Kwimenya Nikuo Kwigwatira

10/12/2025

Big thanks to Miriam Nzuva, Dominic Thiong'o, Philip Mwangi, Hyzocate Mwangi

for all of your support! Congrats for being top fans on a streak 🔥!

20/03/2025

JERUSALEMU
NDINGIRIGANIRWO NI WE!

ISAIA 49:16-17
[16] Jerusalemu, ndingĩriganĩrwo nĩ we rĩ kana rĩ,
nyaandĩkĩĩte rĩĩtwa rĩaku hĩinĩ ciakwa.
[17] “Andũ a gũgwaka rĩngĩ megũũka o narua,
na arĩa maakwanangire nĩmegũthaama.

23/02/2025

WEGA WA KRISTU, NIUKUIGANIITE!

2 Akorinitho 12:9-10
Naake akĩnjĩĩra atĩrĩ: “Wega wakwa nĩũkũiganĩĩte, tondũ hinya wakwa nĩwonekaga harĩa hatarĩ na hinya.” Kwoguo nĩngwĩraha ndĩ na gĩkeno nĩ ũndũ wakwa kwaga hinya, nĩguo hinya wa Kristũ ũikarage thĩinĩ wakwa.
]Nĩ ũndũ ũcio, nĩngenaga nĩ ũndũ wa kwaga hinya, kũrumwo, gũthĩĩnĩka, kũnyariirwo, na kũnyamaario na mathĩĩna maingĩ nĩ ũndũ wa Kristũ. Amu hĩndĩ ĩrĩa itarĩ na hinya nĩguo ndĩ na hinya makĩria.

08/12/2024

IRAATHIMO NI UNDU WA GWATHIKA.

Gũcookerithia Maathani 7:8-13

[8] MWATHANI nĩkũmwenda aamwendire, na akĩenda kũhingia kĩrĩĩkanĩro kĩrĩa aarĩĩkanĩire na maithe maanyu. Ũndũ ũcio nĩguo watũmire amũhonokie na hinya mũnene kuuma ũkomboinĩ wa mũthamaki wa Misiri.
[9] Tondũ ũcio, ririkanaai atĩ MWATHANI Ngai wanyu no we wiki Ngai, na nĩ mwĩhokeku. Nĩatũũragia irĩĩkanĩro ciake, na agakinyagĩria wendo wake njiarwa na njiarwa cia arĩa mwamwendeete na mahingagia maathani maake.
[10] No ndatithagia kũherithia arĩa mamũthũire.
[11] Tondũ ũcio, athĩkagĩraai maathani na mawatho moothe marĩa ndamwatha ũũmũũthĩ.
[12]“Na rĩĩrĩ, mwaigua mawatho macio na mũmaathĩkĩre na kinyi-rĩ, hĩndĩ ĩyo MWATHANI Ngai wanyu nĩegũthiĩ na mbere gũtũũria kĩrĩĩkanĩro gĩake na inyuĩ, na amũkinyagĩrie wendo wake o ta ũrĩa eerĩire maithe maanyu.
[13] Nĩarĩmwendaga na amũraathimage, na atũme mwongerereke na mũciare ciana nyingĩ. Nĩarĩraathimaga mĩgũnda yanyu, nĩguo yumage ngano, thabibũ, na maguta ma mĩtamaiyũ, na amũraathimage na ng'ombe na ng'ondu. Indo icio ciothe akaamũhe mwĩ bũrũri ũcio MWATHANI eerĩire maithe maanyu atĩ nĩakaamũhe.

08/11/2024

KWIRIRIRIA NYUMBA YA NGAI.

Thaburi 84:1-6,10-12
[1]Hekaarũ yaku, MWATHANI Mwene Hinya Wothe,
kaĩ nĩndĩmĩendeete-ĩ!
[2]Nĩndĩrerirĩria mũno gũkorwo ndĩ Hekaarũinĩ ya MWATHANI.Ndĩrainĩra Ngai ũrĩa ũrĩ muoyo
na ngoro yakwa yothe ngeneete.
[3]O nacio nyoni nĩciĩyoneire ũikaro kuo,
nacio thũngũrũrũ ikeyakĩra nyũmba cia gũikarwo nĩ tũcui twacio,
hakuhĩ na kĩgongoona gĩaku,MWATHANI Mwene Hinya Wothe,
o wee mũthamaki wakwa na Ngai wakwa.
[4]Kũraathimwo-rĩ, nĩ arĩa maikaraga Hekaarũinĩ yaku,
mainaga magĩkũgoocaga hingo ciothe.

[5]Kũraathimwo-rĩ, nĩ arĩa maheagwo hinya nĩ we,
arĩa makoragwo merirĩirie gũthiĩ
gũgũthaathaiya kĩrĩmainĩ gĩa Zayuni.

[6]Rĩrĩa megũtuĩkanĩria gĩtuamba kĩrĩa kĩũmũ gĩĩtagwo Kĩrĩro,
matũmaga kĩgĩe na ithima;
mbura ya kĩambĩrĩria kĩa mwaka ĩtũmaga kwarahe maaĩ.
[10]Gũtinda mũthenya ũmwe Hekaarũinĩ yaku
nĩ kwega gũkĩra gũikara handũ hangĩ o hoothe mĩthenya ngiri.Nĩ kaba ndũũgame kĩhingoinĩ kĩa nyũmba ya Ngai
handũ ha gũtũũra mĩciĩ ya andũ arĩa aaganu.
[11]Nĩ gũkorwo MWATHANI nĩ we ũtũmenyagĩrĩra
na agatũthamakagĩra arĩ na riiri,
agĩtwĩkaga wega na agĩtũtĩĩithagia.Ndarĩ ũndũ o na ũmwe mwega aimaga arĩa maikaraga magĩĩkaga wega.
[12]MWATHANI Ngai Mwene Hinya Wothe,
kũraathimwo-rĩ, nĩ arĩa maikaraga makwĩhokeete!

17/10/2024

KWIRIRIRIA NGAI.

Thaburi 63:1-5
Wee, Ngai, nĩ we Ngai wakwa,
na nĩngwĩrirĩirie.Mwĩrĩ wakwa wothe nĩũkwĩrirĩirie;
roho wakwa ũkũnyooteire o ta bũrũri mũũmũ na mũhĩnju, ũtarĩ na maaĩ.
Reke nguone wĩ handũ haaku harĩa hatheru;
reke ndĩroragĩre hinya waku na riiri waku.
Nĩngũkũgooca nĩ ũndũ ũtugi waku nĩ mwega
gũkĩra muoyo guo mwene.
Ngũtũũra ngũcookagĩria ngaatho matukũ moothe ma muoyo wakwa;ngĩkũhooya ndĩrĩambararagia mooko maakwa ndĩmeerekeirie kũrĩ we.
Nĩnjiganĩire o ta mũndũ ũrugĩirwo iruga rĩega mũno,
na nĩngũinagĩra ngeneete ngĩkũgoocaga.

05/10/2024

MWATHANI NI MWEGA.

NAHUMU 1:7-8
MWATHANI nĩ mwega,
nĩagitagĩra andũ aake hĩndĩ ya mathĩĩna;
na nĩamenyagĩrĩra arĩa mamwĩhokeete.
Thũ ciake aciniinaga ta iniinĩĩtwo nĩ mũiyũro wa rũũĩ,
nao arĩa mamũkararagia akameerekeria o gĩkuũinĩ.

12/09/2024

CIIRANIRO NA MATAARO MA NGAI.

Thaama 23:25-28
Angĩkorwo nĩmũrĩthaathayagia niĩ MWATHANI Ngai wanyu, nĩndĩrĩmũraathimaga na irio na maaĩ, na ngeeheria mĩrimũ gatagatĩinĩ kaanyu.
Bũrũriinĩ wanyu-rĩ, gũtirĩ mũtumia ũkaahuna kana athaate. Nĩngaamũhe ũtũũro mũraihu.
“Nĩngaatũma andũ arĩa makaamũũkĩrĩra manjĩtigĩre; ndũme hagĩe kĩrigiicano gatagatĩinĩ ka andũ arĩa mũrarũa nao, o na ndũme thũ cianyu imũhuutatĩre ciũre.
Ningĩ nĩngaarekia magi mbere yanyu maingate Ahivi, Akanaani, o na Ahiti, mamweherere.

RESPONSIBLE FOR CHARITY EVENTS, YOUTHS, WOMEN EMPOWERMENT, MEDICAL CAMPS, PRISON MINISTRIES, ORPHANS AND WIDOWS, HIV/AIDS ACTIVISTS.
WE ARE UNDER THE LEADERSHIP OF AMBASSADOR/BISHOP TONNY MWANGI

11/09/2024

UTUGI WA NGAI...

Thaburi 36:5-7
Ũtugi waku, MWATHANI, ũkinyĩĩte o igũrũ,
naguo wĩhokeku waku ũgakinya o matuinĩ.
Ũthingu waku ũraihĩĩte na igũrũ o ta irĩma,
namo matua maaku ma ciira makarikĩra
o ta kũndũ kũrĩa kũriku mũno kwa iria.Nĩ we, MWATHANI, ũmenyagĩrĩra andũ
o ũndũ ũmwe na nyamũ.
Ĩ ũtugi waku, Ngai, ndũkĩrĩ mũnene!
Andũ ũmamenyagĩrĩra rungu rwa mathagu maaku.

15/08/2024

Mwathani Tutugage,
We Ni We Twihokeete!

Isaia 33:5-6
Ĩ MWATHANI ti mũnene!
nĩ we wathaga indo ciothe.Nĩaiyũrĩĩtie Jerusalemu waragania na ũthingu.
Nĩatũmĩĩte mũgaacĩre matukũinĩ maanyu
na akamũhe ũhonokio, ũũgĩ, na ũmenyi wa maũndũ.Ũtonga ũrĩa mũnene wanyu nĩkũhe MWATHANI gĩtĩĩo.