Major Archdiocese of Trivandrum

30/04/2026

30/04/2026

**ദൈവമാണ് മനുഷ്യജീവിതത്തിലെ ഏറ്റവും വലിയ നിക്ഷേപം: കർദ്ദിനാൾ ക്ലീമിസ് കാതോലിക്കാബാവ**
**തിരുവനന്തപുരം:** 34-ാമത് തിരുവനന്തപുരം ബൈബിൾ കൺവൻഷൻ പട്ടം സെന്റ് മേരീസ് സ്കൂൾ ഗ്രൗണ്ടിൽ ഉദ്ഘാടനം ചെയ്യപ്പെട്ടു. മലങ്കര സുറിയാനി കത്തോലിക്കാ സഭയുടെ തലവനും പിതാവുമായ **മോറാൻ മോർ ബസേലിയോസ് കർദ്ദിനാൾ ക്ലീമിസ് കാതോലിക്കാബാവ** കൺവൻഷൻ ഉദ്ഘാടനം ചെയ്തു.
മനുഷ്യജീവിതത്തിലെ ഏറ്റവും പ്രധാനപ്പെട്ട നിക്ഷേപം ദൈവമാണെന്ന് ബാവാതിരുമേനി തന്റെ ഉദ്ഘാടന പ്രസംഗത്തിൽ ഓർമ്മിപ്പിച്ചു. "ഈ പ്രപഞ്ചത്തിൽ ദൈവത്തെക്കാൾ വലിയ ഒന്നുമില്ല. ബാക്കിയുള്ളതെല്ലാം നശ്വരമാണ്. മനുഷ്യജീവിതത്തിൽ നമുക്ക് ലഭിച്ചിരിക്കുന്നതെല്ലാം ദൈവത്തിന്റെ ദാനമാണ്. ദൈവത്തോടുള്ള ചേർന്നുനിൽക്കലാണ് ജീവിതത്തിന് പൂർണ്ണത നൽകുന്നത്," ബാവാതിരുമേനി പറഞ്ഞു.

കാതോലിക്കാബാവാ തിരുമേനിയോടൊപ്പം ജനറൽ കൺവീനർ **വെരി. റവ. ഫാ. ജോൺ വിളയിൽ**, പ്രോഗ്രാം കോർഡിനേറ്റർ **റവ. ഫാ. നെൽസൺ വലിയവീട്ടിൽ**, ജനറൽ സെക്രട്ടറി **സാം ജോസഫ്** എന്നിവരും സഭയിലെ വിവിധ സംഘടനകളുടെ പ്രതിനിധികളും ചേർന്ന് സംയുക്തമായാണ് കൺവൻഷന് തിരിതെളിച്ചത്. മലങ്കര കത്തോലിക്കാ അസോസിയേഷൻ (**MCA - പിതൃവേദി**), മലങ്കര കത്തോലിക്കാ മാതൃവേദി (**MCMF**), മലങ്കര കത്തോലിക്കാ യുവജനപ്രസ്ഥാനം (**MCYM**), മലങ്കര കത്തോലിക്കാ കുട്ടികളുടെ സംഘടന (**MCCL**) എന്നിവയുടെ പ്രതിനിധികൾ ഉദ്ഘാടന വേദിയിൽ സന്നിഹിതരായിരുന്നു. സഭയുടെ വരുംതലമുറയും ഒത്തൊരുമിച്ചുള്ള ഈ ഉദ്ഘാടനച്ചടങ്ങ് ഏറെ ശ്രദ്ധേയമായി.
ഉദ്ഘാടനത്തിന് ശേഷം വേറ്റിനാട് മൗണ്ട് കാർമൽ റിട്രീറ്റ് സെന്ററിലെ ഡയറക്ടർ ആയിരിക്കുന്ന അനുഗൃഹീത വചനപ്രഘോഷകൻ **ബഹു. ഡാനിയേൽ പൂവണ്ണത്തിൽ അച്ചൻ** വചനശുശ്രൂഷ നയിച്ചു. ആദ്യദിനത്തിൽ തന്നെ ആയിരക്കണക്കിന് വിശ്വാസികൾ പങ്കെടുത്ത കൺവൻഷൻ മെയ് 3-ന് സമാപിക്കും. ദിവസവും വൈകുന്നേരം 5:30 മുതൽ രാത്രി 9 മണി വരെയാണ് ശുശ്രൂഷകൾ ക്രമീകരിച്ചിരിക്കുന്നത്.

26/04/2026

**മലങ്കര സുറിയാനി കത്തോലിക്കാ സഭയുടെ പ്രഥമ യൂറോപ്പ് - യു.കെ. കൺവൻഷൻ**

മലങ്കര സുറിയാനി കത്തോലിക്കാ സഭയുടെ യൂറോപ്പ് - യു.കെ. കൺവൻഷൻ 2026 ജൂൺ 13 മുതൽ 15 വരെ റോമിൽവെച്ച് നടത്തപ്പെടുന്നു. "വിശ്വാസത്തിലും സ്നേഹത്തിലും ഒന്നായി" (United in Faith and Love) എന്നതാണ് സമ്മേളനത്തിന്റെ പ്രമേയം. സമ്മേളനത്തിന്റെ ഭാഗമായി തയ്യാറാക്കിയ ലോഗോയുടെയും പോസ്റ്ററിന്റെയും ഔദ്യോഗിക പ്രകാശനം 2026 ഏപ്രിൽ 26-ന് സഭയുടെ തലവനും പിതാവുമായ മോറാൻ മോർ ബസേലിയോസ് കർദ്ദിനാൾ ക്ലീമിസ് കാതോലിക്കാബാവ തിരുവനന്തപുരത്ത് നിർവഹിച്ചു. യൂറോപ്പ്-യു.കെ. യുടെ അപ്പസ്തോലിക് വിസിറ്റർ അഭിവന്ദ്യ ഡോ. കുര്യാക്കോസ് മാർ ഒസ്താത്തിയോസ് തിരുമേനി യു.കെയിലും കൺവൻഷൻ കോർഡിനേറ്റർ മോൺസിഞ്ഞോർ കുര്യാക്കോസ് ചെറുപുഴത്തോട്ടത്തിൽ റോമിലും പ്രകാശനത്തിന് നേതൃത്വം നൽകി.

കൺവൻഷനിൽ പങ്കുചേരുന്ന യു.കെ, ഇറ്റലി, ജർമ്മനി, സ്വിറ്റ്‌സർലാന്റ്, അയർലൻഡ്, മാൾട്ട, ഓസ്ട്രിയ തുടങ്ങിയ രാജ്യങ്ങളിലെ ഇടവകകളിലും പ്രകാശന ചടങ്ങുകൾ നടന്നു. മലങ്കര സുറിയാനി കത്തോലിക്കാ സഭയുടെ തലവനും പിതാവുമായ അഭിവന്ദ്യ ബസേലിയോസ് കർദ്ദിനാൾ ക്ലീമിസ് കാതോലിക്കാ ബാവ, സഭയിലെ മെത്രാന്മാർ, വൈദികർ, സന്യസ്തർ, ആത്മീയ പ്രതിനിധികൾ തുടങ്ങിയവരാണ് കൺവൻഷനിൽ പങ്കെടുക്കുന്നത്. കൺവൻഷൻ നടത്തിപ്പിനായി അപ്പസ്തോലിക് വിസിറ്റർ അഭിവന്ദ്യ ഡോ. കുര്യാക്കോസ് മാർ ഒസ്താത്തിയോസ് എപ്പിസ്കോപ്പ ചെയർമാനായും മോൺ. ഡോ. കുര്യാക്കോസ് ചെറുപുഴത്തോട്ടത്തിൽ ജനറൽ കോർഡിനേറ്റർ ആയുള്ള വിവിധ കമ്മിറ്റികൾ പ്രവർത്തിച്ചു വരുന്നു.

24/04/2026

*Catholic Church in India Bids Farewell to Apostolic Nuncio Archbishop Leopoldo Girelli*

**NEW DELHI** – On April 23, 2026, the Apostolic Nunciature in New Delhi hosted a solemn and warm farewell gathering for **Archbishop Leopoldo Girelli**, the Apostolic Nuncio to India and Nepal, as he concludes his five-year mission in the country. Archbishop Girelli, who served in India from 2021 to 2026, has been appointed by the Holy Father as the **Apostolic Nuncio to Croatia**.
Representing the Syro-Malankara Catholic Church, **His Beatitude Cardinal Moran Mor Baselios Cleemis Catholicos** participated in the gathering. On behalf of the Malankara Catholic Church, the Cardinal expressed profound gratitude to Archbishop Girelli for his pastoral closeness and the support he extended to the Eastern Catholic Churches during his tenure.

“We thank Archbishop Girelli for being a bridge of communion between the Holy See and the Church in India. His presence among us was marked by wisdom and a genuine love for our traditions," the Cardinal stated.

The Archbishop will officially begin his new mission as the *Apostolic Nuncio to Croatia*

21/04/2026

മുണ്ടേല സെന്റ് ജോസഫ് മലങ്കര സുറിയാനി കത്തോലിക്കാ ദൈവാലയത്തിൽ കുരിശ് പ്രതിഷ്ഠാ കർമ്മം നടന്നു

പുതിയ ദൈവാലയ നിർമ്മാണം നടന്നുകൊണ്ടിരിക്കുന്ന മുണ്ടേല സെന്റ് ജോസഫ് മലങ്കര സുറിയാനി കത്തോലിക്കാ ദൈവാലയത്തിന്റെ കുരിശ് പ്രതിഷ്ഠാകർമ്മം നിർവ്വഹിക്കപ്പെട്ടു.
2026 ഏപ്രിൽ 19 ഞായറാഴ്ച വൈകുന്നേരം 3:30-ന് ആരംഭിച്ച ശുശ്രൂഷകൾക്ക് തിരുവനന്തപുരം മേജർ അതിഭദ്രാസന സഹായമെത്രാൻ അഭിവന്ദ്യ യൂഹാനോൻ മോർ അലക്‌സിയോസ് എപ്പിസ്‌കോപ്പ മുഖ്യ കാർമ്മികത്വം വഹിച്ചു.
ചടങ്ങിൽ വെരി. റവ. ഫാ. ഡോ. സിറിൽ ആനന്ദ് OIC, വെരി. റവ. ബ്രദർ ഡെന്നിസ് തെക്കേപ്പറമ്പിൽ CMSF, മദർ ഡമഷീൻ SIC, ശ്രീ. അനിൽ കുമാർ (ഡെപ്യൂട്ടി കളക്ടർ), ശ്രീമതി സജിത (വാർഡ് മെമ്പർ) എന്നിവർ പങ്കെടുത്തു.
ഇടവക വികാരി റവ. ഫാ. തോമസ് പ്രമോദ് OIC, സെക്രട്ടറി ശ്രീ. ഷീലു, ട്രസ്റ്റി ശ്രീ. രഞ്ജിത്ത് വലിയവിള, നിർമ്മാണ കമ്മിറ്റി കൺവീനർ ശ്രീ. ഷൈൻ മുണ്ടേല എന്നിവർ ചടങ്ങുകളുടെ ക്രമീകരണങ്ങൾക്ക് നേതൃത്വം നൽകി.