Karuna Battambang Organization

27/01/2026

នៅថ្ងៃចន្ទ ៨កើត ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៦ ខែមករា ឆ្នាំ២០២៦ កម្មវិធីសម្ពោធសាលាមាតានៃសន្តិភាពថ្នាក់អប់រំបរិយាបន្ន ​របស់ព្រះសហគមន៍កាតូលិកបាត់ដំបង ក្នុងគម្រោងសមត្ថភាពជនពិការ នៃអង្គការករុណាបាត់ដំបង ដោយមានការនិមន្ត និងអញ្ជើញចូលរួមក្រោមអធិបតីភាព លោកអភិបាល អេនរីគេ ហ្វីការេដូ អភិបាលព្រះសហគមន៍កាតូលិកភូមិភាគបាត់ដំបង និងជាប្រធាននៃអង្គការករុណាបាត់ដំបង ព្រះយសបញ្ញា បណ្ឌិត វី សុវិជ្ជា ព្រះប្រធាន សាខាពុទ្ធិកសាកលវិទ្យាល័យព្រះសីហនុរាជខេត្តបាត់ដំបង លោក យី​ សុងគី ប្រធានមន្ទីរអប់រំ យុវជន និងកីឡាខេត្តបាត់ដំបង លោក ទុំ ឈៀត ជានាយកប្រតិបត្តិនៃអង្គការករុណាបាត់ដំបង ព្រមទាំងមានការចូលរួមពីសំណាក់បងស្រី​ លោកគ្រូអ្នកគ្រូ ​បុគ្គលិកអង្គការករុណាបាត់ដំបង ភ្ញៀវជាតិ និងអន្តរជាតិ។ ក្នុងនោះផងដែរលោកអភិបាល បានមានប្រសាសន៍ថា៖ ខ្ញុំសូមលើកទឹកចិត្តដល់ម្តាយឪពុក ដែលមានកូនៗមានបញ្ហាសតិបញ្ញា សូមបញ្ជូនកូនមកទទួលការអប់រំនូវសាលាមាតានៃសន្តិភាពនេះ ដើម្បីឱកូនៗមានការអភិវឌ្ឍខ្លួនទៅខាងមុខដោយល្អប្រសើរ។ ជាមួយគ្នានោះដែរ ព្រះយសបញ្ញា បណ្ឌិត វី សុវិជ្ជា បានមានសង្ឃដីការថា៖ សាលាអប់រំពិសេសមាតានៃសន្តិភាពនេះ​ផ្តល់ឱកាសដល់កុមារគ្រប់រូបដែលមានបញ្ហាសតិបញ្ញា ហើយបច្ចុប្បន្ននេះយើងមានឃើញថា កំពុងមានការកើនឡើងនៅក្នុងសហគមន៍យើង ក្នុងនោះខេត្តបាត់ដំបងយើងក៏មានកុមារជួបបញ្ហាសតិបញ្ញាច្រើនដែរ។ ការបង្កើតសាលាអប់រំពិសេសមាតានសន្តិភាព ក្នុងក្រុងបាត់ដំបងនេះ គឺជាការឆ្លើយតបទៅនឹងអ្វីដែលជាសេចក្តីត្រូវការពិតប្រាកដមួយក្នុងសង្គមរបស់យើង ដែលទាមទារឱ្យយើងរួមគ្នាដោះស្រាយ ហើយអាត្មាភាពក៏មានចិត្តសប្បាយរីករាយ ដែលបានឃើញមានសាលានេះសម្រាប់ប្រជាជន នៅក្នុងក្រុងបាត់ដំបង ហើយក៏ជាការបំពេញការខ្វះចន្លោះនូវអ្វីដែលយើងចាំបាច់ត្រូវតែធ្វើនៅក្នុងសង្គមរបស់យើង។ ក្នុងនាមព្រះសង្ឃមួយអង្គ គឺសូមគាំទ្រគ្រប់កិច្ចការទាំងឡាយដែលជួយដល់កុមារ ជាពិសេសកុមារដែលមានបញ្ហាសតិបញ្ញា ហើយយើងមិនគួររើសអើង ឬបោះបង់កុមារទាំងនោះចោលទេ ត្រូវតែឱបក្រសោបពួកគាត់ និងផ្តល់ការអប់រំដល់ពួកគាត់ ទាំងផ្លូវកាយ និងខាងបញ្ញា។ លោក យី សុងគី ប្រធានមន្ទីរអប់រំយុវជន និងកីឡាខេត្តបាត់ដំបងបានលើកឡើងថា៖ ខ្ញុំសូមអរគុណ និងកោតសរសើរដល់អង្គការករុណាបាត់ដំបង ជាពិសេសលោកអភិបាល អេនរីគេ ហ្វីការេដូ និងក្រុមការងារទាំងអស់ដែលបានបង្កើតឱ្យមានសាលាអប់រំពិសេស មាតានៃសន្តិភាពនេះ ។ ខ្ញុំគិតថាសាលានេះមានសារសំខាន់សម្រាប់កុមារដែលមានបញ្ហាសតិបញ្ញានៅក្នុងខេត្តបាត់ដំបង ហើយខ្ញុំមានក្តីសង្ឃឹមថាសាលានឹងដំណើរការទៅយ៉ាងល្អ និងអប់រំឱ្យកុមារមានការរីកចម្រើនទៅខាងមុខដោយជោគជ័យ។

24/12/2025

23/12/2025

កាលពីថ្ងៃទី១៩ ខែធ្នូ ឆ្នាំ២០២៥ អង្គការករុណាបាត់ដំបង រួមសហការនឹងមណ្ឌលសុខភាពពេទ្យយាយជី ដោយមានការអញ្ជើញចូលរួមក្រោមអធិបតីភាពលោកអភិបាលអេនរីគេ ហ្វីការេដូអភិបាលព្រះសហគមន៍កាតូលិកភូមិភាគបាត់ដំបង និងជានាយកនៃអង្គការករុណាបាត់ដំបង បាននាំយកសម្ភារៈរួមមាន ម្សៅទឹកគោកំប៉ុង មុង ប្រេងកូឡា ទឹកសុទ្ធ សំឡីអនាម័យ ខោទឹកនោម និងប្រេងខ្យល់ ចែកជូនក្រុមគ្រួសារដែលមានទារកចំនួន៥០ គ្រួសារ និងនំ ទឹកដោះគោជូរ សៀវភៅ ក្តាខៀន មកជូនកុមារាកុមារីប្រមាណជាង១០០នាក់នៅជំរុំភៀសសឹក។ នៅក្នុងនោះផងដែរ លោកអភិបាល បានមានប្រសាសន៍ថា៖ សូមឱ្យបងប្អូនដែលមកស្នាក់នៅទីនេះ ចូលរួមថែរក្សាបរិស្ថាន និងថែរក្សាអនាម័យ ដើម្បីឱ្យកូនតូចៗមានសុខភាពល្អ ហើយត្រូវចេះចែករំលែកគ្នា ចេះជួយគ្នាទៅវិញទៅមក និងថែរក្សាវត្តអារាមនេះឱ្យបានល្អ ព្រោះព្រះចៅអធិការវត្តនេះ លោកមានអារម្មណ៍សប្បាយចិត្តណាស់ដែលបានទទួលបងប្អូនឱ្យស្នាក់នៅ និងជាទីសុវត្ថិភាពសម្រាប់បងប្អូន។ និងជាពិសេសសូមបងប្អូនកុំអស់សង្ឃឹម ឆាប់ៗនេះប្រទេសជាតិនឹងមានសន្តិភាព បងប្អូនអាចត្រឡប់ទៅផ្ទះ ទៅភូមិ ស្រុកបងប្អូនវិញ។

12/12/2025

នៅថ្ងៃទី១២ ខែធ្នូ ឆ្នាំ២០២៥ អង្គការករុណាបាត់ដំបង នាំយកស្បៀង និងសម្ភារៈប្រើប្រាស់មួយចំនួន យកទៅចែកជូនដល់បងប្អូនភៀសសឹកនៅខេត្តបន្ទាយមានជ័យ ដោយមានការចូលរួមពីសំណាក់លោកអភិបាល អេនរីគេ ហ្វីការេដូ អភិបាលភូមិភាគបាត់ដំបង និងជានាយកនៃអង្គការករុណាបាត់ដំបង លោកទុំ ឈៀត នាយកប្រតិបត្តិនៃអង្គការករុណាដំបង ព្រមទាំងមានបងប្រុស បងស្រី បុគ្គលិកអង្គការករុណាបាត់ដំបង ក្រុមគ្រូពេទ្យមកពីមណ្ឌលសុខភាពពេទ្យយាយជី និងមានតំណាងពីអង្គការការីតាស់បាត់ដំបង ចូលរួម។ គួរបញ្ជាក់ផងថាគ្រួសារដែលភៀសសឹកនៅស្រុកម៉ាឡៃ ខេត្តបន្ទាយមានជ័យនេះមានចំនួនប្រមាណជាង២១០៦គ្រួសារ ស្មើចំនួន៧៥០០នាក់ ស្រ្តីមានចំនួន៤១៤២នាក់ ។ ក្នុងនោះផងដែរលោកអភិបាលបានមានប្រសាសន៍ទៅកាន់បងប្អូនភៀសសឹកថា៖ "សូមបងប្អូនកុំមានអារម្មណ៍ឯកោ យើងមានការលំបាក ប៉ុន្តែយើងមានរដ្ឋាភិបាលយើងការពារ ថែរក្សាយើងទាំងអស់គ្នា ហើយមិត្តភក្តិពីបរទេសគាំទ្រយើងច្រើន សូមបងប្អូនមានសេចក្តីសង្ឃឹម។ ខ្ញុំសង្ឃឹមថាបន្តិចទៀតយើងនឹងមានសន្តិភាព ប៉ុន្តែក្នុងរយៈពេលដែលបងប្អូននៅទីនេះសូមជួយថែរក្សាបរិស្ថាន សូមថែរក្សាសុខភាពផងដែរ ជាពិសេសសូមមានសម្តីពិរោះសមរម្យចំពោះគ្នា ជួយគ្នាទៅវិញទៅមក និងមិនផឹកស្រា ឬលេងល្បែងស៊ីសងឡើយ។ "
SAUCE ONGJesuit Mission AustraliaJesuitenweltweit Österreich Entreculturas Manos Unidas

23/11/2025

22/11/2025

20/11/2025

20/11/2025

20/11/2025

20/11/2025

ថ្ងៃពុធ ៧រោច ដល់ ថ្ងៃសុក្រ ៩រោច ខែកត្តិក ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី១២ ដល់ ថ្ងៃទី១៤ ខែវិច្ឆិកា ឆ្នាំ២០២៥ អង្គការករុណាបាត់ដំបង គម្រោងករុណាអប់រំបានរៀបចំសិក្ខាសាលាក្រោមប្រធានបទ “ភាពជាអ្នកដឹកនាំ និងអភិបាលកិច្ចសាលារៀន” ក្រោមអធិបតីភាព លោក ទុំ ឈៀត នាយកប្រតិបត្តិអង្គការករុណាបាត់ដំបង តំណាងដ៏ខ្ពង់ខ្ពស់ លោក អភិបាល ទេព ច័ន្ទពិសិដ្ឋ ប្រធានអង្គការករុណាបាត់ដំបង។ វគ្គពង្រឹងបន្ថែមនេះបានសហការជាមួយមន្រ្តីជំនាញអប់រំ ពីការិយាល័យបឋមរបស់មន្ទីរអប់រំ យុវជន និងកីឡាខេត្តបាត់ដំបង ដើម្បីសម្របសម្រួល ព្រមទាំងមានការចូលរួមពីសំណាក់នាយិកា សាលាបឋមសិក្សា សម្តេច ជា ស៊ីម និងនាយក សាលាបឋមសិក្សា បោះពោធិ៍ បានចែករំលែកបទពិសោធន៍ នាយក-នាយិកា គម្រូ ក្នុងការគ្រប់គ្រង និងផ្តល់សេវាសាធារណៈវិស័យអប់រំល្អ។

វគ្គបណ្តុះបណ្តាលនេះមានគោលបំណងបីធំៗ៖
១) ចក្ខុវិស័យ តួនាទី និងភាពជាអ្នកដឹកនាំសាលា
២) ភាពជាអ្នកដឹកនាំផ្នែកបង្រៀន និងលទ្ធផលសិក្សា
៣) ការគ្រប់គ្រង សហគមន៍ និងផែនការកែលម្អសាលា។

វគ្គបណ្តុះបណ្តាលនេះបានបញ្ចប់ទៅដោយជោគជ័យ ដោយមានការសហការជាមួយអ្នកជំនាញវិស័យអបរំ និងសិក្ខាកាមពីសាលាគោលដៅក្នុងគម្រោង។

From 12 to 14 November 2025, Karuna Battambang Organization (KBO), through the Karuna Education Project, organized a workshop under the theme “School Leadership and Governance” The workshop was presided over by Mr. TOM Chheat, Executive Director of KBO, representing Bishop TEP Chanpiseth, President of Karuna Battambang Organization.
The Karuna Education Project collaborated with education specialists from the Primary Office of the Battambang Provincial Department of Education, Youth, and Sports to facilitate the workshop. Participation also included the principals of Samdech Chea Sim Primary School and Boh Po Primary School, who shared their valuable experiences as exemplary school leaders in school management and providing quality public education services.
The training course had three main objectives:
1. Vision, roles, and school leadership
2. Instructional leadership and student learning outcomes
3. Community management and school improvement planning
The training concluded successfully through the cooperation of education specialists and participants from the project’s target schools.

07/11/2025

នៅថ្ងៃអង្គារ ៧កើត ខែកក្ដិក ឆ្នាំម្សាញ់ សប្ដស័ក ព.ស២៥៦៩ ត្រូវនឹងថ្ងៃទី២៨ ខែតុលា ឆ្នាំ២០២៥ គម្រោងសមត្ថភាពជនពិការនៃអង្គការករុណាបាត់ដំបង បានរៀបចំយុទ្ធនាការដើរផ្សព្វផ្សាយពីសិទ្ធិជនមានពិការភាពក្រោមប្រធានបទ”សិទ្ធិទទួលបានសេវាអប់រំពីគ្រឹះស្ថានសិក្សាសាធារណៈដោយ
គ្មានឧបសគ្គរារាំង" ដែលស្ថិតនៅក្នុងសាលាបឋមសិក្សាអូរស្រឡៅ ស្រុកសង្កែ ខេត្តបាត់ដំបង”។
យុទ្ធនាការនេះ បានប្រារព្ធធ្វើឡើងក្នុងគោលបំណងចូលរួមចំណែកជាមួយរាជរដ្ឋាភិបាលកម្ពុជា ជាពិសេសក្រសួងអប់រំ យុវជន និងកីឡា ក្នុងការជម្រុញឱ្យកុមារមានពិការភាពគ្រប់កម្រិត និង គ្រប់ប្រភេទមកទទួលសេវា អប់រំពីគ្រឹះស្ថានសិក្សាសាធារណៈឱ្យបានច្រើនជាងមុន ក្រោមកិច្ចសហការ ជាមួយនឹងមន្រ្តីអប់រំ និងអាជ្ញាធរដែលពាក់ព័ន្ធ។ យុទ្ធនាការនេះ មានអ្នកចូលរួមប្រមាណ២៥០នាក់ ដែលជាកុមារមានពិការភាពសតិបញ្ញា និងអូទីស្សឹម ឪពុកម្តាយកុមារមានពិការភាព សិស្សានុសិស្ស លោកគ្រូអ្នកគ្រូ ប្រជាពលរដ្ឋនៅក្នុងសហគមន៍ និងអាជ្ញាធរមូលដ្ឋាន។

28/10/2025

ថ្ងៃអង្គារ ៧រោច ខែអស្សុច ដល់ថ្ងៃសុក្រ ៣កើត ខែកត្តិក ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី១៤ ដល់ ថ្ងៃទី២៤ ខែតុលា ឆ្នាំ២០២៥ គម្រោងករុណាអប់រំ របស់អង្គការករុណាបាត់ដំបង បានសហកាជាមួយសាលាគោលដៅប្រារព្ធនូវកម្មវិធីកៀរគរក្នុងគោលបំណង ផ្សព្វផ្សាយពីសិទ្ធិទទួលបានការអប់រំ និងការចុះឈ្មោះចូលរៀនចំពោះកុមារដែលគ្រប់អាយុ។
សម្មភាពនេះមានការចូលរួមពីសំណាក់អាជ្ញាធម៌មូលដ្ឋាន មាតា បិតា អ្នកអាណាព្យាបាល លោកគ្រូ អ្នកគ្រូ ព្រមទាំងសិស្សានុសិស្ស ធ្វើយុទ្ធនាការផ្សព្វផ្សាយពីភាពស្មើគ្នាទទួលបានការអប់រំមួយដែលពេញលេញ និងបរិយាបន្នក្នុងតំបន់ដាច់ស្រយាលមួយចំនួនក្នុងខេត្តបាត់ដំបង ខេត្តបន្ទាយមានជ័យ និងខេត្តពោធិ៍សាត់។
From October 14th to 24th, 2025, the Karuna Education Project of Karuna Battambang Org, in collaboration with the target schools, organized a Walking Campaign program aimed at promoting the right to education and encouraging the enrollment of children of all ages.
The event was attended by local authorities, parents, guardians, teachers, and students, and featured a campaign to promote equal access to quality and inclusive education in remote areas of Battambang, Banteay Meanchey, and Pursat Provinces.