Kwenjera Mandiko - Mbuku Theru Ya Ngai. Studying The Gikuyu Bible.

  • Home
  • Kenya
  • Nairobi
  • Kwenjera Mandiko - Mbuku Theru Ya Ngai. Studying The Gikuyu Bible.

Kwenjera Mandiko - Mbuku Theru Ya Ngai. Studying The Gikuyu Bible. Ndundu Ino Ni Ya Kuhunjia Kiugo Kia Jehova Ngai, Ari we Ithe wa Mwathani Witu Jesu Kristo Ngai Amurathime

This Page Is About Sharing The Word Of God In Kikuyu (Gikuyu) Language. For God So Loved The World That HE GAVE His Only Begotten Son, That WHOEVER Believes In Him Shall Not Perish But GAIN Everlasting Life (John 3:16) If Need Arises, You Can Contact The Admin on - Mobile - 0725 298 479 / E-Mail [email protected].

09/09/2024

Njira iyo ngūrū niyo ukururumirira, io yanagerwo ni andu aaganu? Nao makīhurio magithengio ihinda riao ritaanakinya, aria gitina kiao giatuikire ta rūūī, gīgīitūrūrūka;
O aria merire Murungu, Thii, tigana na ithui! Makiuria atiri, Mwene-Hinya-ri, angituteithia uhoro uriku?

Na nowe waiyuritie nyumba ciao indo njega. (Ayubu 22:15-18)

13/11/2023

NGAI-RĪ, niaarahuke, thū ciake inyaganio; nao amūthūūri more mathenge mbere yake. O ta ndogo uria ihurunjukaga, mahurunjure o taguo; o ta uria muhura uringuragwo ni mwaki-ri, aria aaganu o nao marogitoma mona uthiu wa Ngai!

No-ri, aria athingu marokena; gukenuka nimakenuke, me mbere-ini ya Ngai: ii-ni, o na nimakengeuke, tondu wa uria makenete!
Inirai Ngai, inai mukumie ritwa riake; mwenjerei king’aratua, o we ucio uratuikania weru-ini e mukuue ni ngari ya mbarathi: ritwa riake-ri, ni Jahu; gikenerurukei mbere-ini yake. Niwe ithe wa ciana cia ngoriai, na hari atumia a ndigwa ni mumatuiri cira na kihooto, o we Ngai, kuu aikaraga, gituuro giake githeru.

Ngai-ri, aria etuuria-githunu atumaga magie na micii: andu aria ohe amarutaga korokoro akamoimiria wega-ini: indi aria aremi-ri, matuuraga o bururi mung’aru. I Ngai, riria woimagarire utongorie kirindi giaku, o riria watuikanirie kuria rung’uri-ini, Hindi io thi niyathingithire, iguru nario rigiitika o kuura, riona uthiu wa Ngai; gwata kirima gia Sinai, nikiainainire niundu wa uthiu wa Ngai, o we Ngai wa Isiraeli.

Wee, Ngai niwaminjaminjaga mbura ya utana, kunogora niwanogoraga igai riaku riria rianoga. Thama yaku igikigia na uikaro: tondu wa wega waku, Ngai, ugikibatura athini acio. - Thaburi 68:1-10

Mwathani arogocwo! Muthenya wa ira, Ngai ni aratwariirie, aratwira nituraheo maritwa meru ma mutuano tondu nioi ciiko ciitu. Turagitua matua ati ona twagerera ihinda-ini iritu, nitugweterera ciiraniro cia Ngai tondu uria weraniire ni mwihokeku na ndagarurukaga.
Ndumiriri iitu muthenya wa umuthi, ni uhotani wa Ngai uria ahaririirie ndungata ciake na ciana ciake. Muini wa thaburi ino akoiga ati Ngai niaarahuke, thu ciake inyaganio. Nao amuthuuri more Mathenge mbere yake, mahurunjuke uria ndogo ihurunjukaga.

Rekei ndimwire ciana cia Ngai, riria nduma yaingiha, gukahana ta gutari utheri, kiugo kia Ngai gikoiga ati Ngai-ri, Niaarahuke!

Muthenya wa umuthi, Ngai ni aarahukite ni tondu wa andu aake. Muthenya wa umuthi, Ngai niaarahukite ni tondu wa kanitha wake. Muthenya wa umuthi, Ngai ni aarahukite niguo atue cira na kihooto, na niguo atomithie aria aaganu!

Nao aria athingu-ri, ni gukena magakena Ngai arahuka! Tondu itua ria Ngai ni ria gutuma mabaturuo kuma thina-ini wao. Ngai ni aarahukite, atuikanie weru-ini aruturure andu aake kuuma kuo. Murata wa Mwathani, ihinda riaku ria gutuura weru-ini-ri, ni rikinyite muthia tondu Ngai ni aarahukite.

Etuuria githunu-ini-ri, Ngai ni aarahukite niguo atume magie na micii. Muthenya wa umuthi, githunu-ini kiu uri Ngai ni egutuma uume kuo, wihande wega, ona warame. Ngai ni aarahukite, kuruta aria oohe korokoro-ini amaumirie wega-ini.

Ngai niwe wi mbere itu atutongoretie. O na riria wi mathina-ini, na riria wi nduma-ini, Ngai ari hamwe nawe, agutongorie, akuhature thina-ini ucio. Riria Ngai ari hamwe na ithui, gutiri hingo irima itakainainio, kana iguru riage kuuria mbura. Hindi ciothe nituriminjaminjagirio mbura ya utana ni Ngai.

Ati Ngai atutongoretie, THI NI IRITHINGITHAGA(hinya wa Ngai) IRIMA IKAINAINIO(Uhootani wa Ngai), IGURU RIKOIRIA MBURA RIONA UTHIU WA NGAI(Utugi wa Ngai). Ningi-ri, Ngai ni ariminjaminjagiria andu ake mbura ya utana(Grace, favour, distinction) na KUNOGORA ANDU AKE RIRIA MANOGA.
Na thuutha wa maundu macio mothe-ri, THAMA YA NGAI ni irigia na uikaro!

Muthenya wa umuthi, thama ya Ngai, niigiriire uikaro tondu wa wega wa Ngai. Matuku ma gutuura weru-ini ni makinyu muthia. Ithui tutiri a itari ria andu aria aremi aria matuuraga bururi mung’aru! Aca-ni, Ngai aratwariirie muthenya wa ira ati nioi ciiko ciitu. Riu kwa uguo, THAMA YA NGAI-RI, niigiriire uikaro, days of travelling in the wilderness are about to come to and end.

Nao etuuria ithunu-ini-ri, Ngai ni okite gutuma magie na micii, andu aria matuire korokoro-ri, AMOIMIRIE WEGA-INI, niwe ithe wa ciana cia ngoriai, na niwe ugutua cira na kihooto kuria atumia a ndigwa. Maundu maria makuhinyiririe, Ngai ni okite gutua cira na kihooto.

Ngai ni oi ciiko ciaku, niaarahukite, nacio thu ciaku niinyaganitio! Niatuikanitie weru-ini, o kuria rung’uri-ini niguo atongorie andu aake akamoimiriria wega-ini. Wihe hinya muru-wa-ithe-witu! Your season of the wilderness has come to an end. Wihe hinya mwari-wa-ithe-witu, Ngai ni okite akumiririe wega-ini tondu niurumitie witikio waku na nduigana gukana ritwa riake.

Muthenya wa umuthi, Thama ya Ngai, niigiriire na uikaro na aria othe matuire weru-ini, their story is about to change. Ni tondu wa uhotani wa Ngai iguru ria ndungata ciake na kanitha wake. Arise and claim your victory! The season has changed! God bless you!

12/11/2023

Nake muraika wa kanitha uria uri Perigamo mwandikire atiri: Uguo niguo oiga ucio wina ruhiu ruu ruugi, runoretwo miena yeri, atiri, Ninjui kuu utuire, o kuu gwi gītī gia Shaitani Kia unene; na no utuire ugwatiirie ritwa riakwa, na nduigana gukaana witikio wakwa, o na matuku-ini maria ma Antipa muira wakwa, mundu wakwa mwihokeku, uria woragiiruo kwanyu, o kuu Shaitani atuuraga.
No riri, ndi na maundu mamwe ngugucukira, matari maingi, ni undu mwi na andu amwe kuo magwatite urutani wa Baalamu, uria warutire Balaki guikia muhinga mbere ya ciana cia Isiraeli, ati mariage indo ihakiiruo mihianano, o na mahurage maraya.
Noguo o nawe wina andu amwe magwatite urutani wa aria metagwo Anikolai, o undu umwe. Tondu ucio no kiirire; waaga uguo, ninguka kuri we o narua, ndimarutire mbaara na ruhiu ruru rui kanua gakwa.
Uria uri gutu, niakiigue uria Roho arera makanitha .Uria wagutorania-ri, we ningamuhe ruiga rua mana iria hithe, o na ndimuhe kahiga keru, nako kahiga kau iguru haandikitwo riitwa ria mutuano, gutari uriui tiga o ucio waheo. Kuguuririo 2: 12-17.

Mwathani arogocwo! Ndumiriri ya Ngai muthenya wa umuthi ni ati ‘Ninjui ciiko ciaku’ Ninjui ati ni wendete uhoro wa ma, Ninjui ati niwendete Ngai, Ninjui ati niwendete gutuura uri muthingu. Ona wina minyamaro na ugereire maundu-ini maritu, Ngai arouga ni oi.

Atiriri, Kanitha wa Ngai andu nimari kamutugo ga gututhinikania ni tondu wa maria turagerera. Riria utari wira, riria utari mbeca, riria wi na thina people tend to define you according to your circumstances or what you are going through. No Ngai kiroko kiega ataruira ni atui, na akamenya ciiko ciitu.
Ingienda kuumirira mundu muthenya wa umuthi, ukoretwo wi muhonoku no ni kugerera uragerera mbara-ini. Worio urathinika niki ukaaga anja. Worio nduri wira niki ukaaga anja. Andu magakurora magagutuira ciira ati ucio ni uhonokio wa urimu.

Rimwe ona ithui turi ciana cia Ngai nitwimenaga. Tokona ati andu matiratuhe gitiyo kiria kiringaine na uhonokio witu kana witikio uria twitikitie.
Ihinda-ini riri iritu turagerera ndukanareke mathina maku makwaririe. Ndukareke ngoma etuugirie ni tondu wa ùkīa waku kana wagi. Make no mistake to look at things in the natural nor let them define you.

Joblessness does not define you. Divorce and separation does not define you. Poverty is not your permanent address.
Tondu riria Ngai agoka gucera gwaku, ndagatwarira mundu ungi kirathimo kiria akwiriire. Na tondu Ngai ndatiraga-ri, ihinda riake no rigakinya. Wigwatire kirathimo giaku, ukinye Canaan ana maguru maku, wigwatire kirathimo kia Ngai kiria gitoimagwo thuutha ni kieha, ukenere wega wa Ngai na utugi wake, tondu kugerera uritu-ini no kwa ihinda inyinyi.

Ngai aroiga ndukamakio ni uria andu magwiciragia. Ndukamakio ni uria ngoma agwiciragia. Tondu Ngai oigite ibuku-ini ria Jeremia 29:11 – I KNOW THE PLANS I HAVE YOU. Ngakena ni mibango ya Ngai iguru ria mutuurire wakwa. Ati ni anjiciragia meciria mega na me thayu.

Muru-wa-ithe-witu, o na angikoruo utuuraga kuria Shaitani atuugiritie hinya wake-ri, Ngai ni akuui. Muthenya wa umuthi morutani ma Baalamu maria mokite kanitha-ini na njira nene muno, morutani ma kuhingithia ciana cia Ngai tiganai namo. Hingo ino turatuura gutiri undu mundu ataangika ni tondu wa mbeca. Andu nimetukanitie, andu nimarehete uhoro mugeni utari wa Kristo.

Uiguaga aini makiina itindo-ini na ciikaro itaagiriire ‘tondu ni marethera ciana mutu.’ Ciana itikahuute. Kanitha wa Ngai, matigari ma Ngai, inyui Ngai eguriire na thakame ya muruwe Jesu Kristo, mwithemei urutani wa Balaam wa kuhīngithia. Mwithemei urutani wa Anikolai(Compromise). Turirai Ngai wa uthingu, nake ni aricemanagia na mabataro manyu. Ni arimuheaga kiria giothe mubataire. Ni aricokagia mahoya manyu. Ciana cia Ngai wihumbei uthingu. Ririkanai ati Ngai ndagarurukaga, ririkanai ati Ngai na kiugo giake ni undu umwe. Ririkanai uria Ngai amwikiire, riria mutari andu kuri. Akimuhuranira mbaara nditu, agituma mutuike andu kuri na akimutiithia, akimuhe igweta. Riu na inyu-ri mwihotorei itīna riri inyinyi tutigairie gatuma gathire guthereruke.

Itu riri ni rikuhituka, no kwa ihinda inyinyi tu, muturikie kiriti giki kia nduma, MONEY AWAITS YOU in the kingdom of God, do not compromise, do not defile yourselves. Ngai aroiga ihinda-ini riri iritu tutigane na urutani wa Baalamu na wa Anikolai kanitha-ini. Ndugatume ndugu na muthuri wene niundu wa mbeca, ndugatume ndugu na sugar mummy niundu wa house rent. Church of God I promise you, SOMETHING BETTER IS COMING. God is about to shock your enemies. Because God said to me in my prayer time, Go tell my people, I KNOW THEIR ACTIONS- And a reward is coming. Hold on to God. Your miracle has your name on it. Once your season comes, NOBODY WILL BE ABLE TO STOP IT. NO DEVIL WILL BE ABLE TO STOP IT. Keep off compromise and the teachings of Balaam, God is about to give you a new beginning, BELIEVE IT! God bless you

12/09/2023

Uyu niguo uhoro wa Nehemia, muru wa Hakalia.

Atiriri, mweri wa Kiselevu, mwaka wa mirongo iiri, nii ndi kuu Shushani nyumba ya muthamaki, Hanani mundu umwe wa ariu a awa, agiuka, o na andu amwe angi moimite Juda; na nii ngikimahoya uhoro wa ayahudi aria maahonokete, o acio matigarite makahonoka thiini wa aria maatahitwo, o na uhoro ukonii Jerusalemu.

Nao makinjira atiri, matigari ma andu aria matigarite thiini wa andu aria maatahitwo, o acio mari kuu bururi ucio ri, me na minyamariko miingi muno, o na makamenwo muno; o naruo ruthingo rwa Jerusalemu rutuuire ruri o rutharie rukaguithio thi, nayo mirango yario igacinwo na mwaki.

Na gugikinya atiri, ati ndaigua ciugo icio, ngiikara thi, ngirira, ngigiikara mithenya miingaingi ngwatitwo ni kieha; na ngiihingaga kuria irio, ngihoya ndi mbere ya Ngai wa iguru, ngiuga atiri,

Ndaguthaitha wee, Jehova Ngai wa iguru, wee Murungu munene na wa kumakania, wee uhingagiria kirikaniro giaku andu aria makwendaga na makamenyerera maathani maku, o na ukamaiguira tha; ndaguthaitha utege matu, o na uracurie maitho ni getha uthikiririe ihoya riakwa, nii ndungata yaku, riria nguhoya muthenya o na utuku ndi mbere ya ku ihinda riri, ni undu wa ciana cia Isiraeli, ndungata ciaku, o hindi iria ngukuumburira mehia ma ciana cia Isiraeli, maria twihitie; ti-itheru, nii mwene, o na andu a nyumba ya baba nitwihitie.

Nitugwikite maundu moru muno muno, na tukaaga kumenyerera maathani maria watwathire, o na irira cia watho wa kurumiriruo, o na matuiro ma cira, o macio waathire Musa ndungata yaku.

Ndaguthaitha uririkane uhoro uria wathire Musa, ndungata yaku, ukimwira atiri, Mungikaagarara watho wakwa-ri, ningamuhurunja nduriri-ini mutwaruo kundu kuraya; no riri, mungikanjokerera, na mumenyerere maathani makwa mumekage-ri, o na andu anyu aria mateetwo mangigakoruo mari o gituri-ini gia kuu iguru, ndiri hingo itakamacokereria, ndimarute kuu, ndimatware o handu haria 'thurite ni getha ndume riitwa riakwa rituure ho.

Na riri, ici nicio ndungata ciaku, o na andu aku, aria wakuurire na hinya waku munene, o na undu wa guoko gwaku kwi hinya. Atiriri, Jehova, ndaguthaitha utege gutu gwaku uigue mahoya makwa nii ndungata yaku, o na mahoya ma ndungata ciaku, o ici ikenagio ni gwitigira ritwa riaku; o na ningi ndaguthaitha utume nii ndungata yaku ngie na munyaka umuthi, na witikire njiguiruo tha ngithengerera mundu ucio(Muthamaki) - Nehemia 1:1-11

Mwathani Arogocwo! Praise The Lord! Ati mungikaagarara watho wakwa-ri, ningamuhurunhjira nduriri-ini mutwaruo kundu kuraya; No mungikanjokerera na mumenyerere maathani makwa na mumekage, andu anyu aria mateetwo o na mangikoruo mari kuraya atia o gituri-ini gia kuu igur, ndiri hingo itakamacokerereria , NDIMARUTE KUU.

Muthenya wa umuthi ndumiriri iria Ngai aheete ni uhoro wa RESTORATION - gucokereria. Ni tugererire mahinda-ini maritu o mundu ari o na undu angiuga wa kuonania ati haria ari, tiho ngoro yake ingienda o na ti ta uria mubango wa Ngai watarii. Ati Matigari ma andu aria matigarite, thiini wa araia maatahitwo, mena minyamariko miingi muno, ONA MAKAMENWO MUNO, O NARUO RUTHINGO RUA JERUSALEMU RUTUIRE RURI O RUTHARIE, rukaguithio thi...

No muthenya wa umuthi ni gukugia na kiambiriria kieru, tondu wa ihoya riaku, ati ona tungigakoruo tuhurunjituo atia nduriri-ini(ukombo-ini) tukiroragira aria matunyururagia makigacira ona makiruma Ngai witu, Ngai ni atuhete mwihitwa ati o na angikoruo wi GITURI-INI gia mathiri, githuri-ini gia kuhahamwo ni andu, gituri-ini(i haria andu makuigite uri nduriri-ini) magakuhatiriria, makaaria ndeto cia maheni, magagucambia, makiugaga niwathirire, ndumiririya Kristo muthenya wa umuthi iroiga atiri ati ona ungikoruo uri wi gituri-ini uteetwo, hihi niui nituteagwo ni andu ni thina, tugateo ni arata, andu twanateithia na tukarugama nao, magatuikia gituri, tukanyugutwo ta kiano, NGAI arakwariria we utetwo, GUTIRI HINGO NGAI atagagucokereria(vs9)

Undu uria ungi Ngai anjirite ndimwire, ni ati, mwiharirie tondu kuuma umuthi ni urathii HANDU HARIA NGAI ATHURITE - haria ritwa riake rigutuura ho.

Ngai ndaragucokaniriria ucoke mathina-ini, Ngai ndaraguthara agutige oro uguo. Mwihitwa wake ni ati, ni agagutwara haria ritwa riake rigutuura. Ritwa riake ni kihoti, Njamba ya ita, Muhonokia, Murigiti, Mutumenyereri, - Haria ritwa riake riri gutiri mugwi wa mbara uthondeketwo , ungigaacira.

Atiriri kanitha wa Ngai, wi muguithie thi ta matigari maria maatigarte ona angikoruo no undu mwega gutigara-ri, no gukoruo wi mutigari, no wi thi. Atiriri-i, rekei tucokerere Ngai, rekei turumirire matuiro make ma cira, rekei twitheme mehia, because the Lord sent me to someone today, PACK YOUR BAGS, ndiri hindi itagakuruta mathina-ini, ndiri hindi itagakuruta kuu uteetwo minyamariko mingi, maundu macio matumite andu makumene, ndiri hindi itagakuhonokia kuu uhurunjitwo, ngutware o handu haria 'thurite, nigetha ndume ritwa riakwa rituure ho. Hallelujah God bless you. 0725 298479

08/09/2023

We Muriithi wa Isiraeli-ri, ta tega gutu,
o wee utongoragia Jusufu o ta ari ruuru rwa mburi;
we uikariire makerubi-ri, cangaruruka!
Wi hau mbere ya Efiraimu na Benjamini na Manase-ri, hindura uhoti waku,
uuke utuhonokie.

Ngai tucokererie;
tuma uthiu waku ware, na nitukuhonoka.

i Jehova, Ngai mwene mbutu cia ita,
ni nginya ri ugutuura utogerekagira ihoya ria kirindi giaku?
Utuire ukiheaga irio cia maithori,
o na kunyuithia ugakinyuithagia maithori mageretwo na kigeri kiria kinene.
Ututuite kindu gia kuruagiruo ni aria tuhakaine nao;
thu ciitu igagituthekaga o gututheka.
Wee Ngai mwene mbutu cia ita, tucokererie;
tuma uthiu waku ware, na nitukuhonoka.

Warehire muthabibu urutite Misiri, ukiruturura nduriri, ukiuhanda ari guo.
Niwauthereirie handu,
Naguo ukigwata, ukihamba ukiiyura bururi wothe.
Irima niciahumbiiruo ni kiigunyi kia guo,
gwata mitarakwa ya Murungu igikihumbiruo ni honge ciaguo.
Ugitambia honge ciaguo kinya o iria-ini,
na thuna ciaguo ugiikinyia o Ruui.

Ni undu ki ukiunangite njirigo ciaguo,
ugagiituagiruo ni aria othe ehetukiri na njira?
Ngurue iria yumaga kiriti niiugumagia.
na niuriikaga ni nyamu cia weru.

Tucokerere, Ngai mwene mbutu cia ita, twaguthaitha;
ikia maitho wi kuu iguru, wone, ukiroore muthabibu uyu,
o guo muti uria guoko kwaku kwa urio kwahandire,
ruo ruhonge ruria werereire ni bata waku mwene.

Gucinwo ni mucine ni mwaki, gutemwo niutemetwo;
andu no gutoma matomaga niundu wa irūithia ria githiithi giaku.

Mundu ucio wahandiruo ni guoko gwaku kwa urio-ri, guoko gwaku kurogia iguru riake, o iguru ria ucio muru wa mundu, ucio werereire ni bata waku mwene.

Na ithui-ri, tutikahunduka tutigane nawe:
turiukie, na nitugutuura tuthathaiyagia riitwa riaku.
Jehova Ngai mwene mbutu cia ita, tucokererie;
tuma uthiu waku ware, na nitukuhonoka.

Thaburi 80:1-19

07/09/2023

Ninyenda Jehova, tondu niaiguite mugambo wakwa, agakiigua ngimuthaitha. Kuona niaanyinamiriirie gutu-ri, tondu ucio matuku makwa mothe niwe ndirithathayagia.

Nderigiciirio ni migeto ya gikuu,
nganyitwo ni mitandiuko ya kwa-ngoma:
ni ndonire minyamaro ona kieha.
ngikaira ritwa ria Jehova, ngiuga atiri,
I Jehova, ndaguthaitha, hatura muoyo wakwa.
Jehova-ri, ni muuma-andu na ni muthingu;
ii-ni, Ngai witu ni wa matha maingi.
Jehova niamenyagirira aria matari ogi;
nikuhinyio ndahinyitio nake agiki'honokia.

Wee, ngoro yakwa-ri, cokerera uhuruko waku,
nigukoruo Jehova niagwikite wega muno.
Amu wee, Jehova, niutharite Muoyo wakwa gwi gikuu,
ugakiria maitho makwa maithori,
na niugiritie maguru makwa mahiguruo.
Nindiigendaga ndi uthiu-ini wa Jehova
O mabururi-ini ma aria me muoyo.

No ndetikitie uhoro wake, o na riria ndaaririe
ngiuga, Ni'thinikite muno!

Na ngiuga atiri, ni uria ndatubunyikite,
ati, Andu othe no a maheni!

Ni ki nguthukira Jehova nakio ni undu wa wega wake uria anjikite?
Ni kuoya nguoya gikombe kiria kia uhonokio, 'thathaiye riitwa ria Jehova. Ngukihingiria Jehova mihitwa iria ndehitire, kuhingia ndimihingie andu ake othe mari ho.

Thaburi 116: 1-14

31/07/2023

Atiriri, mundu urarūithio ni Ngai niwe wa gukena:
tondu ucio-ri, ihura ria Mwene-Hinya menya uritirike.
Nigukoruo ni atuuragia mundu, agacoka akoha wega;
gutihia niamutihagia, na moko make nomo macokaga kumuhonia.
We nieguguteithura o na uri na mathina matandatu,
ii-ni, o na wakoruo wi na mugwanja, gutiri uuru ungikuhutia.
Hingo ya ng'aragu no agukuure kuri gikuu,
na hindi ya mbaara agukuure hinya-ini wa njomo.
Ugutuura uhithitwo miario miuru ihana ta rucamiu,
na gwoka mwanangiko, wee ndukawitigira.
Mwanangiko-ri, na ng'aragu, no guthekerera uricithekagirira,
o na nduriitigagira nyamu njuru iria ii mabururi-ini.
Amu ugutuura wi kariko na mahiga ma weru-ini,
o nacio nyamu cia githaka ituure ciiguaine nawe.
Uriikaraga uui ati hema-ini yaku kuri o na thayu,
na wathii kurora kiugu giaku urikoraga gutiri kindu kiurite.
O na ningi ugutuura umenyete ati mbeu yaku ni kuingiha ikaingiha,
ruciaro ruaku rutuike ruingi ta nyeki ya thi.
Ugakinya ithikiro-ini riaku uhingitie ukuru,
o ta uria gitia kia ngano kiinukagio hingo ya kugetha yakinya.
Uhoro ucio-ri, ithui nītūūthuuthuurītie, tugakora niguo;
kiuigue wee, na wimenyere.
(Ayubu 5:17:27)

16/07/2023

Hindi iria ukuumagara uthii ita-ini ukarûe na thu ciaku-ri, ungikona mbarathi, na ngari, o na andu maingihite magagukira, ndukanametigire; ni undu Jehova Ngai waku e hamwe nawe, o we uria wakwambatirie, agikuruta bururi wa Misiri. Na ni gugatuika atiri, ati hindi iria mugathengerera ita-ini, muthinjiri-Ngai niagakuhiriria andu aarie nao, amere atiri, Inyui Aisiraeli aya, ta thikiririai muigue; UMUTHI NIGUO MWATHENGERERA ITA-INI, MUHURANE NA THU CIANYU; mutikanareke ngoro cianyu ciuruo ni hinya, na mutigetigire, kana muinaine, kana mugwatwo ni kimako niundu wao; ni gukoruo Jehova Ngai wanyu niwe uthiaga hamwe na inyui akamuhuranire hari thu cianyu, niguo amuhonokie.( Deut/Gucokerithia mathani 20:1-4). Tukutendereza Yesu!

17/06/2023

RIRI nirio ihoya ria Habakuku, uria munabii, ria kuinwo ta thaburi.
Atiriri, Jehova, ninjiguite uhoro wa ngumo yaku, ngagwatwo ni guoya. Atiriri, Jehova, rurumukia wira waku o matuku maya turi, miaka itanathira, Umenyithanie uhoro waguo ica-ikuhi, miaka itanathiririkira.
O na haria ugwatitwo ni matukuya-ri, menya ukariganiruo ni kuiguanira tha.
vs 17...Ni undu-ri o na mukuyu ungituika ndukuruta kiro, o na kana mithabibu iciare maciaro;
Naguo wira uria urutiiruo mutamaiyu wage uumithio,
Nayo migunda yage guciara irio ciayo;
Ningi ruuru rwa mburi runinwo, kiugu gitigwo utheri,
O nacio ciugu cia ng'ombe ciage ng'ombe iri kuo;
O na kungituika ni uguo-ri, nii no gukena ngakenera Jehova,
Njanjamuke ngoro NIUNDU wa Ngai wa Uhonokio wakwa.
Jehova Mwathani niwe hinya wakwa,
Niwe wikiraga maguru makwa ihenya ta mari ma mugoma wa thwariga,
Akanduugiria ngerage kundu gwakwa kuria gutuugiru (Habakuku 3:1-2 na 17-19)

15/06/2023

NAKE ona mirurungano ya andu akiambata kirima-ini; na arikia guikara thi, arutwo ake magiuka kuri we; agitumura kanua akimaruta akiuga atiri,

Gukena-ri, ni aria matari na mwigatho, ni gukoruo uthamaki wa iguru ni wao.
Gukena-ri, ni aria mari na kieha, ni gukoruo nimakaniniruo kieha.
Gukena-ri, ni aria ahoreri, ni gukoruo ni makagaya thi.
Gukena-ri, ni aria mahutagira maundu maria ma uthingu, na makamanyotera, ni gukoruo nimakahunio.
Gukena-ri, ni aria maiguagira andu tha, ni gukoruo nimakaiguiruo tha.
Gukena-ri, ni aria mateciragia uuru ngoro ni gukoruo nimakona Ngai.
Gukena-ri, ni ateithurani, ni undu nimagetagwo ariu a Ngai.
Gukena-ri, ni aria manyariritwo ni undu wa maundu maria na uthingu, ni gukoruo uthamaki wa Iguru ni wao.
Gukena-ri, ni inyui hindi iria andu makamuruma na mamunyarire na mamuigirire maundu moru ma mithemba yothe ni undu wakwa. Kenai na mucanjamuke tondu igai rianyu ni rinene kuria iguru, ni undu uguo no taguo anabii aria maari mbere yanyu maanyariragwo.

Ni inyui cumbi wa thi: no riri, cumbi ungikoruo uthirite mucamo waguo-ri, wacoka gucamithio tacumbi na ki? Nduri bata o na wa ki, no guteo uteo na urangwo ni andu.

Ni inyui utheri wa thi. Ituura riria riakitwo kirima iguru ritingihithika. Ningi andu matiakagia tawa, na macoke kuukunikiria na irebe, no kuiga mauigaga iguru handu haguo, naguo ugatherera andu othe mari nyumba. O uguo noguo na inyui rekei utheri wanyu utheragire andu, niguo mone ciiko cianyu njega, na magoocage Ithe wanyu uria wi Iguru. (Mathayo 5:1-16)

25/05/2023

TONDU Wa maundu macio-ri, riu andu aria me thiini wa Kristo Jesu ti agutuiruo ati ni ehia ona hanini.

Amu watho wa Roho, uria utumaga tuone muoyo hari Kristo Jesu, guo niwakinjihorire ndige guikara njohetwo niwatho uria werekagiria hari uhoro wa wihia na gikuu. Ni gukoruo undu uria utangiahotekire ni watho ucio, ni undu wa kwagithio hinya ni uhoro wa mwiri-ri, Ngai niaawikire ni kurekia muruwe o uria wake mwene, ari na mwiri uhaanaine na ino iitu ya wihia, ati we atuike thinjo ni undu wa wihia; agigitua cira na njira io ati uhoro wa wihia utorio miiri-ini ya andu: nigetha uthingu uria mwathane watho-ini uhingio thiini witu, ithui tutwaranaga na uhoro wa mwiri, tiga uria wa Roho.

Ni gukoruo andu aria marumagirira uhoro wa mwiri, ni maundu ma mwiri meciragia: no andu aria marumagirira uhoro wa Roho, acio meciragia maundu ma Roho.

Amu kurumirira meciria maria moimanaga na mwiri kurehanagire gikuu: no riri, kurumirira meciria maria moimanite na Roho kurehanagire muoyo, ona thayu.

Ni gukoruo meciria maria moimanaga na mwiri matuuraga mari uthu na Ngai, ni undu matiathikagira watho wa Ngai, ona kuhota matingihita: nao andu aria matuire marumiriire uhoro wa mwiri matingihita vukenia Ngai.

No inyui-ri, mutituire murumiriire uhoro wa mwiri; murumiriire uhoro wa Roho, akoruo Roho wa Ngai niwe utuuraga ngoro-ini cianyu. No riri, mundu o wothe utari na Roho wa Kristo, mundu ucio-ri, ti wake.

No riri, akoruo we Kristo niatuire ngoro-ini ciangu-ri, o na gwagituika ati miiri yanyu ni mikuu ni undu wa wihia, maroho manyu-ri, mo ni magiu muoyo ni undu wa uthingu.

Na ningi, akoruo Roho wa Uria wariukirie Jesu oime kuri aria akuu atuuraga ngoro-ini cianyu-ri, Ucio wariukirie Kristo Jesu oime kuri aria akuu no agatuma miiri yanyu io ya gukua igie na muoyo o nayo, igie naguo niundu wa Roho wake ucio utuire ngoro-ini cianyu. (Aroma 8:1-11)

24/05/2023

No riri, o na tukionaga maundu macio mothe-ri, gutoria turi atoria o makiria ni undu wa Ucio watwendire.

Amu nindikitie kumenya muno, o na kungituika ni uhoro wa gukua, kana wa gutuura muoyo; o na kana araika, kana monene ma na kuu iguru; o na kana maundu maria me ho riu, kana maria magoka; o na kana mahinya o na marikú, gwata uraihu wa kuria guthiite na iguru muno, kana uriku wa kuria guthiite na thi muno; o na kana kindu kingi o kïrïkú kia iria ciothe ciombiruo-ri; hatiri ona kimwe kingikahota gututigithukania na wendani wa Ngai, O ucio wi na Kristo Jesu Mwathani witu. (Aroma 8:37-39)

Address

P. O BOX 11531 Tom Mboya Street
Nairobi
00400

Telephone

+254725298479

Website

Alerts

Be the first to know and let us send you an email when Kwenjera Mandiko - Mbuku Theru Ya Ngai. Studying The Gikuyu Bible. posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Kwenjera Mandiko - Mbuku Theru Ya Ngai. Studying The Gikuyu Bible.:

Shortcuts

Share

Category