തെച്ചിക്കോട്ടുകാവ്

18/02/2023

ശിവ പഞ്ചാക്ഷരി മന്ത്രം
•••••••••••••••••••••••••••••••••

പ്രസിദ്ധമായ ശിവപഞ്ചാക്ഷര സ്തോത്രം ശിവനെയും, ന-മ-ശി-വാ-യ എന്ന അഞ്ച് പവിത്രമായ അക്ഷരങ്ങളുടെ ശക്തിയെയും സ്തുതിക്കുന്നു

ഓം നമഃ ശിവായ ശിവായ നമഃ ഓം
ഓം നമഃ ശിവായ ശിവായ നമഃ ഓം

നാഗേന്ദ്രഹാരായ തൃലോചനായ
ഭസ്മാംഗരാഗായ മഹേശ്വരായ
നിത്യായ ശുദ്ധായ ദിഗംബരായ
തസ്‌മൈ ന കാരായ നമഃ ശിവായ
മന്താകിനി സലില ചന്ദന ചർച്ചിതായ
നന്ദീശ്വര പ്രമതനാഥ മഹേശ്വരായ
മന്ദാര പുഷ്പ ബഹുപുഷ്പ സുപൂജിതായ
തസ്‌മൈ മ കാരായ നമഃ ശിവായ

ശിവായ ഗൗരി വദനബ്ജ ബ്രിന്ദ
സൂര്യയാ ദക്ഷാധ്വര നാശകായ
ശ്രീ നീലകണ്ഠായ വൃഷധ്വജായ
തസ്മൈ ശി കാരായ നമഃ ശിവായ
വസിഷ്ഠ കുംഭോദ്ഭവ ഗൗതമാര്യ
മുനീന്ദ്ര ദേവാർച്ചിത ശേഖരായ
ചന്ദ്രാർക്ക വൈശ്വാനര ലോചനായ
തസ്മൈ വ കാരായ നമഃ ശിവായ

യജ്ഞസ്വരൂപായ ജടാധരായ
പിനാക ഹസ്തായ സനാതനായ
ദിവ്യായ ദേവായ ദിഗംബരായ
തസ്മൈ യ കാരായ നമഃ ശിവായ
പഞ്ചാക്ഷരമിദം പുണ്യം യഃ പഠേച്ഛിവ സന്നിധൌ
ശിവലോകമവാപ്നോതി ശിവേന സഹ മോദതേ

ശിവ പഞ്ചാക്ഷരി മന്ത്രത്തിന്റെ അർത്ഥം
••••••••••••••••••••••••••••••••••••••••••••••••••••••••

നാഗരാജാവിനെ മാലയായി ധരിച്ചവനും മൂന്ന് നേത്രങ്ങളുള്ളവനും...
ദിവ്യഭസ്മം ദേഹമാസകാലം ചാർത്തിയവനും മഹാനായ തമ്പുരാനുമായവൻ
അനശ്വരനായവനും, നാല് ദിക്കുകളും വസ്ത്രമായി ധരിച്ച് സദാ നിർമലനായവനും
"ന" എന്ന അക്ഷരം പ്രതിനിധീകരിക്കുന്നവനുമായ ആ ശിവന് വന്ദനം

മന്ദാകിനി നദിയിൽ നിന്നുമുള്ള ജലത്താൽ ആരാധിക്കപ്പെടുന്നവനും ചന്ദനത്താൽ ലേപനം ചെയ്യപ്പെടുന്നവനും
നന്ദിയുടെയും പ്രേതങ്ങളുടെയും ചെകുത്താൻമാരുടെയും അധിപനും, മഹാനുമായ ഭഗവാൻ,
മന്ദാരം കൊണ്ടും മറ്റു പല പുഷ്പങ്ങൾ കൊണ്ടും പൂജിക്കപ്പെടുന്നവനും
"മ" എന്ന അക്ഷരം പ്രതിനിധീകരിക്കുന്നവനുമായ ആ ശിവന് നമസ്കാരം

അതി വിശിഷ്ടനും ഗൗരിയുടെ പനിനീർ വദനത്തെ പ്രശോഭിപ്പിക്കുന്ന ഉദിച്ചുയർന്ന സൂര്യനെപ്പോലെ ഉള്ളവനും
ദക്ഷന്റെ ത്യാഗത്തെ ശമിപ്പിച്ചവനും
കാളയുടെ രൂപം ചിഹ്നമായുള്ളവനും നീലകണ്ഠനും
"ശി" എന്ന അക്ഷരം പ്രതിനിധീകരിക്കുന്നവനുമായ ആ ശിവന് വന്ദനം

വസിഷ്ഠൻ, അഗസ്ത്യൻ, ഗൗതമൻ തുടങ്ങിയ ഉത്തമരും ആദരണീയരുമായ മുനിമാരാലും
ദേവന്മാരാലും ആരാധിക്കപ്പെടുന്നവനും പ്രപഞ്ചത്തിന്റെ കിരീടമായവനും,
അഗ്നിയും സൂര്യനും ചന്ദ്രനും മൂന്നു കണ്ണുകൾ ആയി ഉള്ളവനും
"വ" എന്ന അക്ഷരം പ്രതിനിധീകരിക്കുന്നവനുമായ ആ ശിവന് നമസ്കാരം

യജ്ഞത്തിന്റെ മൂർത്തീഭാവമായവനും, ജടാധരനും
കൈയിൽ ത്രിശൂലമുള്ളവനും അനാദിയായവനും.
ദിവ്യനും, പ്രഭാമയനും, നാല് ദിക്കുകളും വസ്ത്രങ്ങളായി അണിഞ്ഞവനും,
"യ" എന്ന അക്ഷരം പ്രതിനിധീകരിക്കുന്നവനുമായ ആ ശിവന് നമസ്കാരം

18/02/2023

ശിവരാത്രി വ്രതത്തിന്റെ പ്രത്യേകതകള്‍

കുംഭ മാസത്തിലെ കൃഷ്ണപക്ഷത്തിലെ പതിമൂന്നാം രാത്രിയും പതിനാലാം പകലുമാണ് ശിവരാത്രി ആഘോഷിക്കുന്നത്. വ്രത ശുദ്ധിയോടെ ശിവ പൂജകളുമായി ഉപവാസമിരിക്കുന്നതും ഉറക്കമിളയ്ക്കുന്നതും ശിവരാത്രിയുടെ പ്രധാന ആചാരങ്ങളാണ്. ഗുരുശാപം, സ്ത്രീ ശാപം തുടങ്ങിയ മഹാപാപങ്ങള്‍ പോലും ശിവരാത്രി വ്രതം മൂലം ഇല്ലാതാകുന്നു എന്നാണ് വിശ്വാസം. പൂര്‍വികരുടെ ബലി പൂജയ്ക്ക് മുടക്കം വന്നാല്‍ പിതൃപൂജയോടെ ശിവരാത്രി വ്രതം അനുഷ്ഠിച്ച്‌ പിതൃക്കളെ പ്രീതിപ്പെടുത്തണം.

ശിവഭഗവാന് വേണ്ടി പാര്‍വതി ദേവി ഉറക്കമിളച്ച ദിവസമാണ് ശിവരാത്രിയെന്നാണ് ഒരു ഐതീഹ്യം. പര്‍വതി ദേവി ഉറക്കം വെടിഞ്ഞതിനാല്‍ ഇതേ ദിവസം ഉറക്കം വെടിഞ്ഞാണ് ഭക്തരും ശിവരാത്രി ആഘോഷിക്കുന്നത്. ശിവരാത്രി ദിനം ശിവലിംഗ പൂജ പ്രധാനമാണ്. വ്രതം നോല്‍ക്കുന്നവര്‍ അതിരാവിലെ എഴുനേറ്റ് ചൂടുവെള്ളത്തില്‍ കുളിയ്ക്കണം. ക്ഷേത്രത്തിലെത്തി പാലഭിഷേകം തേനഭിഷേകം ,ജലധാര എന്നിവയും ദര്‍ശിക്കണം. ഓം നമ ശിവായ മന്ത്ര ഉരുവിട്ട് ശിവലിംഗത്തെ പൂജിയ്ക്കണം എന്നാണ് വിശ്വാസം. അരി ആഹാരം വര്‍ജിക്കണം. എന്നാള്‍ ധാന്യങ്ങള്‍ മുഴുവന്‍ ഉപേക്ഷിക്കുന്നവരും ഉണ്ട്. ഉള്ളി, വെളുത്തുള്ളി എന്നിവയും വര്‍ജിക്കണം. ശിവക്ഷേത്ര ദര്‍ശനം നടത്തി ക്ഷേത്രത്തില്‍ തന്നെ കഴിഞ്ഞുകൂടുന്നതും ഉത്തമം. പകല്‍ ഉപവാസം നിര്‍ബന്ധമാണ്.

13/02/2023