15/04/2026
“ගුන්මා සූර්ය උදානය “
තේමාව වු සකුරාවේ අපේ අවුරුදු සැමරුම් උත්සවය ඉතා සාර්ථකව නිමා විය෴ ලංකාවෙන් එපිට විදෙස් රටක හුදෙකලාව අධික සීතල උණුසුම දුක සතුට සමව දරා ජීවිත අරගලයක යෙදෙන සැමට ඒකාකාරිත්වයෙන් අත්මිදී අපේකම සමග අත්වැල් බැඳ සමගියෙන් ඒකාත්මිකවීම දැකීම සතුටට කරුණකි෴
ජපානයේ බුද්ධශාන්ති භාවනා මධ්යස්ථානයේ මධ්යස්ථාන නිර්මාතෘවර , අනුශාසක, පිළියන්දල ශ්රී විද්යාශාන්ති පිරිවෙන් විහාරාධීශ්වර පූජ්යපාද වැල්ලවත්තේ පඤ්ඤාසිරි අභිධාන අනුනායක ස්වාමින් වහන්සේගේ ප්රධානත්වයෙන් මෙය පැවැත්විය. තත් විහාරාධිපති , රාජකීය පණ්ඩිත වෛද්යාචාර්ය පූජ්ය වැහිගල සාරද ස්වාමින් වහන්සේ ඇතුළු ගුන්මා පන්සලේ දායක සභාව සහ ජපානයේ වෙසෙන ශ්රී ලාංකික ප්රජාවේ සහභාගිත්වයෙන් ව්යවහාර වර්ෂ 2026 වූද ශක වර්ෂ 1948 වැන්නේ බක් මහේ සූරිය මංගල්යය පසගිය 12- දිනයන්හි අපේ අවුරුදු සිරිය විදහා දක්වමින් චාරිත්රානුකූල අනුගත විය෴ චාරිත්ර විධි සමරණු වස් ආගමික වතාවත් සහිතව ලොකු කුඩා සැමට විනෝදාත්මක හා ජන ක්රීඩා රැසකින් ද සමන්විත විය෴
ගෞරවාර්හ, පූජ්යපාද වැල්ලවත්තේ පඤ්ඤාසිරි අභිධාන අනුනායක ස්වාමින් වහන්සේ, ප්රවීනාචාර්ය තුංකම පඤ්ඤාවිමල හිමිපාණන්, තිස්සමහාරාමයේ රේවත හිමිපාණන් ඇතුළු සඟ රුවනට ප්රථමයෙන් පුණ්යානුමෝදනය වේවා, විශේෂයෙන් උදෑසන හා දහවල 250 දෙනෙකුට පමණ ලබා දීමෙන් ද ත්යාග මුදල් සඳහා කවදත් දායකත්වය දක්වන ව්යවසායක නුවන් ගමගේ මහත්මා ඇතුළු ප්රගීත්(ශිල්පි) , මකායා නුවන් ( නිවේදක) ව්යවසායක සුපුන් ,මලිත්, අරවින්ද, සුසිත, නිපුන…ආදි තරුණ පිරිස නමින් නොකීවද සහොදරත්වයෙන් එකාවන්ව බැඳී අලංකාර ගැමි ගෙදර , වී බිස්ස හා තොරණ නිර්මාණ සැරසිලි සඳහා සිය සීමිත කාලය ධනය ශ්රමය කැප කළ තරුණ කැළත් සහභාගි වු ගුන්මා පන්සලේ දායක පින්වතුන් සහ දුර අෑත ජපානයේ වෙසෙන ශ්රී ලාංකික ප්රජාව කෘත වේදිව සිහිපත් කරමු෴
තෙරුවන් සරණින් දෙව් රැකවරුණින් ඔබ සැමට සුව සුභ අලුත් අවුරුද්දක් ම වේවා !
ගුන්මා පන්සල- ජපානය
09092511987
#සැමට_ශාන්තිය_ගෙනෙනා 🇱🇰 #අමාශාන්ති_නාලිකාව
