अदालगुरि जिला दुलाराइ बाथौ गौथुम लाइमोन आफाद

20/10/2025

बाथौ बिजिरसंखुलि, माइदांगुरि,
अदालगुरि, बड'लेण्ड
20/10/2025

दुलाराय बाथौ गौथुम, लाइमोन आफाद, अदालगुरि जिला आफादनि 33 थि लाइमोन सावरायमा जथुमखौ जिलानि सिङाव थानाय हरिसिंगा बियाब बाथौ आफादनि गोथार बाथौ थानसालियाव साननैनि हाबाफारिजों 20 आरो 21 अक्ट'बर 2025 खालाराव खुंफुंनाय हाबाफारिया दिनैनिफ्राय जागायजेन्नाबाय।

30/07/2025

30/07/2025

गुनगोनां गोग्गो दैदेनगिरिजोंसो मोनसे दोहोरोम आरो समाजखौ जौगाहोनो हायो।

30/07/2025
बाथौ बिजिरसंखुलि, माइदांगुरि,
अदालगुरि, बड'लेण्ड,

दिनै अदालगुरि जिला दुलाराय बाथौ गौथुम लाइमोन आफादा आरो माइनाव आफादनि दैदेन्नायाव अदालगुरि जिलानि सिङाव थानाय रौता बियाबनि BICC नब्लांआव "गुनगोनां गोग्गो दैदेनगिरि सोरजिनाय" आयदाखौ लानानै दैदेनगिरि फोरोंथाय हाबाफारि जानानै थाङो।
बे हाबाफारिखौ मेहेरगोनां बिबुंथिनि गेजेरजों बेखेवनानै होयो अदालगुरि जिला दुलाराय बाथौ गौथुमनि आफादगिरि मुस्रि गहिन चन्द्र बर' बिथाङा। बे हाबाफारियाव सावरायगिरि फुंखा सुबुं महरै हांख्रायाव सफैदोंमोन अदालगुरि जिला दुलाराय बाथौ गौथुम फोथाइ फुन्जिनि आफादगिरि मानगोनां ड: प्रफुल्ल बसुमतारि बिथाङा। फुंखा सुबुं बिथाङा गावनि बेसेनगोसा फोरोंथायनि गेजेरजों सासे दैदेनगिरिया बेसेबां गोग्गो गुनगोनां गियान थानांगौ आरो माबोरै खामानि मावनांगौ बिनि सायाव फोरोंथायखौ होयो।
बे हाबाफारियाव बाहागो लादोंमोन दुलाराय बाथौ गौथुम माइनाव आफादनिफ्राय आफादगिरि मुस्रिमा अनसुमै खाख्लारि, लेङाइ नेहाथारि मुस्रिमा बिथराय बर', दुलाराय बाथौ धोरोमारि आफादनि बारग' गाहाइ नेहाथारि मुस्रि सतिस चन्द्र रामसियारि, दुलाराय बाथौ धोरोमारि लाइमोन आफादनि गायसनगिबि बारग' गाहाइ नेहाथारि मुस्रि धनुराम बसुमतारि, अदालगुरि जिला दुलाराय बाथौ गौथुमनि गाहाइ नेहाथारि मुस्रि अकन दैमारि, लोगो बुंथिगिरि मुस्रि रजेन दैमारि बिथांमोना।

28/01/2025

गोथार बाथौ सान🙏

बाथौ बिजिरसंखुलि, माइदांगुरि
अदालगुरि, बड'लेण्ड।
28/01/2025

मागो दाननि नैथि मंगलबार बे सानखौ बर'नि आंगौ बाथौ दोहोरोमारि गोथार सान हिसाबै आसामनि जारिमिनाव लिरजानाय मोनसे बन्द' सान "गोथार बाथौ सान" हिसाबै फालिनाय जायो। बे जोंनि थाखाय गोग्गाथावना आरो रंजाथावना सान।

बेखायनो, बे सानखालि गासैबो बर' फिसाफोरानो गोथार बाथौ सानखौ गाजा-गोमजायै फालिनांगौ।

गोथार बाथौ साननि गासै बर' माहारिनिसिम गोथार हामग्लायनायखौ बाउहरनाय जाबाय।

दहाय बोराइ बाथौ
बाथौ दोहोरोम मुलुगाव गोसारथों
जै आफा बोराइ बाथौनि जै।

05/01/2025

31 थि बोसोरसालिया सावरायमा जथुम।

बाथौ बिजिरसंखुलि, माइदांगुरि,
अदालगुरि, बड'लेण्ड।
05/01/2025

अदालगुरि जिलानि सिङाव थानाय माजबात बियाब, दुलाराइ बाथौ गौथुमनि 31 थि बोसोरसालिया सावरायमा जथुम आरो हादानगुरि गामि बाथौ आफादनि रुफाथि माइथाय फोरबो फालिथाइ बे हाबाफारिया हादानगुरि गामि बाथौ आफादनि बान्जायनायाव हादानगुरि गामिनि बाथौ थानसालि लांगोनायाव 03, 04 आरो 05 जानुवारि 2025 खालाराव सानथामनि हाबाफारिजों गाजा गोमजायै जोबनानै थाङो।

बे हाबाफारियाव गिबि साननि आर'जनि हाबाफारियाव बोसोनथिगिरि आलासि महरै दंमोन अदालगुरि जिला दुलाराइ बाथौ गौथुम लेङाइ फोसावगिरि मुस्रि पदोराम कसारि बिथां, आरो नैथि साननि फुंबिलि आर'जनि हाबाफारियाव बोसोनथिगिरि आलासि महरै दंमोन अदालगुरि जिला दुलाराइ बाथौ गौथुम माइनाव आफादनि लोगो आफादगिरि मुस्रिमा जयन्ति बर', आरो मोनाबिलि आर'जनि हाबाफारियाव बोसोनथिगिरि आलासि महरै दंमोन अदालगुरि जिला दुलाराइ बाथौ गौथुम सुबुरुन आफादनि आफादगिरि मुस्रि दैथुन स्वरगियारि बिथाङा। जोबथा साननि मेवलां मेलनि हाबाफारियाव गाहाइ आलासि महरै दंमोन बड' सिने आरतिष्ट एसोसियेशननि बोसोनगिरि एबा फेस्ला फावखुंगुर मुस्रि फैला जे बरगयारि बिथां। आरो गोबां आलासि बिथांमोना।

28/12/2024

लाइमोन आफाद, दुलाराइ बाथौ गौथुमनि 7 थि सावरायमा जथुम।

28/12/2024
बाथौ बिजिरसंखुलि, माइदांगुरि,
अदालगुरि, बड'लेण्ड।

बागसा जिलानि सिङाव थानाय बरिमाखा बाथौ आस्रम जौसिन फरायसालिनि लांगोनायाव लाइमोन आफाद, दुलाराइ बाथौ गौथुमनि 7 थि लाइमोन सावरायमा जथुम आरो बाथौ आस्रम फरायसालिनि रुफाथि माइथाय फालिथाइ बे हाबाफारिखौ 27/12/2024 निफ्राय जागायनानै 30/12/2024 खालारसिम सानथामनि हाबाफारिजों खुंफुंनाय जायो।

बे हाबाफारियाव अदालगुरि जिला, दुलाराइ बाथौ गौथुम, लाइमोन आफादनि जानानै बाहागो लायो फारियै- लोगो आफादगिरि मुस्रि तरुन बसुमतारि, नेहाथारि मुस्रि जोंसार बसुमतारि, लेङाइ नेहाथारि मुस्रि आनान्द बसुमतारि, लेङाइ नेहाथारि मुस्रि बाबुल दैमारि, लेङाइ सोलोंथाइ नेहाथारि मुस्रि सन्तुस रामसियारि, लेङाइ थुनलायारि नेहाथारि मुस्रि खोमथा बाग्लारि, फोसावदिं नेहाथारि मुस्रि सुरज बसुमतारि आरो नोलोबारि बियाब बाथौ लाइमोन आफादनि आफादगिरि मुस्रि असिन मसाहारि बिथांमोना।

15/12/2024

आफादगिरि आरो नेहाथारिफोर लोगो हमलायनाय मेल।

बाथौ बिजिरसंखुलि, माइदांगुरि,
अदालगुरि, बड'लेण्ड।
15/12/2024

अदालगुरि जिला, दुलाराइ बाथौ गौथुमनि बान्जायनायाव दिनैनि गोथार सानाव अदालगुरि जिलानि भैरबकुन्द'आव जिलानि सिङाव थानाय गासै गं 19 बियाब आरो गं द'जौनि बांसिन गामि बाथौ आफादनि आफादगिरि आरो नेहाथारिफोर लोगो हमलायनाय मेल हाबाफारि जानानै थाङो। बे मेलाव गाहाइ आलासि महरै आसाम आयेन आफादनि बुंथिगिरि मानगोनां मुस्रि बिस्वजित दैमारि बिथां, गाहाइ बुंथिगिरि आलासि महरै दुलाराइ बाथौ गौथुमनि बारग' गाहाइ नेहाथारि मुस्रि निल' कन्त' बाग्लारि आरो जर'खा बुंथिगिरि आलासि महरै अदालगुरि जिला दुलाराइ बाथौ गौथुम सुबुरुन आफादनि मासिगिरि मुस्रि दैथुन स्वरगियारि बिथां। दिनैनि बे हाबाफारियाव बिथांमोननि नुजाथिनाय आरो बेसेनगोसा बिबुंथि लाखिनायजों हाबाफारिया मेहेरगोनां जानानै मोजाङै मोजां जोबलाङो।

06/12/2024

लोगो हमलायनाय मेल।

बाथौ बिजिरसंखुलि, माइदांगुरि
अदालगुरि, बड'लेण्ड
6/12/2024

अदालगुरि जिला, दुलाराइ बाथौ गौथुमनि बान्जायनायाव अदालगुरि जिलानि सिङाव थानाय भैरबकुन्द' बाथौ थानसालियाव सानसेनि हाबाफारिजों फैगौ 15 दिसेम्बर 2024 खालाराव "बियाब गौथुम आरो गामि आफादनि आफादगिरि आरो नेहाथारिफोर लोगो हमलायनाय मेल" हाबाफारि खुंगोन।