رێکخراوى (النبأ) بۆ زانستەکانی قورئانی پیرۆز
منظمة(النبٲ) لعلوم القرآن الكريم
Al-Nabaa Organization for the Sciences of the Holy Quran
رێکخراوى (النبأ): ڕێکخراوێکى فەرمى و، سەربەخۆ و، بێلایەنی ناحکومى و، قازانج نەویستە، خاوەنى مۆڵەتى فەرمانگەى رێکخراوە ناحکومییەکانی حكومەتی هەرێمی كوردستانە، بە ژمارە: (٥٥٦١) لە ڕێکەوتى: (٢٣/١/٢٠٢٢ل).
ئامانجمان:
1- خزمەتکردنى قورئانی پیرۆزە، لەڕێی جوان خوێندنەوە
و، لەبەرکردنی .
2- ئیشكردن لەسەر ئاشناكردنی خەڵكی بە ڕێگە جیاوازەكانی لەبەركردنی قورئانی پیرۆز.
3- خزمەتكردن بە قورئانی پیرۆز، لەڕێی ڕاڤە و لێكدانەوە و، باش لێ تێگەیشتنی، لەمیانەی ئەوەی لەبەردەستە لە كەلتور و زانستی پیرۆزی زانایانی ڕەسەن و، شڕۆڤەكارانی قورئانی پیرۆز.
4- نوسین و، وەرگێڕانی بەرهەمی زانستی لە بوارى زانستەکانی قورئانی پیرۆز .
5- بایەخدان بە توێژینەوەی ئاست بەرز لە بوارە نوێیەكانی پەیوەند بە زانستە قورئانیەكان و، هەوڵدانی زیاتر بۆ دەرخستنی زۆرتری لایەنە شاراوەكانی ئیعجازی قورئانی پیرۆز.
6- شیاندن و، بەرەوپێشبردنی زیاتری توانا زانستی و، ڕۆنشبیری و، كارگێڕییەكانی مامۆستایانی قورئان.
7- هەوڵدان بۆ ئاوێتەبوونی ژیانمان بە قورئانی پیرۆز و، ڕەنگدانەوەی لەسەر ژیانی تاك و، كۆمەڵ و پەروەردەكردنی تازە پێگەیشتوان بە پەروەردەی میانڕەوانەی قورئانی پیرۆز.
8- خستنەڕوی پەیوەندی توندوتۆڵ و تۆكمەی زانستەكانی قورئان بە سەرجەم زانستەكانی دی لە پێشیشیانەوە زانستی فەرمودە و، هەوڵدان بۆ خستنەگەڕی زیاتری توانا بۆ ڕاڤەی قورئان بە قورئان و، لێكدانەوەی قورئان بە فەرموودە و، بۆچونی هاوەڵان - ڕەزای خوایان لێ بێت - و، زانایان و، زمانی عەرەبی.
9- قورئان بەهاری دڵانە، ئێمەش لە ڕێكخراوی (النبأ) ئامانجامان دڵشادی ئێوەیە لە ڕێی ڕامان و، تێفكرینى زیاتر بۆ ئایەتە پیرۆزەكانی قورئان، بەئومێدی سەرفرازی دواڕۆژیش.
ڕێکخراوی (النبأ) بۆ جێبەجێکردنى ئامانجەکانى، هەوڵی گرتنەبەری هەموو ڕێگا شەرعی و، ئامڕازە جیاوازەكان دەدات - پشتیوان بەخوا- .
بە ئومێدی سەركەوتن و دوعا و نزای خێرتان
