វត្តបទុមវតីរាជវរារាម

31/05/2026

រាត្រីថ្ងៃអាទិត្យ ១៥កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣១ ខែឧសភា ឆ្នាំ២០២៦ តបតាមការចាត់តាំងពី សម្តេចព្រះពុទ្ធជ័យមុនី បណ្ឌិត ឃឹម សន សម្តេចព្រះសង្ឃនាយករងទី៣ និងជាព្រះមេគណរាជធានីភ្នំពេញ ព្រះចរណវិជ្ជា ចេម ធីរៈ ព្រះគ្រូសូធ្យឆ្វេងវត្តបទុមវតីរាជវរារាម បាននិមន្តដឹកនាំកិច្ចប្រជុំជាមួយមន្រ្តីសង្ឃ ការកសង្ឃ និងព្រះសង្ឃជាសមណសិស្ស ថ្មី ៗ នៃវត្តបទុមវតីរាជវរារាម សង្កាត់ចតុមុខ ខណ្ឌដូនពេញ រាជធានីភ្នំពេញ ស្ដីពីការដោះស្រាយបញ្ហាការគង់ស្នាក់នៅរបស់សមណសិស្ស ដែលនិមន្តមកពីវត្តអារាមតាមបណ្ដាខេត្ត ដេីម្បីបន្តការសិក្សានៅសាលាពុទ្ធិកក្នុងរាជធានីភ្នំពេញ។

18/05/2026

12/05/2026

ថ្ងៃអង្គារ ១១រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១២ ខែឧសភា ឆ្នាំ២០២៦

មហាឧបាសិកា ហេង ចិន្ដា បានអញ្ជើញនាំយកត្របែក ប្រគេនចំពោះ សម្តេចព្រះមង្គលមុនីរង្សី ហ៊ូ ឈីវនាថ ប្រធានលេខាធិការដ្ឋានគណៈសង្ឃនាយក គណៈមហានិកាយ នៃព្រះរាជាណាចក្រកម្ពុជា នាវត្តបទុមវតីរាជវរាម។

សូមប្រសិទ្ធពរជ័យបវរមហាប្រសើរជូនដល់ មហាឧបាសិកា ហេង ចិន្ដា សូមប្រកបដោយព្រះពុទ្ធពរទាំឡាយបួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍កុំបីឃ្លៀងឃ្លាតឡើយ៕

08/05/2026

រាត្រី​ថ្ងៃព្រហស្បតិ៍ ៦រោច ខែពិសាខ ឆ្នាំមមី អដ្ឋស័ក ព.ស.២៥៧០​ ត្រូវនឹងថ្ងៃទី៧ ខែឧសភា ឆ្នាំ២០២៦​ សម្ដេចព្រះមង្គលមុនីរង្សី ហ៊ូ ឈីវនាថ តំណាងដ៏ខ្ពង់ខ្ពស់សម្ដេចព្រះពុទ្ធជ័យមុនី បណ្ឌិត ឃឹម សន បាននិមន្ដដឹកនាំកិច្ចប្រជុំព្រះមន្រ្តីសង្ឃ ព្រះការកសង្ឃ ព្រះសង្ឃ​ ស្ដីពីការស្នាក់នៅនិងការដាក់ពាក្យសុំស្នាក់នៅរបស់ព្រះសង្ឃក្នុងឆ្នាំ២០២៦​ វត្តបទុមវតីរាជវរារាម សង្កាត់ចតុមុខ​ខណ្ឌដូនពេញ រាជធានីភ្នំពេញ​ នៅសាលប្រជុំសង្ឃកិច្ចាល័យ​ វត្តបទុមវតីរាជវរារាម​។

01/05/2026

អនុមោទនាពិធីបុណ្យ វិសាខបូជា វត្តបទុមវតីរាជវរារាម សង្កាត់ចតុមុខ ខណ្ឌដូនពរញ រាជធានីភ្នំពេញ

ថ្ងៃសុក្រ ១៥កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី១ ខែឧសភា ឆ្នាំ២០២៦

01/05/2026

សូមថ្លែងអំណរគុណចំពោះ
លោក ឧទ័យសិរីសរណមុនី ស សារិន អគ្គមហាឧបាសកពុទ្ធសាសនូបត្ថម្ភក៍ និងលោកស្រី រតនាភិរ័ក្ខសិរីចរិយានី វឿង ជាលី អគ្គមហាឧបាសិកាពុទ្ធសាសនូបត្ថម្ភក៍ ព្រមទាំងបុត្រាបុត្រី ដែលបានចូលរួមថវិកាចំនួន១,០០០,០០០៛​(មួយលានរៀល) សម្រាប់ចាត់ចែងកម្មវិធីបុណ្យវិសាខបូជាវត្តបទុមវតីរាជវរារាម។

សូមប្រសិទ្ធពរជ័យសិរីមហាប្រសើរគ្រប់ប្រការ​ ជូន លោក ឧទ័យសិរីសរណមុនី ស សារិន និងលោកស្រី រតនាភិរ័ក្ខសិរីចរិយានី វឿង ជាលី ព្រមទាំងបុត្រាបុត្រី សូមប្រកបដោយពុទ្ធពរទាំងឡាយបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

ថ្ងៃសុក្រ ១៥កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី១ ខែឧសភា ឆ្នាំ២០២៦

28/04/2026

សូមថ្លែងអំណរគុណចំពោះ
មហាឧបាសិកា កៅ ភីរ៉ាន់យ៉ា និងញាតិព្រះធម៌ ដែលបានប្រគេនផ្កាស្បៃលឿង ២០០ថូ និងទូតាំងមួយគ្រឿង សម្រាប់បូជាគុណព្រះរតនត្រ័យ ក្នុងពិធីបុណ្យវិសាខបូជានៅវត្តបទុមវតីរាជវរារាម សង្កាត់ចតុមុខ ខណ្ឌដូនពេញ រាជធានីភ្នំពេញនាថ្ងៃខាងមុខ។

សូមប្រសិទ្ធពរជ័យសិរីមហាប្រសើរ ចូលមានដល់ មហាឧបាសិកា និងញាតព្រះធម៌ និងសូមប្រកបដោយពុទ្ធពរទាំងឡាយបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

ថ្ងៃចន្ទ ១១កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៧ ខែមេសា ឆ្នាំ២០២៦

26/04/2026

សារលិខិត​ថ្វាយព្រះពរ​របស់​ សម្តេចព្រះមហាសុមេធាធិបតី​ អំ​ លីមហេង​ សម្តេចព្រះសង្ឃនាយក​ គណៈមហានិកាយ​ នៃព្រះរាជាណាចក្រកម្ពុជា​ ក្នុងឱកាសនៃព្រះរាជពិធីបុណ្យចម្រើនព្រះជន្មវស្សា​និងមហាសង្ឃទានបច្ច័យបួន​ថ្វាយ​ សម្ដេចព្រះអគ្គមហាសង្ឃរាជ​នៃព្រះរាជាណាចក្រកម្ពុជា​ ក្នុងព្រះជន្ម​ ១០២​ ព្រះវស្សា

24/04/2026

សូមថ្លែងអំណរគុណចំពោះ
លោក តុន សំណាង និងភរិយាព្រមទាំងបុត្រ អតីតនិស្សិតស្នាក់នៅកុដិលេខ២ វត្តបទុមវតីរាជវរារាម
ដែលបានចូលរួមបច្ច័យបួនចំនួន ២០០,០០០៛(ពីរសែនរៀល) ក្នុងព្រះរាជពិធីបុណ្យចម្រើនព្រះជន្មវស្សា និងមហាសង្ឃទានបច្ច័យបួន ថ្វាយចំពោះសម្ដេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត នន្ទ ង៉ែត សម្ដេចព្រះមហាសង្ឃរាជ នៃព្រះរាជាណាចក្រកម្ពុជា ដែលនឹងប្រារព្ធនៅថ្ងៃសុក្រ ៨កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ត្រូវនឹងថ្ងៃទី២៤ ខែមេសា ឆ្នាំ២០២៦ ។

សូមប្រសិទ្ធពរជ័យសិរីមហាប្រសើរគ្រប់ប្រការជូន លោក តុន សំណាង និងភរិយាព្រមទាំងបុត្រ មានសុខភាពល្អបរិបូរណ៌ សូមបានសមប្រកបដោយពុទ្ធពរទាំងឡាយបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

ថ្ងៃសុក្រ ៨កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២៤ ខែមេសា ឆ្នាំ២០២៦