30/10/2014
رسالة من احد المهجرين الي الصفحة اتمنئ من اصحاب الرحمة ان يساعدوه ولكم الاجر والثواب
السلام عليكم ورحمة الله وبركاته أولا تحية حب لكم ولصفحتكم وثانيا نحلفكم بالإنسانية والمواطنة والأديان السماوية والمقدسات اللي تؤمنون بيهه أن تسوون ويانه هاي الزينية وهذا الفضل بس انشروا معاناتنه وقضيتنه مع الصور وقصتنه هي كما يلي:
انقذوا هذه العائلة العراقية مهجرة
احنه عائلة عراقية مكونة من (8) أشخاص الأب والأم و (6) أطفال صغار السن تهجرنه من مدينة الموصل سنة 2007 لأسباب طائفية ( بسبب العقيدة والمذهب ) دون أي ذنب أو اثم ارتكبناه فنزحنا الى منطقة شرق الموصل أي خارج المدينة وهناك أيضا تعرضنا الى شتى أنواع الاضطهاد والمعاملة القاسية لأسباب قومية وعرقية وبسبب الفقر والعوز والحرمان اضطرتنا الظروف القاسية للسكن في المدارس والهياكل ونتيجة لكل ذلك تعرضت آني رب الأسرة ( عمري49 سنة ) الى مختلف أنواع الامراض الخطيرةاللي خلتني ولسنين طويلة أسير المستشفيات وعيادات الأطباء ( ضعف النظر,أسنان متهرئة ,الدوار وفقدان التوازن,ضيق النفس,التهاب القصبات والرئتين,توسع في فتحة المريء,التهابات ورمل في الكليتين والمجاري البولية,مشاكل في الصدر وخفقان ,روماتيزم المفاصل واضطرابات نفسية ) وانجبرت أتداين للصرف على الأدوية والعلاجات والفحوصات والتحاليل والأشعة الى أن صارت بركبتي مبالغ طائلة ( ملايين الدنانير ) وأهلي هم مريضة كلش بحاجة الى اجراء عملية جراحية ( الفتق ) اضافة الى ابني الزغير حسين اللي يعاني من حالة مرضية خاصة (التصاق أصابع القدم اليسرى واضطرابات سلوكية وفرط الحركة وصعوبة النطق ( كل هذا خله الأبواب كلها مسدودة بوجهنه وغركنه في اليأس والاحباط والأمراض والجوع ووصلت الأمور الى اسوأ مرحلة بعدما سقطت منطقتنه بيد عصابات داعش فتصدقت الناس علينه ووصلونه الى مدينة أربيل وهسه احنه نازلين بغرفة قديمة وزغيرة عالسطوح ( 2 في 3 متر ) بأحد الفنادق القديمة جدا بحيث جهالي يتكومون واحد فوك اللاخ من ينامون وسط الفئران والجرذان في فندق هو عبارة عن خرابة وفي جو غير صحي حته صارت بينه أمراض واحنه ما عدنه أي مورد مالي أو مصدر للرزق وما جاي نلكه شي نسد بي جوعنه والله العظيم عدنه اشوية مواد غذائية وراح تخلص وآني قبل اسبوعين اشوية اتسوكت مواد غذائية وخلصن هسه حتى ابسط مواد غذائية للطبخ ما عدنه يعني لا تمن لا شكر لا حليب للأطفال الزغار وآني كلش مريض وما عندي فلوس اراجع طبيب وايجار الفندق ديتراكم علينه ولكم القول الفصل وبالنسبة للنت واحد سوري شهم عنده صالة يخلينه نستخدم النت مرات اببلاش والكم القول الفصل والحكم وزوجتي وابني ينرادلنه علاجات ومراجعة الأطباء وفلوس ماكو وحته ملابس شتوية ما عدنه والله جاي نلبس صيفي لحد الآن ولسوء حظنه ماكو أي شخص أو جهة ساعدتنه بأربيل صرنه عراة جوعانين مرضى وأمام أيام سوداء ومستقبل مجهول خاصة وأن ايجار الفندق هو (450 ألف دينار ) في الشهر يسجلهه صاحب الفندق علينه كديون وما نعرف اشلون راح ندفعهه واحتمال منا وفد عشر أيام إذا ما كدرنه ندفعله يطردنه ونصير آني وجهالي بالشارع واحنه صارلنه 3 شهور على هالحال بس الله يدري شنو مصيرنه واشراح يصير بينه لذلك أحنه انناشد و نترجه أشد الرجاء أصحاب الضمائر الحية والرحماء من أبناء بلدنه بالداخل والخارج أن ما ينسونه ويعوفونه بهاي المحنة القاتلة ولا تنسونه بصلواتكم ودعواتكم ترة احنه منتهين ومتدمرين والله لا يضيع أجر المحسنين.
وهذا رقمي بأسم عبدالرضا محمد اسماعيل ( أبو حسين ) 07701865326
