Buddh+Ism

26/02/2026

#ចង់ចេះសម្លាប់អាចារ្យចង់បានផ្លែផ្កាយកភ្លើងដុតគល់
ពាក្យទំនៀមបុរាណ " បើចង់ចេះ ត្រូវតែសម្លាប់អាចារ្យ
បើចង់បានផ្លែផ្កា ត្រូវតែយកភ្លើងទៅដុតគល់ "។ ៚

✔ខ្លឹមសារគួរចងចាំ៚
១. #សម្លាប់អាចារ្យ ក្នុងន័យនេះគឺសម្លាប់អស្មិមានៈ
ក្នុងសន្តាន របស់យើងឱ្យអស់ ទើបយើងអាចចេះ
អាចយល់ អាចដឹងនូវរស់នៃព្រះធម៌បាន។ មានន័យថា
យើងបំបាត់នូវគំនិត ដែលថាខ្លួនចេះអស់ និងមិនត្រូវការ
ស្តាប់ទស្សនៈអ្នកដ៏ទៃឡើយ។​

២. #ចង់បានផ្លែផ្កាយកភ្លើងទៅដុតគល់ នោះគឺចង់សំដៅ
ន័យថា លុះត្រាតែយើងដុតកិលេស ដែលជាឬគល់នៃ
អកុសលធម៌ទាំងពួង ពោលគឺ ទោសៈ និងមោហៈចេញ
ទើបយើងបានផ្លែផ្កា (ព្រះនិព្វាន) ពោលគឺ សេចក្តីសុខ
ស្ងប់នោះឯង។
----------------
Buddh+Ism
📖 ដកស្រង់ចេញពីសៀវភៅ ៖ ចិត្តបុណ្យ
✏️ រៀបរៀងដោយ៖ ព្រះភិក្ខុ ពេញ វិបុល

26/02/2026

#ការសាងទសបារមី | ការសាងទសបារមី
🙏ព្រះពោធិសត្វគ្រប់ព្រះអង្គ បន្ទាប់ពីបានទទួល
ព្យាករណ៍ ពីព្រះសម្មាសម្ពុទ្ធអង្គណាមួយហើយ
ក្នុងលក្ខណះជានិយតពោធិសត្វ ត្រូវបំពេញនូវ
ទសបារមី (បារមី១០) ដែលជា ពុទ្ធការកធម៌បន្ត
ទៅទៀត រហូតដល់បានត្រាស់ជាព្រះសម្មាសម្ពុទ្ធ។​

🙏ពុទ្ធការកធម៌ (ទសបារមី១០) នោះមានដូចតទៅ៖
១.ទានបារមី ; ២.សីលបារមី ;
៣.នេក្ខម្មបារមី ; ៤.បញ្ញាបារមី ;
៥.វីរិយបារមី ; ៦.ខន្តិបារមី ;
៧.សច្ចបារមី ; ៨.អធិដ្ឋានបារមី ;
៩.មេត្តាបារមី និង ១០.ឧបេក្ខាបារមី ។​

💞 Buddh+Ism
✔ដកស្រង់ ពីសៀវភៅ៖ មាគ៌ាជីវិតនៃព្រះពោធិសត្វ
✔រៀបរៀងដោយ៖ លោកតាបណ្ឌិត កុល ផេង ៚

24/02/2026

#ពោធិចិត្ត ពោធិចិត្ត មានន័យថា សន្តានចិត្តនៃបុគ្គល
ដែលមានករុណា និងឆន្ទះខ្ជាប់ខ្ជួនតែមួយគត់ ហើយ
ធំជាងគេប្រចាំជីវិត គឺសេចក្តីប្រាថ្នាឱ្យបានត្រាស់ជ ព្រះ
សម្មាសម្ពុទ្ធ ឬព្រះពុទ្ធ ដើម្បីឱ្យបានរួចផុត ចាកទុក្ខក្នុង
សង្សារវដ្ត និងដើម្បីជួយសង្គ្រោះដល់សត្វលោកទាំងពួង
ឱ្យរួចផុតចាកទុក្ខផងដែរ។​
🙏 បញ្ញាណា ចាក់ធ្លុះនូវធម៌ដែលគួរដឹងតាមសភាពពិត
ហេតុនោះ ឈ្មោះថា (ពោធិ) ។ បុគ្គលនោះឯងឈ្មោះថា
(ពោធិសត្វ) ព្រោះជាអ្នកអនុគ្រោះនូវសត្វ។ ហេតុនោះ
ទើបលោកហៅថា បណ្ឌិតសត្វ, ពុជ្ឈនកសត្វ គឺជាអ្នក
ប្រកបដោយ (ពោធិចិត្ត)។​

💞 Buddh+Ism
✔ដកស្រង់ ពីសៀវភៅ៖ មាគ៌ាជីវិតនៃព្រះពោធិសត្វ
✔រៀបរៀងដោយ៖ លោកតាបណ្ឌិត កុល ផេង ៚

22/02/2026

#ព្រះពោធិសត្វ ព្រះពោធិសត្វ គឺជាបុគ្គលម្នាក់ ដែល
តាំងចិត្តប្រាថ្នាឱ្យបានត្រាស់ដឹងជាព្រះពុទ្ធ ដោយការ
ខិតខំព្យាយាមសាងបុណ្យបារមី យ៉ាងស្វិតស្វាញបំផុត។

ពាក្យថា ព្រះពោធិសត្វ សំដៅយកបុគ្គល និងមហាសត្វ
ទាំងឡាយ ដែលប្រកបដោយចិត្តបុណ្យដ៏ទូលាយ
ព្រមទាំងមានបញ្ញាដ៏ជ្រាលជ្រៅ។ (ពោធិ) ជាពាក្យបាលី មានន័យថា បញ្ញាជាគ្រឿងត្រាស់ដឹង។ (សត្ត) ពាក្យបាលី
ឬ (សត្វ) ពាក្យសំស្ក្រឹត មានន័យថា បុគ្គលដែល
ជាប់ជំពាក់ក្នុងអារម្មណ៍ ឬបំណងណាមួយ។
ដូច្នេះពាក្យថា (ពោធិសត្វ) មានន័យថា " បុគ្គលដែល
មានចិត្តជាប់ជំពាក់ក្នុងការត្រាស់ដឹង ឬជាបុគ្គលដែល
សាងចិត្តដើម្បីត្រាស់ដឹង "។​

💞 Buddh+Ism
✔ដកស្រង់ ពីសៀវភៅ៖ មាគ៌ាជីវិតនៃព្រះពោធិសត្វ
✔រៀបរៀងដោយ៖ លោកតាបណ្ឌិត កុល ផេង ៚

22/02/2026

#បារមី តើអ្វីជាបារមី?​
បារមី មានន័យថា គុណជាតិដ៏ប្រសើរ ដែលបុគ្គល
ត្រូវបំពេញ ឬជាគ្រឿងសម្រាប់ញ៉ាំងសត្វឱ្យដល់ត្រើយ
បរមសុខ គឺព្រះនិព្វាន។ តាមពាក្យសាមញ្ញ ការសាង
បារមី គឺការអប់រំខ្លួនឱ្យបានបរិសុទ្ធទាំងផ្លូវ កាយ វាចា
ចិត្ត ចរិត សតិ និងបញ្ញា ដើម្បីធ្វើខ្លួនឱ្យមានគុណធម៌
យ៉ាងល្អប្រសើរប្រចាំជីវិត។ 🙏🙏🙏

💞 Buddh+Ism
✔ដកស្រង់ ពីសៀវភៅ៖ មាគ៌ាជីវិតនៃព្រះពោធិសត្វ
✔រៀបរៀងដោយ៖ លោកតាបណ្ឌិត កុល ផេង ៚

21/02/2026

📖 វិធាន ជីវិតពោរពេញដោយសន្តិភាព៖
✔ ទៅសួរសុខទុក្ខ អ្នកដែលមកសួរសុខទុក្ខអ្នក។
✔ ជួយឧបត្ថម្ភ អ្នកដែលបានជួយអ្នកឧបត្ថម្ភអ្នក។
✔ បោះបង់ចោល អ្នកដែលបានបោះបង់អ្នក៚
💞 Buddh+Ism

02/02/2026

🙏🙏🙏 សូមអនុមោទនា ពិធីបុណ្យមាឃបូជា៚
ថ្ងៃចន្ទ ១៥កើត ខែមាឃ ឆ្នាំម្សាញ់ សប្តស័ក
ពុទ្ធសករាជ ២៥៦៩ ត្រូវនឹងថ្ងៃទី២ ខែកុម្ភៈ ឆ្នាំ២០២៦

31/01/2026

🙏អនុមោទនា បុណ្យមាឃបូជា ឆាប់ៗនេះ៚

31/01/2026

🙏អនុមោទនា បុណ្យមាឃបូជា ឆាប់ៗនេះ៚

03/11/2025

មេរៀនទាំងបីនេះ យើងច្រើនធ្លាប់លឺ ធ្លាប់ស្ដាប់ និងធ្លាប់ចាំទៀតក៏មាន ប៉ុន្តែបើយើងចេះទទួលយកធម៌ទាំងនេះដោយសុទ្ធចិត្ត និងយកវាមកអនុវត្តក្នុងដំណើរជីវិត នោះយើងនឹងមានអារម្មណ៍ថាធូរស្បើយ ស្រាលខ្លួន និងស្រឡះផ្លូវចិត្តច្រើនជាងមុន៖

ទី១៖ គ្រប់យ៉ាងក្នុងលោកនេះតែងប្រែប្រួល មិនទៀងទាត់ មិនគង់នៅជារៀងរហូត ទាំងរឿងល្អក្ដី រឿងមិនល្អក្ដី រឿងយើងចង់ឱ្យកើតមានក្ដី មិនចង់ឱ្យកើតមានក្ដី ធម្មជាតិនេះតែងប្រែប្រួលផ្លាស់ប្ដូរជាធម្មតា (អនិច្ចំ) ដូចនេះត្រូវទទួលយកការប្រែប្រួលផ្លាស់ប្ដូរ វាមិននៅអ៊ីចឹងរហូតនោះទេ ព្រោះជាច្បាប់ធម្មជាតិ។

ទី២៖ ក្នុងលោកនេះ រឿងលំបាកច្រើនជាងរឿងស្រួល ជីវិតជាទុក្ខ ជីវិតគឺជាការអត់ធន់ ទ្រាំតស៊ូ និងជំនះនូវឧបសគ្គ បញ្ហាទាំងឡាយជាធម្មតា (ទុក្ខំ) ដូចនេះ​ ពេលជួបការលំបាក ជួបទុក្ខ ជួបបញ្ហា ចូរចាំថា វាជារឿងធម្មតា របស់ធម្មជាតិជីវិតមនុស្សសត្វ។

ទី៣៖ រឿងខ្លះយើងគ្រប់គ្រងបាន រឿងខ្លះយើងគ្រប់គ្រងវាមិនបានទេ។ រឿងគ្រប់យ៉ាង មានហេតុ មានផល មានកម្ម និងដំណើរធម្មជាតិរបស់វា។ ដូចនេះ កុំមានការប្រកាន់ខ្លាំងពេកអី។ ក្នុងធម្មជាតិនេះ ជីវិតមនុស្សគ្រាន់តែបង្គុំនៃកោសិកា បង្គុំនៃធាតុទឹកដីភ្លើងខ្យល់ និងជារបស់បណ្ដោះអាសន្នប៉ុណ្ណោះ ដូចនេះកុំមានការប្រកាន់ កើតទុក្ខ ជាប់ជំពាក់ខ្លាំងពេកអី រៀនប្រលែង និងទម្លាក់ខ្លះ។ ជីវិតវាមិនមែនជាយើង ដូចដែលយើងគិតនោះទេ (អនត្តា)។

រៀនស្គាល់ធម្មជាតិ ទទួលយកធម្មជាតិ ជីវិតកាយចិត្ត នឹងបានស្រាល ធូរស្បើយច្រើន។

ដោយ៖ វិបស្សា-VIPASSA Buddh+Ism

22/08/2025

12/02/2025

អនុមោទនាបុណ្យមាឃបូជា🙏🙏🙏