https://www.facebook.com/274179019782932/

Nesim, Sharawany, As Sulaymaniyah (2026)

24/07/2024

ڕەنگە بە ئەو شتەی هەرگیز بیرت بۆی نەچووە، برینیکت دروستکردبێ کە هەرگیز بیرت بۆی ناچێت...

29/12/2020

کاتێڪ باسی پێکەوە ژیان دەکەن
ئێمەی موسلمان لەگەڵ هەمو کەسێ دەژین
مێژو شاهەدی ئەم ڕاستیەیە
لەمەدینە موسلمان زولمی لەکەس نەکرد
یهودیەکان غەیانەتیان کرد یەك ڕوژ نەبوو موسلمانێ زیان بگەینێ بەمال و سامان و ژن و منالی یهودیەك
موسلمانان لەشام لەگەل مەسیحیەکان دەژیان
مەسیحیەکانی شام لەگەل موسلمانان شەری ڕومیەکان دەکرد لەبەرئەوەی موسلمانان ئەوندە باشبوون لەگەل مەسیحیەکان بەلام مەسیحیەکان چیکر پاش ئەوەی موسلمان لەشام کشانەوە مەسیحیەکان چەندین موسلمانی سەر بڕی، لە ئەندەلوس موسلمان و مەسیحی پؽکەوە دەژیان کێشەیان نەبوو بوهیچ موسلمانێ نەبوو زولم لە زیمیەك بکات بەلام لەدەسهەلاتی موسلمانان نەما لە ئەندەلوس چی بەسەرهات مەسیحیەکان هزارەها موسلمانان سەریان بڕی
لەفەلستی سەدان ساڵ موسلمان و یهودی و مەسیحی پێکەوە دەژیان موسلمانان زولمیان لەکەس نەکرد بەلام سەهیونیزم ملیونان ژن و منال و پیرو گەنجی موسلمانیان کوشت، سالەها سالە مەسیحی لەعؽراق و یەمەن و سوریا و ئەفغان دەژین کەس زولمیان لێی نەکرد کەچی فڕوکەی یهدوی و نەسارەکان سالانە میلونان موسلمان دەکوژن

(ئەوان ئێمە دەکوژن و ئێمە داوی پێکەوە ژیان لێیان دەکەین)
وەرگیراوە

16/12/2020

ئایا ئاینەکان سەرچاوەی هەموو جەنگەکانن؟

«ڕیچارد دۆکینز » زانای ئیسۆلۆجی و گەورە بێباوەڕ لە کتێبی (وەهمی خوادا ) بەم شێوەیە لە مەڕ هۆکاری جەنگەکان و کوشتارەکانی مێژوو دەدوێ :

(زۆربەی ئەو شەڕانەی لە مێژوودا ڕوویان داوە بەهۆی دینەوە بووە !!)
...............

بەڵام بەڵگە و دۆکیۆمێنتە مێژوویەکان شتێکی تر دەڵێن :

لە کتێبی ( ئینسایکلۆپیدیای جەنگەکان -Encyclopedia of wars) لە نووسینی ( چارلز فیلیپ- ئالان ئاکسڵۆرد ) هاتووە کە ڕێژەی ئەو جەنگانەی بەناوی ئاینەوە کراون و ئاین پاڵنەری هەڵگیرسانیان بووە کەمترە لە ٧٪. ی جەنگەکانی مێژوو لە کاتێکدا ٩٣٪ ی جەنگەکانی مێژوو پەیوەندیان بە ئاینەوە نەبووە .
.........

هەروەها لە ژمارەی قوربانیانی جەنگەکانی مێژوودا تەنها ٢٪ یان قوربانی جەنگی ئاینی بوون ، واتە ڕێژەی ٩٨٪ قوربانیانی جەنگ قوربانی جەنگە نائاینیەکانن.
......

سەرچاوە : وڕێنەی ئیلحاد لا ٤١
نووسینی : د.عوسمان محمد غریب

04/12/2020

دکتۆر عەلی شەریعەتی ئەفەرموێت : .........
کێشەی ئێمە لەگەڵ ڕاپەڕین و شۆڕشەکان ئەوەیە کە بەس ئامانجمان لابردنی حاکم و سەرۆکە دیکتاتۆرەکانە بەڵام ئەوەی دیکتاتۆریەت بەرهەم دێنێ دەیهێڵینەوە ،

لەبەر ئەم هۆکارەشە کە زۆرینەی ڕاپەڕین و شۆڕشەکان سەرناگرێ و ئامانجی خۆی ناپێکێ ، چونکو بەس زاڵمان لادەبەین بەڵام زوڵم و ستەم دەهێڵینەوە ....

29/11/2020

گەورەترین 10سیفەتی بەرزی محمد ﷺ
1_لەقسەکردن راستگۆترین کەس بوو.
2_لەبەخشین بەخشندەرترین دەست بوو.
3_خاوەنی نەرم و نیانترین دڵ بوو.
4_لەهەموو کەس درەنگتر تورە دەبوو.
5_توورەبوونی تەنها لەبەر وشەی (حەق) بوو.
6_پیاوێکی هەڵوێست قورسەکان بوو.
7_هەرگیز لەکاتی جەنگدا راینەکردوە.
8_بەشەرمترین کەس بوو.
9_لێبووردەترین کەس بوو.
10_باشترین مرۆڤی سەرزەوی بوو.
صەلاوات بنێرە بۆ ئەو پەیامبەری کەتا دونیاماوە کەسی وەکو
ئەو دروست نابێتەوە

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ

28/11/2020

ئەمە موستەفا کەمال ئەتاتورکە
بۆئەوکەسەی کەنایناسیت
۱-خەلافەتی ئیسلامی هەڵوەشاندەوەساڵی ۱۹۲٤ .
۲-یاساکانی ئیسلامی هەڵوەشاندەوە بەتەواوەتی ساڵی ۱۹۲٦.
۳-میراتی یەکسان کردلەنیوان پیاووژن دا.
٤-حەج وعومرەی قەدەغەکرد لەمسوڵمانانی تورکیا.
٥-زمانی عەرەبی قەدەغەکردلە ناوەندەکانی خۆێندن.
٦-بانگی قەدغەکرد لەمزگەوتەکان.
۷-حیجابی قەدەغەکرد لەتورکیا.
٨-ناوی موستەفای لەخۆی سرییەوە.
۹-ئاهەنگ گێرانی بۆجەژنەکانی ڕەمەزان وقوربان هەڵوەشاندەوە.
۱۰-لەبری ڕۆژی جومعە ڕۆژی یەک شەمەی دانابە پشوی هەفتە.
۱۱-پیتەعەرەبیەکانی سرییەوە لەزارەوەدا.
۱۲-سوێن خواردن بەخوای گۆری بەسوێن بەشەرەف لەکاتی وەرگرتنی پۆستەکانا.
۱۳-هەزاران زاناوشەرع زانی لەسێدارەدا ئەوانەی دژی پرۆگرامەکانی بوو.
۱٤-وەسێتی کردپیش مردنی نۆێژی جەنازەی مسۆڵمانای لەسەرنەکەن .
۱٥-ئەتاتورک لەپیش پەرلەمانی تورکیاساڵی ۱۹۲۳ وتی ئێمەئیستالەچتەرخی بیستین چەرخی پیشەزای ناتوانین لەدووای کتێبێک بڕۆین باسی هەنجیروو زەیتون دەکات .
(مەبەستی قورئانی پیرۆزبوو)

خوای گەورەلەناوی بردبە میرولە سورە کەلاشەکەی هەمو خوارد ،پاش دوو ساڵ زانستی پزیشکی دەرمانی نەخۆشیەکەی ئەتاتورکیان دۆزییەوە بۆیان ئاشکرابو کە پێکهاتەیەکی گیراوەیە لەداری هەنجیری پربەرەکەت
خوای گەورە دەفەرموێت: لەئەوان بەهێزتر مان لەناوبرد ئەویش بەڕێ وشوێنی ئەواندا ڕۆشت.....

خوشبه ختانه نه يتواني حجاب به خيزانى ته رك بكات!

15/11/2020

مرۆڤ و ژیان...............
(تەمەن), وشەیەکە بەکاری دێنێن بۆ پێناسەی زۆرشت ، تەمەنی گەردوون، تەمەنی مرۆڤ ، تەمەنی دەریایەکی بێ شەپۆل و ئاسمانێکی شینی بێ پەڵە ، ڕۆژگاری پێ پێودانگ دەکەین و خزم و ئازیزانمانی پێ لە نەشرەی چەند ڕەقەمێک و ژمارەگەلێکی لە بن نەهاتوو دەدەین ، هەمدەم لە حسابات و کتاباتێکی سەیرداین ، ڕۆژێکمان بێ ئەژماردنی چەند دانە ڕەقەمێک لێ ناڕوات !، تەنانەت خودی مرۆش دارای ئەم ژمارانەیە و ئاوێتەی بوونیەتێتی کەلە هەمبانەیەوە چرکە و دەقەی خۆی دەژمێرێ ، کە بەتەواو بونیان ، ئیدی ئەم ئینسانە لە گرێی دنیا حەل دەبێ و بە گوریسی مەرگ کەمەندکێشی حەیاتێکی تری بەرزەخ دەبێ، ................
ئەوەی بۆمن جێی واقە و شەپۆلی سەرسامی لەکەناری چاومدا بە وێنەی پریسکەیەک بەیان دەکا ، خودی مرۆ خۆیەتی لە مامەڵەی لەگەڵ تەمەن و چەشنی ئەم ژمارانەی وەسفی ژینی دەکەن ، سوئالەکە بەم چەشنە خۆی لە گۆڕەپانی هزرمدا وێناکردووە :

گەر ژیانی ئادەمی بریتی بێ لەم زنجیرە بڕاوەیەی ژمارەکان ، ئەدی ئەو شتە چیە کە بێئاگای کردووین لێی و پێمان وایە کە قەت ناگەین بە کۆتا ژمارەی ژینمان ؟

کە لە مونتەهای ئەم زنجیرەیەدا مەرگ کۆتا ژمارە ئەژمار دەکاو لەلیستی تیاچواندا فایلێکی تری هاوشێوەی باقی فایلە ڕەشەکانی تری مەردوومەکانی ژێر گڵ بۆ درووست دەکا، کە هەر دانەیەکیان وێنەدانەوەی ڕەقەم و ئەژمارێکی تایبەت بە خۆیانن و لە ڕونمای کۆتای ژیاندا خۆیان وێنا دەکەن ، ......................
ئەم پرسیارە لە ئەوجی سادەیدایە و کەوتۆتە سەر شانۆی هزری هەموومان (تۆ بڵێی ژیانێکی دیکە هەبێ ؟)،
چەشنی ئەم گرێیە هزریە لە لوتکەی گرنگیشدایە ،
بەڵام جوابێکی سادەو ساکاری هەیە کە ئەویش:

« (هەستی هەمیشە مانەوەی ئینسانە )»

ئاخر چوونکە ئەم هەستەی کە وەک پشکۆیەک گڕی لە سینەی ئینسان بەرداوەو ، نادەم نادەم ئاهێکی بڵێسەداری بۆ هەڵدەکێشێ ناگونجێ و ناشێ وەهمێکی پەتی بێ و بۆ خۆخەڵەتاندن و ڕاگوزەراندن بە دڕک و داڵی ئەم دنیا پڕ لە ئازارەدا لەپریاسکەی دڵی خۆی پەستاندبێ ،

ئاخر ئەم هەستی ( خلود) و حەزی هەمیشە مانەوەیەی ئینسان کە هەر لەوەتەی هەستی بە بونیەتی کردووە و بناغەی هۆشی دامەزراوە لەگەڵی وەکو ساوایەکی گرینۆک سەدای لە ئاسمانی دڵی دەداو بە زیقەی بەرزی سینەی دەجۆشێنێ ، قەت شیانی ئەوە نیە پشتگوێ خرێ و بە حوکمی مادیی بوونی ئینسان و وەهمداربوونی هەستە ڕوحیەکانی فایلەکەی لە دادگای نەبووندا داخرێ !
....................

ئاوا خەیاڵ و ئەندێشەیەک بۆ مرۆڤ ناکرێ، وەها ڕسوایانە و زەلیلانە ڕەنگ ڕشتەی ئەم مەخلووقە ڕێزدارەی پەروەرێن ناکرێ و گونجاونیە لەگەڵ سرووشتی ، هەرگیز ئەم ئاشاخە بۆگەنە شیاوی ئەوە نیە دەرخواردی هزری مرۆڤ درێت ،کە بئێژرێت :
( ئێمە هەر ئەم حەیاتەمان هەیە و ئیدی بەرەو نەمان دەچین و جگە لە لانکەی نەبوون هیچی دیکە نیە بمان گرێتە خۆ! ) ،

وەها ڕوانینێک بۆ ئەم کائینە ئاڵۆزە کە هێشتاش جگێکی کەم نەبێ لە عەمباری نهێنیەکانی بەدەر نەکەووتوە ، جۆرێکە لە هاتنەدەر لە بەرگی ئینسانی بوون و خزانە ناو یاتاخێکی ئاژەڵیەوە ، ........................

چەمکی (ژیان) لەوە فرەترە بیئاخزێنینە نێو قەفەزی چەند دانە ژمارەیەکەوە و بە قامچی بەرەو عەدەمی بوون فەلاقەی کەین

، نەخێر ... بەڵکی ژیان و ژین کردن چەمکێکی مەعنەوییە و وەسفێکی نەخشێنراوە بە ئیلهامێکی ڕەببانی ، سەرنج بدە پەڕاوی خوێندراوی خودا چەند بە گوشراوی کڕۆکی ئەم باسە دەخاتە دڵەوە :

(وَمَا هَـٰذِهِ ٱلۡحَیَوٰةُ ٱلدُّنۡیَاۤ إِلَّا لَهۡوࣱ وَلَعِبࣱۚ وَإِنَّ ٱلدَّارَ ٱلۡـَٔاخِرَةَ لَهِیَ ٱلۡحَیَوَانُۚ لَوۡ كَانُوا۟ یَعۡلَمُونَ)

ئەم دنیایە گرنگیەکی نیەو پێناسەیەکی تەواوی ژیان ناکات کەمێکی نەبێ کە ئەویش لە چاو مەنزڵگای ئاخیرەت هێندەی گەمە و گاڵتەیەکی پووچە «لَهۡوࣱ وَلَعِبࣱۚ» ، بەڵام کڕۆک و وێنەی تەواوەتی ژیان لە( دار الأخرة) دایە، چەند وەسفێکی وورد و جوانە کەئاخیرەتی بە (الحیوان) نمایان کردووە کە واتای ژیانی حەقیقی و دائیمیە ،

هەست ناکەن ئەم تەعبیرە قورئانییە لەگەڵ ئەم هەستە بەدیهیەی مرۆڤ(خلود) وێک دێتەوە و گوڵخانەی دەروونی ئاودەدات ،بەوەی بە مرۆڤ دەئێژێت:

( ئەم دنیایە دەروازەیەکی تەنگە بۆ ژیانێکی فراوان و جۆگەلەیەکی تەنکەڵەیە کە دەکەوێتە ناو ئەتڵەسێکی بێ ئەندازە قوڵ ) ...................

کەواتە پرسیارەکەی سەرەوە بێ لەزەت بێبەهایە گەر بڵێین ئەو شتە (هەستە) تەنها وەهمێکی پووچە و هیچی دیکە ، چونکێ هێندە ژەهری بێهیوای بەمرۆڤ دەخواتە و بە جۆرێک تیغی خەفەت دەیبڕێ ، کە توانای هەڵگرتنی نەفەسی خۆشی نامێنێ و هەمیشە چاوەڕێیە کە کەی بێت ببێتە پاروویەکی گەنیوی کرمۆڵە و مارە بێ ڕوحمەکان . ...............
بەڵام بە چەشنێک مەعنا بەخشە و ئۆخژنهێنە گەر ژیانێکی دیکە و حەیاتێکی تر کە درێژکراوەی ئەم دنیایەبێ ، وجوودی هەبێ و مەرگ تەنها ڕاگوزەرێک بێت بۆی و قیتارێکی خێرای سەر هێڵی ئەم دوو ژیانە بێ . ............
(هُوَ یُحۡیِۦ وَیُمِیتُ وَإِلَیۡهِ تُرۡجَعُونَ)
[سورة يونس 56]

08/11/2020

طارق بن زیاد ،فاتحی ئەندەلوس ........................ ..................................
طارق بن زیاد پاڵەوانو سەرکردەی بەناوبانگی موسڵمانە ساڵی 670 ی زاینی لەدایکبوە لە مەغریب ڕەچەڵەکی ئەمازیغیە

لەگەڵ گەیشتنی ئسلام بە وڵاتی مەغریب و شاری طنجە موسڵمان بووە لەسەر دەستی موسا ابن نصیر
وە کرایە والی ئومەویەکان لە طنجە ،
طارق ویستی فەتحکردنی ئەندەلووسی هەبو بۆیە داوای ڕێپێدانی لە موسا بن نصیر والی ئەفریقای ئومەویەکان کرد

ئەویش ڕێپێدانی بۆ وەرگرت لە خەلیفەی ئومەویەکان ولید بن عبدالملیک ،

طارق سوپایەکی حەوت هەزار کەسی لە بەربەرە موسڵمانەکان دروستکرد

(بەربەر بەو میلەتانە وتراوە کە لەژێر دەسی ئیمپراتۆریەتی ڕۆمانی بوون بەڵام لەمیللەتی ڕۆمانی نەبوون ) .

طارق و سوپاکەی بە دەریای ناوەڕاستدا پەڕینەوە بۆ ئەندەلۆس..............

(ئەندەلۆس هەردوو وڵاتی ئیسپانیاو پرتوگالی ئێستا دەگرێتەوە کە نیمچە دوورگەی ئیبیریشی پێ ئەوترێ )
ئەوکات قوتیەکان حوکمی ئەندەلوسیان ئەکرد کە پاشاکەیان بەناوی لۆزریق باجێکی زۆری سەپاندبو بەسەر خەڵکدا ،
لەگەڵ گەشتنی موسڵمانەکان بۆ ئەندەلوس کەوتنە شەڕەوە لەگەڵ سەربازە قوتیەکان وە قوتیەکان دۆڕان ،
ئەم هەواڵە گەشتەوە بە لۆزریق ئەویش سوپایەکی سەد هەزاری کۆکردەوە بەڕێکەوت بۆ ڕوبەڕوبونەوەی سوپاکەی طارق وە داوای لەسەربازەکانی کرد حەبلی زۆر بێنن بۆ بەستنەوەی موسڵمانەکان دوای بەزاندنیان
ئەمەش وایلێکرد بە (ملک ذو الحبال) بناسرێ ، ......................

طارق بە بیستنی ژمارەی سەربازەکانی سوپای قوتیەکان نامەیەکی نارد بۆ موسا بن نصیر داوای هێزی پشتیوانی لێکرد ئەویش 5000 سەربازی بۆ نارد بەمەش ژمارەی سەربازانی سوپای موسڵمان گەشتە 12000 سەرباز کە بەرەوڕوی 100 هەزار سەربازبونەوە لە شەڕی وادی برباط ساڵی 711 ی زاینی

لەگەڵ نا هاوسەنگی هێز کە هەر سەربازێکی موسڵمان بەرامبەر 9 سەربازی قوتی بوو سوپای موسڵمانان سەرکەوتن بەسەر قوتیەکان وە لۆزریق کوژراو طارق بن زیاد هەمو شارەکانی تری ئەندەلوسی فەتح کرد ،

طارق لەساڵی 721 ی زاینی لە شاری دیمەشق کۆچی دوایی کرد

وە چیای جەبەل طارق لە ئەوروپا بەناوی ئەوەوەیە.

دەگوترێ طارق دوای ئەوەی ناوچەی جەبەل طارقی کۆنترۆڵکرد پێش بەڕێکەوتن بۆ شاری قورطوبا کەشتیەکانی دەسوتێنێ ئنجا ڕودەکاتە سەربازاکانی و
دەڵێ (ببینن ئیتر هیچ ڕێگەیەک نیە بۆ گەڕانەوە دوژمن لەبەردەممانەو دەریاش لە پشتمانە یان ئەجەنگین یان ئەمرین ، ئەوان پشت بە حەبلەکانیان ئەبەستن ئێمەش بە خوا تاکە پشتیوانی ئێمە لە ئێستادا خوا پاشان شمشێرەکانمانە ، کەواتە دوامکەون.)" ..........................
ابن کردبوس مێژونوسی ئسلامی لە کتێبەکەیا

الاکتفاء فی اخبار خلفاء
باسی ئەم ڕوداوەی کردووە"

‏⠀⠀⠀⠀⠀⠀⠀⠀⠀⠀⠀⢤⠀⠀⠀⠀⠀⠀⠀⡀‏⠀⠀⠀⠀⠀⠀⠀⠀⠀⠀⠀⠀⠇⠀⠀⠀⠀⠀⠀⣿⡄‏⠀⠀⠀⠀⠠⢤⠀⠀⠀⠀⠀⠀⠀⢀⡀⠤⠂⠀⠀⢻⡟⠄‏⠀⠀⠀⠀⠀⠁⠀⠀⢀⡠⠤⠒⢈⠁⡀⠀⣄⠠⠄⢸⣇‏⠀⠀⠀⠀⠀⠀⠀⠈⠀⠀⠐⡇⢸⡀⡇⠀⠀⠃⠀⠀⣿‏⠀⠀⠀⠀⠠⡗⠀⠀⠀...

03/11/2020

‏⠀⠀⠀⠀⠀⠀⠀⠀⠀⠀⠀⢤⠀⠀⠀⠀⠀⠀⠀⡀
‏⠀⠀⠀⠀⠀⠀⠀⠀⠀⠀⠀⠀⠇⠀⠀⠀⠀⠀⠀⣿⡄
‏⠀⠀⠀⠀⠠⢤⠀⠀⠀⠀⠀⠀⠀⢀⡀⠤⠂⠀⠀⢻⡟⠄
‏⠀⠀⠀⠀⠀⠁⠀⠀⢀⡠⠤⠒⢈⠁⡀⠀⣄⠠⠄⢸⣇
‏⠀⠀⠀⠀⠀⠀⠀⠈⠀⠀⠐⡇⢸⡀⡇⠀⠀⠃⠀⠀⣿
‏⠀⠀⠀⠀⠠⡗⠀⠀⠀⠀⠀⠙⢃⠉⠁⠀⠀⡀⠀⠀⢻⡆
‏⠀⠀⠀⠐⠁⠀⢀⡄⠀⠀⠀⠀⣾⡇⠀⠀⢸⣷⡄⠀⠸⣇
‏⠀⠀⠀⠀⠀⣰⢿⠁⠀⠀⠀⠀⢸⡇⠀⠀⠘⣿⠀⠀⠀⣿
‏⠈⠀⠀⠀⢀⡏⡾⠀⠀⠐⠀⠀⢸⣧⠀⡥⠀⢻⡇⠐⠀⢹⡆
‏⠇⠀⠐⠀⣸⠀⣇⠀⠀⠘⠀⠀⡸⣿⡀⠀⠀⠈⣿⠀⠀⢸⡇
‏⠸⡀⠀⢠⡇⠀⣿⣆⡀⠀⣀⣴⠇⢹⣷⣤⣤⣤⠇⠀⠀⠈⡇
‏⠀⠹⢶⠟⠀⠀⠘⠿⣿⡿⠟⠁⠀⠀⠙⠛⠛⠉⠀⠀⠀⠀⠃

02/11/2020

"كلمتان خفيفتان على اللسان ثقيلتان في الميزان"

01/11/2020

تاکی کورد و مەبدەء

یەکێک لەو بابەتانەی کە گرنگ و پێویستە لەم کاتەدا بوروژێنرێ و لەسەری بدوێین مەبدەئە...

مەبدەء:- بریتییە لە مکوڕبوون و سوربوون لەسەر ئامانجێك یان کۆمەڵە ئامانجێکی دیاری کراو، وەكو پڕۆژەیەکی فکری و ئایدۆلۆژی، یان ھەڵوێستێکی دینی یان ئینتیمایەکی نیشتمانی و کۆمەڵایەتی یان بڕیارێکی سیاسی یاخود ئامانجێکی بازرگانی، وە دەستبەردار نەبوونی ئەم مەبدەئە لەبەرامبەر ھیچ شتێکی تردا.

ئەگەر وردبیبینەوە و دیقەتبدەین بۆمان ڕووندەبێتەوە کە مرۆڤی ھاوچەرخ واتا کۆمەڵگای مرۆڤایەتی لەم سەردەمەیدا بەشێوەیەکی گشتی خاوەنی ڕێژەیەکی کەم لە تاکی بەمەبدەئن ئەوەشی ھەیە نوخبەیەکی کەمی ناو کۆمەڵگاکانن ڕێژەیەکی بەرچاو نین کە ئەمەش مایەی ھەڵوێستە لەسەر کردن و تێڕامانێکی جدییە.

ئەم شێوازە لە بێ مەبدەئی دەگەڕێتەوە بۆ کۆمەڵێك خاڵ بە کورتی لەوانە:

١- سیستمی سەرمایەداری: ئەم سیستمە بەشێوەیەکی گشتی کار لەسەر بەکاڵا کردنی ھەموو بوونێکی چواردەورمان دەکات ھەر لە فکر و دین و نیشتمان و ئەدەب و تەنانەت مرۆڤ بوونیشمان، لە سەرمایەداریدا گرنگ کۆکردنەوەی سامانە جا بەھەر ڕێگایەك بێت بەبێ ئەوەی بیربکەیتەوە کەئەم ڕێگایە چی زیانێکی سلبی ھەیە بۆسەر کۆمەڵگا، کە ئەمەش تاکێکی بێ مەبدەء دروستدەکات.

٢- بەشێوەیەکی گشتی بڵاوبوونەوەی ئەخلاقیەتی ڕۆژئاوا: ئەخلاقیەتی ڕۆژئاوا کە سیستمێك و ڕێڕەوێکی دیاری کراوی نییە و ھیچ بەھاو قیەمێکی بەرزی ئەخلاقی تیا بەدی ناکرێ، کاریگەریەکی نەرێنی کردووەتە سەر تاکەکانی کۆمەڵگا و خودی کۆمەڵگاش، بەداخەوە دەبێت ئەمە بڵێم بەڵام بە بێ ویستی خۆمان بەشێوەیەکی گشتی ھەموومان کەوتووینەتە ژێر ئەو ھێرشە بەد ئەخلاقیەی کە سەرچاوەکەی لە ڕۆژئاواوەیە.

٣- دوورکەوتنەوە لە دین: دابڕان لە دین یەکێکە لە ھۆکارە سەرەکیەکانی درووسبوونی بێ مەبدەئی، لەوکاتانەی مەردووم دووردەکەوێتوە لە دین ھەستێکی خۆ بەکەم زانین و بێ ئامانجی ڕووی تێدەکات وە بە پێچەوانەوە نزیك بوونەوەی دەبێتە مایەی بەرقەراربوونی دڵ و ئەقڵ وە دروستبوونی مەبدەء و مکوڕبوون لەسەری.

٤- دوورکەوتنەوە لە داب و نەریتە ڕەسەن و خاوەن سەنگەکان: کە ئەمەش دەبێتە ھۆی کەم بوونەوەی ئینتیمای نەتەوایەتی و دروسبوونی بێ مەبدەئی.

٥- نەبوونی پاشخانێکی فکری تەندروست: یەکێکە لە ھۆکارەکان کە ڕێگرە لەبەردەم گەشە و نەش و نما کردنی خود و دروستبوونی تاکێکی خاوەن ھەڵوێست و مەبدەء.

٦- ھەوڵدان بۆ بەدەست ھێنانی ناوبانگ: ھەڵبەت لێرەدا مەبەستمان لەو کەسانە نییە کە بەھۆی پیشەیەك یان بەھۆی کارێکی دیاریکراوی سودبەخشەوە ناوێکیان ھەیە.
ئەم بە ئامانج گرتنی ناوبانگە یەکێکە لەو گرفتانەی کە ئەمڕۆ تەواوی جیھان پێوەی دەناڵێنن، ئەو کەسانەی ھەوڵ بۆ ئەم کارە دەدەن ڕێکاری تەندروست ناگرنەبەر بەڵکو لە ھەڵپەیان بۆ ناوبانگ ھەنگاوی نا بەرپرسانە دەنێن تا زوتر پێی بگەن جا بەھەر ڕێگایەکبێ، ھەندێ کەس ئەمڕۆ دەیانبینین ناوبانگێکی زۆری ھەیە لە ناو کۆمەڵدا بەڵام کاتێك دەچی پەڕەکانی ئەم کەسە ھەڵدەیتەوە ھیچ پاشخانێکی فکری و مەعریفی یان پاشخانێکی کۆمەڵایەتی تیا بەدی ناکەی، بەڵکوو بەشێوازێك لە شێوازەکانی بەکارھێنانی تۆڕی کۆمەڵایەتی یان ھۆکارێکی تری ھەمەچەشن ئەو ناوەی بۆ خۆی وەدەست خستووە با ناوبانگەکەشی خراپبێ، کوردیش دەڵێ (بێ ناوی باشترە لە بەد ناوی) !!
ئەم ھەوڵدانەش بۆ ناوبانگ وا لە مرۆڤ دەکات کەھیچ شتك لەلای ھێڵی سور نەبێ تەنانەت ئەگەر ئەم ھەوڵەی کاریگەری خراپی لەسەر شەخسیاتیشی ھەبێت لە کۆمەڵگادا، کەواتە ئەم ھۆکارە مرۆڤێکی بێ بەھاو بێ مەبدەء دروست دەکات.

ئەمانە کۆمەڵێك ھۆکارن لە ھۆکارەکان کە بە بوونی ھەر یەکێکیان مرۆڤ لە ھەڵوێست و ئامانجەکانی دادەڕنێت و دەیکات بە بوونەوەرێکی بێ شکۆ و بێ قەدر لە مجتەمەعدا.

ئەگەر بەخێرایی چاوێك بخشێنین بە کۆمەڵگای کوردیدا و ھەڵوێستەیەکی لەسەر بکەین دەبینین ئێمەش لەم پەتایە بەدوورنین و کاریگەریەکی سلبی لەسەر مجتەمەعەکەمان ھەبووە و زیانیێکی بەرچاوی بە تاك بە تاکی کۆمەڵگا گەیاندووە، وە دەبینین پڕە لە و جۆرە کەسانەی ھیچ مەبدەئێکیان نییە و لەگەڵ گۆڕانی ھەل و مەرج و بارودۆخدا ئەوانیش دەگۆڕێن، بابڵێین سیفەتی(حەربا) یان گرتووە، ھەر ڕەدوو دەکەوێ بێ ئەوەی لە ھیچ مەسەلەیەك تێبگا وەك دەڵێن (لەکوێ بایبێ لەوێ شەنە دەکا)،

با کەمێك بگەڕێینەوە بۆ ڕابردوو بۆ ژیانی پێغەمبەرمان(دردوودی خوای لەسەر بێت) دەبینین ئەو کاتەی کافرەکانی قوڕەیش پێیان وت ھەرچیت دەوێ بۆت جێبەجێ دەکەین بێ ئەملاولا یان دەتکەین بە پادشای خۆمان، کە ئەوکات عرب ھەر پاشای نەبوو، بەس واز لەو بانگەوازە بھێنە کە دەستت داوەتێ، بەڵام خۆشەویستمان (د.خ) کەسێکی خاوەن مەبدەئبوو پێی فەرموون ئەگەر خۆرم بۆ بکەنە لای ڕاستم و مانگیشم بۆ بکەنە لای چەپم واش لە ھیچ شتك کە وتوومە پەشیمان نابمەوە، جا با بزانین ئێمە لەکوێی ئەم ڕەوشت و ئاکارەی پێشەواماندا (د.خ) خۆمان دەبینیەوە.

ئەم بێ مەبدەئیەی کە ڕووی لە تاکی کورد کردووە وای لێ کردووە کە ھیچ شتێك لەلای موقەدەس نەبێت لە نموونەی (دین و نیشتمان و کۆمەڵگاکەی کە تیای ژیاوە و خودی شەخسیاتی خۆشی...)، وە بگرە وای لێکردووە بە چاوێکی سووکەوە و لە گۆشە نیگایەکی ھەرزەییانەوە تێڕوانینی بۆ دەورووبەر ھەبێ، وە ئەم کێشەیە تووانیویەتی تاکەکانمان دەستەمۆبکا، ئەم جۆرە ڕەفتارانەش کۆمەڵگای لە دامێنی داڕمان نزیک کردووەتەوە و بەرەو ھەڵدێر ڕاوەدووی دەنێ.

چارەسەر کردنی ئەم پەتایەش شتێکی ھەروا سانا نییە کەی بمانەوێ بتوانین خەفەی بکەین، بەڵکو پێویستی بە پلانێکی ستراتیجی دوور مەودا ھەیە تا بتوانین خۆمانی لێ دەربازبکەین، وە پێویستی بە پەروەردەیەکی بنەڕەتی دەروونی ھەیە، کەوا لە کۆمەڵ بکات بوونیەت و فکر و مووقەدەساتی بۆ بگەڕێتەوە، چونکە ئێمە وەک نەخۆشێکمان لێ ھاتووە کە ھەستی تام کردن و بۆنکردنمان لەدەست دابێ، لەو کاتەدا ھیچ جۆرە خواردنێك تایبەت نابێ لامان چوون ھەموویان بێ تامن وە بەھەمان شێوەش بۆ بۆنکردن، بۆیە پێویستمان بە پلانێکی قۆناغ بەندی ھەیە بەجێبەجێ کردنی ھەموو قۆناغەکانی و بەردەوام بوون لەسەری.

29/10/2020

ڕۆشنگەری ڕوژئاوا بە خۆری سەقافەی موسڵمانان.............................................
دیپاکومار پڕۆفیسۆری یاریدەدەر لە دیراسەکردنی تایبەت بە میدیا و ڕۆژهەڵاتی ناوەڕاست،

لەکتێبەکەیدا(ئیسلامۆفۆبیا ) ، چەند حەقیقەتێکی مێژووی لە گۆماوی لێڵی سیاسەتی ڕۆژئاوایدا ڕوون دەکاتەوە ، لە لاپەڕەی ٤٨ دەنووسێت:............
(تەرجەمەی نوسراوە عەرەبیەکان لە بواری : پزیشکیی، بیرکاری،گەردوونناسی و زانستەکانی دیکە ،بۆماوەی چەندان سەدە وەک دەقی کتێبێک وابوو ، کە لەناوەڕاستی ئەوروپا بەکاردەهات ، لەکاتێکدا نووسینەکانی فەیلەسووفە موسڵمانەکانی وەک: ئیبن سینا(٩٨٠_١٠٣٧) ،ئیبن ڕوشد (١١٢٦_١١٩٨) ، هەروەها فەیلەسووفە جوەکانی ئەوانەی کە بەشێوەیەکی سەرەکی بەزمانی عەرەبی دەیاننوسی .

،ڕەواجیان هەبوو و هەموو ئەمانە بەو پەڕی پەرۆشیەوە دەخوێندرانەوەو گفتوگۆیان لەسەر دەکرا ،کاریگەریشیان لەسەر چەندان نەوەی فەیلەسووف و زانایانی گاووری سەدەکانی ناوەڕاست هەبوو.).............
هەروەها لە لاپەڕەی ٤٧ دەنووسێت:
(لە ڕوانگەی ڕووناکبیرانەوە ئەوروپا سوپاسگوزاریەک قەرزاری بیرمەندانی ڕۆژهەڵاتی ناوەڕاستە ، چەندان ئیمپڕاتۆرییەتی موسڵمانان، هەر بەوەندە نەوەستان کە دەستپێشخەربوون بۆ خوڵقاندنی سەردەمێک لە وەرگێڕانی کارە گەورەو کولتوورە جیاوازەکان ، بەڵکو شایەتحاڵ و بەرجەستەی سەردەمی پێشکەوتن بوونە ،

بۆ نموونە : بیرمەندە موسڵمانانەکان چەمکە زانستیەکانی (فارس و یۆنان)یان بنیاتنا ، کە ئەم کارانەیان ڕێگای خۆشکرد بۆ ڕێنسانس و بەرەوپێشچوونی زانستە مۆدێرنەکان ) .....................................
چەشنی ئەم دانپێداهێنانە خۆی لە خۆیدا پەڵەیەکی عار بەنێوچاوانی سیاسی و بەناو (بیرمەندان)ی ڕۆژئاوایدا دەدات ، کە بەهوتافی (ئازادی ڕادەربڕین) ڕەواج بە ئیسلامۆفۆبیا و ڕق بەرامبەر ئیسلام دەدەن،

کە خودی ئەم ئازادییەی پێمان دەفرۆشنەوە بەرهەمەکەی ئی کتێب و سەقافەی موسڵمانانە کە دواتر بیرمەندانی ڕۆژئاوا بە وەرگێڕانیان توانیان ئەوروپا لە چەرخی تاریکەوە بەرەو ڕۆشنگەری تاودەن .

#ئیسلامۆفۆبیا

Nesim

24/07/2024

29/12/2020

16/12/2020

04/12/2020

29/11/2020

28/11/2020

15/11/2020

08/11/2020

03/11/2020

02/11/2020

01/11/2020

29/10/2020

Address

Telephone

Website

Alerts

Contact The Place Of Worship

Shortcuts

Share

Category