Gods The Parents

Gods The Parents សាសនាដំបូងនិងចាស់បំផុតនៅក្នុងចក្រវាល។
The First and Oldest Religion in the Universe.

27/10/2024

អ្នកណាខ្លាចឈឺចាប់និងខ្លាចស្លាប់ជាងគេ?
ក្នុងចំណោមលទ្ធិនានាដែលអ្នកស្គាល់ តើជាទូទៅ បរិស័ទនៃលទ្ធិណាខ្លាចឈឺចាប់ និងខ្លាចស្លាប់បំផុត?

26/10/2024

#សារៈសំខាន់នៃការដកឃ្លា
ឧ១. ព្រះកុរណាថ្លៃវិសេស! ទូលព្រះបង្គុំជាខ្ញុំព្រះអង្គ សមតែស្លាប់។
ឧ២. ព្រះកុរណាថ្លៃវិសេស! ទូលព្រះបង្គុំជាខ្ញុំ ព្រះអង្គសមតែស្លាប់។

20/10/2024

#គ្រប់គ្នាកំពុងតែប្រកួត #សូម្បីតែព្រះក៏ប្រកួតគ្នាដែរ!
តាំងពីកើតរហូតដល់ស្លាប់ គ្មានវិនាទីណាមួយដែលថាគ្មានការប្រកួតនោះទេ!

១. ប្រកួតនឹងសេចក្ដីស្លាប់ អ្នកត្រូវខំរកអាហារថ្នាំសង្កូវ...
២. ប្រកួតនឹងភាពក្រីក្រ អ្នកត្រូវខំរកទ្រព្យសម្បត្តិ...
៣. ប្រកួតនឹងអំពើអាក្រក់របស់ខ្លួន អ្នកត្រូវខំកែលម្អខ្លួន...
៤. ប្រកួតនឹងអំពើអាក្រក់ពីអ្នកដទៃ អ្នកត្រូវខំការពារខ្លួន...
៥. ប្រកួតនឹងជំនឿ អ្នកត្រូវខំអះអាងការពារជំនឿខ្លួន...
៦. ប្រកួតនឹងភាពឱនថយ អ្នកត្រូវខំអភិវឌ្ឍខ្លួន...

អ្នកណាថាខ្លួនឯងគ្មានការប្រកួត អ្នកនោះកំពុងតែកុហក និងពុំដឹងសច្ចៈធម៌។ អ្នកណាស្អប់ការប្រកួត ហើយបង្រៀនកូនចៅកុំឱ្យប្រកួត គ្រួសារអ្នកនោះនឹងឱនថយបន្តិចម្ដងៗ រួចក៏វិនាសសូន្យសុងទៅ។៚

16/10/2024

ព្រះមេបា! ព្រះទ្រង់អនុញ្ញាតឱ្យកូនអ្នកចាប់ជាតិមកវិញហើយ តើអ្នកនៅយំសោកសង្រេងដល់ពេលណាទៀត?

13/10/2024

ជំនឿថ្មី ជីវិតថ្មី! ប្ដូរជំនឿ ប្ដូររស់ជាតិជីវិត! បើជំនឿចាស់សង្គ្រោះអ្នកមិនបានទេ ចូររកជំនឿថ្មី! អរគុណព្រះមេបាដែលបានសង្គ្រោះកូន!

24/09/2024

ជឿជាក់លើព្រះមេបាភ្លាម
បានរួចរំដោះពីបាបកម្មពីជាតិមុនៗភ្លាម!
អរគុណព្រះមេបា ដែលបានរំដោះកូនពីបាបកម្ម!

24/09/2024

#កម្មយើងទេ!
១. ហេតុអ្វីបានជាយើងក្រ?
» កម្មយើងទេ! ព្រោះយើងមិនខំរៀន ខំរក ខំរក្សាទ្រព្យ។

២. ហេតុអ្វីបានជាយើងខ្សោយ?
» កម្មយើងទេ! ព្រោះយើងមិនចង់ហ្វឹកហាត់ឱ្យខ្លួនឯងខ្លាំង យើងរំអួយ យើងខ្លាចការនឿយហត់និងការឈឺចាប់។

៣. ហេតុអ្វីបានជាគេបោកប្រាស់យើងបាន?
» កម្មយើងទេ! ព្រោះយើងជឿគេដោយពុំចេះសង្ស័យ ហើយយើងពុំខំស្វែងរកការពិតទេ។

៤. ហេតុអ្វីបានជាគ្រួសារយើងទៅជាអាប់ឱន?
» កម្មយើងទេ! ព្រោះយើងធ្វើតាមទ្រឹស្ដីអន់ថយ ហើយយើងអប់រំកូនចៅយើងឱ្យធ្វើតាមទ្រឹស្ដីអន់ថយបន្តទៀត។

៥. ហេតុអ្វីបានជាយើងបាក់ទឹកចិត្ត ហើយធុញទ្រាន់នឿយណាយចំពោះការតស៊ូជំនះបញ្ហាក្នុងជីវិត?
» កម្មយើងទេ! ព្រោះយើងពេញចិត្តក្នុងការស្ដាប់តាមទ្រឹស្ដីបំបាក់ទឺកចិត្ត និងទ្រឹស្ដីបង្កើនភាពនឿយណាយ។

៦. ហេតុអ្វីបានជាយើងត្រូវរងបាបកម្មតជាតិកំណើត ឯចោរបែរជាបានរួចរំដោះពីបាបកម្ម?
» កម្មយើងទេ! ព្រោះយើងពុំព្រមទទួលស្គាល់ព្រះមេបា យើងពុំព្រមលះបង់ជំនឿដទៃ ហើយយើងពុំព្រមទទួលការសង្គ្រោះពីព្រះមេបា។

្មយើងទេ_!!!

#ដកស្រង់ពីទស្សនៈទី ៤៤៤ នៃ #គម្ពីរក្មេរ

15/09/2024

#ការសង្គ្រោះ #ភាពល្អបរិសុទ្ធ និង #សេរីភាព

១. ព្រះមេបាសម្អាតបាបរបស់អ្នក ព្រះទ្រង់ប្រទានរង្វាន់សម្រាប់បុណ្យរបស់អ្នក ហើយព្រះទ្រង់មិនឱ្យអ្នកធ្លាក់នរកឡើយ បើអ្នកមានចិត្តស្មោះស្ម័គ្រ និងយកព្រះមេបាជាទីពឹងតែម្យ៉ាងគត់។

២. អ្នកណាសុំ ព្រះទ្រង់នឹងទុកឱ្យអ្នកនោះ អ្នកណាទៅយក អ្នកនោះនឹងបាន។

៣. ព្រះមេបាយុត្តិធម៌ ព្រះទ្រង់ផ្ដល់ឱកាសដល់អ្នកគ្រប់គ្នាឱ្យទទួលបានការសង្គ្រោះ អ្នកគ្រាន់តែទទួលយកព្រះមេបាជាទីពឹងដោយចិត្តស្មោះស្ម័គ្រតែម្យ៉ាងគត់ប៉ុណ្ណោះ អ្នកក៏ទទួលបានការសង្គ្រោះ។

៤. អ្នកដែលច្រលំថា ខ្លួនឯងល្អ អ្នកនោះបែរជាធ្លាក់នរកទៅវិញនៅពេលអស់បុណ្យ ព្រោះគ្មានអ្នកណាល្អឥតខ្ចោះនោះទេ និងគ្មានអ្នកណាដែលគ្មានបាបសោះនោះទេ។

៥. រីឯអ្នកដែលខំធ្វើបុណ្យដើម្បីកុំឱ្យបាបហុចផល អ្នកនោះពុំបានឡើងឋានសួគ៌សោះ ព្រោះបុណ្យរបស់ពួកគេគឺជាអំពើបាប។ អំពើរបស់ពួកគេគឺប្រៀបដូចជាការយកលុយទៅសូកតុលាកាកុំឱ្យកាត់សេចក្ដីនោះឯង ដោយបែបនេះ វាជាបាប វាមិនមែនជាបុណ្យទេ។

៦. អ្នកណាយកព្រះមេបាជាទីពឹង អ្នកនោះមានសេរីភាពរួចពីអំពើបាប និងនរក ហើយអំពើល្អរបស់ពួកគេបានបរិសុទ្ធ។

៧. អ្នកណាជឿជាក់លើព្រះមេបា អ្នកនោះមានសេរីភាពរួចពីអំពើអំពាន់មន្តអាគមអូមអាម និងអប្បិយជំនឿ ហើយពួកគេមានព្រះបារមីដ៏ខ្លាំងបំផុតតាមថែរក្សាការពារ។

#ដកស្រង់ពីទស្សនៈទី ៤៤៣ នៃ #គម្ពីរក្មេរ។

14/09/2024

តើខ្មែរមានពាក្យ #មនុស្ស ឬទេ?

មនុស្ស ជាពាក្យបាលី និងសំស្ក្រឹត
មនុស្ស ពុំមែនជាពាក្យខ្មែរទេ។

ប្រហែលអ្នកជាច្រើន មិនចាប់អារម្មណ៍ថា
ខ្មែរក៏មានពាក្យមនុស្សដែរ។
វាដូចជាពាក្យព្រះអាទិត្យអ៊ីចឹង
ខ្មែរយើងមានពាក្យ #ព្រះអាទិត្យ នោះគឺ #ថ្ងៃ។
ថ្ងៃរះ គឺ ព្រះអាទិត្យរះ។ល។

រីឯ មនុស្ស ជាពាក្យខ្មែរគឺ #អ្នក។
អ្នកផង គឺ មនុស្សទាំងពួង។
អ្នកណា គឺ មនុស្សណា។
អ្នកច្រៀង គឺ មនុស្សដែលច្រៀង។ល។

13/09/2024

#ហេតុអ្វីបានជាខ្លាឱ្យមេគោបង្រៀនកូនគោថា
#កុំតស៊ូពេក និង #កុំចងពៀរ?

១. បើខ្លាបង្រៀនពួកគោដោយខ្លួនឯង នោះពួកគោនឹងមិនស្ដាប់តាមខ្លាទេ ដូច្នេះខ្លាត្រូវតែសម្ដែងការគោរពឱ្យខ្លាំងបំផុតចំពោះមេគោ ដើម្បីឱ្យពួកកូនគោស្ងើចសរសើរមេគោ និងរឹងរឹតតែស្ដាប់បង្គាប់មេគោបានកាន់តែខ្ជាប់ខ្ជួន។

២. បើពួកគោមិនខំប្រឹងតស៊ូ នោះពួកគោនឹងទន់ខ្សោយ។ បើពួកគោទន់ខ្សោយ នោះខ្លាងាយស្រួលធ្វើស៊ីពួកគោ។

៣. បើពួកគោមិនចងពៀរ នោះខ្លាមិនប្រឈមនឹងគ្រោះថ្នាក់ ដូច្នេះខ្លាបានស៊ីទាំងគោ បានទាំងសេចក្ដីសុខ។

#ដកស្រង់ពីទស្សនៈទី ៤៤២ នៃ #គម្ពីរក្មេរ

10/09/2024

#តើកូនជាអ្វី?

១. អ្នកខ្លះ លទ្ធិខ្លះ យល់ថា កូនជាចំណង និងជាឧបសគ្គ រារាំងពួកគេក្នុងដំណើរសម្រេចគោលដៅរបស់ពួកគេ។ ពួកគេយល់ឃើញទៀតថា ពួកគេលះបង់ច្រើនណាស់ដើម្បីកូន ដូច្នេះពួកគេមានគុណអនេកអនន្តលើកូន ហើយកូនជំពាក់គុណពួកគេរកប្រមាណមិនបាន។

២. ចុះញុំ? ចុះមេបានិយមយល់ឃើញដូចម្ដេច?

២.១. បើគ្មានកូនទេ ញុំមុខជាចុះចាញ់ឧបសគ្គជីវិត ហើយចូលព្រៃសាងផ្នួស។

២.២. បើគ្មានកូនទេ ញុំមុខជាបណ្ដែតបណ្ដោយជីវិតញុំឱ្យប្រព្រឹត្តទៅតាមបែបរស់ក៏គាប់ងាប់ក៏គួរ។

២.៣. បើគ្មានកូនទេ ញុំមុខជារស់នៅបែបខ្ជិលៗ រស់ដើម្បីតែរស់ រស់នៅបែបម៉ារស់ៗ មិនដឹងជាខំប្រឹងធ្វើអ្វី។ល។

២.៤. ដោយសារកូន ទើបញុំមានសេចក្ដីក្លាហានហ៊ានពុះពារជំនះឧបសគ្គក្នុងជីវិត។

២.៥. ដោយសារកូន ទើបធ្វើឱ្យជីវិតញុំមានន័យ។

២.៦. ដោយសារកូន ទើបធ្វើឱ្យញុំយល់ដឹងពីការលះបង់ដ៏ស្មោះត្រង់ពិតប្រាកដ។

២.៧. ដោយសារកូន ទើបធ្វើឱ្យញុំយល់ដឹងពីសេចក្ដីស្រលាញ់ដ៏ពិតប្រាកដ។

២.៨. ដោយសារកូន ទើបធ្វើឱ្យញុំយល់ដឹងពីការទទួលខុសត្រូវដ៏ពិតប្រាកដ។

២.៩. ដោយសារកូន ទើបធ្វើឱ្យញុំយល់ដឹងពីសច្ចធម៌ និងគុណធម៌ដ៏ពិតប្រាកដ។

២.១០. ដោយសារកូន ទើបធ្វើឱ្យញុំបានស្គាល់ព្រះមេបា ជាព្រះដ៏ពិតប្រាកដ ជាព្រះលើអស់ទាំងព្រះ។

ើកូនជាអ្វី?
#កូនជាអ្វីៗគ្រប់យ៉ាងរបស់ញុំ!
#អរគុណកូន!
#អរគុណព្រះមេបា!

#ដកស្រង់ពីទស្សនៈទី ៤៤១ នៃ #គម្ពីរក្មេរ

06/09/2024

#កើតមកខ្លួនទទេ #ស្លាប់ទៅវិញខ្លួនទទេ
១. កើតមកមិនបានយកអ្វីទាំងអស់មកតាមខ្លួន លុះស្លាប់ទៅវិញក៏មិនបានយកអ្វីទាំងអស់ទៅតាមខ្លួនដែរ។
២. ខ្លាកើតមកខ្លួនទទេ ងាប់ទៅវិញក៏ខ្លួនទទេ។
៣. គោកើតមកខ្លួនទទេ ងាប់ទៅវិញក៏ខ្លួនទទេ។
៤. គោរមែងត្មះតេះដៀលកំណើតជាខ្លា។
៥. ខ្លារមែងចូលចិត្តគោ និងចង់ឱ្យមានគោច្រើន។
៦. គោគិតថា ខ្លាមានបាប ខ្លាងាប់ទៅមុខជាធ្លាក់នរក។
៧. ខ្លាគិតថា កើតមកទទេ ងាប់ទៅវិញក៏ទទេ ដូច្នេះ ចង់ធ្វើអ្វី ធ្វើទៅ ទាន់នៅមានជីវិត។
៨. គោកើតកូនមកគោ។
៩. ខ្លាកើតកូនមកខ្លា។
#កើតមកទទេ #ស្លាប់ទៅវិញក៏ទទេ!

#ដកស្រង់ចេញពីទស្សនៈទី #៤៤០ នៃ #គម្ពីរក្មេរ

Address

Phnom Penh

Telephone

+85581736370

Website

Alerts

Be the first to know and let us send you an email when Gods The Parents posts news and promotions. Your email address will not be used for any other purpose, and you can unsubscribe at any time.

Shortcuts

Share

Category