JIH കുന്നുമ്മൽ ക്കാട്

16/06/2024

ഏവർക്കും ഹൃദയം തൊട്ട പൊരുന്നാൾ സന്തോഷങ്ങൾ
പ്രാർത്ഥനകൾ !
EID MUBARAK

10/06/2024

*അസ്സലാമു അലൈക്കും*

തണൽ സാംസ്കാരി നിലയത്തിന്റെ കീഴിൽ പുതുതായി പ്രവർത്തനം ആരംഭിച്ച ലൈബ്രറി & റീഡിങ് റൂം, ആട്സ് & സ്‌പോർട്സ് ക്ലബ്‌ ഉദ്ഘാടനവും sslc +2 മജ്‌ലിസ് എക്സാം വിജയികൾക്കുള്ള അനുമോദനവും
മില്ലത്തെ ഇബ്രാഹിം എന്ന വിഷയത്തിൽ പൊതു ക്ലാസും സംഘടിപ്പിച്ചു.

*8-6-2024 ശനിയാഴ്ച* രാത്രി 8 മണിക്ക് *തണൽ സാംസ്കാരിക നിലയത്തി* ൽ വെച്ച് നടത്തിയ പ്രസ്തുത പരിപാടിയിൽ
ജമാഅത്തെ ഇസ്‌ലാമി കൊടുങ്ങല്ലൂർ ഏരിയാ പ്രസിഡന്റ് *അനസ് നദ്‌വി*,
*സഗീർ വലിയകത്ത്* (കാരൂർ )
എന്നിവർ മുഖ്യാതിഥി കളായി പങ്കെടുത്തു.

ലൈബ്രറി ഉദ്ഘാടനം
*അനസ് നദ്‌വി* നിർവഹിച്ചു
ലൈബ്രറിയിലേക്കുള്ള പുസ്തകങ്ങൾ *സഗീർ വലിയകത്തി* ൽ നിന്നും ഹൽഖാ നാസിം *എം. എം നാസർ*, *അനസ് നദ്‌വി* എന്നിവർ ചേർന്ന് ഏറ്റു വാങ്ങി.

ലൈബ്രറിയിലേക്ക്
*മാധ്യമം ദിന പത്രം*
*പ്രവാസി ഇന്ത്യ ഫുജൈറ ഘടകം* സ്പോൺസർ ചെയ്തു.
*പ്രബോധനം*, *മാധ്യമംകുടുംബം* *എന്നിവ എം. എം നാസർ*, *ആരാമം- നഫീസ നാസർ*, *മാധ്യമം ആഴ്ചപതിപ്പ് -സുമയ്യ. എം. എ*, *തൊഴിൽ വാർത്ത- ജിഫ്രി വി. എം*, *ക്യാരംസ് ബോർഡ് -കെ. എസ് നൗഷാദ്* എന്നിവർ സ്പോൺസർ ചെയ്തു.

ലൈബ്രറി ഉദ്ഘാടനത്തിന് ശേഷം
കുന്നുമ്മൽക്കാട് ഹൽഖ നാസിം *എം. എം നാസർ* *സാഹിബി* ന്റെ അധ്യക്ഷതയിൽ ചേർന്ന പൊതുയോഗത്തിൽ
മദ്രസ വിദ്യാർത്ഥി *അമാനി യൂസുഫ്* ഖിറാഅത്ത് നടത്തി.
സോളിഡാരിറ്റി കുന്നുമ്മൽ ക്കാട് യൂണിറ്റ് അംഗം *ജിഫ്രി. വി. എം* സ്വാഗതം ആശംസിച്ചു.
ശേഷം SSLC, +2, മജ്‌ലിസ്
പരീക്ഷകളിൽ ഉന്നത വിജയം നേടിയ വിദ്യാർഥികളെ അനുമോദിക്കുകയും ഉപഹാരം കൈമാറുകയും ചെയ്തു.

*അൽജാമിഅ -അൽ ഇസ്‌ലാമിയ ശാന്തപുരം കോളേജിൽ നിന്നും ഇസ്‌ലാമിക് ശരീഅ: കോഴ്സിൽ*
*മൂന്നാം റാങ്കോട് കൂടി ഉന്നത വിജയം കരസ്ഥമാക്കിയ ഫർസാന റഊഫ്* ന് ഉപഹാരം നൽകി ആദരിച്ചു.
*റബ് വ -2024 ലേക്ക് തിരഞ്ഞെടുക്കപ്പെട്ട ബാസിറ ത്വാഹ യെ യോഗത്തിൽ അനുമോദിക്കുകയും ഉപഹാരം കൈമാറുകയും ചെയ്തു*

മില്ലത്ത് ഇബ്റാഹിം എന്ന വിഷയത്തെ അധികരിച്ചു കൊണ്ട് *അനസ് നദ്‌വി* മുഖ്യ പ്രഭാഷണം നടത്തി.

കുന്നുമ്മൽ ക്കാട് ഹൽഖാ സെക്രട്ടറി *സി. എ. റസാഖ്* ന്റെ നന്ദി പ്രകാശനത്തോട് കൂടി *10PM* ന് പരിപാടി സമാപിച്ചു.

02/06/2024

02/06/2024

08/05/2024

മുഹമ്മദ്ക്കയും ഓർമ്മയായി .അല്ലാഹു മഗ്ഫിറത്തും മർഹമത്തും നല്കി അനുഗ്രഹിക്കുമാറാകട്ടെ . ആമീൻ 🤲🤲🤲🤲

1985 കാലഘട്ടിത്തിലാണ് മുഹമ്മദ്ക്കയും കുടുംബവും നമ്മുടെ പ്രദേശത്ത് സ്ഥിരതാമസമാക്കിയതെന്നാണ് ഓര്‍മ്മ.

ആ കാലംമുതല്‍ നമ്മുടെ പള്ളിയും അനുബന്ധ പ്രവര്‍ത്തനങ്ങളുമായി മുന്നില്‍ നിന്ന് പ്രവര്‍ത്തിച്ചിട്ടുണ്ട്. പള്ളി പ്രസിഡന്റും, സെക്രട്ടറിയുമായും പല സന്ദര്‍ഭങ്ങളിലും സേവനമനുഷ്ഠിച്ചുപോന്നു.

ബാങ്ക് കൊടുക്കാൻ മൈക്ക് സെറ്റ് ഇല്ലാതിരുന്ന അന്നത്തെ ചെറിയ പള്ളിയിൽ കുറഞ്ഞ വിലക്ക് മൈക്ക് കിട്ടാനുണ്ടെന്നറിഞ്ഞു അതിനു മുടക്കാൻ ഒന്നോ രണ്ടോ ആയിരം ആരുടെ കയ്യിലും ഇല്ല അതുകൊണ്ട് തന്നെ പലരും വിമുഖത കാണിച്ചപ്പോഴും പൈസ നമുക്ക് എങ്ങനെയെങ്കിലും ഉണ്ടാക്കാം എന്ന് പറഞ്ഞു സാധനം വാങ്ങി ഫിറ്റ്ചെയ്ത് ബാങ്ക്കൊടുക്കാന്‍ മുന്നില്‍നിന്ന മുഹമ്മദ്ക്ക

വ്യവസ്ഥാപിത മദ്രസ്സ ഇല്ലാതിരുന്ന അന്നത്തെ കാലത്ത് മജ്ലിസ് സിലബസ്സോടെ മദ്രസ്സ സ്ഥാപിക്കാന്‍ മുന്നില്‍ നിന്നു. അതിന് ഷെഡ്‌ഡുണ്ടാക്കാനും അധ്യാപികയെ നിയമിക്കാനും നിലനിർത്തി കൊണ്ടുപോകുവാനും അന്നാളിൽ ഒരുപാട് ത്യാഗങ്ങൾ സഹിച്ചിട്ടുണ്ട് .

പ്രദേശത്ത് സംഘടിത വുളുഹിയത് . സംഘടിത നോമ്പുതുറ ഫിത്ർ സകാത് , ഈദ്ഗാഹ് എന്നിവ വ്യവസ്ഥാപിതമായി കൊണ്ട് നടക്കാന്‍ പണിപ്പട്ടു. അതിനെതിരെ പല എതിപ്പുകളും നാട്ടില്‍ ഉണ്ടായിരുന്നെങ്കിലും അതിനെ നേരിടുന്നതില്‍ മുന്നില്‍നിന്നു. നിലനിര്‍ത്തിപോന്നു.

കാലങ്ങളായി മലയാളത്തില്‍ ഖുത്തുബ ഉണ്ടായിരുന്ന പട്ടേപ്പാടം വടക്കുംകര മഹല്ലുകളില്‍ അത് നിര്‍ത്തലാക്കിയപ്പോള്‍ നമ്മുടെ പള്ളിയില്‍ ജുമുഅഃ തുടങ്ങുവാന്‍ സുമനസ്സുകളായ പരിസരവാസികള്‍ ആവശ്യമുന്നയിച്ചപ്പോള്‍ സൗകര്യം പരിമിതായ പഴയപള്ളിയില്‍ ജുമുഅഃ തുടങ്ങുവാന്‍ മുന്‍പന്തിയില്‍ മുഹമ്മദ്ക്കയും ഉണ്ടായിരുന്നു.

ഇന്നത്തെ മദ്രസ്സ നിൽക്കുന്ന സ്ഥലവും മർഹൂം മുൻ പള്ളി പ്രസിഡന്റ് കൊച്ചു മുഹമ്മദ്ക്ക(പിച്ചത്തറ) വഖഫ് ചെയ്ത സ്ത്രീകളുടെ നമസ്കാരം നടക്കുന്ന ആ ഭൂമി വഖഫ്ചെയ്യിക്കുന്നതിലും മുഹമ്മദ്ക്ക നേതൃപരമായ പങ്ക് വഹിച്ചിട്ടുണ്ട്.

ഖുർആൻ, ഹദീസ് ഇസ്ലാമികപഠനങ്ങളില്‍ ജാഗ്രതപുലര്‍ത്തുകയും പലപ്പോഴും പള്ളിയിലെ ഇമാമത്തിന് നേതൃത്തം നല്കുകയും ചെയ്തിരുന്നു.

മുഹമ്മദ്ക്കാടെ കൂടെ നിന്ന് പ്രവര്‍ത്തിച്ച പലരും നമ്മെ വിട്ട് പിരിഞ്ഞു .പലരും വാര്‍ദ്ധക്യത്താലും രോഗത്താലും വിഷമിക്കുന്നു. മരണപ്പെട്ടവരെ സര്‍ഗ്ഗത്തിലും ജീവിച്ചിരിക്കുന്നവര്‍ക്ക് ദീര്‍ഘായുസ്സും നല്കി അനുഗ്രഹിക്കുമാറാകട്ടെ.🤲🤲🤲🤲

ഒരുപാട് നന്മകൾ ചെയ്ത് ആരോടും പരിഭവങ്ങളും പരാതികളുമില്ലാതെ മുഹമ്മദ്ക്ക നമ്മോട് വിടപറഞ്ഞു വരും തലമുറകള്‍ക്ക് ഒരുപാട് നല്ല മാതൃകകള്‍ ബാക്കിവെച്ച് അല്ലാഹു വിന്റെ സന്നിധിയിലേക്ക് യാത്രയായി. നാഥാ എല്ലാം സൽകർമ്മമായി സ്വീകരിച്ച് സ്വർഗ്ഗത്തിൽ ഉന്നത സ്ഥാനം നല്കി അനുഗ്രഹിക്കേണമേ ..🤲🤲🤲🤲

വേര്‍പാടില്‍ വിഷമിക്കുന്ന ഭാര്യ, മക്കള്‍, ബന്ധുക്കള്‍, വേണ്ടപ്പെട്ടവര്‍ എല്ലാവർക്കും സ്ഥൈര്യവും, സഹനവും സമാധാനവും നല്കണേ നാഥാ..🤲🤲🤲🤲

സഗീർ ഇബ്രാഹിം .

25/04/2024

🤲🤲🤲

09/04/2024

ദൈവമാർഗത്തിൽ എന്തും ത്യജിക്കുമെന്ന നിലപാടിന്‍റെ പ്രഖ്യാപനമാണ് നോമ്പ്.
വരുംകാല പ്രതിസന്ധികളെ മറികടന്ന് പുതുലോകം നിർമിക്കുമെന്ന പ്രത്യാശയാണ് പെരുന്നാൾ.ദുരിതം പേറുന്നവർക്കും പൊരുതുന്നവർക്കുമുള്ള ഐക്യദാർഢ്യത്തിൻറെ കരുത്താണ് തക്ബീർ.

ഏവർക്കും പെരുന്നാൾ സന്തോഷങ്ങൾ

14/11/2023

*ആ സ്നേഹസ്മൃണമായ കെട്ടിപിടിക്കലും തലോടലും കുശലാന്വേഷണങ്ങളും ഇനിയില്ല.*

ചെറുപ്പകാലത്ത് മോറിസ് ബുക്കായിയെകുറിച്ചും യൂസഫുല്‍ ഇസ്‌ലാമിനെ കുറിച്ചും മാല്‍കം എക്സിനെ കുറിച്ചും ആദ്യമായികേട്ട് തുടങ്ങിയത് മൗലവിയുടെ പ്രഭാഷണങ്ങളില്‍ നിന്നാണ്

അക്കാലത്ത് മഹല്ല് പള്ളികളില്‍ ആഴ്ചകളോളം നടന്നുവരാറുള്ള വഅള് പരിപാടികളില്‍ നിന്നും വ്യത്യസ്തമായി T.A മൗലവിയുടേയും അബ്സ്സലാംമൗലവിയുടേയും പ്രഭാഷണങ്ങള്‍ രണ്ടോ മൂന്നോ മണിക്കൂർ കൊണ്ട് ജനങ്ങൾ ക്ക് മനസ്സിലാകുന്ന വിധത്തില്‍ ആഗോള മുസ്ലിം ചലനങ്ങളേയും ഇസ്ലാമിന്റെ സമഗ്രതയേയും പരലോകത്തേയും വളരെ ലളിതമായി ഖുര്‍ആനിന്റേയും ഹദീസിന്റേയും പ്രത്യേകമായി കേള്‍ക്കാന്‍ ഇമ്പമുള്ള ബൈത്തുകളുടേയും അകമ്പടിയോട്കൂടിയുള്ള പ്രഭാഷണങ്ങള്‍ ജനങ്ങളെ ആകര്‍ഷിച്ചിരുന്നുഎന്ന് മാത്രമല്ല ഒരുപാടാളുകളെ ഇസ്ലാമിലേക്ക് അടുപ്പിക്കുവാനും പ്രബോധന പ്രവർത്തകരാക്കാനും സാധിച്ചിട്ടുണ്ട് .

ആദ്യകാലങ്ങളില്‍ പരിസര പ്രദേശങ്ങളിലെ മഹല്ലുകളിലെ വഅള് പരിപാടികളിലെ ഒഴിച്ചുകൂടാനാവാത്ത മൗലവിമാര്‍ ആയിരുന്ന അവര്‍ രണ്ടുപേരും.

രാജ്ദൂദ് ബൈക്കിന്മേല്‍ ചീറിപാഞ്ഞിരുന്ന മൗലവി അക്കാലത്തൊരു അത്ഭുതമായിരുന്നൂ.ബിസിനസിനോടൊപ്പം ഫുള്‍ടൈം ഇസ്ലാമിക പ്രബോധന പ്രവര്‍ത്തനവും എങ്ങനെ കൊണ്ടുനടക്കാം എന്നതിന് നല്ലൊരു മാതൃകകൂടിയായിരുന്നു.

ആദ്യകാലങ്ങളില്‍ മറ്റുള്ളവര്‍ക്ക് നല്കാന്‍ വേണ്ടി കൂടെ കൊണ്ടുനടന്നിരുന്ന ഐ പി എച്ച് സാഹിത്യങ്ങളും അറബിഗ്രന്ഥങ്ങളും പഴയപോലെ യാത്രചെയ്യാന്‍ പ്രയാസമായതോട്കൂടിഐ.എസ്.ടി ബില്‍ഡിംഗില്‍ സ്വന്തമായി ഒരു ബുക്ക്സ്റ്റാളിന് തുടക്കംകുറിച്ചു .

പ്രവാസികളെ ചേര്‍ത്തുപിടിച്ച മൗവവി

മാള ഹെവന്‍സ് പ്രീപ്രൈമറി സ്കൂള്‍ ആരംഭിക്കുന്നതിന്റെ ഭാഗമായി യു.എയില്‍ വന്ന മൗലവി അന്നുചെയ്ത ലഘു പ്രഭാണത്തില്‍ പ്രവാസികളായ ഓരോത്തരും അല്ലാഹുവിന്റെ മാര്‍ഗ്ഗത്തിലുള്ള ഹിജ്റയിലാണ് കാരണം കുടുബം പോറ്റാനും അതോടൊപ്പം നാട്ടിലെ ഇസ്ലാമിക പ്രബോധന പ്രവര്‍ത്തനങ്ങള്‍ക്കും അശണരും അഗതികളും പട്ടിണിപ്പാവങ്ങളുംരോഗികളുംഎന്ന് വേണ്ട സല്‍കര്‍മ്മങ്ങള്‍ക്ക് വേണ്ടി അദ്ധ്വനിച്ചണ്ടാക്കുന്ന സമ്പാദ്യത്തല്‍നിന്നും നിങ്ങള്‍ ഒരുവിഹിതം ചിലവഴിച്ചാല്‍ അത് അല്ലാഹുവിന്റെ മാര്‍ഗ്ഗത്തില്‍ ഹിജ്റ ചെയ്തകൂലി കിട്ടുമെന്ന് ഓര്‍മ്മിപ്പിച്ചമൗലവി.

ഒരുപാട് നല്ല ഓർമ്മകളും നന്മകളും ബാക്കിയാക്കി നമ്മുടെ മൗലവി യാത്രയായി .
അല്ലാഹുവിന്റെ ഇഷ്ട ദാസന്മാരിൽ ഉൾപ്പെടുത്തി ജന്നാത്തുൽ ഫിര്‍ദൗസില്‍ ഉൾപ്പെടുത്തി അനുഗ്രഹിക്കുമാറാകട്ടെ .🤲🤲🤲🤲

സഗീര്‍ ഇബ്രാഹിം

14/11/2023

മാള മൗലവിയെ അല്ലാഹു തിരിച്ചുവിളിച്ചു انا لله وأنا اليه راجعون

ബഹുമാന്യനായ മാള ടി എ മുഹമ്മദ് മൗലവി അല്ലാഹുവിലേക്ക് യാത്രയായി. അമലുകള്‍ക്കൊണ്ടും അറിവുകൊണ്ടും സമ്പന്നമായ ഒരു ആയുസാണ് അവസാനിച്ചത്.

ഇഹലോക ജീവിതം കൊണ്ട് എന്താണോ അല്ലാഹു ഉദ്ദേശിച്ചത്, അത് പൂര്‍ണമായും പൂര്‍ത്തീകരിച്ച വ്യക്തിത്വമാണ് മുഹമ്മദ് മൗലവി .

ഇസ്‌ലാമിക പ്രസ്ഥാനത്തിന്റെ ആദ്യകാലം മുതലേ പ്രസ്ഥാനവുമായി ബന്ധപ്പെടുകയും ആ സന്ദേശവുമായി കേരളത്തിലാകെ സഞ്ചരിക്കുകയും ചെയ്ത പ്രതിഭയായിരുന്നു അദ്ദേഹം. ആ മാര്‍ഗത്തില്‍ വലിയ ത്യാഗവും അദ്ദേഹം അനുഷ്ഠിച്ചിട്ടുണ്ട്.

അനേകം സാധാരണക്കാരുമായും രാഷ്ട്രീയ നേതാക്കളുമായും സാഹിത്യ, സാംസ്‌കാരിക രംഗത്തെ പ്രമുഖരുമായും മതപണ്ഡിതരുമായും രഹസ്യമായും പരസ്യമായും ഉറ്റബന്ധം കാത്തുസൂക്ഷിക്കുകയും അതൊക്കെയും പ്രസ്ഥാന സന്ദേശ പ്രചാരണത്തിനുപയോഗിക്കുകയും ചെയ്തു.

ജീവിതത്തിലെ വിശുദ്ധിയും പരലോകബോധവും അല്ലാഹുമായുള്ള അഗാധബന്ധവും ലാളിത്യവും മാതൃകാപരമാണ്.

അദ്ദേഹത്തിന്റെ പ്രേരണയാല്‍, പ്രചോദനത്താല്‍, മാര്‍ഗദര്‍ശനത്താല്‍ വിശുദ്ധമായ ജീവിതത്തിലേക്ക് കടന്നുവന്നവര്‍ ധാരാളമുണ്ട്.

അല്ലാഹു അദ്ദേഹത്തിന് മഗ്ഫിറത്തും മര്‍ഹമത്തും നല്‍കി അനുഗ്രഹിക്കട്ടെ.
അദ്ദേഹത്തെയും നമ്മെയും ജന്നാതുല്‍ ഫര്‍ദൗസില്‍ ഉന്നതസ്ഥാനം നല്‍കുമാറാകട്ടെ. അദ്ദേഹത്തിന്റെ വിയോഗം പ്രയാസപ്പെടുത്തുന്ന എല്ലാവര്‍ക്കും അല്ലാഹും ആശ്വാസം നല്‍കുമാറാകട്ടെ.

P Mujeebu Rahman

23/09/2023

സൗഹൃദത്തിന്റെ
ഇഴയടുപ്പം തീർത്ത്
സൗഹൃദ ജുമുഅഃ

സാഹോദര്യത്തിന്റെയും ഐക്യത്തിന്റെയും സന്ദേശവുമായി
പട്ടേപ്പാടം കുന്നുമ്മൽകാട്
അന്നൂർ ജുമാ മസ്ജിദിൽ സംഘടിപ്പിച്ച സൗഹൃദ ജുമുഅ ശ്രദ്ധേയമായി.

സാമൂഹിക-സാംസ്കാരിക മേഖലയിലെ പ്രമുഖരാണ് കുന്നുമ്മൽ ക്കാട്
അന്നൂർ മസ്ജിദിൽ വെള്ളിയാഴ്ച ഉച്ചക്ക് നടന്ന പ്രാർത്ഥനയുടെ ഭാഗമാകുവാൻ എത്തിയത്.

കാലിക പ്രസക്തിയുള്ള
ഈ ഒത്തുചേരലിന് നേതൃത്വം നൽകിയ ജമാഅത്തെ ഇസ്‌ലാമി ഇരിഞ്ഞാലക്കുട ഏരിയ പ്രസിഡന്റ്.
M. A ത്വൽഹത്ത് സാഹിബിനും, ജമാഅത്തെ ഇസ്ലാമി പട്ടേപ്പാടം കുന്നുമ്മൽ ക്കാട് ഹൽഖാ പ്രവർത്തകർക്കും
ജമസ്ജിദ് ഭാരവാഹികൾക്കും
ഹൃദയാഭിവാദ്യങ്ങൾ... ❤️

17/09/2023

https://youtube.com/watch?v=Taa1wFYnCwc&feature=sharedജമാ അത്തെ ഇസ് ലാമി തൃശൂർ ജില്ലാ ചരിത്ര ഡോക്യുമെന്ററി - "നക്ഷത്രങ്ങൾ കാണാതിരുന്നത് " സംസ്ഥാന ശൂറാംഗം അബ്ദുൾ ഹമീദ് വാണിയമ്പലം യു ട്യൂബിൽ പ്രകാശനം ചെയ്തു. ജില്ലാ വൈസ് പ്രസിഡണ്ട് മുനീർ വരന്തരപ്പിള്ളി, സെക്രട്ടറി ഒമർ അബൂബക്കർ, ഏരിയ പ്രസിഡണ്ടുമാരായ കെ.എം. നാസർ, മുഹമ്മദ് ത്വൽഹത്ത് എന്നിവർ സന്നിഹിതരായിരുന്നു. പി.ആർ സെകട്ടറി ആർ.എം.സുലൈമാൻ പദ്ധതി വിശദീകരിച്ചു.
ഒരു മണിക്കൂർ ദൈർഘ്യമുള്ള ഡോക്യുമെന്ററിയുടെ തിരക്കഥയും സംവിധാനവും ചെയ്തത് എം.സക്കീർ ഹുസൈനാണ്. ആർ.എം.സുലൈമാനാണ് എക്സിക്യൂട്ടീവ് പ്രൊഡ്യൂസർ . ക്യാമറ നൂറുദ്ദീൻ ബാവയും, എഡിറ്റിങ്ങ് റിസാൽ ജൈനിയുമാണ് നിർവ്വഹിച്ചിരിക്കുന്നത്.

തൃശൂർ ജില്ലയിലെ ജമാഅത്തെ ഇസ് ലാമി ചരിത്രം.പ്രമുഖ സാംസ്കാരിക പ്രവർത്തകർ ജമാഅത്തിനെ വിലയിരുത്തുമ്പോൾ... രചന, സംവ.....

04/08/2023

ജമാഅത്തെ ഇസ്‌ലാമി കേരള അമീർ പി.മുജീബ് റഹ്മാന് തൃശൂർ പൗരാവലി നൽകിയ സ്വീകരണത്തിൽ മണിപ്പൂർ കലാപ ഇരകളോട് ഐക്യദാർഢ്യം പ്രഖ്യാപിക്കുന്നു..✊