Kamnop Islam

24/02/2026

ពាក្យខ្លីៗ តែផលបុណ្យធំមហិមា

23/02/2026

ហេតុអ្វី​បានជាអ្នកមូស្លីមទ្រាំបួសអត់បាយ អត់ទឹកពេញមួយថ្ងៃ? តើវាមិនពិបាកពេកទេអី?

22/02/2026

#ជូនជាពិសេសសម្រាប់បងប្អូនដែលកំពុងចាប់ផ្ដើមជីវិតថ្មីលើមាគ៌ានៃសាសនាឥស្លាម 🕋✨

ការទទួលយកឥស្លាម គឺជាការចាប់ផ្ដើមនៃដំណើរជីវិតថ្មី វាមិនមែនជាការប្រឡងដែលត្រូវតែឱ្យជាប់ភ្លាមៗនោះទេ។ 📝🌱 សូមចងចាំថា៖
* អ្នកមិនចាំបាច់ល្អឥតខ្ចោះតាំងពីថ្ងៃដំបូងឡើយ៖ គ្មាននរណាម្នាក់អាចផ្លាស់ប្ដូរអ្វីៗគ្រប់យ៉ាងក្នុងមួយប៉ព្រិចភ្នែកបានទេ។ ⏳ សូម្បីតែមេឃ ក៏មិនមែនភ្លឺច្បាស់ក្នុងពេលតែមួយវិនាទីដែរ។ អ្វីដែលសំខាន់បំផុត គឺ "ចិត្តដែលចង់រៀនសូត្រ" និង "ការខិតខំប្រឹងប្រែង" សន្សឹមៗរបស់អ្នក។ 👣📖

* អល់ឡោះមើលលើ "ឆន្ទៈ" មិនមែនមើលលើ "ភាពឥតខ្ចោះ" ទេ៖ ទ្រង់ជ្រាបច្បាស់ពីអ្វីដែលមាននៅក្នុងបេះដូងរបស់អ្នក។ ❤️ ទ្រង់ស្រឡាញ់រាល់ជំហានតូចៗដែលអ្នកព្យាយាមធ្វើ មិនថាតែការរៀនអានសៀវភៅមួយទំព័រ ឬការរៀនថ្វាយបង្គំ (Solat)បន្តិចម្តងៗក៏ដោយ។ 🤲📿

* កុំប្រៀបធៀបខ្លួនឯងនឹងអ្នកដទៃ៖ ម្នាក់ៗមានល្បឿននៃដំណើរជីវិតខុសៗគ្នា។ 🏁 អ្នកមិនចាំបាច់ប្រញាប់ប្រញាល់ដើម្បីឱ្យដូចអ្នកដែលគេកាន់សាសនាមក ២០-៣០ ឆ្នាំនោះទេ។ ចូរផ្ដោតលើខ្លួនឯង ហើយប្រសើរជាងខ្លួនឯងកាលពីម្សិលមិញ នោះគឺជាជោគជ័យដ៏អស្ចារ្យហើយ។ 🌟🌈

* កំហុសគឺជាផ្នែកមួយនៃមេរៀន៖ បើអ្នកធ្វើខុស ឬភ្លេចអ្វីមួយ សូមកុំអស់សង្ឃឹម។ ចូរក្រោកឈរឡើងវិញ ហើយបន្តទៅមុខទៀត។ 🧗‍♂️ ទ្វារនៃសេចក្ដីមេត្តាករុណារបស់អល់ឡោះគឺបើកចំហជានិច្ចសម្រាប់អ្នក។ 🚪💖

"ដំណើររាប់ពាន់យោជន៍ ចាប់ផ្ដើមពីជំហានដំបូង។ អ្នកមិនមែនដើរលើផ្លូវនេះម្នាក់ឯងទេ ហើយអ្នកក៏មិនចាំបាច់បង្ខំខ្លួនឯងឱ្យឥតខ្ចោះនៅថ្ងៃនេះដែរ។" 🤝🌍

20/02/2026

តើ "រ៉ាម៉ាដាន" គឺជាអ្វី?

ជាខែពិសិដ្ឋ៖ ជាខែទី ៩ នៃសាសនាឥស្លាម និងជាខែដែលគម្ពីរគូរអាន ត្រូវបានប្រទានចុះមកជាលើកដំបូង។
របៀបប្រតិបត្តិ៖ មូស្លីមត្រូវតមអាហារ និងភេសជ្ជៈគ្រប់ប្រភេទ ចាប់ពី ពេលព្រលឹម រហូតដល់ ថ្ងៃលិច។
គោលបំណង៖
ដើម្បីសុខភាព (បណ្តេញជាតិពុល)។
ដើម្បីសាងចិត្តអត់ធ្មត់ និងវិន័យ។
ដើម្បីយល់ពីទុក្ខលំបាករបស់អ្នកក្រីក្រ។

19/02/2026

#រ៉ម៉ាឌន៖ សាលារៀននៃជីវិត និងការលះបង់

​🌙 តើអ្វីទៅជារ៉ម៉ាឌន?
រ៉ម៉ាឌន មិនមែនគ្រាន់តែជាការផ្អាកពីការទទួលទានអាហារ និងភេសជ្ជៈពីព្រលឹមទល់ព្រលប់ប៉ុណ្ណោះទេ ប៉ុន្តែវាគឺជា "ពេលវេលាដ៏វិសុទ្ធ" ដែលរចនាឡើងដើម្បីផ្លាស់ប្តូរជីវិតរបស់យើងម្នាក់ៗឱ្យកាន់តែប្រសើរឡើង។
​✨ មេរៀនដ៏មានតម្លៃក្នុងរយៈពេល ៣០ ថ្ងៃ៖
​ភាពអត់ធ្មត់ : បង្រៀនយើងឱ្យចេះទប់ចិត្តពីកិលេស ការខឹងសម្បារ និងការប្រឈមមុខនឹងការលំបាកដោយភាពស្ងប់ស្ងាត់។
​ការលះបង់ : ការលះបង់នូវតម្រូវការផ្ទាល់ខ្លួន ដើម្បីយល់ពីទុក្ខលំបាករបស់អ្នកដែលខ្វះខាត បណ្តុះនូវទឹកចិត្តមេត្តា និងការចែករំលែកក្នុងសង្គម។
​សេចក្តីស្រឡាញ់ : ជាពេលវេលាពង្រឹងចំណងមិត្តភាព គ្រួសារ និងការអភ័យទោសឱ្យគ្នាទៅវិញទៅមក ដើម្បីសេចក្តីសុខក្នុងចិត្ត។

​🌟 រ៉ម៉ាឌន គឺជាឱកាសមាសសម្រាប់យើងម្នាក់ៗក្នុងការ "តម្លើងជំនាញផ្លូវចិត្ត" (Self-discipline) និងសម្អាតចិត្តគំនិតឱ្យបរិសុទ្ធ។
​សូមជូនពរឱ្យបងប្អូនសាសនិកឥស្លាមទាំងអស់ ទទួលបាននូវភាពរីករាយ សេចក្តីស្ងប់ និងពរជ័យពេញបរិបូរណ៍ក្នុងខែដ៏វិសេសវិសាលនេះ! 🙏❤️🌙

​ #មេរៀនជីវិត #ខែនៃពរជ័យ

28/01/2026

បម្លែងពេលទំនេរទៅជាការសន្សំផលបុណ្យ....

#ដំណឹងជ្រើសរើសអ្នកស្ម័គ្រចិត្តលើការងារអប់រំ_និងផ្សព្វផ្សាយឥស្លាមតាមអនឡាញ

តើលោកអ្នកចង់ចំណាយពេលទំនេរលើអនឡាញ ដើម្បីទទួលបានផលបុណ្យ និងបទពិសោធន៍ដែរឬទេ? យើងកំពុងត្រូវការអ្នកស្ម័គ្រចិត្តជាច្រើនលើផ្នែក៖

✍️ រៀបចំអត្ថបទអប់រំឥស្លាម
🎨 រចនារូបភាព ឬវីដេអូអប់រំខ្លីៗ
🎙 បញ្ចូលសំឡេង និងអានអត្ថបទ
📢 ផ្សព្វផ្សាយចំណេះដឹងទៅកាន់បណ្តាញសង្គម

🎁 អត្ថប្រយោជន៍ដែលទទួលបាន៖
✅ ទទួលបានការបណ្តុះបណ្តាលលើការងារអប់រំ និងផ្សព្វផ្សាយអ៊ីស្លាម
✅ មិនទាមទារបទពិសោធន៍
✅ ពេលវេលាបត់បែនតាមជាក់ស្តែង (មិនរំខានការសិក្សា ឬការងារ)
✅ ទទួលបានវិញ្ញាបនបត្របញ្ជាក់ការចូលរួម
✅ និងជាពិសេស គឺទទួលបានផលបុណ្យដ៏ធំធេងពីព្រះអល់ឡោះជាម្ចាស់

📩 ប្រសិនបើលោកអ្នកមានចំណាប់អារម្មណ៍ សូមចុះឈ្មោះតាមតំណភ្ជាប់ខាងក្រោម👇👇👇

https://docs.google.com/forms/d/e/1FAIpQLSf4-MB7UNrh2mvhf1_5rC0gY4S2Bzh6xs4sePZsBiZLT7Uqqg/viewform?usp=header

🌿 «រាល់ការចែករំលែក រាល់សំឡេងដែលបន្លឺ និងរាល់អត្ថបទដែលសរសេរ គឺជាផលបុណ្យសម្រាប់លោកអ្នកនាថ្ងៃបរលោក។»🌿

#ស្ម័គ្រចិត្ត #ផ្សព្វផ្សាយឥស្លាម #ផលបុណ្យ

---

14/01/2026

ដំណឹងល្អសម្រាប៎ស្ថាប័នដែលមានតម្រូវការសៀវភៅសិក្សាឥស្លាម

#សេចក្តីជូនដំណឹងស្តីពីការផ្តល់ជូនសៀវភៅសិក្សាអ៊ីស្លាមដោយឥតគិតថ្លៃ 📚🇰🇭

ដើម្បីរួមចំណែកក្នុងការផ្សព្វផ្សាយចំណេះដឹង និងពង្រឹងការយល់ដឹងអំពីសាសនាអ៊ីស្លាម អង្គការវប្បធម៌ អារ្យធម៌ កម្ពុជា-អារ៉ាប់ មានក្តីសោមនស្សរីករាយក្នុងការផ្តល់ជូននូវសៀវភៅសិក្សាអ៊ីស្លាមមួយចំនួន រួមមាន៖

១. សៀវភៅ អធិប្បាយសង្ខេប(តាហ្វសៀរ)នៃគម្ពីរអាល់គួរអាន ជាខេមរភាសា
២. សៀវភៅ អធិប្បាយសង្ខេប(តាហ្វសៀរ)បីជូហ្ស៊ុចុងក្រោយ នៃគម្ពីរអាល់គួរអាន ជាខេមរភាសា
៣. សៀវភៅ មគ្គុទ្ទេសក៍មូស្លីមថ្មី

📍 គោលបំណងនៃការផ្តល់ជូន៖
គោលបំណងចម្បងរបស់យើងខ្ញុំ គឺចង់ឱ្យសៀវភៅទាំងនេះក្លាយជា "មរតកនៃចំណេះដឹង និងជាប្រភពឯកសារយោងដ៏មានសារៈសំខាន់ក្នុងការបម្រើជាឧត្តមប្រយោជន៍ដល់សហគមន៍"។

ដូច្នេះ យើងខ្ញុំសូមផ្តល់អាទិភាពខ្ពស់ចំពោះនីតិបុគ្គល (ស្ថាប័ន) ដូចជា៖
✅ វិហារឥស្លាម (ម៉ាស្ជិទ) ដែលមានសកម្មភាពបង្រៀនប្រចាំថ្ងៃ
✅ សាលារៀន ឬមជ្ឈមណ្ឌលសិក្សានានា
✅ បណ្ណាល័យសហគមន៍ដែលមានសកម្មភាពអំណាន និងស្រាវជ្រាវ

⚠️ បញ្ជាក់៖
តម្លៃពិតប្រាកដនៃសៀវភៅទាំងនេះ គឺស្ថិតនៅលើការបើកអាន និងការផ្ទេរចំណេះដឹងទៅកាន់អ្នកដទៃ។ ដូច្នេះ យើងខ្ញុំសង្ឃឹមយ៉ាងមុតមាំថា សៀវភៅ​ទាំងនេះនឹងត្រូវបានប្រើប្រាស់ឱ្យអស់លទ្ធភាព ជាជាងយកទៅតម្កល់ទុកក្នុងទូដោយគ្មានសកម្មភាពសិក្សា។"

📝 ការចុះឈ្មោះស្នើសុំ៖
សម្រាប់ស្ថាប័នដែលមានតម្រូវការ សូមបំពេញព័ត៌មានតាមរយៈតំណភ្ជាប់ខាងក្រោម៖

https://docs.google.com/forms/d/e/1FAIpQLSeb-j2_wKjSYP2_9_UUQ-uIkU7El9c3H5Oaw4-aYRTX7GeeKg/viewform?usp=sharing&ouid=106140818289386752073

សម្រាប់ព័ត៌មានបន្ថែម សូមទំនាក់ទំនងតាមលេខទូរសព្ទ៖ 090 99 77 33, 096 59 43 002 ឬផ្ញើសារមកកាន់ផេកអង្គការផ្ទាល់រៀងរាល់ម៉ោងធ្វើការ។

សូមអល់ឡោះជាម្ចាស់មេត្តាប្រោសប្រទាននូវសិរីសួស្តី និងទទួលយកនូវការងារដ៏សប្បុរសនេះ។ សូមជួយ Share បន្តដើម្បីឱ្យព័ត៌មាននេះបានទៅដល់ស្ថាប័នដែលមានតម្រូវការ។ 🤲✨

11/12/2025

03/01/2024

រឿងព្យការី អៃយ៉ូប (សូមសន្តិភាពកើតមានលើលោក)
https://youtu.be/vk8zhfCs-ps?si=Mc75gi0lMytn_Vgi

04/08/2023

ចងចាំយើង Kamnop Islam ព្រោះយើងនឹងពាំនាំសមិទ្ឋិផលជាច្រើនទៅដល់អ្នក យើងអាចជាអ្វីមួយដែលចាំបាច់សម្រាប់អ្នក តាមរកយើងនៅទីនេះ!

កម្មវិធី Kamnop Islam នឹងដាក់ឲ្យប្រើប្រាស់ ក្នុងពេលដ៏ខ្លីខាងមុខ Insyaallah។

#កំណប់អុិស្លាម #កំណប់អេប

01/08/2023

ពេលវេលានឹងប្រាប់អ្នកនូវអ្វីដែលអ្នកមិនបានដឹង ហើយដំណឹងខ្លះអ្នកអាចនឹងទទួលបានតាមរយៈបុគ្គលដែលអ្នកមិនធ្លាប់គិតថាគាត់ជាអ្នកនាំដំណឹងមកផងទេ 💐
طرفة بن العبد
| 💎 #កំណប់អ៊ិស្លាម

18/03/2023

មិនប៉ុន្មានថ្ងៃទៀតទេ ខែរ៉ម៉ាហ្ទនដ៏ពិសិដ្ឋមួយនៃសាសនិកអ៊ីស្លាម
នឹងមកដល់ តើអ្នកបានត្រៀមខ្លួនរួចរាល់ហើយឬនៅ?