02/09/2026
അമ്മയോടൊപ്പം എട്ടുദിനങ്ങൾ
പരിശുദ്ധ അമ്മയുടെ ജീവിതം ഉടനീളം നോക്കിയാൽ മനസ്സിലാകും അമ്മക്ക് ജീവിതത്തിൽ സമാധാനം എന്ന അന്തരീക്ഷം അനുഭവിക്കാൻ സാധിച്ചിട്ടില്ല... എന്നാൽ, ആ അമ്മയാകട്ടെ, ലോകത്തിൽ എവിടെയൊക്കെ പ്രത്യക്ഷപ്പെട്ടോ അവിടെയെല്ലാം പറഞ്ഞത് ലോകത്തിന്റെ സമാധാനത്തിനുവേണ്ടി പ്രാർത്ഥിക്കാനാണ്. കാനായിലെ കല്യാണവീട്ടിൽനിന്ന് ആരംഭിച്ചതായിരുന്നു അമ്മയുടെ മാധ്യസ്ഥം. ഇന്നുവരെയും ആ മാധ്യസ്ഥം പാപികൾക്കായി നിലകൊള്ളുന്നു....
എല്ലാ തലമുറകളും ഭാഗ്യവതി എന്ന് വിളിക്കുന്ന പരിശുദ്ധ കന്യകാമറിയം, അതിയായ മഹത്വം ലഭിച്ചിട്ടും വിനയത്തോടെ ജീവിച്ചവളായിരുന്നു. ദൈവം തന്നെ തിരഞ്ഞെടുത്തുവെന്ന വലിയ അനുഗ്രഹം ലഭിച്ചപ്പോഴും, അവൾ സ്വയം ഉയർത്താതെ ദൈവത്തെ മഹത്വപ്പെടുത്തി. യഥാർത്ഥ മഹത്വം വിനയത്തിലാണ് എന്ന് മറിയത്തിന്റെ ജീവിതം നമ്മെ പഠിപ്പിക്കുന്നു. ഈ ഒരുക്കത്തിന്റെ രണ്ടാം ദിവസം, നമ്മുടെ ഹൃദയങ്ങളിൽ നിന്ന് അഹങ്കാരം നീക്കി, കൂടുതൽ വിനയത്തോടെയും സ്നേഹത്തോടെയും ജീവിക്കാൻ പരിശുദ്ധ അമ്മയോട് നമുക്ക് പ്രാർത്ഥിക്കാം
അമ്മയുടെ ജനനതിരുനാളിനായി ഒരുങ്ങുന്ന ഈ ദിനങ്ങളിൽ നമുക്ക് ഏറ്റവും ആവശ്യമായ ഒരു നിയോഗം അമ്മയുടെ പിറന്നാൾ സമ്മാനമായി നമുക്ക് അപേക്ഷിക്കാം.
ഇന്നത്തെ നമ്മുടെ എല്ലാ പ്രാർത്ഥനകളിലും ലോകസമാധാനത്തിനായും അതിനായി പ്രവർത്തിക്കുന്ന എല്ലാവരെയും നമുക്ക് ഓർക്കാം.
അമ്മയോടൊപ്പം കരുണയുടെ ജപമാല ചൊല്ലി ദൈവത്തിന്റെ മഹാകാരുണ്യത്തിനായി നമുക്ക് യാചിക്കാം. 🤍
