12/03/2026
വനിതാ ദിനാചരണം 2026
ലോക അന്താരാഷ്ട്ര വനിതാദിനത്തിൽ കെ സി വൈ എം തൃശൂർ അതിരൂപതയുടെ ആഭിമുഖ്യത്തിൽ വനിതാ ദിനാചരണം സംഘടിപ്പിച്ചു. തൃശൂർ അതിരൂപത കെസിവൈഎം വൈസ് പ്രസിഡന്റ് ഡെന്ന ജോസഫ് അധ്യക്ഷത വഹിച്ച യോഗം കാർഷിക സർവകലാശാല (KAU) പ്രൊഫസറും മുൻ പാസ്റ്ററൽ കൗൺസിൽ സെക്രട്ടറിയുമായിരുന്ന ഡോ. മേരി റെജീന ഉദ്ഘാടനം ചെയ്തു.തൃശൂർ അതിരൂപത വികാരി ജനറാൾ വെരി. റവ. ഫാ. ജോസ് കോനിക്കര (jr) ആമുഖപ്രഭാഷണം നടത്തി. തൃശ്ശൂർ അതിരൂപത കെസിവൈഎം ഡയറക്ടർ റവ. ഫാ അജിത്ത് കൊള്ളന്നൂർ, പ്രസിഡന്റ് ഷിനോ സൈമൺ, അസി. ഡയറക്ടർ അനു ചാലിൽ എന്നിവർ ആശംസകൾ അറിയിച്ചു സംസാരിച്ചു. യോഗത്തിലെ മുഖ്യ അതിഥികളായ അത്മായ പ്രേഷിത രംഗത്തു ശ്രദ്ധേയമായ
വ്യക്തിമുദ്ര പതിപ്പിച്ച സി.ബി.സി.ഐ.അവാർഡ് ലഭിച്ച ഡോക്ടർ മേരി
റെജീന മാഡത്തിനെയും ഈ കഴിഞ്ഞ തദ്ദേശ തെരഞ്ഞെടുപ്പിൽ വിജയിച്ച മുൻകാല കെ സി വൈ എം വനിതാ നേതാക്കളും തൃശൂർ കോർപ്പറേഷൻ കൗൺസിലർമാരായിട്ടുള്ള ശ്രീമതി. കരോളിൻ ജോഷ്വാ, ശ്രീമതി മേഫി ഡെൽസൻ ,ശ്രീമതി പിൻസി പ്രിൻസ് എന്നിവർക്ക് വനിതാ ദിനത്തിന്റെ ഭാഗമായി സ്നേഹാദരവും നൽകി. ആനിമേറ്റർ സിസ്റ്റർ ഫ്രാൻസി മരിയ,കെ സി വൈ എം തൃശൂർ അതിരൂപത സെക്രട്ടറി അസിൻ എം ജെ, ട്രഷറർ ഗോഡ് വിൻ കാവിൽ, സെക്രട്ടറി സാന്ദ്ര ബെന്നി,വൈസ് പ്രസിഡന്റ് ജോയൽ ജോഷി,സംസ്ഥാന സിൻഡിക്കേറ്റ് അംഗം അനിമ റോസ് സി ജോൺ,സംസ്ഥാന സെനറ്റ് അംഗങ്ങളായ ആൽഫി മനോജ്, ലിംസൺ പീയൂസ് വടക്കൻ, റോസ്മിൻ പോൾ സി എന്നിവർ സന്നിഹിതരായിരുന്നു.
കെ സി വൈ എം തൃശ്ശൂർ അതിരൂപത
