Aga Syed Mohammad Hadi Kashmiri

09/03/2026

Yeh kis Country mai show ho raha hai
Please comment

03/03/2026

02/03/2026

🟥عزاداروں پر پولیس کی جانب سے طاقت کا استعمال، جس کے نتیجے میں بہت سے عزادار زخمی ہوئے، قابلِ مذمت ہے۔🟥

01/03/2026

ایم ایم یو کی جانب سے آیت اللہ خامنہ ای کے قتل کی شدید مذمت، کل پُرامن رضاکارانہ ہڑتال کی اپیل

جموں و کشمیر کی دینی قیادت کا ایران سے اظہارِ یکجہتی، عوام سے اپنے اپنے علاقوں میں پُرامن احتجاج کی گزارش

سری نگر، یکم مارچ 2026:
متحدہ مجلسِ علماء (ایم ایم یو)، جو جموں و کشمیر کی دینی و مذہبی تنظیموں کا سب سے بڑا اتحاد ہے، نے اپنے ایک مشترکہ بیان میں ایران کے سپریم لیڈر آیت اللہ سید علی خامنہ ای کے بہیمانہ قتل پر گہرے رنج و غم اور شدید مذمت کا اظہار کیا ہے، اور اسے امریکہ اور اسرائیل کی جانب سے کھلی جارحیت قرار دیا ہے جس نے عالمِ اسلام کے ضمیر کو جھنجھوڑ کر رکھ دیا ہے۔

بیان میں کہا گیا:
“اس انتہائی رنج و الم کی گھڑی میں جموں و کشمیر کے عوام ایران کی قیادت اور عوام کے ساتھ دلی یکجہتی کا اظہار کرتے ہیں۔”

ایم ایم یو کے ارکان بشمول میرواعظ عمر فاروق، مفتی اعظم ناصر الاسلام، مولانا محمد رحمت اللہ قاسمی، آغا سید حسن الموسوی الصفوی، ڈاکٹر عادل لطیف الکاندی، آغا سید محمد ہادی، مولانا مسرور عباس انصاری اور دیگر علماء کرام نے کہا کہ جموں و کشمیر کے عوام اس ظلم و بربریت اور ایران کے خلاف جاری جارحیت کی سخت الفاظ میں مذمت کرتے ہیں، نیز مناب میں معصوم طالبات کے قتل عام کو بھی انسانیت سوز اور قابلِ افسوس قرار دیتے ہیں۔ بیان میں خبردار کیا گیا کہ اس طرح کی غیر ذمہ دارانہ جارحانہ کارروائیاں خطے کو مزید عدم استحکام سے دوچار کر سکتی ہیں اور عالمی امن کو خطرے میں ڈال سکتی ہیں۔

ایم ایم یو نے کہا کہ اس سفاکانہ قتل اور خطے میں جاری جارحیت کے خلاف جموں و کشمیر کے عوام میں شدید غم و غصہ پایا جاتا ہے، لہٰذا متحدہ مجلسِ علماء کل ایک رضاکارانہ ہڑتال کی اپیل کرتی ہے تاکہ پُرامن انداز میں اپنا احتجاج اور یکجہتی درج کرائی جا سکے۔

ایم ایم یو نے عوام سے اپیل کی ہے کہ وہ اپنے اپنے علاقوں میں نظم و ضبط اور پُرامن طریقے سے احتجاج کریں، اس بات کو یقینی بناتے ہوئے کہ امن و امان متاثر نہ ہو۔

متحدہ مجلسِ علماء میں متعدد اہم دینی، سماجی اور تعلیمی ادارے شامل ہیں، جن میں انجمن اوقاف جامع مسجد، مسلم پرسنل لا بورڈ، دارالعلوم رحیمیہ، انجمن شرعی شیعیان، جمعیت اہل حدیث، کاروانِ اسلامی، انجمن حمایت الاسلام، جامعہ سبیل الہدیٰ بمنہ سری نگر، انجمن تبلیغ الاسلام، جمعیت ہمدانیہ، انجمن علماء احناف، دارالعلوم قاسمیہ، دارالعلوم بلالیہ، انجمن نصرت الاسلام، انجمن مظہر الحق، جمعیت الائمہ والعلما، انجمن ائمہ و مشائخ کشمیر، دارالعلوم نقشبندیہ، دارالعلوم رشیدیہ، اہلِ بیت فاؤنڈیشن، مدرسہ کنزالعلوم، ادارہ غوثیہ سرائے بالا، کہکہہ حیدریہ عیشمقام، پیروانِ ولایت، اوقاف اسلامیہ خرم سرہامہ، بزمِ توحید اہل حدیث ٹرسٹ، انجمن تنظیم المکاتب، محمدی یتیم ٹرسٹ، انجمن انوار الاسلام، کاروان ختم نبوت، دارالعلوم سید المرسلین، انجمن علماء و ائمہ مساجد، مدرسہ ضیاء العلوم پونچھ، فلاحِ دارین ٹرسٹ ویلفیئر سوسائٹی اسلام آباد، اشرف العلوم حیدرپورہ، دارالعلوم داؤدیہ بٹمالو، دارالعلوم فرقانیہ نوشہرہ، دارالعلوم داؤدیہ خانیار، جمعیت العلماء، سراج العلوم، ادارہ وحدت المکاتب، دارالعلوم امدادیہ نٹی پورہ، دارالعلوم جامعۃ الرشاد اونتی پورہ، خانقاہ مرادیہ جامع مسجد کریری، دارالعلوم صوت القرآن گلشن آباد، عوامی راحت سینٹر، امامیہ فیڈریشن کشمیر، النور ٹرسٹ بمنہ، شاہین سنڈیکیٹ سوشل ٹرسٹ، جمعیت علماء و ائمہ مساجد جموں و کشمیر، دارالعلوم سید المرسلین کُلگام اور دیگر عصری دینی، ملی، سماجی اور تعلیمی ادارے شامل ہیں۔

01/03/2026

‏انا للہ وانا الیہ راجعون

‏تمام امتِ مسلمہ کو ولیِ امرِ مسلمین، آیت اللہ العظمیٰ امام سید علی حسینی خامنہ ای کی شہادت پر تعزیت و تسلیت پیش کرتا ہوں۔ اللہ تعالیٰ اپنے خاص بندوں کو اپنی خاص نعمتوں سے نوازتا ہے، اور سب سے بڑی نعمت راہِ حق میں شہادت ہے۔ خداوندِ عالم نے یہ عظیم سعادت ماہِ مبارک رمضان میں جس میں مولیٰ متقیان، امیرالمؤمنین حضرت علی ابن ابی طالب علیہ السلام بھی شہادت کے عظیم مرتبے پر فائز ہوئے۔ اسی مقدس نسبت کے ساتھ اس نے اپنے اس عبدِ صالح، مرجعِ اعلیٰ اور رہبرِ مستضعفین کو بھی شہادت کی نعمت سے سرفراز فرمایا۔

‏حقیقت یہ ہے کہ انہوں نے اپنی پوری زندگی اسلام کی راہ میں مجاہدہ کرتے ہوئے گزاری اور اسی جدوجہد کے راستے میں شہادت کے اعلیٰ درجے پر فائز ہوئے۔ امام خامنہ ای رضوان اللہ تعالیٰ علیہ محض ایک فرد نہیں تھے بلکہ مکتبِ انسانیت کے علمبردار تھے، جو نہ ظلم کو قبول کرتا ہے اور نہ ہی ظالم کے آگے ذلیل ہو کر جینا سکھاتا ہے۔ “ھَیْہَاتَ مِنَّا الذِّلَّة” اس مکتب کا صرف شعار ہی نہیں بلکہ اس کا نصب العین ہے۔

‏آج کے یزید اور ابنِ زیاد نے امام حسین علیہ السلام کے وارث کو شہید کر کے ہمیں جو زخم دیا ہے، وہ صرف ایک عمل سے مندمل ہو سکتا ہے، اور وہ ہے رہبر کی راہ کی پیروی۔

‏قرآنِ مجید کا فرمان ہے: “أفَإِنْ مَاتَ أَوْ قُتِلَ انْقَلَبْتُمْ عَلَى أَعْقَابِكُمْ”۔ آج ہمارے درمیان رہبر کی ذات موجود نہیں، لیکن رہبر کی راہ اور ان کا مکتب موجود ہے۔ ہمیں عزم کرنا چاہیے کہ ہم اس راہ پر ثابت قدم رہیں اور عالمی سفاک اور جنایت کار قوتوں کے سامنے ڈٹ کر کھڑے رہیں۔

‏میں کشمیر کی انقلابی اور بیدار قوم، بالخصوص جوانانِ ملت سے گزارش کرتا ہوں کہ ہر جگہ قرآن خوانی اور مجالس کا اہتمام کریں اور امریکہ و اسرائیل کی اس جنایت کے خلاف پُرامن احتجاج کریں۔ قانون کے دائرے میں رہتے ہوئے اپنے احتجاج کی آواز پوری اقوامِ عالم تک پہنچائیں۔

‏اللہ تعالیٰ ہم سب کو اس عظیم مصیبت پر صبرِ جمیل عطا فرمائے۔