27/08/2025
ഭാരതത്തിന്റെ സ്വാതന്ത്ര്യസമരങ്ങളുടെ തീച്ചൂളയിലെ ഉജ്ജ്വലമായ സമരജ്വാല കൂടിയായിരുന്നൂ ഗണേശോത്സവങ്ങള്..
✍️ Prem Shylesh
"ഞാനീ ഉത്സവം ചിലയിടങ്ങളിൽ അതീവ പ്രാധാന്യത്തോടെ തന്നെ ആഘോഷിക്കുന്നത് കണ്ടിരുന്നു.. ജനങ്ങളിൽ നല്ലൊരു ശതമാനം വളരെ ആവേശപൂർവം ഞാൻ കണ്ടയിടങ്ങളിൽ ഈ ഉത്സവം ആചരിക്കുന്നുണ്ട്.."
1892ൽ ഗ്വാളിയോർ സഞ്ചരിക്കാനിടയായ കൃഷ്ണാജിപന്ത് ഖാസ്കിവാലേ ഗ്വാളിയോറിൽ താൻ കാണാൻ ഇടയായ ഒരു ഉത്സവത്തിൻ്റെ ഹ്രസ്വ വിവരണം തൻ്റെ സുഹൃത്തുക്കളായ ഭാവുസാഹെബ് രാംഗാരിയോടും ബാലാസാഹെബ് നാഥ്നോടും പങ്കുവെയ്ക്കുകയായിരുന്നു...
സ്വയം സ്വാതന്ത്ര്യ സമരത്തിൽ ഒക്കെ പങ്കെടുത്തിരുന്ന രാംഗാരി ഈ ആഘോഷങ്ങളിൽ ഒളിഞ്ഞിരുന്ന ഒരു സാധ്യത കണ്ടെത്തി.ജനങ്ങളെ ഒന്നിപ്പിക്കാനുള്ള എന്തോ ഒന്ന്..സ്വന്തമായി തൻ്റെ ഭവനത്തിൽ തന്നെ ഒരു ഗണേശ വിഗ്രഹം ഒരുക്കിയാണ് അദേഹം തൻ്റെ പ്രദേശത്തെ ജനങ്ങളെ സ്വാധീനിക്കുവാൻ തീരുമാനിച്ചത്.ശാന്ത സ്വരൂപനും ക്ഷിപ്രസാദിയുമായ പതിവ് ഗണേശ വിഗ്രഹത്തിനു പകരം അസുരനിഗ്രഹം നടത്തിയ ശേഷം ഉഗ്രരൂപം പൂണ്ട് നിന്ന ഗണപതിയെയാണ് അദേഹം വീട്ടിൽ പ്രതിഷ്ഠിച്ചത്...അസുരനെ ബ്രിട്ടനായിട്ടും ഗണേശനെ ബ്രിട്ടന് എതിരെ പൊരുതുന്ന ഭാരതവുമായിട്ടാണ് അദേഹം പ്രതീകവത്കരിച്ചത്...
ഇത് ഭാരതീയർക്ക് വളരെയധികം ഇഷ്ടപ്പെട്ടു...
വളരെ പെട്ടെന്ന് തന്നെ ജനശ്രദ്ധ നേടിയ ഈ നീക്കം അന്ന് ലോകമാന്യ തിലകൻ്റെ ശ്രദ്ധയിലെത്തി...1893 സെപ്റ്റംബർ 26ന് രാംഗാരിയെ പ്രകീർത്തിച്ചുക്കൊണ്ട് കേസരിയിൽ ഒരു ലേഖനമെഴുതുക മാത്രമല്ല,കേസരി അച്ചടിക്കുന്ന അച്ചടിശാലയിൽ ഒരു ഗണേശ വിഗ്രഹം സ്ഥാപിച്ച് അദേഹം രാംഗാരി തുടങ്ങിവച്ച ഈ നീക്കത്തെ വിപുലമാക്കാൻ നിശ്ചയിച്ചു...
"എല്ലാവരുടെയും ദേവൻ " എന്നാണ് ലോകമ്യാന്യ തിലകൻ ഗണപതിയെ വിശേഷിപ്പിച്ചത്..പൊതുവിടങ്ങളിൽ വലിയ ഗണേശ വിഗ്രഹങ്ങൾ സ്ഥാപിച്ച് ഗണേശോത്സവം ഇന്ന് കാണുന്നത്രയും ജനകീയമാക്കി മാറ്റിയത് തിലകൻ്റെ ബുദ്ധിവൈഭവും ദീർഘ വീക്ഷണവുമാണ്...എല്ലാ ജാതി വിഭാഗങ്ങളെയും ഈ ആഘോഷം ഒന്നിപ്പിക്കും " എന്ന് കൂടി അദേഹം കണക്ക് കൂട്ടിയിരുന്നു...
ഗണേശോത്സവ വേദികൾ ക്രമേണ സ്വാതന്ത്ര്യ സമരസേനാനികളുടെ ഒത്തുകൂടലിനുള്ള വേദികളായി പതിയെ പരിണമിക്കപെട്ടു തുടങ്ങി...ഭജനകളും,ഗാനങ്ങളും സ്തുതിഗീതങ്ങളും നൃത്തങ്ങളും ഒക്കെയായി ഓരോ വർഷവും വിനായക ചതുർത്ഥി വലിയ രീതിയിൽ ഭാരതമുടനീളം ആഘോഷിക്കപ്പെടാൻ തുടങ്ങി.സ്വാഭാവികമായും ഇത്തരം ജനപങ്കാളിത്തം ചെറു കൂട്ടങ്ങളെ സൃഷ്ടിച്ചു.അവ സമാനമായ കൂട്ടങ്ങളെ കണ്ടെത്തി വലിയൊരു കൂട്ടമായി..പിന്നെ അവ വലിയ വലിയ കൂട്ടങ്ങളായി രൂപാന്തരപ്പെട്ടു വന്നു..ഇങ്ങനെ രൂപപ്പെട്ട ഇത്തരം കൂട്ടങ്ങളാണ് സ്വാതന്ത്ര്യത്തിനായി സമര മുഖത്തേക്ക് ഇറങ്ങി അതിൻ്റെ ചരിത്രത്തിലെ വലിയ വഴിത്തിരിവായി മാറിയത്...
ഗ്വാളിയോറിൽ കൃഷ്ണാജി കണ്ട ഗണേശോത്സവം അവിടെ നിന്നും നൂറ്റാണ്ടുകൾക്ക് മുന്നേ തന്നെ ആചരിച്ചു പോന്നുവന്നതായിരുന്നു....ഛത്രപതി ശിവാജി മഹാരാജൻ്റെ വന്ദ്യ മാതാവ് ജീജാഭായുടെ ഇഷ്ടദേവനായിരുന്നു ഗണപതി.... അന്നും ജനങ്ങളെ ഏകികരിച്ച് സാംസ്കാരിക ബോധം വളർത്തുക എന്ന ഉദേശത്തിലാണ് ഛത്രപതി ശിവജിയും ഗണേശോത്സവം സംഘടിപ്പിച്ചിരുന്നത്...
ഉള്ളിലുള്ള ഹിന്ദുത്വത്തിൻ്റെ വിക്രാന്തത ഉറപ്പാക്കാനാണ് ഹിന്ദുക്കൾ വിനായക ചതുർത്ഥി ആഘോഷിച്ച് തുടങ്ങിയത്..അല്ലാതെ കാർട്ടൂണുകളിൽ,സീരിയലുകളിൽ കാണുന്നത് പോലെ മോദകമൊക്കെ കഴിച്ച്,ചിരിച്ച് കളിച്ച് നടക്കുന്ന ഗണേശനെ ആഘോഷിക്കാനല്ല...
വിദ്യയുടെ അധിപനായ,മംഗളമൂർത്തിയായ ഗണേശൻ പക്ഷേ ശസ്ത്രധാരി കൂടിയാണ്.. വൈഷ്ണവാവതാരങ്ങളിൽ ക്ഷിപ്രകോപിയായ സാക്ഷാൽ പരശുരാമനോട് പോലും യുദ്ധം ചെയ്ത് ജയിച്ച,സിന്ദൂരാസുരൻ്റെ ഹുങ്ക് തീർത്ത,
ദേവസാനിപതിയായ കാർത്തികേയനും ദേവരാജവായ ഇന്ദ്രനും ദേവന്മാരുടെ ഒരു സൈന്യവുമായി ഒരുമിച്ച് നിന്ന് പൊരുതിയിട്ടും ജയിക്കാൻ കഴിയാത്ത ശസ്ത്രധാരി....
വിനായക ചതുർത്ഥി ആശംസകൾ🕉️
