18/11/2025
ഭക്തജനങ്ങളെ.
ആറ്റുകാൽ ഭഗവതി ക്ഷേത്രം ട്രസ്റ്റ് സാമൂഹിക ക്ഷേമ പ്രവർത്തനങ്ങളുടെ ഭാഗമായി വർഷങ്ങളായി പല പദ്ധതികളും ആവിഷ്കരിച്ചു നടപ്പിലാക്കികൊണ്ടിരിക്കുന്നു. നിർധനരായ രോഗികൾക്കുള്ള ചികിത്സാസഹായം, സാമ്പത്തികമായി പിന്നാക്കം നിൽക്കുന്ന വിദ്യാർത്ഥികൾക്ക് നൽകുന്ന ധനസഹായം കൂടാതെ സമൂഹത്തിന്റെ മറ്റു ആവശ്യങ്ങൾ മുൻനിർത്തിയുള്ള ക്ഷേമപ്രവർത്തനങ്ങളും ട്രസ്റ്റ് പങ്കാളിയാകുവാറുണ്ട്.
ചികിത്സാ സഹായം ഒന്നാം ഘട്ടം തിരുവനന്തപുരം റീജണൽ ക്യാൻസൽ സെന്ററിൽ ചികിത്സ തേടുന്ന 104 രോഗികൾക്ക് Rs 15,000/- വച്ച് Rs 15,60,000/- ശ്രീചിത്ര തിരുനാൾ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ് ആൻഡ് ടെക്നോളജിയിൽ ചികിത്സയിലുള്ള 47 പേർക്ക് Rs 10,000/- വച്ച് Rs 4,70,000/- കൂടി ആകെ Rs 20,30,000/- രൂപയുടെ ചികിത്സാസഹായമാണ് നൽകിയത്.
ട്രസ്റ്റ് ചെയർമാൻ ശ്രീ എസ്. വേണുഗോപാലിൻറെ അധ്യക്ഷതയിൽ കൂടിയ യോഗത്തിൽ ട്രസ്റ്റ് പ്രസിഡൻറ് ശ്രീമതി വി . ശോഭ സ്വാഗതം ആശംസിച്ചു, സാമൂഹിക ക്ഷേമ കമ്മിറ്റി കൺവീനർ ശ്രീമതി ജെ. രാജലക്ഷ്മി റിപ്പോർട്ട് അവതരിപ്പിച്ചു, ധനസഹായ വിതരണം ഡോക്ടർ ആർ .രജനീഷ് കുമാർ (ഡയറക്ടർ റീജിനൽ ക്യാൻസൽ സെൻറർ തിരുവനന്തപുരം), ഡോക്ടർ വിവേക്. വി. പിള്ള (പ്രൊഫസർ ആൻഡ് ഹെഡ് ഓഫ് കാർഡിയോ വാസ്കുലർ ആൻഡ് തോറസിക് സർജറി , ശ്രീ ചിത്ര തിരുനാൾ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ് ആൻഡ് ടെക്നോളജി) എന്നിവർ നിർവഹിച്ചു. ആശംസ പ്രസംഗം ശ്രീമതി എ ഗീതാ കുമാരി (ട്രഷറർ ,ആറ്റുകാൽ ഭഗവതി ക്ഷേത്രം ട്രസ്റ്റ്), ശ്രീ പി .കെ കൃഷ്ണൻ നായർ (വൈസ് പ്രസിഡൻറ്, ആറ്റുകാൽ ഭഗവതി ക്ഷേത്രം ട്രസ്റ്റ്), ശ്രീ എ .എസ് അനുമോദ് (ജോയിൻ സെക്രട്ടറി, ആറ്റുകാൽ ഭഗവതി ക്ഷേത്രം ട്രസ്റ്റ്) എന്നിവർ നിർവഹിച്ചു. ശ്രീ കെ ശരത് കുമാർ (സെക്രട്ടറി, ആറ്റുകാൽ ഭഗവതി ക്ഷേത്രം ട്രസ്റ്റ്) കൃതജ്ഞത നിർവഹിച്ചു.
