Sacred Heart Church Thoyakkavu

23/04/2026

പ്രിയരേ,
നമ്മുടെ പ്രീയപ്പെട്ട അമ്മച്ചി പരിശുദ്ധ കുർബ്ബാനയും, രോഗിലേപനവും സ്വീകരിച്ച് ഇന്ന് ഉച്ചകഴിഞ്ഞ് 04 മണിയോടെ ഈശോയുടെ സന്നിധിയിലേക്ക് എടുക്കപ്പെട്ടു. ശോശന്നം അമ്മച്ചിയുടെ ആത്മശാന്തിക്കായി നമുക്ക് പ്രത്യേകം പ്രാർത്ഥിക്കാം; അമ്മയുടെ വേർപാടിൽ ദുഃഖിതരായിരിക്കുന്ന മുൻ കൈകാരൻ ഫ്രാൻസിസ് ജ്യേഷ്ഠനെയും കുടുംബത്തേയും, മറ്റുള്ള പ്രീയപ്പെട്ടവരേയും ഈശോയുടെ സന്നിധിയിൽ സമർപ്പിക്കാം; ഈശോ ഏവരേയും ആശ്വസിപ്പിക്കട്ടെ.

ഫാത്തിമ മാതാ കുടുംബ കൂട്ടായ്മയുടേയും, നമ്മുടെ ഇടവക കുടുംബത്തിന്റേയും, അനുശോചനവും, പ്രാർത്ഥനയും കുടുംബാംഗങ്ങളെയും മറ്റുള്ളവരേയും അറിയിക്കുന്നു. *മൃതസംസ്കാരം നാളെ വെള്ളിയാഴ്ച ഉച്ചകഴിഞ്ഞ് 03 -ന് നടത്തപ്പെടുന്നു.*

നമുക്ക് പ്രാർത്ഥിക്കാം.

🙏സെബിയച്ചൻ.

21/04/2026

21/04/2026

📢 അറിയിപ്പ്: കന്യാകുമാരി - കാറ്റാടിമല യാത്ര 🚌
ഏപ്രിൽ 30 മുതൽ മെയ് 2 വരെ നീളുന്ന നമ്മുടെ കന്യാകുമാരി, കാറ്റാടിമല യാത്രയിൽ ഇനി ഏതാനും സീറ്റുകൾ കൂടി മാത്രമേ ബാക്കിയുള്ളൂ! വരാൻ ആഗ്രഹിക്കുന്നവർ എത്രയും പെട്ടെന്ന് തന്നെ കുടുംബകൂട്ടായ്മ കേന്ദ്രസമിതിയുമായി ബന്ധപ്പെടാൻ ശ്രദ്ധിക്കുമല്ലോ.

13/04/2026

*✝️ചരമ അറിയിപ്പ്✝️*

പ്രിയരേ...

നമ്മുടെ ഇടവകയിലെ സെൻ്റ്. സെബാസ്റ്റ്യൻ യൂണിറ്റ് അംഗമായ *എലവത്തിങ്കൽ അന്തോണി മകൻ സണ്ണി (62) റോഡപകടത്തിൽപ്പെട്ട് ആകസ്മികമായി ഇന്ന് രാവിലെ ഈശോയുടെ സന്നിധിയിലേക്ക് എടുക്കപ്പെട്ടു.*

എന്നും നമ്മുടെ ഇടവക കുടുംബത്തിനായി പ്രഭാതത്തിൽ, ദിവ്യകാരുണ്യ സന്നിധിയിൽ ജപമാലയ്ക്ക് നേതൃത്വം നൽകിയിരുന്ന സണ്ണി ജേഷ്ഠന്റെ ആത്മശാന്തിക്കായി നമുക്ക് പ്രത്യേകം പ്രാർത്ഥിക്കാം.

അദ്ദേഹത്തിൻ്റെ വളരെ ആകസ്മികമായുള്ള നിര്യാണത്തിൽ സങ്കടപ്പെടുന്ന ജീവിതപങ്കാളിയെയും, മക്കളെയും, കുടുംബത്തെയും, പ്രിയപ്പെട്ടവരെയും ആശ്വസിപ്പിക്കുന്നതിനായി ഈശോയോട് പ്രാർത്ഥിക്കാം.

മൃത്സംസ്കാര ശുശ്രൂഷകളെക്കുറിച്ച് പിന്നീട് അറിയിക്കുന്നതായിരിക്കും.

പ്രാർത്ഥനാപൂർവ്വം,

@സെബിയച്ചൻ

04/04/2026

https://youtube.com/shorts/-LsA9nAyny0?si=sZPCLONe5TYzYHRK

ഈസ്റ്റർ എഗ്ഗ് തയ്യാറാക്കൽ

04/04/2026

പെസഹ വ്യാഴം മുതൽ ഈസ്റ്റർ വരെയുള്ള ദിവസങ്ങളിൽ ദേവാലയങ്ങളിൽ സാധാരണ ലോഹമണികൾക്ക് പകരം മരമണികൾ ഉപയോഗിക്കുന്നതിന് പിന്നിൽ ആഴമേറിയ വിശ്വാസപരമായ കാരണങ്ങളുണ്ട്. ⛪✝️🔕🔔🕯️
***************************************
​
​ 💔 ദുഃഖാചരണത്തിന്റെ പ്രതീകമായി
​പെസഹ വ്യാഴാഴ്ച രാത്രി മുതൽ യേശുക്രിസ്തുവിന്റെ പീഡാനുഭവങ്ങളുടെയും മരണത്തിന്റെയും ഓർമ്മ പുതുക്കുന്ന സമയമാണ്. ഈ ദിവസങ്ങളിൽ സന്തോഷമോ ആഘോഷമോ പാടില്ല എന്ന വിശ്വാസത്തിന്റെ ഭാഗമായി, ഉച്ചത്തിലുള്ള ലോഹമണികളുടെ മുഴക്കം ഒഴിവാക്കുന്നു. മരമണികളിൽ നിന്നുള്ള പരുക്കൻ ശബ്ദം ദുഃഖത്തെയും ലാളിത്യത്തെയും സൂചിപ്പിക്കുന്നു.

🔕 ​കത്തോലിക്കാ പാരമ്പര്യമനുസരിച്ച്, പെസഹ വ്യാഴാഴ്ച വൈകുന്നേരത്തെ 'അന്ത്യഅത്താഴ സ്മരണ' പുതുക്കുന്ന കുർബാനയിലെ ഗ്ലോറിയ (അത്യുന്നതങ്ങളിൽ ദൈവത്തിന് സ്തുതി) പാടുന്ന സമയത്താണ് അവസാനമായി ലോഹമണികൾ മുഴക്കുന്നത്. അതിനുശേഷം ഈസ്റ്റർ രാത്രിയിലെ ശുശ്രൂഷ വരെ മണികൾ മുഴക്കാറില്ല.

🔔 ദുഃഖശനി കഴിഞ്ഞ് ഈസ്റ്റർ പാതിരാത്രിയിലെ ശുശ്രൂഷയിൽ വീണ്ടും 'ഗ്ലോറിയ' പാടുമ്പോൾ കെട്ടിയിട്ട മണികൾ എല്ലാം ഒരുമിച്ച് ഉച്ചത്തിൽ മുഴക്കുന്നു. ഇതോടെ മണികളുടെ മൗനം അവസാനിക്കുകയും ക്രിസ്തുവിന്റെ ഉയിർപ്പിന്റെ സന്തോഷം പ്രഘോഷിക്കുകയും ചെയ്യുന്നു.

💔 ക്രിസ്തുവിന്റെ പീഡാനുഭവ സമയത്ത് പ്രകൃതി പോലും നിശബ്ദമാകുന്നു എന്ന സങ്കല്പമാണ് ഈ മണി കെട്ടിയിടലിലൂടെ വിശ്വാസികൾ പ്രകടിപ്പിക്കുന്നത്. പീഡാനുഭവങ്ങളോടുള്ള ആദരസൂചകമായും ആ ദിവസങ്ങളിലെ നിശബ്ദതയും ഗൗരവവും നിലനിർത്താനുമാണ് ദേവാലയങ്ങളിൽ മരമണികൾ ഉപയോഗിക്കുന്നത്.

🔕 മണികൾ മുഴക്കാതിരിക്കുക എന്നത് ആഗോള കത്തോലിക്കാ സഭയുടെ നിയമമാണ്. എന്നാൽ അതിന് പകരമായി മരമണി ഉപയോഗിക്കുന്നത് ഓരോ നാട്ടിലെയും സംസ്കാരത്തിന് അനുസരിച്ച് ചെറിയ മാറ്റങ്ങളോടെ ലോകമെമ്പാടും നിലനിൽക്കുന്നു. 🕊️🔔🔕✝️⛪

03/04/2026

ദുഃഖവെള്ളിയാഴ്ച പരിപാടികൾ - തൊയക്കാവ് ദേവാലയത്തിൽ