فەتوای زانایان

29/10/2024

مانای بینینی مار لە خەودا؟
🐍
🐍
🐍
🐍
🐍
🐍
🐍
شیكەرەوەكانی خەون لێكدانەوەی تایبەتیان هەیە بۆ بینینی مار لە خەوندا و بە گوێرەی لێكدانەوەکانی ئیبن سیرین و ئەوانی تر بینینی مار لە خەودا ئەم مانایانەی دەبێت .

-ئەو كەسەی لە خەویدا مار بە مردوی ببینێت ئەوە مانای وایە لەدەست دوژمنەكانی ڕزگاری بوە یاخود بەتاڵ بوونەوەی سیحرە ئەگەر لێی کرابێت

-ئەو كەسەی لە خەویدا بترسێت لەو مارەی دەیبینێت ئەوە مانای وایە لە دوژمنەكانی دەترسێت

-ئەو كەسەی لە خەویدا مارێكی مرادەرەوە بوو لەسەر جێگەی نوستنەكەی ببینێت ئەوە ڕەنگە هاوسەرەكەی توشی كێشە ببێت

-ئەگەر لە خەوتدا مار لە ملت ئاڵا بێت و كردبێتت بە سێ پارچەوە ئەوە ڕەنگە لەگەڵ هاوسەرەكەت دروست ببێت و كێشەی جیابونەوە ڕوبەڕوتان ببێتەوە هەر سێ تەڵاقەکە بێت

-ئەو كەسەی لە خەویدا ببێت بە مار ئەوە مانای وایە لە دینەكەی هەڵدەگەڕێتەوە

-ئەو كەسەی لە خەویدا بینێت ماڵەكەی پڕە لە مار ئەوە پێدەچێت ماڵەكەی كەسانێك سەردانی بكات كە بێ باوەڕن وەك کەسانی نزیك لە فاڵچی و ساحیڕان

-ئەو كەسەی مار لە جەستەی بئاڵێت ئەوە مانای وایە ئەو كەسی كە دوژمنیەتی زۆر لێی نزیكە و كێشەی بۆ دروست دەكات .

-ئەو دەسەڵاتدارەی لە خەویدا مارێك بكوژێت ئەوە مانای وایە شوێنێكی گەورە دەگرێتە دەستی .

-ئەو كەسی لە خەویدا مار بەخێو بكات ئەوە مانای وایە توشی دەسەڵاتدارێكی گەورە دەبێت .

-ئەو كەسەی لە خەویدا مار لە زەویەكەوە بۆی بێتە دەرەوە ئەوە لەو شێوێنەدا توشی كێشە دەبێت

- مار له‌خه‌ودا واتا دوژمنی زیان به خشه چونکه مار ژه هری هه‌یه‌ کوشتنی مار زال بونه بەسەر دوژمن و ناحەزان

ـ زۆر خەو بیین بەمار لەوانەیه ئەم کەسە سیحری لێ کرابێت پێویستە چارەسەری شەرعی بکات

-ئەو كەسەی لە خەویدا ماری بە پێ ببینێ ئەوە مانای وایە دوژمنەكەی بەهێزە

- بینینی ماری سپی لە خەودا بە مانای بەرز بوونەوەی پلە و پایە دێت ماری ڕەنگ ڕەش لە خەودا مانای خراپ بوونی دۆخی ژیانی ئەو كەسە دێت كە خەونەكەی بینیوە .

- ئەو كەسەی لە خەویدا مارێك ببینێت و بەدوای مارەکە بۆەوێت و لێی نەترسێ مانای ئەوە دەگەیەنێت دوژمنەكەی ترسنۆكە

-بینینی مار لە شوێنێكی دیاریكراو مانای وێران بوون و كاول بوونی ئەو ناوچەیە دێت.

-بینینی مارێك لە خەودا كە خۆی هەڵبواسێت بە شوێنێكی بەرزدا بە مانای بەختەوەری و هیوا و ئومێد دێت بۆ ئەو كەسەی خەونەكەی بینیوە.

19/10/2024

06/10/2024

حــەوت تـاوانـە گـەورەکـە بــزانــە و وریـایـان بــە :-

١- الشرك بالله .
( هاوبەش دانان ) .
ـــــــــــــــــــــــــــــــــ
٢- والسحر .
( جادوو ) .
ــــــــــــــــــــــــــ
٣- وقتل النفس التي حرم الله إلا بالحق .
( کووشتنی بەناحەق ) .
ــــــــــــــــــــــــــــــــــــــ
٤- وأكل الربا .
( خواردنی سوو ڕیبا ) .
ـــــــــــــــــــــــــــــــــــــ
٥- وأكل مال اليتيم .
( خواردنی ماڵی هەتیو ) .
ـــــــــــــــــــــــــــــــــــ
٦- والتولي يوم الزحف .
( پشت کردن لە جەنگ و هەڵاتن لەکاتی تێکۆشاندا ) .
ــــــــــــــــــــــــــــــــــ
٧- وقذف المحصنات الغافلات المٶمنات .
( درووست كردنی بووهتان کردن بۆ ئافرەتی داوێن پاك بێ ئەوەی ئاگای لێبێت تۆ لەکەداری بکەی ) •
ــــــــــــــــــــــــ ـــــــــــــــــــــــ

وصل اللە وسلم علی نبینا محمد ...

01/10/2024

سەلامی خوای گەورەتان لێبێت خوشڪ وبراڪانم

منداڵەڪەت هەڵبستێنە بۆ نوێژی بەیانی وپێی
بڵێ هەستە ڕۆڵەڪەم نوێژەڪەت بڪە نامەوێ
لەبەهەشت لەیەك دابڕێین

وریابە مردن نزیڪە.

30/09/2024

چارەسەری ئەوکەسانەی چاو نەفەس کاری تێکردوون

٭بەشی یەك٭
براو خوشکانم زۆر چارەسەر جیاواز هەیە بۆ لاچونی چاوپیسی لەسەر نەخۆش لێرەوە هەندێکی باس دەکەم بەئیزنی خوا ئەگەر ئەنجامیان بدەن لەسەرتان لادەچی

- چارەسەری یەکەم -
ئەگەر بزانی کێ چاوە کەی لێداوی ئەوە چارەسەرەکە زۆر ئاسانە پێویستە کەسە چاوپیسەکە داوای لێ بکرێت دەست نوێژێکت بۆ بگرێت و لە پشتەوە ئاوی دەستنوێژە کە بکرێت بە سەرت دا پشت بە خوا دەست بە جێ خودا شفا دەنێرێت بەڵام نابێ باوەڕت وابێت شیفاکە لای چاوپیسەکە بوە
یاخود لە دەست نوێژەکە

ئەگەر ئەو کەسەت دەست نەکەوت واتە چاوپیسەکە یان شەرمت لێکرد پێی بڵێیت ڕەنگە پێی ناخۆش بێت و توڕە بێت ئەتوانی هەر پاشماوەیەکی ئەو کەسەت دەستکەوت وەک:دەستڕەکەی،یان ئەوخواردنەی لێی ماوەتەوە ئەگەر نەخۆشە کە بیخوات بە ئیزنی خوا چاک دەبێ.
ئەمانە هەرچەند لە فەرمودەکەوە نزیکە بەڵام بەڵگەیەکی روون نیە لەسەر ئەم جۆرە شتانە خۆ ئەگەر کرا إن شاء الله تاونبار نابێ چونکە تاقیی کراوەتەوە نەخۆش چاک بوە بەهۆی خواردنی پاشماوەی چاو پیسەکە لەکاتێکدا چەندا ساڵ نەخۆشبوە لەخەستە خانەکان.
بڵام هەر نەدۆزرایەوە:ئەوا لەسونەت دا هاتوە دەست ئەخەیتە سەر سەری نەخۆشەکە و ئەم زیکرە ئەخوێنی:-(اللهم رب الناس ٲذهب البٲس واشف ٲنت الشافﻱ لا شیفائ ٳلا شفاٶک وشفائ لائغادر سقماً).
یان(سورەتی الفلق والناس)بخوێنە سەر ئەو شوێنەی کە ئازاری هەیە چاک دەبێ ٳن شاء الله تعالی.
ئەگەر ئەمەش زەحمەت بوو نەکرا ئەوە هەرشتێکی چاوپیسەکە بێت دەتوانی بەکاری بێنی وسودی دەبێت
بۆنمونە ئەگەر پیاو بی جامانەکەی ئەگەر ژن بی لەچکەکە ی یان هەرشتێکی تر کە تایبە ت بێت بە کەسی چاوپیس
بیهێنەو بیکە سە تڵێک ئاوە وە پاشان خۆتی پێ بشۆ بە ئیزنی خوا باش دبی
ئەگەر ئەمەش نەکرا دەعوەتی بکە و خواردنێکی زۆری بۆدانێ وپاش ماوە کە ی بخۆ بەو کەوچکەی لێی خواردوە بە ئیزنی خوا باش دەبی وە ئەم حاڵەتەش تاقیکراوە تەوە زۆر بە سودە
ئەم چارەسەرە تاقی کراوەتەوە زۆر سەرکەوتوو بوە پێچەوانەی شەرع نیە


- چارەسەری دووەم -
خوێندنی چەند سورەت و ئایەتێك

یەکجار خوێندنی
۱ـ (وَنُنَزِّلُ مِنَ ٱلۡقُرۡءَانِ مَا هُوَ شِفَاۤءࣱ وَرَحۡمَةࣱ لِّلۡمُؤۡمِنِینَ وَلَا یَزِیدُ ٱلظَّـٰلِمِینَ إِلَّا خَسَارࣰا)
[سورة الإسراء 82]

۲ـ خوێندنی هەر یەکی ۳جار لەسورەتی الفاتیحەو الٳخلاص و الناس و الفلق

۳ـ خوێندنی ٤ ئایەتی سەرەتای سورەتی الملك یەكجار

٤ـ کۆتا ئایەتی سورەتی القلم یەك جار (وَإِن یَكَادُ ٱلَّذِینَ كَفَرُوا۟ لَیُزۡلِقُونَكَ بِأَبۡصَـٰرِهِمۡ لَمَّا سَمِعُوا۟ ٱلذِّكۡرَ وَیَقُولُونَ إِنَّهُۥ لَمَجۡنُونࣱ ۝ وَمَا هُوَ إِلَّا ذِكۡرࣱ لِّلۡعَـٰلَمِینَ)

٥ـ سورەتی یوسف تەنها ئایەتی ٦۷یەك جار
(وَقَالَ یَـٰبَنِیَّ لَا تَدۡخُلُوا۟ مِنۢ بَابࣲ وَ ٰ⁠حِدࣲ وَٱدۡخُلُوا۟ مِنۡ أَبۡوَ ٰ⁠بࣲ مُّتَفَرِّقَةࣲۖ وَمَاۤ أُغۡنِی عَنكُم مِّنَ ٱللَّهِ مِن شَیۡءٍۖ إِنِ ٱلۡحُكۡمُ إِلَّا لِلَّهِۖ عَلَیۡهِ تَوَكَّلۡتُۖ وَعَلَیۡهِ فَلۡیَتَوَكَّلِ ٱلۡمُتَوَكِّلُونَ)

٦ـ سێ جار خوێندنی
بِاسْمِ اللهِ أَرْقِيكَ، مِنْ كُلِّ شَيْءٍ يُؤْذِيكَ، مِنْ شَرِّ كُلِّ نَفْسٍ أَوْ عَيْنِ حَاسِدٍ، اللهُ يَشْفِيكَ بِاسْمِ اللهِ أَرْقِيكَ

لەدوای خوێندنی ئەمانە هەر دوو دەستی کۆبکاتەوە فوو بکاتە ناو دەستەکانی بە جەستەو بە سنگی خۆی دابینی بەئیزنی خوا دەبێتە چارەسەری ئەوکەسانەی چاوپیسی کاری تێکردوون

چارەسەری دوەم
هێنانی مەنجەڵێك ئاو وە خوێندنی ئەم ئایەتانە بە سەریدا

١- خوێندنی سوڕەتی (الفاتحە) حەوت جار بەسەر ئاوەكەدا.

٢- خوێندنی ئایەتی (الكرسي) سێ جار بەسەر ئاوەكەدا.

٣- خوێندنی ئایەتی ((أَمْ يَحْسُدُونَ النَّاسَ عَلَىٰ مَا آتَاهُمُ اللَّهُ مِنْ فَضْلِهِ ۖ فَقَدْ آتَيْنَا آلَ إِبْرَاهِيمَ الْكِتَابَ وَالْحِكْمَةَ وَآتَيْنَاهُمْ مُلْكًا عَظِيمًا)[سورة النساء ٥٤]) بەسەر ئاوەكەدا.

٤- خوێندنی سوڕەتی (الاخلاص ، الفلق ، الناس)هەر یەکی سێ جار بەسەر ئاوەكەدا

ئەم ئاوە ڕۆژانە بیخۆوە بەشیکیش ڕۆژانی دووشەم و پێنج شەم خۆتی پێ تەڕ کەی بۆ ماوەی دوو هەفتە بەردەوام بە لەسەر ئەم بەرنامانە

- چارەسەری سێیەم-

گوێ گرتن لە ڕوقیە ی شە رعی ڕۆژانە دوو کات ژمێر دوای نوێژی بەیانی و پێش خە وتن چونکە دوای هەستان لەخەو نەخۆش هە ست بەماندو بون وبێتاقە تیەکی زۆر دەکات

- چارەسەری چوارەم-
چەورکردنی هەموو لەش جگە لە سەر بەزیتی زەیتون پێش خەوتن

- چارەسەری پێنجەم -
بەردوام بون لە دوعاکردن چونکە دڵنیابە خودا شیفا نە نێرێت لای کەس دەست ناکە وێ بۆیە تەنها داوا لەوبکە

- چارەسەری شەشەم -
زۆر وتنی لاحول ولاقوة الا بالله

ڕەحمەتی خواتان لێبی لایکوکۆمێنتی زۆر بکەن با خەڵیک زۆر ببینی چونکە زۆربەی خەڵکی بەم دەردە دەناڵێنی
لەبەر درێژبوونەوەی..

29/09/2024

نیشانەکانی ئەوکەسانەی چاونەفەس کاری تێکردوون
👀
👀
👀
👀
👀
👀
👀
پێغه‌مبه‌ری خوا(صل الله عليه وسلم) فه‌رموویه‌تی" العين حق " أخرجه‌ ‌البخاري. واته‌؛ چاو ڕاسته‌ چاو کاریگەری هەیە لەسەر ئینسانەکان
پێغه‌مبه‌ری خوا(صل الله عليه وسلم) فه‌رموویه‌تی: چاو مرۆڤ ده‌خاته‌ گۆڕه‌وه‌(ده‌یمرێنێ) و وشتریش ده‌خاته‌ مه‌نجه‌ڵه‌وه‌(نه‌خۆشی ده‌خات هه‌تا خاوه‌نه‌که‌ی به‌ په‌له‌ سه‌ر ده‌بڕێ و ده‌خورێت). هه‌روه‌ها فه‌رموویه‌تی: ئه‌گه‌ر شتێک هه‌بێ پێشی قه‌ده‌ر بداته‌وه‌ چاوه‌

٭نیشانەکانی بریتین لە٭

1ـــ هەرکەسێ نەفەس لێی دابێ بەردەوام دەمی ووشک دەبێت و لەشی زۆرگەرم دەبێ و تای لێدێت.

2ـــ قژی ئەڕووتێتەوە هەڵئەوەرێ .

3ـــ لەکاری سەرجێیی و خێزانی لاواز دەبێت .

4ـــ ئازاری پشت و قاچی بۆ دروست دەبێت بەمەرجێك ئەگەر چوە لای دکتۆر و ڤیتامینی کەم نەبێ وشەکرەی نەبێ ئەوا نەفەس لێی داوە

5ـــ قیژان و هاوار كردن و دووبارە كردنەوەی بەبێ هۆكار.

6 ـــ ئەو کەسە ڕۆژ بەڕۆژ لاواز دەبێت کێشی دادەبەزێت یان هەندێک کەس زۆر قەلەو دەبن .

7 ـــ کێشەی خێزانی بۆ دروست دەبێت

8 ـــ ڕزقی کەم دەبێت .

9 ــــ کارەکانی زۆر قوڕس دەڕوات بۆ نمونە ئەوکارەی ئەو دەیکات خەڵک بە سەعاتێک تەواوی کات ئەو بە ڕۆژێکیش تەواوی ناکات .

10 ـــ ئارەق زۆر دەکات لەکاتی خەوتن .

11ـــ سەر ئێشەیەکی بەردەوام یان نیو سەر ئێشە بەبەردەوامی .

12ـــ ئەو کەسە خەیاڵی دەڕوات

13ـــ زاکیرەی نامێنێت لەبەر کردنی لاواز دەبێت .

14ـــ ئەو کەسە دڵی خۆش نیە دەیەها جار ئاواتی مردن دەخوازێت دڵی بەهیچ خۆش نابێت .

15 ـــ تەنگە نەفەسی بەردەوامی هەیە.

16 ـــ ڕەنگی زەرد دەبێت چاوی دەچێت بە قوڵا .بەردەوام چاوی ئەفڕێت .

17ـــ بەردەوام قەبز دەبێت .

18 ـــ توڕەییەکی بەردەوام و بێ هۆکار .

19 ـــ دکتۆرێکی زۆردەکات بەڵام دکتۆر دەڵێت هیچی نیە .بەڵام هەر نەخۆشە بە دائیمی بەردەوام بێ هێزە

20 ـــ بۆنی دەمی ناخۆشە قڕقێنەی لێدێت .

21 ـــ منداڵێک زۆر بگری و لاواز بێت و ژێرچاوی شین بێت هیچیشی نەبێ نەفەس لێیداوە

22ـ هەنێجار لاڵ دەبێت زمانی لەکار دەکەوێت

23ـ میزکردنێکی زۆر

24ـ گریانێکی توند لە پڕدا

25ـ تێکچونێکی ئاشکرا بە گوێ گردتن یان خوێندنی سورتی الفلق و الناس

26ـ تایەکی زۆر بەڵام لەرزی لەگەڵ نیە

27ـ لێدانی دڵ بەپەلە

نیشانەكانی چاو پیسی لە ماڵ

١- شەڕ و ئاژاوە لە نێوان ئەندامانی خێزاندا بەبێ هۆكار.

٢- خەو بینین بە ئاگر لە یەكێك لە ژوورەكانی ماڵوەتاندا.

٣- تێك چوون و خراپ بوونی ئامێرەكانی ماڵ بە بەردەوامی.

٤- بەزوویی تەواو بوونی ڕزق و خۆراك و پارەی ماڵ و نەمانی بەرەكەت تیایاندا.

ٳن شاءالله چارەسەریش بڵاو دەکەمەوە لە دوو پۆست دا.

28/09/2024

دەگونجێت بە جێبەجێکردنی ئەم هەنگاوانەی خوارەوە ئەوسیحرە بدۆزیتەوە کە لە ماڵەکەتدا هەیە :

یەکەم:دەست نوێژ بگرەو وەکو پارێزگاری (آیە الکرسی) + (هەریەک لە قل ٲعوذ)ەکان حەوت جار بخوێنەو لە هەمو شوێنەکانی ماڵەکەت بگەڕێ وەکو ژێر مەغسەلە،گۆشەکانی ژورەکان،کون و کەلێنەکانی دیوارو دەرگاکان،سەردەرگای مەدخەل،ژوری خەوتن،مەتبەخ،تانکی ئاو،ژێرەوەو ناوەوەی بالیف و دۆشەکەکان، گۆشەو کون و کەلەبەرەکانی حەوشە ،سەیرکردنی هەموو پەت وهەر شتێکی هەڵواسراو و گرێدراو لە هەر شوێنێکدا، .....هتد.
ئەگەر هەر شتێکت دۆزیەوە بیکەوەو هەر یەک لە (الفاتحە + آیە الکرسی + هەریەک لە سێ(قل)ەکان + ئایەتەکانی ٳبطال السحر ) ی حەوت جار بەسەردا بخوێنە وە یان هەمان ئایەتەکانی سەرەوە لەسەر سێ لیتر ئاو بخوێنە بە مەرجێک لە کاتی خوێندنەکەدا زارت لە ئاوەکە نزیک بێت وە ئەگەر بۆخۆت بۆت نەکرا با کەسێکی بەتەقواو قورئان تەواو ئەو کارە ئەنجام بدات پاشان مادە سیحریەکە بکەوەو بەو ئاوە بیشۆوەو ئەگەر کاغەز بێ بەلایەنی کەم ۳سەعات لەناو ئاوەکە بی ئەگەر پەڕۆک بی یان هەر شتێکی تر ۲٤ سەعات لەناو ئاوەکە بەجێی بهێڵە بە کراوەیی دوایی بیسوتێنەو خۆڵەمێشەکەی لەناو زەویدا بشارەوە .
هەروەها ئەو شوێنەی کە ماددە سیحریەکەی لێ دۆزراوەتەوە بەتایبەتی لەگەڵ هەموو شوێنەکانی تری ماڵەکە بە ئاوێک کە ڕوقیەی شەرعی و ئایەتەکانی ٳبطال السحری لێ خوێنرابێ بشۆ.

دووەم:بە هەموو ژورو کون و کەلەبەرەکانی ماڵەوە بگەڕێ بەتایبەت با ئەو کەسە لەگەڵ دا بێت کە حاڵەت و نەخۆشیەکەی لەگەڵ دایە، جا لە چ جێگایەک یان ژورێک توشی زیادە ترس،لەرز،تەنگەنەفەسی،خورو و گەرم داهاتنی جەستە،پەیدابونی ئازار لە بەری پێ و سەروی پێیەکانی و گران بونی پێیەکان،دڵ توندی و بێتاقەتی ،سەرئێشە و سەر سوڕان، .....هتد بوو نزیکە سیحرەکە لەو شوێنە بێت زۆر بە باشی لەو شوێنە بگەڕێ ئەگەر هیچ شتێکت دۆزیەوە بۆ چارەسەری هەمان هەنگاوەکانی خاڵی یەکەم جێ بە جێ بکە بەڵام ئەگەر تەنها ئازاری پێیەکانی بۆ دروست بوو ئەوا پێدەچێت سیحرەکە لەو شوێنەدا ڕشێنرابێت لەو کاتەدا پێویستە چەند جارێک ئەو شوێنە بە ئاوی لێخوێندراوی ڕوقیەی شەرعی و ئایەتەکانی ٳبطال السحر بشۆردرێت.

سێیەم:ئەگەر هەموو ئەندامانی ماڵەوە لە ژورێک یان لە جێگایەکی تایبەت هەستیان کرد بە ترس،ڕاچڵەکین،نەتوانینی مانەوە لەو جێگایە،وەکو هەست بکەی کەسێک لەو جێگایەدا هەیە ،بیستنی دەنگێک وەکو دەنگی مێش هەنگ،کەس نەتوانێ بچێتە ئەو جێگایە بەتایبەت لە شەوێکی درەنگ دا لە حاڵەتێکی ئاوادا کەسێکی بەتەقوا لە شوێنەکە بگەڕێ بۆ دۆزینەوەی بەڵام بەردەوام آیە الکرسی بخوێنێت ، ئەگەر هیچی نەدۆزیەوە چەند جارێک سوڕەتی البقرە لەو شوێنەدا بە دەنگ لێبدرێت شوێنەکەش بە ئاو بشۆرێت وەکو لەهەنگاوی یەکەم و دووەم دا باس کرا چونکە نزیکە ئەو شوێنە مۆڵگەی مانەوەی (جن) بێت مەرجیش نیە لە ڕێی سیحرەوە بێت وە یان مەرجیشە.

چوارەم:جاری وا هەیە خوای پەروەردگار چاکە لەگەڵ سیحر لێکراوەکەدا دەکات بەوەی کە لە خەودا هیدایەتی دەدات بۆ دۆزینەوەی سیحرەکە ئەگەر کاری وا هاتە پێشەوە بۆ چارەسەرکردنی هەنگاوەکانی خاڵەکانی پێشتر جێ بە جێ بکە.

پێنجەم:جاری وا هەیە خوای پەروەردگار چاکە لەگەڵ سیحر لێکراوەکەدا دەکات کە(جن)ی خادم السحر شوێنی سیحرەکەی پێدەڵێت لە حاڵێکی ئاوادا (جن) ەکە نە بە ڕاستگۆ نە بە درۆزن مەزانە ،بەڵکو بە باشی لە شوێنەکە بگەڕێ ئەگەر هیچت دەست کەوت هەمان هەنگاوەکانی پێشتر بنێ بۆ چارەسەری ،ئەگەریش (جن)ەکە وتی سیحرەکە لە ماڵی فڵانە،یان لە فڵان قەبر دایە ،یان شوێنێکی سەختی وت ، یان فڵان کەس کردویەتی،یان ....هتد. لە حاڵەتێکی ئاوادا بەدوای قسەکانی مەکەوە چونکە شەیتان هەمیشه دەیەوێت دوژمنایەتی و ناکۆکیت بۆ بنێتەوە لەگەڵ کەسانی تردا .

شەشەم:زۆر جار خوای پەروەردگار چاکە لەگەڵ سیحر لێکراوەکەدا دەکات بەوەی کە گومانەکانی زاڵ دەبن کە سیحرەکە لە فڵان شوێنە.
هه ركاتيك سيحرە كه دوزرايه وه و به تاڵ كرايه وه يان كه سي سيحر لێكراو جاره سه ر كرا ده ست به جي هيج حاله تێكي ناو ماڵە كه نامينيت.

25/09/2024

چۆن بزانین سیحر لە ماڵەکەدا هەیە؟
[بەشی_یەکەم]

هەر کاتێک ئەم نیشانان لە ماڵێکدا یان لە یەکێک لە ئەندامانی ماڵەوەدا ڕوو بدا ئەوە نیشانەیە کەسیحر لە ماڵەکەدا هەبێت:

۱-کتوپڕ حاڵەتی خۆشەویستی دەگۆڕێت بۆ ڕق لێبونەوە، تەندروستی دەگۆڕێت بۆ نەخۆشی ،عیبادەت دەگۆڕێ بۆ تاوان و ، خەم و پەژارەو دڵتوندی و تەنگەنەفەسی لەنێوان ئەندامانی ماڵەوەدا بڵاو دەبێتەوە.

۲-ئەندامانی ماڵەوە یان یەکێکیان لەخۆیەوە هەڵدەچێت لە قسەو کردارو بەبێ ویستی خۆی، هەر بە زوویش پەشیمان دەبێتەوە وەکو باوک بەرامبەر بە کوڕ یان کوڕ بەرامبەر بە باوک یان منداڵەکان بەرامبەر بە دایک وەیان بە پێچەوانەوە وەیان وەیان .....هتد.

۳-بیستنی دەنگی نامۆ وە یان بینینی گیانداری نامۆ ، بەتایبەتی مارو پشیلەو زەردەواڵەو دوپشک و ...هتد لەناو ماڵدا وە بیستنی دەنگێک کە لە دورەوە بانگت دەکات.

٤-کەسی سیحر لێکراو پێشبینی ڕودانی چەند کارێک و یان هاتنی کەسێکی دیاریکراو بۆ ماڵەکەیان دەکات و پێشبینیەکانیشی ڕاست دەردەچن.

٥-ناڕەحەتی لە ڕودانی کابوس و بینینی خەونی ناخۆش بەتایبەتی سەگ و مار.

٦-بینینی تارمایی یان سێبەر یان ڕوناکی و تێپەڕبونی لەناو مەدخەل یان مەتبەخ یان لە گۆشەکانی ماڵەوە یان بینینی کەسێک لەسەر شێوەی مێرد یان ژن .

۷-گریانی زۆری منداڵ و خەو لێ زڕانی و ڕاچڵەکینی .

۸-نەتوانینی گوێگرتن لە قوڕئان و بانگ و ئامۆژگاری ئایینی .

۹-بیستنی تەقەتەق کە لە دیوار یان سەربان یا کەوەنتەر یان هەر شتێکی تر دەدرێت .

۱۰-کرانەوەی ئاوی حەمام یان هەر شوێنێکی تر .

۱۱-لەبەر یەک هەڵوەشانەوەی ژیانی ناو ماڵەکە و نەمانی ڕزق و ڕۆزی.

۱۲-حەز نەکردن بە ماڵەوەو هەڵاتن لە ماڵەوە ناڕەحەت بون ،نەمانی ناڕەحەتیەکە وە یان کەم بونەوەی لە دەرەوەی ماڵەوە ، چونکە تاوەکو کەسە سیحرلێکراوەکە لە ماددە سیحریەکە نزیک تربێ سیحرەکە زیاتر کاری تێدەکات بەهۆی بونی پەیوەندیەکی بەهێز لەنێوان (جن)ەکانی خادم السحر و ماددە سیحریەکە.

۱۳-زۆرجار ئەم نیشانەو حاڵەت و ناڕەحەتیە دەرونی و جەستەییانە بونیان هەیە ، بەڵام مەرج نیە سیحرەکه لەناو ماڵەکەدا بێت بەڵکو دەگونجێ کەسەکە لە ڕێگایەکی ترەوە سیحری لێکرابێت یان (جن) لە جەستەی دا بێت یان توشی چاوەزار بوبێت.

۱٤-بیستنی دەنگی هەوا ، فوشەفوش ، فیکە، گریان،ناڵە، پێکەنین، سیڕەی دەرگا،شکانی قاپ و پەرداخ و ڕاگوێزرانی لە جێگایەکەوە بۆ جێگایەکی تر،هاوێژرانی بەرد ،....هتد.

۱٥-هەست کردن بە حەساسیەت و سەر ئێشەو ئازاری پشت و چارەسەرنەکرانی،هەست کردن بەبۆنی ناخۆش، وە کاتێکیش گوێ لە قورئان دەگرێت هەست بە هیچ ناکات.

۱٦-دزرانی پارە کە (بسم الله) ی لێنەکرابێ بەڵام ئەم ڕێگایە بەزۆری لە ڕێگای ئەو سیحرەوە دەبێت کە لە یەکێک لە ئەندامانی ماڵەکەدا هەیە ئەگەر پارە لەماڵ ون بو ئەوە کەسێک لەم ماڵە جن لەلاشەی دایە ئەم جنە بێ هۆشی دەکا وای لێدەکا پارەکە لەشوێنێک حەشار بدا بەڵام کەسەکە هەست بەم کارە ناکا کە کردویەتی ئەمەش چارەسەری هەیە ئەوەی پارەی لەماڵ وون دەبی با چات بنێری زیاتر بۆی ڕوون دەکەمەوە.

۱۷-ئاگر کەوتنەوە لە ماڵەوەدا بە هۆکار یان بە بێ هۆکار، لە کارکەوتنی ئامێرەکانی ماڵەوە،ڕودانی شۆرتی کارەبا بەتایبەتی ئەگەر یەکێکی دیاریکراو لە ئەندامانی ماڵەوە دێتەوە ماڵەوە.

۱۸-هەست کردن بەوەی کە یەکێک لە تەنیشتت یان لە دواتەوە بڕوات وە یان شتێکت لێ دەدرێ وە یان شتێکت پێ دادەدرێ.

۱۹-سەرنەگرتنی کاری هاوسەرگیری یان هەڵوەشاندنەوەی هەر کارێکی تر.

۲۰-جاری وا هەیە منداڵ دەترسێنرێت یان لێی دەدرێت ، لەبەر ئەوە زۆر جار دایک و باوک سەرسام دەبن بەوەی کە منداڵەکەیان لەخۆوە قسە دەکات لەگەڵ کەسێک کە نایبینن ،یان کاتێک منداڵ دەگری،منداڵەکە دەڵێ پیاوێک لە ژورەکە دایە وا لێم دەدات،یان دەڵێت کەسێک بە بەری خانوەکەوەیە ،یان دەبینن منداڵەکە پێدەکەنێ و وەکو یاری لەکەڵ کەسێکدا بکات لە کاتێکدا هەمو ئەندامانی ماڵەوە خەوتون.

۲۱-سیحر لێکراو بەزۆری لەو ژورە یان لەو جێگایە دەترسێت و تێک دەچێت کە سیحرەکەی لێیە بەڵام لە ژورەکانی تردا باشترە.

۲۲-جاری وا هەیە جل و بەرگ ون دەبێت یان پارچەیەکیان لێ دەکرێتەوە هەرچەندە دەگونجێت ئەو حاڵەتە پەیوەندی بەو (جن)انەوە بێت کە بەبێ سیحر لەو ماڵەوەدا ماونەتەوە.
ئەگەر (جن)ٚەکان بەبێ سیحر لە ماڵەکەدا مابنەوە هەمو ئەندامانی ماڵەوە هەست بە ترس و ڕەقەو تەقە دەکەن لە زۆربەی ژورەکاندا ،بەڵام ئەگەر بەهۆی سیحرەوە مابنەوە تەنها لەو شوێنەدا هەست بەو نیشانانە دەکرێ کە سیحرەکەی لێیە، بۆی هە یەتەنهاسیحرلێکراو هەست پێ بکات و بۆشی هەیە هەمو ئەندامانی ماڵەوە هەستی پێ بکەن.

۲۳- بەزۆریش ئەوماڵانەی سیحریان تیادایە لەبۆنە ئایینیەکانی وەکو جەژنی ڕەمەزان و جەژنی قوربان و ڕۆژانی هەینی کێشەو ناکۆکی لەنێوان ئەندامانی ماڵەوە دروست دەبێت.

24/09/2024

ئەمەوێ بڵێم: هیچ ساحیرێك نابێت بەساحیر تاوەكو خۆی نەفرۆشێت بە شەیتان وبەڵێن نەدات كە خزمەتی شەیتان بكات بە ماڵ ومنداڵ.

١- هیچ كەسێك نابێت بەساحیر تاوەكو كەسێكی زۆر پیس نەبێت لەڕوی جەستەیەوە،
لە دەستدان بە شتی پیس،
لە هەڵگرتنی شتی پیس،
لە خواردن وخواردنەوەی شتی پیس،
هەر وەكو لەو گرێ بەستانەدا دیارە كە دۆزراونەتەوە لە نێوان ساحیران وشەیتان گرێ‌ دراوە، لەسەر پێستەی سەگ، هەیانە لەسەر پێستەی پشیلە نوسراوە، بەخوێنی حەیزی ئافرەت، وچەندین پیسی تریشی تێكەڵ دەكرێت، كە موسوڵمان قیزی دێت تەماشای بكا وبۆنی بكا، چ جای ئەوەی عەقدی لەسەر گرێ‌ بدات.

٢- هیچ كەسێك نابێت بەساحیر تاوەكو كەسێكی زۆر پیس نەبێت لەڕوی ئەخلاقیەوە،
ئەبێت بێ ڕەوشت بێت،
داوێن پیس بێت، ئەگەر لەگەڵ دایكی خۆیشی بێت، یان كچی خۆی، یان خوشكی خۆی،
ئیتر هەر چۆنێك بێت ئەبێت داوێن پیس بێ..

چەند ڕۆژێك پێش ئێستا پێاوێك هاتە لام، وتی: توشی كێشەیەكی گەورە هاتوم، وتی: كێشەیەك كەوتە نێوان خۆم وخێزانەكەم وڕۆیشتەوە ماڵی خۆیان، پاش ماوەیەك دڵم نەرم بو وهەستام خێزانەكەم هێنایەوە،
كە هێنامەوە شەوێك لەم شەوانە خێزانم پێی وتم: لەو ماوەیەدا ڕۆیشتمە لای ساحیرێك بۆ ئەوەی هەواڵت بزانم، بەڵام ئەوەبو لەگەڵ ساحیرەكە توشی شتی خراپ هاتم.

٣- ساحیر ئەبێت حەرامی گەورە ئەنجام بدات وبەوە خۆی لە شەیتانەكان نزیك بكاتەوە، وەگەرنا شەیتان ئیشی بۆ ناكات، ئەو كاتە شەیتان ئیشی بۆ دەكات وخزمەتی دەكات، ئەویش خزمەتێك پێشكەش بە شەیتان بكات.

هەر بۆیە هیچ ساحیرێك نابینن، هیچ كارێك بكات، هیچ نهێنییەك ئاشكرا بكات، نێوان ژن ومێرد خۆش بكات، یان تێك بدات، یان ژن ومێردێك لەیەكتر ببەستێت، یان هەر جۆرێكی تر لەو سیحرانەی كە لەبەشەكانی داهاتودا باسی لێوە دەكەم إن شا‌ء الله، هیچ كارێكی لەوانەی بۆ ناكات،
مەگەر ئەبێت ئەو ساحیرە خۆی لێ‌ نزیك كردبێتەوە وكۆمەڵێك عیبادەتی بۆ شەیتان ئەنجام دابێت.

٤- هەیانە شەوێك لە شەوە دیاریكراوەكان، دەردەچێت بۆ دەرەوە وخۆی ڕوت دەكاتەوە، پاشان بازنەیەك بەدەوری خۆی دەكێشێت، وكۆمەڵێك ڕەمز و تەڵاسیم دەنوسێت، وكۆمەڵێك كوفری مەزن بەخوا دەكات، پاشان لە شەیتان دەپاڕێتەوە، لەو كاتەدا لەوانەیە دەنگێگ بێت وقسەی لەگەڵ دەكات، هەندێك جاریش گرێبەست وپەیمانێك گرێ‌ دەدەن.

تەڵاسم : واتە كۆمەڵێك ڕەمز وكود كە ڕەمزی نێوان ساحیران وشەیتانەكانە.

٥- هیچ كەسێك نابێت بە ساحیر تاوەكو ڕقی لە ئایینە ئاسمانیەكان نەبێت ودژایەتیان نەكات وسوكایەتیان پێ نەكات.
ئەمەیە ساحیر، بیناسە.