17/01/2025
https://www.facebook.com/share/p/19mLiasCK4/
ഗ്രാമരക്ഷകനായ ചാത്തക്കുടം ശാസ്താവിന്റെ 1443-)മത് പെരുവനം, പിടിക്കപ്പറമ്പ്, ആറാട്ടുപുഴ പൂരം 2025
പെരുവനം - പിടിക്കപ്പറമ്പ് - ആറാട്ടുപുഴ ദേവമേളയുടെ പ്രധാന ചടങ്ങുകളിൽ എല്ലാം പെരുവനം ഗ്രാമത്തിന്റെ രക്ഷകനായ ചാത്തക്കുടം ശാസ്താവിന്റെ സാന്നിധ്യം ഉണ്ട്. പെരുവനം, പിടിക്കപ്പറമ്പ്, ആറാട്ടുപുഴ തുടങ്ങി പൂരങ്ങളിലെ പ്രധാന വേദികളായ എല്ലാം സ്ഥലത്തും ചാത്തക്കുടം ശാസ്താവിന്റെ പ്രാധാന്യം ശ്രദ്ധേയമാണ്. ദേവമേളയിൽ ഏറ്റവും അധികം ഗ്രാമങ്ങൾ സന്ദർശിക്കുന്നതും, ഏറ്റവും അധികം പൂരങ്ങളിൽ പങ്കെടുക്കുന്നതും ശാസ്താവാണ്. ശാസ്താവിന്റെ 8 പൂരങ്ങളിൽ 7ലും ശാസ്താവ് മറ്റു ദേവീദേവന്മാരുടെ കൂടെ എഴുന്നള്ളിക്കുന്നു എന്നത് ഒരു പ്രത്യേകതയാണ്.
ദേവനെ ആദ്യമായ് പുറത്തേക്ക് എഴുന്നള്ളിക്കുന്ന തിരുവാതിര പുറപ്പാടിന് ശാസ്താവിനെ പുറപ്പെടുവിക്കാൻ ചക്കംകുളങ്ങര ശാസ്താവും തൈക്കാട്ടുശ്ശേരി ഭഗവതിയും എത്തുന്നത്തോടെ പൂര ചടങ്ങുകൾ ആരംഭിക്കുന്നു. മറ്റു ക്ഷേത്രങ്ങളിൽ നിന്ന് വ്യത്യസ്തമായി ശാസ്താവിന്റെ പുറപ്പാടിന് മറ്റു ദേവീദേവന്മാർ പങ്കെടുക്കുന്നു എന്നത് ശ്രദ്ധേയമാണ്. തൈക്കാട്ടുശ്ശേരി പൂരം, നറുകുളങ്ങര പുണർതം ആറാട്ട്, ചക്കംകുളങ്ങര വിളക്ക് എന്നീ എല്ലാ പൂരത്തിലും ചാത്തക്കുടം ശാസ്താവ് പങ്കെടുക്കുന്നു. പെരുവനം പൂരത്തിൽ തൊട്ടിപ്പാൾ ഭഗവതിയോടൊപ്പം ചരിത്രപ്രസിദ്ധമായ കയറ്റ പഞ്ചാരിക്കു ശേഷം, ശാസ്താവ് ഊരകത്തമ്മതിരുവടിയോടൊപ്പം കയറ്റ പഞ്ചാരിയിൽ പങ്കെടുക്കുന്നു. പഞ്ചാരി മേളത്തിന്റെ ഈറ്റില്ലമായ പെരുവനം നടവഴിയിൽ മൂന്ന് പ്രധാന മേളങ്ങളിൽ രണ്ടിലും ശാസ്താവിന്റെ സാന്നിധ്യം ഉണ്ട്. പിടിക്കപ്പറമ്പിൽ ചാത്തക്കുടം ശാസ്താവാണ് ആതിഥേയൻ. പിടിക്കപ്പറമ്പ് പൂരത്തിന് മാത്രമാണ് ശാസ്താവ് ഒറ്റക്ക് എഴുന്നെള്ളുന്നത്. പിടിക്കപ്പറമ്പ് ആനയോട്ടത്തിന് നായക സ്ഥാനം അലങ്കരിച്ചു നിലപാട് നിൽക്കുന്നത് ആതിഥേയനായ ചാത്തക്കുടം ശാസ്താവാണ്.
പൂരം നാളിൽ തൊട്ടിപ്പാൾ ക്ഷേത്രത്തിലെ കാപ്പ്കെട്ട് വളരെ അപൂർവമായ ചടങ്ങാണ്. ആറാട്ടുപുഴ പൂരത്തിൽ തൊട്ടിപ്പാളുമൊപ്പമുള്ള പൂരം കഴിഞ്ഞാൽ തൃപ്രയാർ തേവർ എത്തുന്നത് വരെ നിലപാട് നില്കുന്നത് ചാത്തക്കുടം ശാസ്താവാണ്. ഭൂമിയിലെ വൈകുണ്ഠ ദർശനമായ കൂട്ടിയെഴുന്നെള്ളിപ്പിൽ സഹോദരിയായ ഊരകത്തമ്മതിരുവടിയുടെ കൂടെ ശാസ്താവും പങ്കെടുക്കുന്നു. പൂരങ്ങളുടെ സമാപനം കുറിച്ച് കൊണ്ടുള്ള ഗ്രാമരക്ഷകരുടെ ഗ്രാമബലിക്കു ചാത്തക്കുടം തിരുവുള്ളക്കാവ് ശാസ്താക്കന്മാർ ഒരു ആനപ്പുറത്തു എഴുന്നെള്ളുന്നത് അപൂർവങ്ങളിൽ അപൂർവമായ മറ്റൊരു ചടങ്ങാണ്.
-
ശാസ്താവിന്റെ/ശാസ്താവ് പങ്കെടുക്കുന്ന പൂരങ്ങൾ
1. ചാത്തക്കുടം തിരുവാതിര പുറപ്പാട്
2. ചക്കംകുളങ്ങര പുണർതം വിളക്ക്
3. പെരുവനം പൂരം - ശാസ്താവും, തൊട്ടിപ്പാൾ ഭഗവതിയും
4. പെരുവനം പൂരം - ശാസ്താവും, ഊരകത്തമ്മതിരുവടിയും
5. പിടിക്കപ്പറമ്പ് പൂരം
6. ആറാട്ടുപുഴ പൂരം - ശാസ്താവും, തൊട്ടിപ്പാൾ ഭഗവതിയും
7. കൂട്ടി എഴുന്നെള്ളിപ്പ്
8. പെരുവനം പകൽ പൂരം
ചാത്തക്കുടം ശ്രീധർമ്മശാസ്താവിന്റെ
1443-)മത് പെരുവനം ആറാട്ടുപുഴ പൂരം
കൊടിയേറ്റം - 2025 ഏപ്രിൽ 3
ചമയ - ദ്രവ്യ സമർപ്പണം - 2025 ഏപ്രിൽ 3
ചാത്തക്കുടം തിരുവാതിര പുറപ്പാട്
- 2025 ഏപ്രിൽ 4
പെരുവനം പൂരം - 2025 ഏപ്രിൽ 6
പിടിക്കപ്പറമ്പ് പൂരം - 2025 ഏപ്രിൽ 7
പിടിക്കപ്പറമ്പ് ആനയോട്ടം - 2025 ഏപ്രിൽ 8
ആറാട്ടുപുഴ പൂരം 2025 ഏപ്രിൽ 9
കടപ്പാട് :- ❤️
