31/07/2025
គណសង្ឃនាយក នៃព្រះរាជាណាចក្រកម្ពុជា ក្រោមព្រះអធិបតីភាពដ៏ខ្ពង់ខ្ពស់ សម្តេចព្រះសង្ឃនាយក ,សម្តេចព្រះសង្ឃនាយករង , សម្តេច អមដំណេីរដោយព្រះមន្ត្រីសង្ឃមួយអន្លេី ឯកឧត្តម ចាយ បូរិន រដ្ឋមន្ត្រីក្រសួងធម្មការ សាសនា និងលោកជំទាវ ព្រមទាំងសហការីក្រុមការងារ បានចុះសួរសុខទុក្ខ ផ្តល់ជូននូវទេយ្យទានជាអំណោយឧបត្ថម្ភដល់ប្រជាពលរដ្ឋ គ្រួសារកងទ័ពភាសសឹក នៅទីកន្លែងមានសុវត្ថិភាព ស្ថិតនៅក្រុងសំរោង ខេត្តឧត្តរមានជ័យ និងវត្តពោធិប្រាំពាន់ ស្រុកគូលេន ខេត្តព្រះវិហារ ដែលត្រូវបានទាហានសៀមឈ្លានពាន ជាអ្នកបង្កសង្គ្រាមមុន
សមានចិត្តប្រកបដោយទឹកព្រះទ័យដ៏ជ្រះថ្លារបស់សម្តេចជាអម្ចាស់ព្រមទាំងព្រះករុណាគ្រប់ព្រះអង្គ ឯកឧត្តម លោកជំទាវ ជាការចូលរួមចំណែកជាមួយរាជរដ្ឋាភិបាលកម្ពុជា ដែលដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដោយមានការចង្អុលបង្ហាញ និងផ្តល់អនុសាសន៍ ពីសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ក្នុងការយកចិត្តទុកដាក់ គិតគូពីសុខទុក្ខរបស់ប្រជាពលរដ្ឋ គ្រួសារកងទ័ពភាសសឹក ដែលទទួលរងការឈ្លានពានពីចោសៀម ជាពិសេសកងទ័ពជួរមុខ ដែលបានលះបង់សាច់ស្រស់ ឈាមស្រស់ក្នុងបុព្វហេតុដេីម្បីការពារបូរណភាពទឹកដីឲ្យគង់វង្ស និងសុខសន្តិភាពជូនប្រជាជាតិខ្មែរទាំងមូល ។
ថ្ងៃព្រហស្បតិ៍៦កេីត ខែស្រាពណ៍ ឆ្នាំម្សាញ់ សប្ពស័ក ពុទ្ធសករាជ២៥៦៩ ត្រូវនឹងថ្ងៃទី៣១ ខែកក្កដា ឆ្នាំ២០២៥
