Tirumala Tirupati Devalayam తిరుమల తిరుపతి శ్రీ వెంకటేశ్వరస్వామి

02/01/2023

|| ఓం నమో వేంకటేశాయ ||

మీకు మరియు మీ కుటుంబ సభ్యులకు
వైకుంఠ ఏకాదశి శుభాకాంక్షలు

31/10/2020

|| ఓం నమో వేంకటేశాయ ||

|| ఇట్టి ముద్దులాఁడి బాలుడేడవాఁడు వానిఁ
పట్టితెచ్చి పొట్టనిండ బాలుపోయరే

గామిడై పారితెంచి కాగెడి వెన్నెలలోన
చేమపూవు కడియాల చేయివెట్టి
చీమ గుట్టెనని తన చెక్కిటఁ కన్నీరు జార
వేమరువాపోవయెవాని వెడ్డు వెట్టరే

ముచ్చువలె వచ్చి తన ముంగైమురువుల చేయి
తచ్చేటి పెరుగులోనఁ దగబెట్టి
నొచ్చెనని చేయిదీసి నోరనెల్లఁ జొల్లుగార
వొచ్చెలి వాపోవువాని నూరడించరే

యెప్పుడు వచ్చెనో మాయిల్లు చొచ్చి పెట్టెలోన
చెప్పరాని వుంగరాల చేయివెట్టీ
అప్పఁడైన వేంకటేశుఁడా సపాలకుఁడు గాన
తప్పకుండ పెట్టె వాని తలకెత్తరే ||

19/09/2020

|| ఓం నమో వేంకటేశాయ ||

శ్రీవారి బ్రహ్మోత్సవాలకు శాస్త్రోక్తంగా అంకురార్పణ

తిరుమల శ్రీ వేంక‌టేశ్వ‌ర‌స్వామివారి ఆలయంలో తొమ్మిది రోజుల పాటు ఏకాంతంగా జరుగనున్న శ్రీవారి వార్షిక బ్రహ్మోత్సవాలకు కన్యా మాసం హస్త నక్షత్రంలో శుక్ర‌వారం సాయంత్రం శాస్త్రోక్తంగా అంకురార్పణ చేపట్టారు. సాయంత్రం 6 నుంచి రాత్రి 7 గంటల మధ్య ఆల‌యంలోని సంపంగి ప్రాకారంలో సేనాధిపతి ఉత్సవం, వైఖానస ఆగమోక్తంగా అంకురార్పణ ఘట్టం నిర్వహించారు.

విశిష్టత..

వైఖానస ఆగమంలో అంకురార్పణ ఘట్టానికి విశేష ప్రాధాన్యముంది. న‌వ ధాన్యాలు మొలకెత్తడాన్ని అంకురార్పణ అంటారు. ఉత్సవాలు విజయవంతం కావాలని సంకల్పించడంతో పాటు స్వామివారి ఆశీస్సులు పొందడమే ఈ ఘట్టం ఉద్దేశం. ప్రధాన ఉత్సవానికి 7, 5, 3 రోజుల ముందు అంకురార్పణ నిర్వహిస్తారని శాస్త్రాలు చెబుతున్నాయి.

సూర్యాస్తమయం తరువాతే..

మరో ఆసక్తికరమైన విషయం ఏమిటంటే సూర్యుడు అస్తమించిన తరువాతే అంకురార్పణ నిర్వహిస్తారు. జ్యోతిష శాస్త్ర సిద్ధాంతాల ప్రకారం చంద్రుడిని 'సస్యకారక' అంటారు. ఈ కారణంగా పగటివేళ అంకురాలను ఆరోపింపచేయడం తగదు. సాయంత్రం వేళ మంచి ముహూర్తంలో అంకురార్పణ నిర్వహిస్తారు. అంకురార్పణంలో 9 రకాల వివిధ ధాన్యాలను నాటడం తెలిసిందే. అంకురార్పణంలో నాటే విత్తనాలు బాగా మొలకెత్తుతాయి. విత్తనాలు బాగా మొలకెత్తడం వల్ల ఉత్సవాలు కూడా గొప్పగా నిర్వహించబడతాయి.

అంకురార్పణ క్రమం..

విత్తనాలు నాటేందుకు పాలికలు అనే మట్టి కుండలను వినియోగిస్తారు. యాగశాలలో ఈ మొత్తం కార్యక్రమం నిర్వహిస్తారు. అత్రి అనే మహర్షి తన 'సముర్తార్చన అధికరణ' అనే గ్రంథంలో అంకురార్పణ క్రమాన్ని రచించాడు.

అంకురార్పణ జరిగే రోజు మధ్యాహ్నం వేళ విత్తనాలను కొత్త పాత్రలో నీటిలో నానబెడతారు. అంకురార్పణ నిర్వహించే ప్రదేశాన్ని ఆవు పేడతో అలంకరిస్తారు. ఇక్కడ బ్రహ్మపీఠాన్ని ఏర్పాటుచేస్తారు. ఆ తరువాత మంట ద్వారా బ్రహ్మ, గరుడ, శేష, సుదర్శన, వక్రతుండ, సోమ, శంత, ఇంద్ర, ఇసాన, జయ అనే దేవతలను ఆహ్వానిస్తారు.

ఆ తరువాత భూమాతను ప్రార్థిస్తూ పాలికలను మట్టితో నింపుతారు. చంద్రుడిని ప్రార్థిస్తూ అందులో విత్తనాలు చల్లి నీరు పోస్తారు. ఈ పాలికలకు నూతన వస్త్రాన్ని అలంకరించి పుణ్యాహవచనం నిర్వహిస్తారు. అనంతరం సోమరాజ మంత్రం, వరుణ మంత్రం, విష్ణుసూక్తం పఠిస్తారు. ప్రతిరోజూ ఈ పాలికల్లో కొద్దిగా నీరు పోస్తారు. ఈ మొత్తం కార్యక్రమం వేదమంత్రోచ్ఛారణ, మంగళవాయిద్యాల నడుమ సాగుతుంది.

29/08/2020

|| ఓం నమో వేంకటేశాయ ||

|| మంగళము గోవిందునకు జయమంగళము గరుడధ్వజునకును |
మంగళము సర్వాత్మునకు ధర్మస్వరూపునకూ, జయజయ ||

|| ఆదికినినాదైనదేవున కచ్యుతున కంభోజణాభున- |
కాదికూర్మంబై నజగదాధారమూర్తికిని |
వేదరక్షకునకును సంతతవేదమార్గ విహారునకు బలి- |
భేదికిని సామాదిగానప్రియవిహారునకు ||

|| హరికి బరమేశ్వరునకును శ్రీధరునకును గాలాంతకునకును |
పరమపురుషోత్తమునకును బహుబంధదూరునకు|
సురమునిస్తోత్రునకు దేవాసురగణశ్రేష్ఠునకు కరుణా- |
కరునకును గాత్యాయనీనుతకలితనామునకు ||

|| పంకజాసనవరదునకు భవపంకవిచ్ఛేదునకు భవునకు |
శంకరున కవ్యక్తునకు నాశ్చర్యరూపునకు |
వేంకటాచలవల్లభునకుమ విశ్వమూర్తికి నీశ్వరునకును |
పంకజాకుచకుంభకుంకుమ పంకలోలునకు ||

14/03/2020

|| ఓం నమో వేంకటేశాయ ||

|| భావించి భక్తిగా భజయింతు నిత్యము,
శ్రీవేంకటేశ్వరుని సొంపైన పాదములు. ॥భావించి||

అనుపల్లవి:
కోరి కోరి మదిన కొలిచి తరింతును,
తిరుమలేశుని దివ్య మంగళ చరణములు.॥భావించి||

జలకము తెచ్చి, జలజనాభుని పదము,
మెలకువతో మెల్లగా ముదముగా కడిగి,
చలువ గంధము అతి చేవగా పూచి,
కొలచి భజయింతును కొండల రాయుని. ॥భావించి||

కుంకుమ, పసుపు, సాంబ్రాణి తెచ్చి,
పొంగారు భక్తితో పదములకు పూసి,
సంకటాహరుడు సర్వ జన పోషకుడు,
పంకజాక్షుని పదము భక్తిగా మ్రొక్కెదను. ॥భావించి||

మల్లెలు, మొల్లలు, మంకెన పూలు,
తెల్లని సంపగి, సనజాజు పూలు,
కొల్లలుగ తెచ్చి చరణముల జల్లి,
అలమేలు మంగపతి అర్చనలు చేతును. ॥భావించి||

అర్చనలు, పూజలు, సేవ, ఆరాధనలు,
నిర్వహించి నిత్య గంధ, దీపములు,
స్వరములు, సంగీత స్తుతులు, సేవలతో,
వరవేంకటేశుని పదము పూజింతు. ॥భావించి||

15/02/2020

|| ఓం నమో వేంకటేశాయ ||

|| షోడస కళానిధికి షోడశోపచారములు
జాడతోడ నిచ్చలును సమర్పయామి

అలరు విశ్వాత్మకున కావాహన మిదె సర్వ
నిలయున కాసనము నెమ్మి నిదే
అలగంగా జనకున కర్ఘ్యపాద్యాచమనాలు
జలధి శాయికిని మజ్జనమిదే

వరపీతాంబరునకు వస్త్రాలంకారమిదె
సరి శ్రీమంతునకు భూషణము లివే
ధరణీధరునకు గంధపుష్ప ధూపములు
తిర మిదె కోటిసూర్యతేజునకు దీపము

అమృతమథనునకు నదివో నైవేద్యము
గమి(రవి)జంద్రునేత్రునకు కప్పురవిడెము
అమరిన శ్రీవేంకటాద్రి మీది దేవునికి
తమితో ప్రదక్షిణాలు దండములు నివిగో ||

01/02/2020

|| ఓం నమో వేంకటేశాయ ||

|| ఆది దేవా పరమాత్మా
వేద వేదాంతవేద్య నమో నమో

పరాత్పరా భక్త భవభంజన
చరాచర లోక జనక నమో నమో

గదాధరా శ్రీ వేంకటగిరి నిలయా
సదానందా ప్రసన్న నమో నమో ||

29/12/2019

https://www.youtube.com/watch?v=sHxR26KilJM&fbclid=IwAR2BOGmyjqcNso8j8pwbKLsXFu1UqDQ1gLURqtGby9xdfY98H757Mzdkd-o

ॐ || వెంకటరమణ తండ్రి || वेंकटरमना बालाजी || Venkata Ramana Thandri || ॐ : नाराला साइकिरण { గోవింద గోవింద || गोविंदा गोविंदा || Govinda Govinda } Narala Saiki...

02/11/2019

|| ఓం నమో వేంకటేశాయ ||

|| ఐనదయ్యీ గానిదెల్లా నటు గాకుండితే మానీ
మానుపరా దివి హరిమాయా మహిమలు

పుట్టేటి వెన్ని లేవు పోయేటి వెన్ని లేవు
వెట్టి దేహాలు మోచినవెడజీవులు
గట్టిగా దెలుసుకొంటే కలలోనివంటి దింతే
పట్టి ఇందుకుగా నేల బడలేమో నేము

కడచిన వెన్ని లేవు కాచుకున్న వెన్ని లేవు
సుడిగొన్న తనలోని సుఖదుఃఖాలు
యెడపుల నివి రెండు యెండనీడవంటి వింతే
కడనుండి నే మేలకరగేమో నేము

కోరినవి యెన్ని లేవు కోరగల వెన్ని లేవు
తీరనైసంపదలతో తెందేపలు
ధారుణి శృఈవేంకటేశుదాసులమై యిన్నియును
చేరి కైకొంటిమి యేమి సేసేమో నేము ||