Sri Venkatadri, pendurthy, Visakhapatnam (2026)

30/11/2024

సాయంత్రం 6 కి మొదలవబోతున్న, అఖండ దీపోత్సవం..
ముక్కోటి దేవతలు, ఎదురుచూసే, ఈ దీపోత్సవానికి, మీరందరూ
త్వర త్వరగా మన వేంకటాద్రికి చేరుకుని, ఈ దీపోత్సవాన్ని తిలకించి తరించండి..

13/06/2024

జై శ్రీమన్నారాయణ.

మన వేంకటాద్రి క్షేత్రంలో నెలకొని వున్న వల్లిదేవసేన సమేత సుబ్రహ్మణ్య స్వామి వారి వార్షికోత్సవం సందర్భంగా,
రేపు అనగా 14/06/2024 శుక్రవారం మరియూ 15/6/2024 శనివారం రెండు రోజులు ఉత్సవాలను జరుపుకొంటాము. దానిలో భాగంగా రేపు వేంకటాద్రి లోని సుబ్రహ్మణ్య స్వామి వారికి ఉదయం 8 గంటలకు పంచామృత అభిషేకం సాయంత్రం హోమాలు విశేష అర్చనలు కలవు. ఎల్లుండి అనగా 15/6/2024 శనివారం నాడు సాయంత్రం సుబ్రహ్మణ్యేశ్వర స్వామి వారి కళ్యాణోత్సవం తదుపరి ప్రసాద వినియోగము జరుగును. వచ్చిన అందరి చేత, ఉచితముగానే కళ్యాణం చేయబడును.

గ్రహ, జాతక దోషములు వున్నవారు, సంతాన వృద్ధి కోరువారు అలాగే ఎటువంటి సమస్యలు వున్నవారు అయినా సరే వచ్చి, సుబ్రహ్మణ్య స్వామి వారి అభిషేకం, కళ్యాణం లో పాల్గొనటం వలన అ
సమస్యలకు పరిష్కారం కలుగుతుందని భక్తుల విశ్వాసం...
కావున అందరూ వచ్చి స్వామిని సేవించి తరించ ప్రార్థన..
హోమాలు, కళ్యాణంలో పాల్గొనదలచిన వారు, వివరముల కొరకు మన గురువు గారిని సంప్రదించగలరు.

15/05/2024

వేంకటాద్రి భక్తులకు విజ్ఞప్తి

మన వేంకటాద్రిపై జరుగు ఉత్సవాలలో అతి ముఖ్యమైనది

"బ్రహ్మాండ నాయకుని బ్రహ్మోత్సవాలు"..

ప్రతీ సంవత్సరం
వైశాఖ మాసంలో జరిగే ఈ ఉత్సవాలకి ఒక చరిత్ర వుంది.
శ్రీనివాసుడు ఈ భూమి మీదకి అడుగిడిన రోజు,
పద్మావతి అమ్మవారిని వివాహమాడిన రోజు... వైశాఖ శుద్ద దశమి.
అదే రోజున మన ఆలయంలో స్వామివారి ప్రతిష్ఠ జరిగింది.
మన స్వామి వారి బ్రహ్మోత్సవాలలో అదే వైశాఖ శుద్ద దశమినాడు, స్వామి అమ్మ వారిని వివాహమాడిన రోజునే, మన స్వామి అమ్మవార్లకి కళ్యాణం చేసుకుంటాము. నాటి ఆ శ్రీనివాసుని కళ్యాణం మనం చూడలేదన్న వెలితి లేకుండా, ఈనాడు మన స్వామివారి కళ్యాణం మనం చేసుకుని, చూసి తరిద్దాం..రండి.

బ్రహ్మోత్సవాల కార్యక్రమాల వివరాలు.

16/5/2024 గురువారం సాయంత్రం విష్వక్సేనపూజ, అంకురారోపణలతో ప్రారంభం..

17/5/2024 శుక్రవారం ఉదయం ద్వజారోహణ, హోమములు..
సాయంత్రం లక్ష తులసి, మల్లికా పుష్పములతో స్వామికి విశేష అర్చన.

18/5/2024 శనివారం, వైశాఖ శుద్ద దశమి, సాయంత్రం స్వామి వారి కళ్యాణం.

19/5/2024 ఆదివారం సాయంత్రం తిరువీధి. స్వామి వారి రథోత్సవం. ఏడాదికి ఒకసారి స్వామి వారు రధంపై ఊరేగింపుగా, తప్పెట గుళ్ళు,
పులి వేషాలు,
చెక్క భజనలు, కోలాటాలు, గోవిందనామ స్మరణల నడుమ సప్తగిరి నగర్ లోని అలిమేలు మంగమ్మ ఆలయానికి వెళ్ళి వేడుకలు చేసుకుని వస్తారు. మన వేంకటాద్రి నుండి, సప్తగిరి నగర్ లోని పద్మావతి అమ్మవారి సన్నిధి వరకూ భారీ ఊరేగింపు.

20/5/2024 సోమవారం ఉదయం చక్రస్నానం, చక్రత్తాళ్వారులతో కలసి మనందరమూ దివ్య స్నానమాచరించడం... సాయంత్రం శ్రీ పుష్పయాగం, మహా పూర్ణాహుతి, ద్వాదశారాధన, స్వామివారికి విశేష అర్చనలు, ఊంజల్ సేవలతో బ్రహ్మోత్సవాలు పరిసమాప్తి..
మనం అందరం కలసి ఆనందంగా ఈ ఉత్సవాలు చేసుకుందాము. అందరూ ప్రత్యక్షంగా పాల్గొని స్వామి వారిని సేవించి తరించ ప్రార్థన...

ఈ కార్యక్రమములలో పాల్గినగోరు వారు ముందుగా దేవస్థానము వారిని సంప్రదింగలరు.

23/11/2022

వేంకటాద్రి భక్తులకు విజ్ఞప్తి

ఈరోజునే మన వేంకటాద్రిపై అఖండ దీపోత్సవం...
శివ కేశవులు ఇద్దరూ నెలకొని వున్న
మన వేంకటాద్రి క్షేత్రంలో, వేంకటేశుని సన్నిధిలో, కైలాసగిరి ప్రాంగణమునందు వేంచేసి ఉన్న శివపార్వతుల చెంతన
కార్తీక మాసం చివరి రోజైన అమావాస్య నాడు విజ్ఞాన జ్యోతులు పంచుతూ మనం ప్రతీ ఏటా చేసుకునే దీపోత్సవం సరిగ్గా 6 గంటలకు జరుగుతుంది. భక్తులందరూ సాయంత్రం 5 గంటలకే విచ్చేసి మీకు కేటాయించిన స్ధలములందు రడీగా వుండి 6 గంటలకు ఆకాశ దీపం వెలిగించిన వెంటనే, అందరూ దీపాలు వెలిగించవచ్చు.
కాబట్టి భక్తులు ఈ అవకాశాన్ని సద్వినియోగం చేసుకుంటారని మనవి.

07/03/2022

రేపు మంగళవారం. షష్ఠి. కృత్తిక నక్షత్రం తో కలసి వున్నది. సుబ్రహ్మణ్య స్వామికి అత్యంత ప్రీతికరమైన రోజు.
అందునా, కృత్తిక నక్షత్రం షష్ఠితోకూడిన మంళవారం. ఇలా అన్ని కలసి ఒకేరోజున రావడం అతి అరుదు..
ఈ సందర్బాన్ని పురస్కరించుకుని రేపు ఉదయం 8.15 నిమిషాలకు మన వేంకటాద్రి పైనున్న సుబ్రహ్మణ్య స్వామి వారి ఆలయంలో స్వామివారికి అభిషేకం, విశేష అర్చనలు చేయడానికి నిశ్చయించారు. అవకాశం వున్న భక్తులు అందరూ వచ్చి ఈ కార్యక్రమాలలో పాల్గొని తరించవలసినదిగా మన గురువు గారి విన్నపము...

17/02/2022

భక్తులకు విజ్ఞప్తి...
రేపు మాఘ మాసపు శుక్రవారము...
మన వేంకటాద్రి లోని మన స్వామి వారికి రేపు 108 లీటర్ల పాలతో, పంచామృత సహితముగా అభిషేకము చేయటానికి నిర్ణయించారు. అభిషేకం ఉదయం 8 గంటలకి మొదలవుతుంది‌‌.
భక్తులందరూ ఈ అవకాసాన్ని సద్వినియోగం చేసుకుని, స్వామి వారి అభిషేకంలో పాల్గొని తరిస్తారని మా విన్నపము...

12/01/2022

13/1/2022 గురువారం ముక్కోటి (వైకుంఠ) ఏకాదశి సందర్బంగా శ్రీ వేంకటేశ్వర స్వామి వారి దేవస్ధానం,‌పెందుర్తి శ్రీ వేంకటేశ్వర స్వామి వారి ఆలయంలో, ఉదయం 3.30 నిముషములకు ఉత్తరద్వార దర్శనం ఏర్పాటు చేయడమైనది. ఈ కార్యక్రమానికి, మన విశాఖ శారదా పీఠం ఉత్తరాధికారి శ్రీ స్వాత్మానందేంద్ర సరస్వతి స్వామి వారు విచ్చేయుచున్నారు...షుమారు 25,000 మంది భక్తులు వస్తారని అంచనాల మేరకు,
దేవస్ధానం వారు భక్తుల సౌకర్యార్దం కొండ కింద ఆర్చి నుండి ఆలయం వరకూ ఉచిత బస్ సదుపాయం, క్యూలైన్లు, పందిర్లు, షామియానాలు, మంచినీరు, ఉచిత ప్రసాదం ఏర్పాట్లు చేసయడమైనది. వాహనాలను కొండ దిగువే ఆపి, ట్రాఫిక్ నియంత్రణకై, పోలీస్ వారి సహకారం కూడా తీసుకొనడమైనది. కావున భక్తులందరూ ఉదయం 3 గంటలకే దేవస్ధానానికి విచ్చేయవలసినదిగా మనవి.

04/12/2021

ఈ రోజు అమావాస్య. శనివారం కలసి వచ్చాయి. అలాగే
కార్తీక మాసం ఈ రోజుతో ముగుస్తోంది. మనం ప్రతీ సంవత్సరం కార్తీక మాసం ఆఖరి రోజైన అమావాస్య నాడు దీపోత్సవం చేసుకుంటాము. మనలోని అజ్ఞానం తొలగి, మనందరం సుఖ సంతోషాలతో వుండాలని, కొండ శిఖరం నుండి కిందన గల రోడ్డు వరకూ, ప్రతి మెట్టుకు దీపాలను అలంకరిస్తాము. సరిగ్గా సాయంత్రం 6 గంటలకి దీపాలన్ని ఒక్కసారే వెలిగిస్తాము. అందరికీ ఉచితంగానే దీపాలు ఏర్పాటు చేస్తున్నారు. కార్తీక అమావాస్య నాడు, సాయం సమయాన, కొండమీద, స్వామి సన్నిధిలో ఒక్క దీపం వెలిగించినా, కార్తీక మాసం నెలరోజుల ఫలితాన్ని పొందవచ్చు. కాబట్టి అందరూ వచ్చి ఈ కార్యక్రమంలో పాల్గొని తరించాలని మన గురువు గారి విన్నపము.

23/10/2021

జై శ్రీమన్నారాయణ 🙏
ఈ నాటి సుప్రభాత సేవ అనంతరం..

14/10/2021

జై శ్రీమన్నారాయణ

ప్రతీ నెలా స్వామి వారి జన్మ నక్షత్రం అగు శ్రవణా నక్షత్రం రోజున మన స్వామి వారికి సుదర్శనహోమం చేసుకుంటాము. అలాగే ప్రతీ శుక్రవారం అభిషేకం చేసుకుంటాము.
ఈ నెలా శ్రవణా నక్షత్రం, విజయ దశమి, శుక్రవారం మూడు కలసి వచ్చాయి. అత్యంత శుభప్రదమైన రోజు. ఇలా మూడూ కలసి అరుదుగా వస్తాయి. ఆరోజు స్వామి వారి అభిషేకం, తదనంతరం సుదర్శన హోమం, ఆ పిమ్మట విజయదశమి ఉత్సవాలు మన గుడిలో అత్యంత వైభవంగా చేసుకుందామని మన గురువుగారి నిర్ణయం. అందరూ వచ్చి స్వామి, అమ్మ వార్లని సేవించి తరించండి.

Sri Venkatadri

30/11/2024

13/06/2024

15/05/2024

23/11/2022

07/03/2022

17/02/2022

12/01/2022

04/12/2021

23/10/2021

14/10/2021

Address

Telephone

Website

Alerts

Shortcuts

Share

Category