26/05/2026
പ്രിയ ഇടവക അംഗങ്ങളേ,
നമ്മുടെ ഇടവകയിലെ പ്രിയ കുട്ടികൾ ഈ വർഷത്തെ പരീക്ഷകളിൽ ഉന്നത വിജയം കരസ്ഥമാക്കിയിരിക്കുന്നു. ICSE ബോർഡ് പരീക്ഷയിലും, SSLC (പത്താം ക്ലാസ്) പരീക്ഷയിലും, ഇന്ന് ഫലം പ്രഖ്യാപിച്ച ഹയർ സെക്കൻഡറി പരീക്ഷയിലും നമ്മുടെ ഇടവകയിൽ നിന്നുള്ള കുട്ടികൾ ഉന്നത വിജയം നേടിയതിൽ നാം ഏവരും അഭിമാനിക്കുന്നു.
ഈ മഹത്തായ നേട്ടം കരസ്ഥമാക്കിയ എല്ലാ കുട്ടികൾക്കും ഇടവകയുടെ ഹൃദയം നിറഞ്ഞ അഭിനന്ദനങ്ങൾ അർപ്പിക്കുന്നു. ഈ വിജയത്തിലേക്ക് നയിച്ച പ്രിയ രക്ഷിതാക്കൾക്കും അധ്യാപകർക്കും ആദരപൂർവം നന്ദി അറിയിക്കുന്നു.
ഈ കുട്ടികളുടെ ഭാവി ജീവിതം ദൈവകൃപയാൽ സമൃദ്ധവും സന്തോഷകരവുമായിരിക്കട്ടെ. അവർ തെരഞ്ഞെടുക്കുന്ന ഓരോ പ്രവർത്തി മേഖലയിലും ദൈവം അവരെ നയിക്കുകയും അനുഗ്രഹിക്കുകയും ചെയ്യട്ടെ എന്ന് ഇടവക ഒന്നടങ്കം പ്രാർത്ഥിക്കുന്നു.
ദൈവം നിങ്ങളെ എല്ലാവരെയും അനുഗ്രഹിക്കട്ടെ.
-മുതുപാല സെന്റ് ജോർജ് ഓർത്തഡോക്സ് ചർച്ച്
