27/07/2026
വായനാ സംസ്കാരത്തിന് പുതിയ വിലാസം; ചെന്ത്രാപ്പിന്നിയില് വിസ്ഡം ബുക്സ് സെന്റര് ഉദ്ഘാടനം ചെയ്തു
➖➖➖➖➖➖
വായനയിലൂടെയും വിജ്ഞാനപ്രചാരണത്തിലൂടെയും സമൂഹത്തില് ആശയപരമായ നവോത്ഥാനം സൃഷ്ടിക്കുകയെന്ന ലക്ഷ്യത്തോടെ വിസ്ഡം ബുക്സ് സെന്റര് ചെന്ത്രാപ്പിന്നിയില് പ്രവര്ത്തനമാരംഭിച്ചു. 2026 ജൂലൈ 27-ന് വിസ്ഡം ബുക്സ് ലൈബ്രറി ഹാളില് നടന്ന ചടങ്ങില് വിസ്ഡം ഇസ്ലാമിക് ഓര്ഗനൈസേഷന് തൃശ്ശൂര് ജില്ലാ വൈസ് പ്രസിഡന്റ് ഖാസിം ചൊവ്വല്ലൂര്പടി ഉദ്ഘാടനം നിര്വഹിച്ചു.
കൈപ്പമംഗലം മണ്ഡലം പ്രസിഡന്റ് ജാഫര് സാദിഖ് അധ്യക്ഷത വഹിച്ച ചടങ്ങില് മണ്ഡലം സെക്രട്ടറി അബ്ദുല് മജീദ് സ്വാഗതം ആശംസിച്ചു. ഗ്രേസ് എഡ്യുക്കേഷന് ബോര്ഡ് തൃശ്ശൂര് ജില്ലാ ചെയര്മാന് കരീം പന്നിത്തടം, എഴുത്തുകാരനും ഗ്രന്ഥകര്ത്താവുമായ ഷെരീഫ് ഇബ്രാഹിം (പത്തേമാരി) എന്നിവര് വിശിഷ്ട സാന്നിധ്യമായി പങ്കെടുത്തു.
വാര്ഡ് മെമ്പര്മാരായ നബീല് കെ. ഐ., സുവീഷ് വി. വി., വിസ്ഡം ഇസ്ലാമിക് ഓര്ഗനൈസേഷന് ഭാരവാഹികളായ റിയാസ് വി. എം., അബ്ദുന്നാസര് കല്ലൂര്, ഉമ്മര് പിള്ളക്കാട്, ഷിഹാബ് പി. എസ്., നസ്റുല്ലാഹ് കൈപ്പമംഗലം, മുജാഹിദ് ടി. എം. എന്നിവര് ആശംസകള് നേര്ന്നു.
വിസ്ഡം ഇസ്ലാമിക് ഓര്ഗനൈസേഷന് ജില്ലാ സെക്രട്ടറി അന്വര് അബൂബക്കര് പദ്ധതിയുടെ വിശദീകരണം നടത്തി. വിശുദ്ധ ഖുര്ആനും പ്രവാചക സുന്നത്തും അടിസ്ഥാനമാക്കിയുള്ള വിജ്ഞാനപ്രചാരണത്തിനും വായനാശീലം വളര്ത്തുന്നതിനും വിസ്ഡം ബുക്സ് സെന്റര് സമൂഹത്തിന് നല്കുന്ന സംഭാവന അദ്ദേഹം വിശദീകരിച്ചു. വീടുകളിലും കുടുംബങ്ങളിലും വായനയുടെ സംസ്കാരം ശക്തിപ്പെടുത്തുകയും, പുസ്തകങ്ങളെ ജീവിതത്തിന്റെ ഭാഗമായി മാറ്റുകയും ചെയ്യേണ്ടത് കാലഘട്ടത്തിന്റെ അനിവാര്യതയാണെന്നും അദ്ദേഹം ഓര്മിപ്പിച്ചു.
വിസ്ഡം ഇസ്ലാമിക് ഓര്ഗനൈസേഷന്റെ പ്രസാധന വിഭാഗമായ വിസ്ഡം ബുക്സ് പുറത്തിറക്കുന്ന ഖുര്ആന്, തഫ്സീര്, ഹദീസ്, ഇസ്ലാമിക പഠനം, ചരിത്രം, കുടുംബജീവിതം, കുട്ടികള്ക്കും സ്ത്രീകള്ക്കുമായി പ്രത്യേകം തയ്യാറാക്കിയ ഗ്രന്ഥങ്ങള്, ദഅ്വാ സാഹിത്യങ്ങള്, സമകാലിക ചിന്തകള്, താരതമ്യ മതപഠനങ്ങള് തുടങ്ങി നൂറുകണക്കിന് നിലവാരമുള്ള പുസ്തകങ്ങള് ഇനി ചെന്ത്രാപ്പിന്നിയിലെ വിസ്ഡം ബുക്സ് സെന്ററിലൂടെ വായനക്കാര്ക്ക് ലഭ്യമാകും.
വിജ്ഞാനത്തിന്റെ വെളിച്ചം സമൂഹത്തിലേക്ക് കൂടുതല് വ്യാപിപ്പിക്കാനും വായനാ സംസ്കാരത്തിന് പുതുജീവന് നല്കാനും ലക്ഷ്യമിട്ടുള്ള ഈ സംരംഭം, ചെന്ത്രാപ്പിന്നിയുടെയും പരിസര പ്രദേശങ്ങളുടെയും സാംസ്കാരിക-വിജ്ഞാന രംഗത്ത് ശ്രദ്ധേയമായ ഒരു മുന്നേറ്റമായാണ് വിലയിരുത്തപ്പെടുന്നത്. പുസ്തകവായനയെ പ്രോത്സാഹിപ്പിക്കുന്നതിനും ധാര്മികവും വിജ്ഞാനസമ്പന്നവുമായ ഒരു സമൂഹത്തെ വളര്ത്തിയെടുക്കുന്നതിനും വിസ്ഡം ബുക്സ് സെന്റര് പുതിയ പ്രചോദനമായി മാറുമെന്ന് ചടങ്ങില് പങ്കെടുത്തവര് അഭിപ്രായപ്പെട്ടു.
*മീഡിയ വിങ്ങ്*
വിസ്ഡം ഇസ്ലാമിക് ഓര്ഗനൈസേഷന്, തൃശ്ശൂര്
