Arappura Shri Easwari Amman Saraswathi Devi Temple

17/04/2026

29/04/2025

13/10/2024

#വിദ്യാരംഭം

വിദ്യ ആരംഭിക്കുന്ന ദിനമാണ് വിജയദശമി. വിജയദശമി നാളില്‍ വിദ്യാരംഭം കുറിക്കുന്നതിന്‌ പ്രത്യേക മുഹൂര്‍ത്തം നോക്കേണ്ടതില്ല. മഹാനവമിയുടെ പിറ്റേ ദിവസമാണ്‌ വിജയദശമി.

കുട്ടിക്ക്‌ അനുയോജ്യമായ മുഹൂര്‍ത്തം കുറിച്ച്‌ വാങ്ങി നാവില്‍ ആദ്യാക്ഷരമെഴുതിക്കുന്ന സമ്പ്രദായമാണ്‌ പണ്ടുകാലത്ത് കേരളത്തില്‍ നിലനിന്നിരുന്നത്‌. എന്നാല്‍ ഇപ്പോള്‍ എഴുത്തിനിരുത്തുന്നത് വിജയദശമി ദിനങ്ങളില്‍ മാത്രമായി ചുരുങ്ങി.

വിജയദശമി നാളില്‍ നവമി ബാക്കിയുണ്ടെങ്കില്‍ അതും കഴിഞ്ഞ ശേഷമേ വിദ്യാരംഭം തുടങ്ങാവു എന്ന്‌ മാത്രം. വിജയദശമി ദിവസം രാവിലെ പ്രാര്‍ത്ഥനയ്‌ക്ക് ശേഷം പൂജ എടുക്കും. അതിന്‌ ശേഷം മണലിലോ ഉണക്കലരിയിലോ

“ഓം ഹരിഃ ശ്രീ ഗണപതയേ നമഃ അവിഘ്നമസ്തു, ശ്രീ ഗുരുഭ്യോ നമഃ ”

എന്ന്‌ മലയാള അക്ഷരമാല എഴുതണം.

ഹൈന്ദവാചാരങ്ങളില്‍ വിശ്വസിക്കുന്ന എല്ലാ മലയാളികളും ഓരോ പ്രദേശത്തെയും ജീവിത രീതിയുടെയും മറ്റും അടിസ്ഥാനത്തില്‍ ഗ്രന്ഥങ്ങള്‍ പണിയായുധങ്ങള്‍ എന്നിവ ദേവീ സന്നിധിയില്‍ പൂജിച്ച്‌ വയ്ക്കുകയും വിജയദശമി ദിനം അവ പ്രാര്‍ത്ഥനയോടെ തിരികെ എടുക്കുകയും ചെയ്യുന്നു.

വിദ്യക്കും ജീവിതവൃത്തിക്കും അധിപയായ ദേവിയുടെ അനുഗ്രഹം നേടി എടുക്കുകയാണ്‌ ഈ ആരാധനക്ക്‌ പിന്നില്‍. ദുര്‍ഗാഷ്‌ടമി ദിനത്തില്‍ ആയുധങ്ങളും ഗ്രന്ഥങ്ങളും ഉപകരണങ്ങളും ദേവി സന്നിധിയില്‍ പൂ‍ജവയ്ക്കും.

പൂജ എടുക്കുന്ന സമയം

#പൂജയെടുപ്പ്

ഒക്ടോബർ 13 ഞായറാഴ്ച
രാവിലെ ഉഷ: പൂജയ്ക്ക് ശേഷം

#വിദ്യാരംഭം
ഒക്ടോബർ 13 നു രാവിലെ പൂജയെടുപ്പിന് ശേഷം. ക്ഷേത്രങ്ങളിൽ സമയം നോക്കേണ്ടതില്ല.

പൂജയെടുപ്പ് വിദ്യാരംഭം എന്നത് ദശമിതിഥി ഉദയത്തിന് ആറു നാഴിക എങ്കിലും വരുന്ന ദിവസം രാവിലെയാണ്.'
പതിവ് പൂജയും ജപവും കഴിഞ്ഞ് വച്ച പുസ്തകങ്ങൾ എടുക്കാം. അവിടെയിരുന്നു വായിക്കണം.
വിദ്യാരംഭത്തിന് ആവശ്യമായ ഒരുങ്ങൾ
നിലവിളക്ക്, തിരി, എണ്ണ,​ വയമ്പ്, തേൻ, ത്രിമധുരം, പടുക്ക (അവിൽ, മലര്, ശർക്കര, പഴം,കരിമ്പ്),​ സരസ്വതി വിഗ്രഹം അഥവാ ഫോട്ടോ, പൂക്കൾ, മാല,കുഞ്ഞിനുള്ള ഉടുപ്പ്, ഇരിക്കാനുള്ള പലക എന്നിവയാണ്.

ചടങ്ങുകൾ

തേനിൽ ചാലിച്ച വയമ്പ് കുട്ടിയുടെ നാവിൽ നൽകുക. അതിൽ മുക്കിയ സ്വർണമോതിരംകൊണ്ട് കുട്ടിയുടെ നാവിൽ ഹരിഃശ്രീ എഴുതിക്കുക. കുട്ടിയെ സരസ്വതി ദേവിയെയും മറ്റ് ഗുരുകാരണവന്മാരെയും പാദ നമസ്‌കാരം ചെയ്യിച്ച് അനുഗ്രഹം വാങ്ങിക്കുക.

ഗണപതിക്ക് മലർനിവേദ്യവും സരസ്വതിക്ക് ത്രിമധുരവും (കൽക്കണ്ടം, നെയ്യ്, തേൻ, ഉണക്കമുന്തിരി) നിവേദിച്ച ശേഷം ഗണപതി വന്ദനം നടത്തണം. (ചൊല്ലേണ്ട മന്ത്രം- വക്രതുണ്ട മഹാകായ, കോടി സൂര്യസമപ്രഭ, നിർവിഘ്നം കുരു,മേ,ദേവ, സർവകാര്യേഷ്യു സർവദാ).

തുടർന്ന് വിഗ്രഹത്തെ നമസ്‌കരിച്ച ശേഷം ഗുരു, ഗണപതി, വ്യാസൻ, ദക്ഷിണാമൂർത്തി, സരസ്വതി എന്നിവരെ സ്മരിക്കുക. ഇതിനായുള്ള മന്ത്രങ്ങളും ചൊല്ലാം. ദേവി മാഹാത്മ്യം, ലളിതാ സഹസ്രനാമം തുടങ്ങിയവയും ഇഷ്ടമുള്ള സ്‌തോത്രങ്ങളും ചൊല്ലാം.

അച്ഛന്റെയും അമ്മയുടെയും മടിയിലിരുന്നാണ് കുഞ്ഞ് ആദ്യാക്ഷരം കുറിക്കുന്നതെങ്കിൽ അതിനും നിയമങ്ങളുണ്ട്. അമ്മയാണെങ്കിൽ കുട്ടിയെ ഇടതുതുടയിലും അച്ഛനാണെങ്കിൽ വലതുതുടയിലും വേണം ഇരുത്താൻ. ആചാര്യന്റെ മടിയിലാണു കുട്ടി ഇരിക്കുന്നതെങ്കിൽ ആൺകുട്ടിയെ വലതുതുടയിലും (വശത്തും) പെൺകുട്ടിയെ ഇടതുതുടയിലും (വശത്തും) ഇരുത്തണം.

ആദ്യം കുട്ടിയുടെ നാവിൽ തേനിൽ മുക്കിയ സ്വർണം കൊണ്ടു വേണം അക്ഷരം കുറിക്കാൻ. പിന്നെ മഞ്ഞൾ ഉപയോഗിച്ചും നാവിൽ അക്ഷരം എഴുതണം. അതിനു ശേഷമാണ് പുഴുങ്ങി ഉണക്കാത്ത അരിയിൽ കുട്ടിയുടെ ചൂണ്ടുവിരൽ കൊണ്ട് (വ്യാഴത്തെയാണ് ചൂണ്ടുവിരൽ പ്രതിനിധീകരിക്കുന്നത്) അക്ഷരം എഴുതിക്കേണ്ടത്.

ഓരോ അക്ഷരവും കുട്ടിയെക്കൊണ്ടു പറയിച്ച് എഴുതിക്കുന്നത് ആരാണോ അവർ വേണം അക്ഷരം മായ്ക്കുവാൻ. കുട്ടിയെക്കൊണ്ട് അതു ചെയ്യിക്കരുത്. ഹരിഃ ശ്രീഃ ഗണപതയേ നമഃ എന്നു വേണം എഴുതിക്കുവാൻ. ‘ഗണപതായേ’ എന്നു ‘ത’ യ്ക്കു ദീർഘം കൊടുത്ത് എഴുതിക്കരുത്. അടുത്ത ദിവസം വീട്ടിൽത്തന്നെ രക്ഷിതാക്കൾ കുട്ടിയെക്കൊണ്ട് എഴുതിക്കണം. അതും അരിയിൽത്തന്നെ വേണം.

തയ്യാറാക്കിയത്: ഉദയകുമാർ, നെട്ടയം

12/10/2024

On media2dayonline youtube channel

Link in story...

https://www.youtube.com/live/fL4P5ovPHq8?si=_ygklZ4P-cYb5i-H

12/10/2024

നവരാത്രി ഒൻപതാം ദിവസം -നവമി

സിദ്ധിധാത്രി - ഒൻപതാം ഭാവം

നവരാത്രിയിൽ അവസാനദിവസം സിദ്ധിധാത്രിയെ ആരാധിക്കുന്നു. ഭക്തര്‍ക്ക് സർവസിദ്ധികളും പ്രധാനം ചെയ്യുന്നു. താമരപൂവില്‍ ഉപവിഷ്ടയായ ദേവിക്ക് നാലുകരങ്ങളാണുള്ളത്. ചക്രം, ഗദ, താമര എന്നിവ ഏന്തിയ ദേവിയുടെ വാഹനം സിംഹമാണ്.

സർവദാ ആനന്ദകാരിയായ സിദ്ധിധാത്രി തന്റെ ഭക്തർക്ക് സർവസിദ്ധികളും പ്രധാനം ചെയ്യുന്നു. മഹാദേവന് തന്റെ പാതി ശരീരം ഈ ഭാവത്തിൽ നല്കി അർദ്ധനാരീശ്വര ശക്തി ആയി മാറുകയും ചെയ്തു .നവരാത്രിയിൽ പാർവതിയുടെ സിദ്ധിധാത്രി ഭാവമാണ് ഒന്പതാം ദിവസം ആരാധിക്കുന്നത് .

ആത്മീയ ആനന്ദത്തിനായി കൊതിക്കുന്നവരുടെ ആഗ്രഹങ്ങള്‍ നല്‍കുന്ന ദേവിയാണ് മാ സിദ്ധിധാത്രി. ശിവനെ ആരാധിക്കുന്ന ആദിശക്തി എന്നും മാ സിദ്ധിധാത്രി അറിയപ്പെടുന്നു. അവള്‍ വലതു കൈയില്‍ ചക്രവും ഗദയും പിടിക്കുന്നു. അവള്‍ ഇടങ്കൈയ്യില്‍ ശങ്കയെയും താമരയെയും പിടിക്കുന്നു. മാതൃദേവിയുടെ ഈ രൂപം താമരയില്‍ ഇരിക്കുന്നു. മാ സിദ്ധിധാത്രി ശുക്ലപക്ഷത്തെ ഭരിക്കുന്നു, അതിനാല്‍, ഗ്രഹത്തിന്റെ ദോഷഫലങ്ങളാല്‍ ബുദ്ധിമുട്ടുന്നവര്‍ അവളെ പ്രതികൂല സ്വാധീനത്തില്‍ നിന്ന് ഒഴിവാക്കാന്‍ ദേവിയെ ആരാധിക്കുന്നു.

#മന്ത്രം

"സിദ്ധഗന്ധര്‍വയക്ഷാദൈ്യരസുരൈരമരൈരപി

സേവ്യമാനാ സദാ ഭൂയാത് സിദ്ധിദാ സിദ്ധിദായിനി "

എന്നതാണ് ദേവിയുടെ മൂല മന്ത്രം. ഈ മന്ത്രം ജപിക്കുന്നതിലൂടെ ജീവിതത്തില്‍ വളരെയധികം നേട്ടങ്ങള്‍ ഉണ്ടാക്കുന്നതാണ്. അത് മാത്രമല്ല ജീവിതത്തില്‍ ഉണ്ടാവുന്ന നേട്ടങ്ങള്‍ക്കും അസ്വസ്ഥതകള്‍ക്കും പരിഹാരം കാണുന്നതിനും ബുദ്ധിയും ആത്മിയതയും വര്‍ദ്ധിക്കുന്നതിനും സഹായിക്കുന്നുണ്ട്. ജീവിതത്തില്‍ ബുദ്ധിക്കും കൂര്‍മ്മതക്കും എല്ലാം ദേവിയുടെ അനുഗ്രഹം ഉണ്ടാവുന്നതിനുള്ള സാധ്യതയുണ്ട്. ഈ മന്ത്രം നവരാത്രി ദിനത്തില്‍ ചൊല്ലുന്നതിലൂടെ അത്് നിങ്ങളുടെ ജീവിതത്തില്‍ ഉയര്‍ച്ചയിലേക്ക് നയിക്കുന്നുണ്ട്.

#സിദ്ധിദാത്രി ദേവീസ്തുതി

യാ ദേവീ സര്‍വ്വ ഭൂതേഷു
മാ സിദ്ധിദാത്രി രൂപേണ സംസ്ഥിതാ

നമഃസ്തസ്യൈ നമഃസ്തസ്യൈ
നമഃസ്തസ്യൈ നമോ നമഃ

#നവരാത്രി ഒന്‍പതാം ദിവസം കന്യാപൂജയ്ക്കായി ദേവിയെ സുഭദ്രയായി ആരാധിക്കണം.

സുഭദ്രാ ആരാധനയ്ക്കായി ഈ മന്ത്രം ഉപയോഗിക്കാം.

സുന്ദരീം സ്വര്‍ണ്ണ വര്‍ണ്ണാഭാം
സുഖ സൌഭാഗ്യ ദായിനീം
സുഭദ്ര ജനനീം ദേവീം
സുഭദ്രാം പൂജ്യയാമ്യഹം

തയ്യാറാക്കിയത്: ഉദയകുമാർ, നെട്ടയം

11/10/2024

നവരാത്രി മണ്ഡപത്തിൽ മുദ്ര ഇൻസ്റ്റിറ്റ്യൂട്ട് ഓഫ് ഡാൻസ്, വട്ടിയൂർക്കാവ് അവതരിപ്പിച്ച നൃത്തസന്ധ്യ

11/10/2024

നവരാത്രി മണ്ഡപത്തിൽ നൃത്യതി സ്കൂൾ ഓഫ് ഡാൻസ്, അറപ്പുര അവതരിപ്പിച്ച നൃത്തസന്ധ്യ

11/10/2024

നവരാത്രി - എട്ടാം ദിവസം

മഹാഗൗരി

നവദുർഗ ഭാവങ്ങളില്‍ എട്ടാമത്തെ ഭാവമാണ് മഹാഗൗരി. നവരാത്രിയില്‍ എട്ടാം ദിവസമായ അഷ്ടമിക്ക് ദുർഗ ദേവിയെ മഹാഗൗരി ഭാവത്തില്‍ ആരാധിക്കുന്നു. തൂവെള്ള നിറമായതിനാല്‍ ദേവി മഹാഗൗരി എന്നറിയപ്പെടുന്നു. ശിവപ്രാപ്തിക്കായി തപസു ചെയ്ത ദേവിയുടെ ശരീരം മുഴുവനും പൊടിപടലങ്ങളും മണ്ണും കൊണ്ട് ഇരുണ്ട നിറമായി. തപസ് പൂർണമായപ്പോൾ മഹാദേവന്‍ ഗംഗാ ജലം ഉപയോഗിച്ച് അവ നീക്കം ചെയ്തു. അപ്പോള്‍ ദേവിയുടെ ശരീരം വെളുത്തു പ്രകാശം പൊഴിക്കുന്നതുപോലെയായെന്നും അന്നുമുതല്‍ ദേവി മഹാഗൗരി എന്നറിയപ്പെടുന്നുവെന്നും കഥകളുണ്ട്. നാലുകൈകളുള്ള ദേവിയുടെ വാഹനം കാളയാണ്. ദേവിയുടെ ഇരു കരങ്ങളിലുമായ് ശൂലവും ഢമരുവും ഉണ്ട്.

ഈ ദേവതാസങ്കൽപ്പത്തെ സ്തുതിച്ചു കൊണ്ട് നാട്ടക്കുറുഞ്ചി രാഗത്തിൽ മിശ്ര ചാപ്പ് താളത്തിലുള്ളപൂർണ്ണത്രയീ ജയപ്രകാശ കൃതിയായ "മഹാഗൗരി മഹേശ്വരി ഗൗര വർണ്ണിനി മാമയി മമ സഖി യോഗീന്ദ്രേർ വർണ്ണിനീ ദേവീ" എന്ന പല്ലവിയിൽ ആരംഭിക്കുന്ന നവരാത്രി കൃതി ഇതിന് ഉദാഹരണമാണ്.

ദേവി മഹാഗൌരിയെ വന്ദിക്കുന്ന ദിനമാണ്* നവരാത്രിയിലെ ദുർഗ്ഗാഷ്ടമി എന്നറിയപ്പെടുന്ന എട്ടാം ദിവസം. രാഹുമണ്ഡലവുംചന്ദ്രമണ്ഡലവും നിയന്ത്രിക്കുന്നത് മഹാഗൗരിയാണ്. മഹാഗൗരിയെ കൌശികീദേവിയുടെ അവതാരമായും കണക്കാക്കുന്നു.

ഭക്തരുടെ കാമനകൾ പൂർത്തീകരിക്കുന്ന ദേവിയാണ് മഹാഗൗരി.കൂടാതെ മഹാഗൗരിയെ പ്രാർത്ഥിക്കുന്ന ഭക്തന്റെ ജീവിതത്തിലെ എല്ലാ ദുഃഖങ്ങളും നശിക്കുന്നു. നാലുകരങ്ങളാണ് മഹാഗൗരിക്കുള്ളത്. ശൂലവും ഡമരുവും മഹാഗൗരി കൈകളിലേന്തിയിരിക്കുന്നു

ഗൗരി എന്നാൽ അത്യന്തം വെളുത്തവള്‍; അതിശുദ്ധയായവള്‍എന്നർത്ഥം. അഷ്ടമി തിഥിയിൽ ജന്മംകൊണ്ട് കാലാതിവർത്തിയായിഎന്നും ''വയസ്സെട്ടായ'' ബാലികാഭാവം.. . കാലകേയ വധത്തിനായി അവതരിച്ച ദേവീഭാവം.*

കളങ്കമറിയാത്തൊരു സൃഷ്ടിയാൽ വധിക്കപ്പെടണമെന്ന അസാധാരണമായ വരം നേടിയ , കാലത്തെ തന്റെ അധീനതയിലാക്കാൻ വൈഭവമുള്ള അസുരൻ കാലകേയൻ. മറ്റൊരു അസുരനുമില്ലാത്ത വൈഭവം! നിഷ്കളങ്കയായ ബാലികാ ജന്മമെടുത്ത്‌ അസുരനിഗ്രഹം നടത്തിയവൾ മഹാഗൗരി. ആ ദുർഗ്ഗമനെ വധിച്ചതുമൂലം ''ദുർഗ്ഗ''യെന്ന നാമത്താലും പ്രകീർത്തിത.

#മഹാഗൗരീ ദേവീസ്തുതി
''യാ ദേവീ സർവ്വഭൂതേഷു
ഛായാരൂപേണസംസ്ഥിതാ
നമസ്തസ്യൈനമസ്തസ്യൈ
നമസ്തസ്യൈ നമോ നമ: ''

#മഹാഗൗരി പൂജാ വിധി

നവരാത്രിയുടെ എട്ടാം ദിവസം ദേവിയുടെ വിഗ്രഹത്തിന് ചുവന്ന ദുപ്പട്ടയും ചുവന്ന തിലകവും അര്‍പ്പിക്കുക. പൂജ നടത്തേണ്ട സ്ഥലം വൃത്തിയാക്കി മഹാഗൗരി ദേവിയുടെ ഒരു വിഗ്രഹമോ ചിത്രമോ വയ്ക്കുക. വെളുത്ത പൂക്കള്‍ കൊണ്ട് വേണം ദേവിയെ ആരാധിക്കുന്നതിന്. ഇത് ദേവിക്ക് വളരെയധികം പ്രീതി നല്‍കുന്നതും ദേവിയുടെ അനുഗ്രഹം പെട്ടെന്ന് ലഭിക്കുന്നതിനും സഹായിക്കുന്നുണ്ട്

സ്തോത്രം

#ദേവീമഹാഗൗരി

''ശ്വേതേവൃഷേ സമാരൂഢാ
ശ്വേതാംബരധര ശുചി:
മഹാഗൗരീ ശുഭം ദദ്യാ-
ന്മഹാദേവ പ്രമോദദാ.''

(വെളുത്തകാളപ്പുറത്തേറിയവളും വെളുത്ത പട്ട് വസ്ത്രംധരിച്ചവളും ,ശുചിത്വമുള്ള വെളുത്ത ശരീരത്തോട് കൂടിയവളും, മഹാദേവന് ആമോദത്തെ കൊടുക്കുന്നവളുമായ മഹാ ഗൗരി ശുഭത്തെ തരുമാറാകട്ടെ)

നവരാത്രി എട്ടാം ദിവസം കന്യാപൂജയ്ക്കായി ദേവിയെ ദുര്‍ഗയായി ആരാധിക്കണം.

ദുര്‍ഗാ ആരാധനയ്ക്കായി ഈ മന്ത്രം ഉപയോഗിക്കാം.

ദുര്‍ഗ്ഗേമേ ദുസ്തരേ കാര്യേ
ഭവ ദു:ഖ വിനാശിനീം
പുജ്യയാമീ സദാ ഭക്ത്യാ
ദുര്‍ഗ്ഗാം ദുര്‍ഗതിനാശിനീം

തയ്യാറാക്കിയത്: ഉദയകുമാർ, നെട്ടയം

09/10/2024

കാലരാത്രി

കാലരാത്രി എന്ന ദേവീ അവതാരത്തെയാണ് നവരാത്രിയുടെ ഏഴാം ദിവസം ആരാധിക്കുന്നത്. കാലരാത്രി എന്ന രൂപം ധരിച്ചാണ് ദുർഗ ദേവി രക്തബീജന്‍ എന്ന അസുരനെ വധിച്ചത്. കറുപ്പ് നിറത്തോടു കൂടിയ കാളരാത്രി മാതാ ദേവി ദുർഗയുടെ രൗദ്ര രൂപമാണ്. നാലുകൈകളോടുകൂടിയ ദേവിയുടെ വാഹനം കഴുതയാണ്.
ദേവി ശക്തിരൂപം പൂണ്ട് കാളരാത്രിയായി ശോഭിക്കുന്നു. ദേവിയുടെ ഈ രൂപം ശരീരത്തിലേക്ക് പ്രതിഫലിക്കുമ്പോള്‍ മനുഷ്യന്‍ ഭയത്തിന്റെ പിടിയില്‍ നിന്ന് രക്ഷപ്പെടുമെന്നാണ് വിശ്വാസം. ദേവിയുടെ ഭയാനകരൂപം മനോ ദൌര്‍ബല്യം പരിഹരിച്ച് മനുഷ്യനെ കര്‍മ്മനിരതനാക്കാന്‍ വഴി തെളിയിക്കുന്നു.

ഏഴാം ദിവസം ദേവീ ഉപസനയ്ക്കായി ഉപയോഗിക്കേണ്ട മന്ത്രം

“ഏകവേണീ ജപാകര്‍ണപൂര നഗ്നാ ഖരസ്ഥിതാ

ലംബോഷ്ടി കര്‍ണികാകര്‍ണ്ണി തൈലാഭ്യക്ത ശരീരിണീ
വാമപാദോല്ലസല്ലോഹ
ലതാകണ്ഠകഭൂഷണാ
വർധനമൂര്‍ധ്വജാ കൃഷ്ണാ കാലരാത്രി ഭയങ്കരി