16/02/2026
വിഭൂതി തിരുനാൾ...⛪☺️🙏🏻✝️
പച്ച കെട്ടിട്ടും വീട്ടിലെ തിരുസ്വരൂപത്തിന് പിന്നിൽ കാത്തുവെച്ച ആ കുരുത്തോല കരിച്ച് നെറ്റിയിൽ ചാരം പൂശി ചെറിയൊരു യാത്ര നാം ആരംഭിക്കുകയാണ്....
അവൻ വേച്ചുവീണ വഴികളുടെ ഓർമ്മ പുതുക്കി, ജീവൻ പകുത്തു നൽകിയ ആ ഊട്ടുമേശയിൽ, നൊമ്പരത്തിന്റെ കൈപ്പനീര് കുടിച്ച്, ദുഃഖവെള്ളിയും കടന്ന് ഒടുവിൽ ആനന്ദം പൂത്തുലയുന്ന ഉത്ഥാന തിരുനാളിൽ ചെന്നവസാനിക്കുന്ന ഒരു യാത്ര.....
ഒടുവിൽ വരുന്നവന്റെ കൈവെള്ളയിലും ഒരു ദനാർ നാണയത്തിന്റെ തിളക്കം സമ്മാനിക്കുന്ന കഥ പോലെ... അല്ലെങ്കിൽ കൊടുത്തുവിട്ടതിൽ ഒരു ചെറുനാണയം പോലും മിച്ചം വെക്കാതെ മടങ്ങിവരുന്ന മകന്റെ മുന്നിൽ പിന്നെയും സ്നേഹം ധൂർത്തടിച്ച ആ അപ്പനെ പോലെ, ദൈവം നിനക്കായി കാത്തിരിക്കുന്നു എന്ന് ഓർമ്മിപ്പിക്കുന്ന കാലം......⛪☺️🙏🏻✝️
#പൂമല
