្យ និងព្យាបាលយ៉ាងហ្មត់ចត់បំផុតពីក្រុមវេជ្ជបណ្ឌិតជំនាញៗ ព្រះករុណាជាអម្ចាស់ជីវិតលើត្បូង នឹងទទួលបាននូវមហាជោគជ័យជាស្ថាពរក្នុងការវះកាត់នាពេលនេះ។

​ក្នុងឱកាសដ៏សំខាន់នេះ យើងខ្ញុំទាំងអស់គ្នា សូមលើកហត្ថប្រណម្យឧទ្ទិសបួងសួងដល់គុណបុណ្យព្រះរតនត្រ័យ និងបារមីនៃព្រះបរមរតនកោដ្ឋ សូមជួយថែរក្សាការពារ និងប្រោះព្រំសព្ទសាធុការពរជ័យថ្វាយ ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត សូមព្រះអង្គមានព្រះរាជសុខភាពល្អបរិបូរណ៍ ព្រះកាយពលរឹងមាំខ្លាំងក្លា ឆាប់បានសះស្បើយពីព្រះរោគទាំងពួង ដើម្បីយាងត្រឡប់មកគង់ប្រថាប់ជាម្លប់សន្តិសុខដល់ប្រជារាស្ត្រខ្មែរជានិច្ចនិរន្តរ៍។

​សូមទេវតាជួយថែរក្សាការពារ អង្គព្រះមហាក្សត្រ នៃយើង! 🙏🙏🙏