25/06/2024
ចោទិយកថា ២៩ៈ២៨
'ឯអស់ទាំងសេចក្ដីលាក់កំបាំង នោះស្រេចនៅព្រះយេហូវ៉ាជាព្រះនៃយើងរាល់គ្នាទេ តែសេចក្ដីដែលបានបើកសំដែងមកទាំងប៉ុន្មាន នោះស្រេចនៅយើងរាល់គ្នា ហើយនឹងកូនចៅយើង ជារៀងរាបដរាបវិញ ដើម្បីឲ្យយើងបានប្រព្រឹត្តតាមអស់ទាំងពាក្យក្នុងក្រឹត្យវិន័យនេះ។'
លក្ខណៈនៃបទគម្ពីរ
• ទី១ បទគម្ពីរ គឺជាព្រះបន្ទូលព្រះ ដែលមានសិទ្ធអំណាចទាំងស្រុង។ (ចោទិយកថា ២៩ៈ២៨, យ៉ូស្វេ ១ៈ៨, ២៣ៈ៦, ២ ពង្សាវតាក្សត្រ ២២ៈ១១, អែសរ៉ា ១០ៈ១-៤, នេហេមា ១៣ៈ១-៣, អេសាយ ៤០ៈ៨, យ៉ូហាន ១០ៈ៣៤-៣៦,ម៉ាថាយ ៥ៈ១៧-១៩, លូកា ២១ៈ២១-២៣, លូកា ១៦ៈ១៧, ១ ថេស្សាឡូនិក ២ៈ១៣)
• ទី២ បទគម្ពីរ គឺជាព្រះបន្ទូលព្រះ ដែលព្រះបញ្ចេញព្រះវិញ្ញាណ បណ្ដាលអោយតែងទាំងស្រុង។ (២ធីម៉ូថេ ៣ៈ១៥-១៧)
• ទី៣ និង ទី៤ បទគម្ពីរ គឺជាអំណោយទាន។ ជាអំណោយទានភ្ជាប់ជាមួយនិងគោលបំណងសីលធម៌។
• ទី៥ បទគម្ពីរ គឺបានប្រទានមកយើងដើម្បីស្ដាប់បង្គាប់ ដូច្នេះបទគម្ពីរគឺអាចយល់បាន.។
• ទី៦ បទគម្ពីរ គឺបានប្រទានមកយើង អាចផ្ទេរបន្ដរដល់កូនចៅយើង នោះមានន័យថា បទគម្ពីរ អាចបង្រៀនបាន។
• ទី៧ បទគម្ពីរ គឺប្រទានមកដល់អស់អ្នកជឿ គ្រប់អាយុ អាចបង្រៀន អប់រំផ្លូវចិត្ត ហើយសារគ្រឹះនៃបទគម្ពីរ គឺមានភាពច្បាស់លាស់។
• ទី៨ បទគម្ពីរ ពីព្រោះបទគម្ពីរបានប្រទានមកយើងជារាងដរាប ដូច្នេះបទគម្ពីរជាប់ទាក់ទងរហូត(ព្រះមានបន្ទូលតាមបទគម្ពីរដល់រាស្ដ្រទ្រង់ទាំងអស់ក្នុងប្រវត្ដិសាស្ដ្រ)។
• ទី៩ បទគម្ពីរ គឺតម្រូវអោយយើងស្ដាប់បង្គាប់ព្រះ ក្នុងគ្រប់កាលៈទេសៈ ដូច្នេះបទគម្ពីរ គឺមានការអនុវត្ដន៍ ដល់គ្រប់ជីវិត។
• ទី១០ និង ទី១១ ពីព្រោះព្រះជាម្ចាស់បង្ហាញព្រះហឫទ័យទ្រង់ក្នុងបទគម្ពីរ ហើយគ្មានកន្លែងណាផ្សេងទេដែលព្រះបង្ហាញព្រះហឫទ័យទ្រង់ ដូច្នេះ បទគម្ពីរគឺមានសារៈសំខាន់ និង ល្មមគ្រប់គ្រាន់ ប្រាប់យើងអំពីព្រះ ហើយនិងអ្វីដែលព្រះតម្រូវដល់មនុស្ស។
• ទី១២ បទគម្ពីរ ពីព្រោះព្រះបង្ហាញក្នុងគ្រប់បទគម្ពីរគឺសម្រាប់អោយយើងស្ដាប់បង្គាប់ ហើយគ្រប់ផ្នែកនិមួយៗក្នុងបទគម្ពីរ គឺស្របគ្នានឹងផ្នែកនិមួយៗផ្សេងទៀត។ គ្មានការនិយាយផ្ទុយគ្នា រឺប្រឆាំងគ្នា ក្នុងបទគម្ពីរឡើយ។ គ្រប់ផ្នែកគឺស្របគ្នានឹងផ្នែកផ្សេងៗទៀត និង ស្របគ្នាទាំងស្រុង។
• ទី១៣ បទគម្ពីរ ពីព្រោះបទគម្ពីរទាំងស្រុងគឺបានប្រទានមកយើងដើម្បីអោយយើងស្ដាប់បង្គាប់តាម ហើយពីព្រោះគ្រប់ផ្នែកនៃបទគម្ពីរគឺស្របគ្នា ជាមួយនឹងការបង្គ្រប់ន័យគ្រប់ផ្នែកផ្សេងទៀត ហើយគ្រប់ផ្នែកនៃបទគម្ពីរទាំងស្រុងផ្ដល់ដំបូន្មាន ដើម្បីបញ្ជាក់គ្រប់ទាំងសេចក្ដីបង្រៀនក្នុងបទគម្ពីរ លើប្រធានបទណាមួយ។ ដែលយើងហៅការនេះថា ជាសារៈសំខាន់នៃលក្ខណៈយោងដោយខ្លួនឯងនៃបទគម្ពីរ (necessary self-referential nature of Scripture).
• ទី១៤ ទី១ ពីព្រោះបទគម្ពីរគឺជាគ្រឹះសម្រាប់ចំណេះដឹងគ្រប់មនុស្សជាតិ។ ទី២ ពីព្រោះព្រះជាម្ចាស់បានរក្សាសេចក្ដីអាថកំបាំងខ្លះ ហើយមិនបានបើកសម្ដែងមកមនុស្សលោកទេ ដូច្នេះក្នុងន័យខ្លះ បទគម្ពីរគឺមានដែលកំណត់។
ពួកជំនុំ ព្រេសប៊ីធារាន ហ៊ីននេនី Hinneniy Presbyterian Church
![ប្រជុំប្រកបគ្រួសារអ្នកបំរើព្រះ ហ៊ីននេនីHinneniy Fellowship ទំនុកដំកើង 133:1 ពគប[1] មើល ដែលបងប្អូននៅមូលជាមួយគ្នា ដោយចិត្ត...](https://img3.prayers1.com/541/145/1168371195411456.jpg)
![យ៉ាកុប 1:27 ពគប[27] ឯសាសនាដែលបរិសុទ្ធ ហើយឥតសៅហ្មង នៅចំពោះព្រះដ៏ជាព្រះវរបិតា នោះគឺឲ្យទៅសួរពួកកំព្រា នឹង...](https://img4.prayers1.com/941/351/895017329413512.jpg)
