Pavaratty Church - Sanjos Voice

20/05/2026

നോമ്പു ദിനങ്ങളിൽ എല്ലാ ദിവസവും വിശുദ്ധ കുർബ്ബാനയ്ക്കു വന്ന കുഞ്ഞുമക്കളുടെ ആഹ്ലാദകരമായ ടൂർ...| പാവറട്ടി ഇടവക

19/05/2026

17/05/2026

*പാവറട്ടി തീർത്ഥകേന്ദ്രത്തിൽ നവീകരണ നിറവ്: അണിയറപ്രവർത്തകർക്ക് ആദരം*
​ വിശുദ്ധ യൗസേപ്പിതാവിന്റെ തീർത്ഥകേന്ദ്രം അതിന്റെ ജൂബിലി സ്മാരകമായി അത്യാധുനിക രീതിയിൽ നവീകരിച്ച തീർത്ഥകേന്ദ്രത്തിന്റെ പുനരുദ്ധാരണ പ്രവൃത്തികൾ പൂർത്തിയായതോടെ, ഇതിനായി അഹോരാത്രം പ്രയത്നിച്ച പ്രതിഭകളെ ആദരി ച്ചു.
​ദേവാലയത്തിന്റെ പണികൾ സമയബന്ധിതമായും ഭംഗിയായും ഏറ്റെടുത്തു നടത്തിയ കോൺട്രാക്ടർമാർ, നിർമ്മാണ തൊഴിലാളികൾ, രാത്രിയെന്നോ പകലെന്നോ ഇല്ലാതെ മേൽനോട്ടം വഹിച്ച കമ്മറ്റി അംഗങ്ങൾ എന്നിവരെ ചടങ്ങിൽ മെമന്റോകൾ നൽകി ആദരിച്ചു.
അത്ഭുതകരമായ പുനർനിർമ്മാണം
​കേവലം എട്ട് മാസം എന്ന ചുരുങ്ങിയ കാലയളവിനുള്ളിലാണ് പാവറട്ടി പള്ളിയെ ഇത്രയേറെ മനോഹരവും ആകർഷകവുമായ രീതിയിൽ പുനർനിർമ്മിച്ചത്. ഈ ദൗത്യം വിജയകരമായി പൂർത്തിയാക്കിയ പ്രശസ്ത ആർക്കിടെക്ട് സന്തോഷ് ജോർജിനെ വികാരിയച്ചൻ ചടങ്ങിൽ പ്രത്യേകം പ്രശംസിച്ചു. നിർമ്മാണ രംഗത്തെ അദ്ദേഹത്തിന്റെ മികച്ച ആസൂത്രണവും സർഗ്ഗാത്മകതയുമാണ് ഇത്രയും ചുരുങ്ങിയ സമയത്തിനുള്ളിൽ ദേവാലയത്തിന് ഒരു പുതിയ മുഖഛായ നൽകാൻ സഹായിച്ചത്.
​ഹൃദയം കവർന്ന് 'അൾത്താര മെമന്റോ'
​ആദരിക്കൽ ചടങ്ങിൽ പങ്കെടുത്തവർക്കെല്ലാം ഏറെ വികാരനിർഭരവും സന്തോഷകരവുമായ ഒരു സമ്മാനമാണ് ജൂബിലി കമ്മറ്റി ഒരുക്കിയിരുന്നത്. നവീകരിച്ച തീർത്ഥകേന്ദ്രത്തിന്റെ അതിമനോഹരമായ അൾത്താരയുടെ, ഗ്ലാസിൽ തീർത്ത ഒരു ചെറിയ പതിപ്പാണ് (Miniature) എല്ലാവർക്കും മെമന്റോയായി നൽകിയത്. അൾത്താരയുടെ ഈ കുഞ്ഞുരൂപം തങ്ങളുടെ വീടുകളിൽ സൂക്ഷിക്കാൻ കഴിയുന്നത് വലിയൊരു അനുഗ്രഹമാണെന്ന് പുരസ്കാരം ഏറ്റുവാങ്ങിയവർ ഭക്തിപൂർവ്വം സാക്ഷ്യപ്പെടുത്തി.
​"ഒരുമയോടെയുള്ള പ്രാർത്ഥനയുടെയും കഠിനാധ്വാനത്തിന്റെയും ഫലമാണ് നവീകരിക്കപ്പെട്ട ഈ ദൈവാലയം. ചരിത്രപരമായ ഈ ജൂബിലി വേളയിൽ പാവറട്ടി തീർത്ഥകേന്ദ്രത്തിന്റെ ഭംഗി കൂട്ടാൻ കൈകോർത്ത എല്ലാവരോടും നന്ദി പറയുന്നു

​സൗന്ദര്യത്തിലും ആത്മീയ അന്തരീക്ഷത്തിലും ഇരട്ടി മധുരവുമായി നിൽക്കുന്ന പാവറട്ടി തീർത്ഥകേന്ദ്രം ഇനി വരുന്ന തലമുറകൾക്കും ഭക്തിയുടെയും സമർപ്പണത്തിന്റെയും വലിയൊരു അടയാളമായി നിലകൊള്ളും എന്നതിൽ സംശയമില്ല.

13/05/2026

*പാവറട്ടി തീർത്ഥകേന്ദ്രം ദേവാലയ നവീകരണ കൂപ്പൺ നറുക്കെടുപ്പ്: വിജയികൾക്ക് സമ്മാനങ്ങൾ വിതരണം ചെയ്തു*
പാവറട്ടി: പാവറട്ടി വിശുദ്ധ യൗസേപ്പിതാവിന്റെ തീർത്ഥകേന്ദ്രത്തിലെ ശതോത്തര സുവർണ ജൂബിലി ആഘോഷങ്ങളുടെ ഭാഗമായി സംഘടിപ്പിച്ച ദേവാലയ നവീകരണ സംഭാവന കൂപ്പൺ നറുക്കെടുപ്പിലെ വിജയികൾക്ക് സമ്മാനങ്ങൾ കൈമാറി. തീർത്ഥകേന്ദ്രം റെക്ടർ ഫാ. ആന്റണി ചെമ്പകശേരി വിജയികൾക്ക് സമ്മാനങ്ങൾ വിതരണം ചെയ്തു.
എൽസി തോമാസ് (കൂപ്പൺ No. 4710) ഒന്നാം സമ്മാനത്തിന് അർഹനായി. പി.കെ. തോമാസ് (No. 6969) രണ്ടാം സമ്മാനവും, എബിൻ ബാബു കെ. (No. 0171) മൂന്നാം സമ്മാനവും കരസ്ഥമാക്കി. നാലാം സമ്മാനം ജൂലിയറ്റ് തോമച്ചനും (No. 3927), അഞ്ചാം സമ്മാനം സിസ്റ്റർ അഞ്ചൽ പാലയൂരും (No. 5806) ഏറ്റുവാങ്ങി. കൂടാതെ, കൊച്ചച്ചൻമാരുടെ നേതൃത്വത്തിൽ പ്രോത്സാഹന സമ്മാനാർഹരായവർക്ക് 5000 രൂപയോളം വിലമതിക്കുന്ന സമ്മാനങ്ങളും നൽകി.
ചടങ്ങിൽ അസിസ്റ്റന്റ് വികാരിമാരായ ഫാ. ഫ്രാങ്കോ ഫ്രോണിസ്, ഫാ. അമൽ ചാഴൂർ എന്നിവർ പങ്കെടുത്തു. കൈക്കാരന്മാരായ ജോസഫ് ലിയോ ഒ.ടി., ജോസൻ കെ.എ, ജയ്സൺ വടുക്കൂട്ട്, ബാബു കെ. ജെ, ദേവാലയ നവീകരണ ഫിനാൻസ് കൺവീനർ ഒ.ജെ. ഷാജൻ, അസിസ്റ്റന്റ് കൺവീനർ തോംസൺ വി.ജി, മാർട്ടിൻ നീലംകാവിൽ, ചെറിയാൻ തരകൻ, വിൻസന്റ്, റാഫി നീലംങ്കാവിൽ എന്നിവർ സന്നിഹിതരായിരുന്നു. ദേവാലയത്തിന്റെ 150-ാം വാർഷികാഘോഷങ്ങളുടെയും (ശതോത്തര സുവർണ ജൂബിലി) നവീകരണ പ്രവർത്തനങ്ങളുടെയും ഭാഗമായി വിശ്വാസികളുടെ സഹകരണത്തോടെയാണ് ഈ പദ്ധതി നടപ്പിലാക്കിയത്. വൻ ജനപങ്കാളിത്തത്തോടെ നടന്ന നറുക്കെടുപ്പ് പരിപാടി തീർത്ഥകേന്ദ്രത്തിന്റെ വികസന പ്രവർത്തനങ്ങൾക്ക് വലിയ കരുത്തുപകരുന്ന ഒന്നായി മാറി.
മെയ് 31 വരെ നറുക്കെടുപ്പ് വിജയികൾക്ക് സമ്മാനങ്ങൾ വിതരണം ചെയ്യും. രാവിലെ 9:30 മുതൽ ഉച്ചക്ക് 12:30 വരെയുള്ള സമയത്താണ് പള്ളി ഓഫീസിൽ നിന്ന് സമ്മാനങ്ങൾ കൊടുക്കുക.

10/05/2026

*പാവറട്ടി തീർത്ഥകേന്ദ്രത്തിൽ ഭക്തിസാന്ദ്രമായ ജൂബിലി സമാപനം; നവീകരണ കൂപ്പൺ നറുക്കെടുപ്പ് നടന്നു*
​പാവറട്ടി വിശുദ്ധ യൗസേപ്പിതാവിന്റെ തീർത്ഥകേന്ദ്രത്തിലെ ശതോത്തര സുവർണ ജൂബിലി ആഘോഷങ്ങൾക്ക് ഉജ്ജ്വല സമാപനം. ആഘോഷങ്ങളുടെ ഭാഗമായി സംഘടിപ്പിച്ച ദേവാലയ നവീകരണ സംഭാവന കൂപ്പൺ നറുക്കെടുപ്പ് നിറഞ്ഞ സദസ്സിനെ സാക്ഷിയാക്കി തീർത്ഥാടന കേന്ദ്രത്തിൽ വെച്ച് നടന്നു.
​
​തീർത്ഥകേന്ദ്രം റെക്ടർ ഫാ. ആന്റണി ചെമ്പകശ്ശേരി, അസിസ്റ്റന്റ് വികാരിമാരായ ഫാ. ഫ്രാങ്കോ ഫ്രോണിസ്, ഫാ. അമൽ ചാഴൂർ, ഡീക്കൻ ജോബി വായാട്ടുകുഴി എന്നിവർ നറുക്കെടുപ്പ് കർമ്മങ്ങൾക്ക് നേതൃത്വം നൽകി. നവീകരണ കമ്മിറ്റി ഫിനാൻസ് കൺവീനർ ഒ. ജെ. ഷാജൻ മാസ്റ്റർ ചടങ്ങിൽ സ്വാഗതം ആശംസിച്ചു.
​ഫാ. ആന്റണി ചെമ്പകശ്ശേരി അദ്ധ്യക്ഷത വഹിച്ച ചടങ്ങിൽ നടത്തുകൈക്കാരൻ ജോസഫ് ലിയോ, ജോബി ഡേവിഡ്, ചെറിയാൻ തരകൻ, മാർട്ടിൻ നീലംകാവില്‍ എന്നിവർ ആശംസകൾ അർപ്പിച്ചു സംസാരിച്ചു.

​നിരവധി പേർ ആകാംക്ഷയോടെ കാത്തിരുന്ന നറുക്കെടുപ്പിലെ പ്രധാന സമ്മാനങ്ങൾ ഇവയായിരുന്നു:
​ഒന്നാം സമ്മാനം: മഹീന്ദ്ര താർ
​രണ്ടാം സമ്മാനം: മാരുതി വാഗൺ ആർ
​മൂന്നാം സമ്മാനം: റോയൽ എൻഫീൽഡ് ബുള്ളറ്റ്
​നാലാം സമ്മാനം: ആക്ടിവ സ്കൂട്ടർ
​അഞ്ചാം സമ്മാനം: ഇലക്ട്രിക് സ്കൂട്ടർ
​ഇവ കൂടാതെ 150 പ്രോത്സാഹന സമ്മാനങ്ങളും വിജയികൾക്ക് നൽകി. ദേവാലയ നവീകരണത്തിനായി ഉദാരമായി സംഭാവന നൽകിയവരെയും, കൂടുതൽ കൂപ്പൺ പുസ്തകങ്ങൾ വിറ്റഴിക്കാൻ സഹായിച്ചവരെയും ചടങ്ങിൽ പ്രത്യേകം ആദരിച്ചു.
​
​നറുക്കെടുപ്പ് ചടങ്ങിന് മാറ്റുകൂട്ടാൻ പ്രശസ്തമായ തേക്കിൻകാട് മ്യൂസിക് ബാൻഡും, ആട്ടം കലാസമിതിയുടെ ചെണ്ടമേളവും,ചേർന്ന മെഗാ ഫ്യൂഷൻ മ്യൂസിക് ഷോയും അരങ്ങേറി. ഇടവക ജനങ്ങളുടെയും ഭക്തജനങ്ങളുടെയും വലിയ പങ്കാളിത്തം പരിപാടിയെ ശ്രദ്ധേയമാക്കി.

09/05/2026

പാവറട്ടി: പാവറട്ടി വി.യൗസേപ്പിതാവിൻ്റെ തീർത്ഥകേന്ദ്രത്തിൽ 2026 മെയ് 9 ശനിയാഴ്ച വൈകുന്നേരം ഇടവക ദിനം വിപുലമായ പരിപാടികളോടെ സംഘടിപ്പിച്ചു. സി.എൽ.സി, കെ.സി.വൈ.എം അംഗങ്ങൾ അവതരിപ്പിച്ച പ്രാർത്ഥന നൃത്തത്തോടെയാണ് ആഘോഷങ്ങൾക്ക് തുടക്കമായത്.
മാനേജിംഗ് ട്രസ്റ്റി ലിയോ മാസ്റ്റർ സ്വാഗതം ആശംസിച്ച ചടങ്ങിൽ പാവറട്ടി തീർത്ഥകേന്ദ്രം വികാരി ഫാ. ആന്റണി ചെമ്പക്കശ്ശേരി അധ്യക്ഷത വഹിച്ചു. തൃശൂർ അതിരൂപത സഹായമെത്രാൻ മാർ ടോണി നീലങ്കാവിൽ ഉദ്ഘാടനം നിർവഹിച്ചു.
നവവൈദികൻ ഫാ. ജെയ്മോൻ അറയ്ക്കൽ വി.സി, നവസന്യാസിനി സിസ്റ്റർ അലീന ജോബി പാവറട്ടി പഞ്ചായത്ത് പ്രസിഡന്റ് മിസ്റ്റർ ആന്റോ ലിജോ, സി.എം.സി കോൺവെന്റ് മദർ സിസ്റ്റർ ലിസ്‌ലറ്റ് എന്നിവരെ ചടങ്ങിൽ അനുമോദിച്ചു.
തുടർന്ന് ബെത്‌ലഹേം, നസ്രത്ത്, ഗലീലി, ജെറുസലേം എന്നീ കുടുംബക്കൂട്ടായ്മ മേഖലകളുടെ നേതൃത്വത്തിൽ ഗ്രൂപ്പ് ഡാൻസ്, സ്കിറ്റ്, വഞ്ചിപ്പാട്ട് തുടങ്ങിയ വിവിധ കലാപരിപാടികൾ അരങ്ങേറി. കേന്ദ്രസമിതി കൺവീനർ എ.എൽ കുര്യാക്കോസ് നന്ദി രേഖപ്പെടുത്തി.അസിസ്റ്റന്റ് വികാരി ഫാ. ഫ്രാങ്കോ ചെറുതാണിക്കൽ, ഫാ. അമൽ ചാഴൂർ, ഡീക്കൻ ജോബി വടയാറ്റുകുഴിയിൽ, കൈരാന്മാർ എന്നിവർ ചേർന്ന് ചടങ്ങുകൾക്ക് നേതൃത്വം നൽകി.

05/05/2026

പൗരോഹിത്യ സ്വീകരണവും പ്രഥമദിവ്യബലിയർപ്പണവും. ഫാ. ജെയ്മോൻ അറയ്ക്കൽ