08/09/2026
Madonna del Porzus (သို့မဟုတ် Our Lady of Porzus)နှင့် သူငယ်မထရီဆာ ဒုရှ် (Teresa Dush နောက်ပိုင်း Sr.Maria Osanna (Sisters of Providence) ဖြစ်လာသူအကြောင်း
✍️ဤဖြစ်ရပ်သည် အီတလီနိုင်ငံမြောက်ပိုင်း၊ ဆလိုဗေးနီးယားနိုင်ငံနှင့် နယ်စပ်အနီးရှိ ပိုဇုစ် (Porzûs) ရွာငယ်လေး တွင် ၁၈၅၅ ခုနှစ်က ဖြစ်ပွားခဲ့သော မယ်တော်သခင်မမာရီးယာ၏ ကိုယ်ထင်ရှားပြခြင်း (Marian Apparition) အကြောင်းအရာ ဖြစ်သည်။ဒေသခံများအကြား ဤဘွဲ့တော်ကို "Madone de sesule" (မြက်ရိတ်ဓားကွေးနှင့် သခင်မ - Our Lady of the Sickle) ဟုလည်း အမည်ပေးထားကြပြီး၊ ၎င်းနှင့်ပတ်သက်သည့် စိတ်ဝင်စားဖွယ် အသေးစိတ်အချက်အလက်များမှာ အောက်ပါအတိုင်း ဖြစ်သည်။
၁။ ဖြစ်စဉ်နောက်ခံနှင့် မယ်တော်ထင်ရှားပြပုံ
✍️ ၁၈၅၅ ခုနှစ် စက်တင်ဘာလ ၁၈ ရက်နေ့ (အချို့မှတ်တမ်းများတွင် စက်တင်ဘာ ၈ ရက်) တွင် ပိုဇုစ်ရွာမှ အသက် ၁၀ နှစ်အရွယ် ထရီဆာ ဒုရှ် (Teresa Dush) ဆိုသည့် ဆင်းရဲပြီး စာမတတ်သော မိန်းကလေးငယ်တစ်ဦးထံ သခင်မာရီးယား ပထမဆုံးအကြိမ် ကိုယ်ထင်ရှားပြခဲ့သည်။ထိုနေ့သည် မယ်တော်မွေးနေ့ပွဲ (Nativity of Mary) ဖြစ်သဖြင့် ခရစ်ယာန်ထုံးစံအရ တနင်္ဂနွေနှင့် ပွဲတော်ရက်များတွင် အလုပ်မလုပ်ဘဲ နားရမည်ဖြစ်သော်လည်း၊ ထရီဆာ၏ မိခင်ဖြစ်သူက နွားစာကျွေးရန် မြက်သွားရိတ်ခိုင်းခဲ့သည်။ ထရီဆာတစ်ယောက် တောင်စောင်းသို့သွားပြီး မြက်ရိတ်ရန် ပြင်ဆင်နေစဉ် ကောင်းကင်ယံမှ အလွန်လှပသော အမျိုးသမီးတစ်ဦး ဆင်းသက်လာခဲ့သည်။
၂။ မယ်တော်၏ ထူးခြားသော သတင်းစကား
✍️ ထိုအမျိုးသမီး (မယ်တော် မာရီးယား) သည် ထရီဆာ၏ လက်ထဲမှ မြက်ရိတ်ဓားကွေး (Sickle) ကို ယူကာ သူမကိုယ်တိုင် မြက်အချို့ကို ရိတ်ပြခဲ့သည်။ ထို့နောက် ထရီဆာကို အောက်ပါ သတင်းစကားများ ပေးခဲ့သည်။
➡️သန့်ရှင်းသောနေ့များကို ရိုသေရန်: (တနင်္ဂနွေနေ့များနှင့် ဘာသာရေးပွဲတော်ရက်များတွင် ကိုယ်ထိလက်ရောက် အလုပ်ကြမ်းများ မလုပ်ဘဲ ဘုရားကျောင်းတက်ခြင်း၊ ဆုတောင်းခြင်းများဖြင့် နေ့ထူးနေ့မြတ်ကို သန့်ရှင်းစွာ ထိန်းသိမ်းရန်။)
➡️အစာရှောင် ဆုတောင်းရန်: (လူသားများ အပြစ်ကျူးလွန်မှုများအတွက် အစာရှောင်ခြင်း၊ နောင်တရခြင်းနှင့် စိပ်ပုတီး (Rosary) စိပ်ကာ ဆုတောင်းကြရန် တိုက်တွန်းခဲ့သည်။)
➡️ ဆလိုဗေးနီးယားဘာသာစကားဖြင့် ပြောကြားခြင်း: (အဆိုပါဒေသရှိ လူဦးရေမှာ ဆလိုဗေးနီးယား အနွယ်ဝင်များ ဖြစ်ကြပြီး ထရီဆာသည်လည်း ဒေသခံ ဆလိုဗေးနီးယား လေယူလေသိမ်းကိုသာ တတ်ကျွမ်းသူဖြစ်ရာ၊ မယ်တော်သည် သူမ နားလည်နိုင်မည့် ဆလိုဗေးနီးယား ဘာသာစကားဖြင့်သာ တရင်းတနှီး စကားပြောဆိုခဲ့သည်။)
🌹မယ်တော်ပေးခဲ့သည့် သက်သေလက္ခဏာမိခင်ဖြစ်သူက ပွဲတော်ရက်တွင် အလုပ်လုပ်ခိုင်းခြင်းကို မယ်တော်က တားမြစ်လိုက်ကြောင်း ထရီဆာ ပြောသည်ကို ရွာသားများနှင့် မိခင်ဖြစ်သူက အစပိုင်းတွင် မယုံကြည်ခဲ့ကြပေ။ သို့သော် မယ်တော်သည် ထရီဆာ၏ လက်ဖဝါးပေါ်တွင် အလွန်လှပသော ရွှေရောင်လက်ဝါးကားတိုင်ကမ္ပည်းလက္ခဏာ တစ်ခုကို ထင်ကျန်စေခဲ့ပြီး ထိုအမှတ်အသားသည် ရေဆေးသော်လည်း မပျက်ဘဲ ရက်ပေါင်းများစွာ တည်ရှိနေခဲ့သဖြင့် လူအများက အံ့ဖွယ်ဖြစ်ရပ်အဖြစ် စတင်လက်ခံခဲ့ကြသည်။
ထိုခေတ်ကာလ နိုင်ငံရေးနှင့် နယ်စပ်ဒေသ ယဉ်ကျေးမှု ဖိအားများကြောင့် ဦးဒီနေ (Udine) မြို့မှ အကြီးအကဲများသည် ထရီဆာကို ဘုန်းကြီးကျောင်းတစ်ခုတွင် ခေတ္တထိန်းသိမ်းထားပြီး စစ်ဆေးမှုများ ပြုလုပ်ခဲ့ဖူးသည်။ သို့သော်လည်း ယနေ့ခေတ်တွင် ပိုဇုစ်ရွာရှိ မယ်တော်ကိုယ်ထင်ရှားပြခဲ့သော နေရာ၌ Santuario della Madonna di Porzus (ပိုဇုစ် မယ်တော်ဘုရားကျောင်း) ကို တည်ဆောက်ထားပြီး၊ နှစ်စဉ် ဘုရားဖူးခရီးသည် အမြောက်အမြား လာရောက် ဆုတောင်းလေ့ရှိရာ ခရစ်ယာန်လောကတွင် တရားဝင်အသိအမှတ်ပြုထားသည့် ထူးခြားသော မာရီယားဘုရားဖူးမြေတစ်ခု ဖြစ်လာခဲ့သည်။ ထရီဆာ ဒုရှ် (Teresa Dush) သည် မယ်တော်ကိုယ်ထင်ရှားပြခြင်း ဖြစ်စဉ်ပြီးနောက်ပိုင်းတွင် ဘဝအလှည့်အပြောင်းများစွာကို ကြုံတွေ့ခဲ့ရပြီး နောက်ဆုံးတွင် ကက်သလစ်သီလရှင်တစ်ပါး ဖြစ်လာခဲ့ပါသည်။ သူမ၏ သီလရှင်ဖြစ်လာပုံ သမိုင်းကြောင်းမှာ စိတ်မကောင်းစရာ အခက်အခဲများနှင့် ဘုရားသခင်၏ ကျေးဇူးတော်တို့ ရောယှက်နေပြီး အောက်ပါအတိုင်း ဖြစ်ပွားခဲ့သည်။
✍️ အစောပိုင်း မိဘမဲ့ဘဝနှင့် စိန်ခေါ်မှုများ
-၁၈၅၅ ခုနှစ် မယ်တော်ကိုယ်ထင်ရှားပြပြီးနောက် များမကြာမီ (၁၈၅၆ ခုနှစ်ဝန်းကျင်) တွင် ပိုဇုစ်ရွာ၌ ကာလဝမ်းရောဂါ ကပ်ဆိုးကြောင့် ထရီဆာ၏ မိဘနှစ်ပါးစလုံး ကွယ်လွန်သွားခဲ့ကြသည်။ ထို့ကြောင့် သက်တမ်းတစ်လျှောက် ကျန်းမာရေးချို့တဲ့ပြီး နာမကျန်းဖြစ်လွယ်သော ထရီဆာသည် အသက်ငယ်ငယ်ရွယ်ရွယ်ဖြင့် မိဘမဲ့ကလေးငယ်တစ်ဦး ဖြစ်သွားခဲ့ရသည်။
✍️ စိန့်လွီးဂျီ စခရိုဆော့ပီ (St. Luigi Scrosoppi) နှင့် တွေ့ဆုံခြင်း
မိဘများကွယ်လွန်ပြီးနောက် အာဏာပိုင်များနှင့် ဘုန်းတော်ကြီးများက ထရီဆာကို ဥဒီးနေ (Udine) မြို့ရှိ မိန်းကလေးမိဘမဲ့ဂေဟာတစ်ခုသို့ ပို့ဆောင်ပေးခဲ့သည်။ ထိုဂေဟာကို ယခုခေတ်တွင် ကက်သလစ်အသင်းတော်၏ အလွန်ထူးခြားသော အာဇာနည်သူတော်စင်တစ်ပါးဖြစ်သည့် စိန့်လွီးဂျီ စခရိုဆော့ပီ (St. Luigi Scrosoppi) က ဦးဆောင်ဖွင့်လှစ်ထားခြင်း ဖြစ်သည်။ ဖာသာရ် လွီးဂျီ သည် ထရီဆာကို ဂရုတစိုက် ကျွေးမွေးစောင့်ရှောက်ခဲ့ပြီး ဘာသာရေးနှင့် စာပေများကို သင်ကြားပေးခဲ့သည်။အသင်းတော် အာဏာပိုင်များ၏ လမ်းညွှန်ချက်အရ မယ်တော်ကိုယ်ထင်ရှားပြသည့်ကိစ္စကို လူအများအာရုံမစိုက်မိစေရန် ထရီဆာအား ထိုအကြောင်းအရာများကို အပြင်လူအား လုံးဝမပြောဘဲ တိတ်တိတ်ဆိတ်ဆိတ် နေထိုင်ရန် ဖာသာရ်လွီးဂျီက ပညာရှိစွာ ထိန်းကျောင်းပေးခဲ့သည်။
✍️ မြော်မြင်ခြင်းသီလရှင်အသင်းသို့ ဝင်ရောက်ခြင်း
- ထရီဆာသည် ၁၈၆၀ ခုနှစ်တွင် ဂေဟာမှထွက်ကာ ချီဗီဒါလီ (Cividale) မြို့တွင် အိမ်ဖော်အဖြစ် ၄ နှစ်ခန့် လုပ်ကိုင်ခဲ့သည်။ သို့သော် ၁၈၆၄ ခုနှစ်တွင် သူမ၌ တီဘီရောဂါ (Tuberculosis) စတင်စွဲကပ်လာခဲ့ပြီး ကျန်းမာရေး ပိုမိုဆိုးရွားလာခဲ့သည်။ ဘဝ၏ နောက်ဆုံးအချိန်များကို ဘုရားသခင်ထံ လုံးဝပုံအပ်လိုသောကြောင့် သူမသည် ဖာသာရ်လူဝီ တည်ထောင်ထားသည့် "Sisters of Providence" (မြော်မြင်ခြင်း သီလရှင်အသင်းဂိုဏ်း) သို့ သီလရှင်လောင်းအဖြစ် ဝင်ရောက်ရန် ဆုံးဖြတ်ခဲ့သည်။ ၁၈၆၆ ခုနှစ်တွင် ထရီဆာသည် သီလရှင်လောင်း ကိုခံယူပြီး ဖာသာရ်လူဝီလွီးဂျီက သူမကို "မေရီ အိုဆန်နာ" (Sister Maria Osanna) ဟူသော ဘွဲ့အမည်ကို ပေးခဲ့သည်။ ၁၈၆၈ ခုနှစ် သူမ၏ တီဘီရောဂါ အခြေအနေမှာ ပိုမိုဆိုးရွားလာခဲ့သော်လည်း ဘုရားသခင်အပေါ်ထားရှိသော သဒ္ဓါတရားကြောင့် သီလရှင်အဖြစ်ပထမသစ္စာ(Religious Vows) ကို အောင်မြင်စွာ ခံယူနိုင်ခဲ့သည်။
✍️ဘဝနိဂုံးသီလရှင် မေရီ အိုဆန်နာ (ထရီဆာ ဒုရှ်) သည် သီလရှင်ဝတ်ပြီးနောက် ကလေးငယ်များကို ထိန်းကျောင်းခြင်း၊ ဘုရားကျောင်းစောင့်ခြင်း လုပ်ငန်းများကို အားအင်ရှိသရွေ့ လုပ်ဆောင်ခဲ့သည်။ သို့သော်လည်း တီဘီရောဂါဝေဒနာကို ပြင်းထန်စွာခံစားရပြီးနောက် ၁၈၇၀ ပြည့်နှစ် ဩဂုတ်လ ၁၇ ရက်နေ့ တွင် အသက် ၂၄ နှစ် အရွယ်ဖြင့်သာ ဦးဒီနေ မြို့ရှိ သီလရှင်ကျောင်း၌ ပျံလွန်တော်မူခဲ့သည်။ညအသင်းတော် မှတ်တမ်းများအရ သူမသည် အလွန်ရိုသေအေးချမ်းပြီး သန့်ရှင်းမြင့်မြတ်သော ပျံလွန်တော်မူခြင်း (Holy Death) ဖြင့် ဘုရားသခင်ထံ ပြန်လည်ရောက်ရှိသွားခဲ့သည်ဟု မှတ်တမ်းတင်ထားကြသည်။
Sisters Of Providence - SdP Myanmar
