31/08/2026
សូមអនុមោទនា !!🪷
ខ្ញុំព្រះករុណា អាត្មាភាព ជាព្រះចៅអធិការ ព្រមទាំងអាចារ្យគណកម្មការ ពុទ្ធបរិស័ទ ចំណុះជើងវត្តសុវណ្ណសាគរ
សូមថ្លែងអំណរអរព្រះគុណនិងអរគុណ ដល់ព្រះគ្រូចៅអធិការព្រមទាំង លោកអាចារ្យ ញាតិញោមពុទ្ធបរិស័ទ វត្តស្រែជា និង វត្តអង្គស្ដុក ដែលបាននិមន្តនិងអញ្ជើញ ប្រគេនចង្ហាន់ត្រង់ ដល់ព្រះសង្ឃ ក្នុងកម្មពិធីបុណ្យប្លុងសាមគ្គី នាវត្តសុវណ្ណសាគរ កាលពីព្រឹកថ្ងៃ អាទិត្យទី៣០ ខែសីហា -២០២៦ ម្សិលមិញនេះ ។
សូមប្រគេនប្រសិទ្ធិពរជ័យ សិរីសួស្តីមង្គល វិបុលសុខ បវរមហាប្រសើរ គ្រប់ប្រការចូរកើតមានដល់ព្រះគ្រូចៅអធិការព្រមទាំង លោកអាចារ្យ ញាតិញោមពុទ្ធបរិស័ទ វត្តស្រែជា និង វត្តអង្គស្ដុក ដែលបាននិមន្តនិងអញ្ជើញចូលរួមធ្វើកម្មពិធីបុណ្យប្លុងសាមគ្គី ប្រគេនចង្ហាន់ត្រង់ ដល់ព្រះសង្ឃ នាវត្តសុវណ្ណសាគរ ។
សូមឲ្យជួបតែនឹងពុទ្ធពរទាំងឡាយ ៤ ប្រការគឺ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ហើយសូមឲ្យសម្រេចរាល់កិច្ចការងារ និងសេចក្តីប្រាថ្នាគ្រប់ៗប្រការ។
ឥមិនា បុញ្ញតេជន សព្វេ សត្តា សុខា ហោន្តុ ។
ព្រោះអំណាចនៃបុណ្យកុសលនេះ សូមឲ្យសព្វសត្វទាំងឡាយទាំងពួង ជាអ្នកមាននូវសេចក្តីសុខ ។
សព្វេ សត្តា សព្វទុក្ខា មុញ្ចន្តុ ។
សូមឲ្យសព្វសត្វទាំងពួង ជាអ្នក បានរួចផុតចាកទុក្ខទាំងពួង ៕
ឥទំ នោ បុញ្ញំ មាតាបិតូនំ ញាតីនំ ហោតុ សុខិតា ហោន្តុ ញាតយោ
បុណ្យរបស់ញាតិញោម ទាំងអស់គ្នានេះ សូមមានដល់ មាតាបិតា និង ញាតិទាំងឡាយ របស់ញាតិញោម សូមឲ្យញាតិទាំងឡាយ របស់ញាតិញោម បានដល់នូវសេចក្តី សុខចុះ ។
សូមអនុមោទនា !!
#វត្តសុវណ្ណសាគរ 🪷🙏❤️
_____________________________!
ថ្ងៃចន្ទ ៣ រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦
