22/04/2024
حوار افتراضي بين أب وابنته، أُقدّم من خلاله نصيحة لكل أخت في هذه الصفحة، أرجو أن تتقبلوها بصدر رحب، فهدفي بصدق هو النصيحة وحب الخير لكُنّ، ليس التنظير والانتقاد.
قال الأب: يا بنتي، يا نور عيوني ممكن تحذفي صورك من الفيسبوك!
البنت: طيب يا بابا ليش التعقيد و التشدد الناس تشوفني بالطريق بحجابي شو رح تفرق الصورة؟!
الأب: رح أقلك شو الفرق ..
لو رحنا عالبقال وإنتي بحجابك الكامل وصار البقال يتأملك كيف رح يكون شعورك؟ شو رح تظني فيه؟
البنت: أكيد رح أنزعج ورح أعتبره قليل أدب.
الأب: طيب لو أنا رأيته ينظر إليكِ هذه النظرة وما اهتميت وما حكيت معه شيء شو بكون رأيك؟!
البنت: أكيد بنزعج من عدم اهتمامك.
الأب: طيب إذا البقال ما نظر إلك، بس إنتي تصورتي بالتلفون وأعطيتيه الصورة لينظر عليها شو بتسمي تصرفك؟
البنت: أكيد مستحيل بنت فيها عقل تعمل هيك !
سكتت البنت شوي بعدها قالت: فهمت قصدك يا بابا.
الأب: أنا كأب بحب بنتي، أكيد رح أتضايق لمّا أعرف إنه صورة بنتي الغالية مع الشباب بنظروا وبدققوا فيها!
كمّل الأب: يا بنتي إنتي بحجابك قويّة , وأنا أبوكِ بأخذ قوتي من قوتك وحيائك, لكن بمجرد إنك تعطي صورتك للشباب أنتي بتفقدي شيء من قوتك وحيائك وهذا شيء بئذيني ..
ومثله الإنستغرام والسناب شات وفيديوهات اليوتيوب.
- تنويه: أنا آخذ برأي أن تغطية الوجه واجب على المرأة، خاصةً في هذا الزمن الذي فسدت فيه الذِمم.
سَتركم الله، آواكم الله، رزقكم الله السعادة في الدنيا والآخرة.
