04/09/2026
សេចក្តីជូនដំណឹង
សូមជូនដំណឹងដល់សិស្សានុសិស្ស និងមន្ត្រីរាជការមានបំណងបន្តការសិក្សាថ្នាក់ឧត្តមសិក្សា
ឱ្យបានជ្រាបថា៖ ដើម្បីចូលរួមចំណែកជាមួយរាជរដ្ឋាភិបាល ក្នុងការអភិវឌ្ឍធនធានមនុស្ស នៅក្នុងឆ្នាំសិក្សាថ្មី ២០២៦-២០២៧ ខាងមុខនេះ ឯកឧត្តមទេសរដ្ឋមន្ត្រី អ៊ី ឈាន ប្រធានក្រុមការងារ
រាជរដ្ឋាភិបាលចុះមូលដ្ឋានខេត្តប៉ៃលិន និងលោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្ត បានផ្តល់ជូនអាហារូបករណ៍100% សម្រាប់និស្សិត មានជីវភាពខ្វះខាត ដើម្បីបានសិក្សាបន្តថ្នាក់បរិញ្ញាបត្រនិងថ្នាក់បរិញ្ញាបត្ររង ឯកឧត្តមជួយចំនួន ៨០កន្លែង សិក្សានៅវិទ្យាស្ថានខេអាយអាយស៊ី សាខាខេត្តប៉ៃលិន (KIIC)
សូមបញ្ជាក់ថា៖
វិទ្យាស្ថានខេអាយអាយស៊ី (KIIC) គឺជាគ្រឹះស្ថានឧត្តមសិក្សា ដែលបានទទួលស្គាល់ ដោយ
រាជរដ្ឋាភិបាលតាមរយៈអនុក្រឹត្យលេខ ៨៦ អន ក្រ.បក ស្ថិតនៅក្រោមក្រសួងការងារ និងបណ្តុះបណ្តាលវិជ្ជាជីវៈ ដែលធ្វើការបណ្តុះបណ្តាលកម្រិតសិក្សាថ្នាក់បរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ ដោយមាន ៦មហាវិទ្យាល័យ
រួមមាន៖
១-មហាវិទ្យាល័យ គ្រប់គ្រងពាណិជ្ជកម្ម និងវិទ្យាសាស្ត្រសេដ្ឋកិច្ច
២-មហាវិទ្យាល័យ នីតិសាស្ត្រ និងរដ្ឋបាលសាធារណៈ,
៣-មហាវិទ្យាល័យ វិទ្យាសាស្ត្រ និងបច្ចេកទេស
៤-មហាវិទ្យាល័យ កសិកម្ម និងកែច្នៃ
៥-មហាវិទ្យាល័យ សិល្បៈមនុស្សសាស្ត្រ និងភាសា និង ៦-មហាវិទ្យាល័យ វិទ្យាសាស្ត្រអប់រំ និងនវានុវត្តន៍។
អាស្រ័យដូចបានជម្រាបជូន ខាងលើ សូមអាណាព្យាបាល សិស្សានុសិស្ស អញ្ចើញមកចុះឈ្មោះនៅ សាលាខេត្ត ទីចាត់ការគ្រប់គ្រងធនធានមនុស្ស និង ទំនាក់ទំនង សាកសួរពត៌មាន តាមរយៈលេខ ០៩៧ ២៧ ០២ ៨៨៨ ០៩៧ ៧៦ ៥៣ ១២៧
ចាប់ពីថ្ងៃជូនដំណឹងនេះតទៅ
សូមអរគុណ!
