Thiruaruvippuram Mahavishnu Temple

12/07/2026

11/07/2026

🔅🔅🔅🔅🔅🔅🔅🔅
🪔രാമായണ🪔
🪔മാസാചരണം🪔
🪔 2026🪔
🔅🔅🔅🔅🔅🔅🔅🔅

||രാമായ രാമഭദ്രായ
രാമചന്ദ്രായ വേധസേ
രഘുനാഥായ നാഥായ
സീതായ പതയേ നമഃ||

രാമായണ മാസത്തെ വരവേൽക്കാൻ തിരുവിപ്പുറം മഹാവിഷ്ണു ക്ഷേത്രം ഒരുങ്ങിക്കഴിഞ്ഞു. സാധാരണയായി വ്യാഴാഴ്ചകളിലും വിശേഷ ദിവസങ്ങളിലും മാത്രം ദർശന സൗകര്യമുള്ള നമ്മുടെ ക്ഷേത്രം, ഈ കർക്കിടക മാസത്തിലെ 31 ദിവസങ്ങളിലും (2026 ജൂലൈ 17 മുതൽ ഓഗസ്റ്റ് 16 വരെ) ഭക്തർക്കായി നടതുറക്കും.
രാമായണ മാസാചരണത്തിന്റെ ഭാഗമായി ഈ ദിവസങ്ങളിൽ രാമായണ പാരായണം, നാമസങ്കീർത്തണം, ഭഗവാനുള്ള പ്രത്യേക പൂജകൾ, അർച്ചനകൾ, കലശങ്ങൾ, നിവേദ്യങ്ങൾ എന്നിവ ഉണ്ടായിരിക്കുന്നതാണ്. കൂടാതെ, വൈകുന്നേരങ്ങളിൽ ക്ഷേത്രത്തിലെത്തുന്ന ഭക്തർക്കായി ഔഷധക്കഞ്ഞി വിതരണവും ഉണ്ടായിരിക്കും.

ഈ പുണ്യദിനങ്ങളിൽ ഭക്തജനങ്ങൾക്ക് തങ്ങളാൽ കഴിയുന്ന പൂജകൾ വഴിപാടായി സമർപ്പിക്കാവുന്നതാണ്. മുൻകാലങ്ങളിൽ നാട്ടുകാർ നൽകിയ നസീമമായ സഹായസഹകരണങ്ങൾ നന്ദിപൂർവ്വം സ്മരിക്കുന്നു, തുടർന്നും ആള്കൊണ്ടും അർത്ഥംകൊണ്ടുമുള്ള സഹായസഹകരണങ്ങൾ ഉണ്ടാകുമെന്ന് പ്രതീക്ഷിക്കുന്നു. ഈ രാമായണ പുണ്യം നിറയുന്ന പുണ്യദിനങ്ങൾ നമുക്കൊത്തുചേർന്ന് ആചരിക്കാം.
🙏

കൂടുതൽ വിവരങ്ങൾക്ക്:
📞+919567924535

🪷||ഓം നമോ നാരായണായ||🪷

25/05/2026

ശ്രീഭൂതബലി

25/05/2026

ശതകലശം

22/05/2026

പരിവാര (ബലിക്കള്ളുകളുടെ) പ്രതിഷ്ഠാ കർമ്മങ്ങൾ

22/05/2026

ശ്രീഭൂതബലി

16/05/2026

കാത്തിരിപ്പിന് വിരാമം:
തിരുഅരുവിപ്പുറം മഹാവിഷ്ണുക്ഷേത്രത്തിൽ പരിവാരപ്രതിഷ്ഠാ ചടങ്ങുകൾക്ക് തുടക്കമാകുന്നു...✨

​പ്രിയ ഭക്തജനങ്ങളെ,
​നമ്മുടെ തിരുഅരുവിപ്പുറം മഹാവിഷ്ണുക്ഷേത്രത്തിലെ ഈ വർഷത്തെ പുനഃപ്രതിഷ്ഠാ വാർഷികത്തോടനുബന്ധിച്ച്, ഏവരും ഒരുപാട് നാളായി കാത്തിരുന്ന പരിവാരപ്രതിഷ്ഠ (ബലിക്കല്ലുകളുടെ പ്രതിഷ്ഠ) വരുന്ന വ്യാഴാഴ്ച (20/06/2026) ഭക്തിപൂർവ്വം നടക്കുകയാണ്. കഴിഞ്ഞ വർഷം അനിവാര്യമായ കാരണങ്ങളാൽ മാറ്റിവെക്കേണ്ടി വന്ന ഈ പുണ്യകർമ്മം ഇപ്പോൾ വിപുലമായ രീതിയിൽ ഭംഗിയായി നടത്തുവാൻ സാധിക്കുന്നതിലുള്ള അതിയായ സന്തോഷം ആദ്യമായി എല്ലാ ഭക്തജനങ്ങളുമായി പങ്കുവെക്കട്ടെ.

ഈ വലിയ കാത്തിരിപ്പിന് വിരാമം കുറിച്ചുകൊണ്ട്, പ്രതിഷ്ഠാ ചടങ്ങുകളുടെ അടിസ്ഥാന കർമ്മമായ വലിയ ബലിക്കല്ലിന്റെ ഗർഭന്യാസം നാളെ രാവിലെ 06:00-ന് ക്ഷേത്ര തന്ത്രി, തിരുച്ചിറ്റൂർ ശങ്കരമംഗലത്ത് മഠത്തിൽ ബ്രഹ്മശ്രീ പുരുഷോത്തമൻ തന്ത്രികളുടെ മുഖ്യ കാർമികത്വത്തിൽ ക്ഷേത്രസന്നിധിയിൽ വെച്ച് നടക്കുകയാണ്.
​ഭഗവത് കൃപയാൽ നടപ്പിലാകുന്ന ഈ അതിപാവനമായ ചടങ്ങുകളിൽ കഴിയുന്ന എല്ലാ ഭക്തജനങ്ങളും നേരിട്ടെത്തി പങ്കുചേരുമെന്ന് പ്രതീക്ഷിക്കുന്നു. എല്ലാ ഭക്തജനങ്ങളെയും വൈകുണ്ഠനാഥന്റെ തിരുസന്നിധിയിലേക്ക് സ്വാഗതം ചെയ്യുന്നു.

ഹരേ..നാരായണ..!🙏

01/05/2026

തിരു:അരുവിപ്പുറം മഹാവിഷ്ണു ക്ഷേത്രത്തിലെ ഭക്തിസാന്ദ്രമായ നരസിംഹ ചതുർദശി ആഘോഷം🙏✨

തിരു:അരുവിപ്പുറം മഹാവിഷ്ണു ക്ഷേത്രത്തിൽ ഇന്നലെ നടന്ന നരസിംഹ ചതുർദശി ആഘോഷങ്ങൾ ഭക്തിനിർഭരമായ ചടങ്ങുകളാൽ അതിവിശേഷമായി. വൈശാഖ മാസത്തിലെ ഈ പുണ്യദിനത്തിൽ ഭഗവാന്റെ അനുഗ്രഹം തേടി എത്തിയ ഭക്തജനങ്ങളാൽ ക്ഷേത്രസന്നിധി മുഖരിതമായിരുന്നു.

രാവിലെ ഭാഗവത പാരായണത്തോടെ തുടക്കം കുറിച്ച ചടങ്ങുകൾ, മാതൃസമിതി അംഗങ്ങളുടെ നേതൃത്വത്തിൽ നടന്ന ലക്ഷ്മീനാരായണ മന്ത്രജപത്തോടെ അതീവ ദീപ്തമായി. ഒരു വലിയ മന്ത്രാന്തരീക്ഷം സൃഷ്ടിക്കാൻ ഈ കർമ്മത്തിന് സാധിച്ചു.

തുടർന്ന്, സഹസ്രനാമജപവും നവകലാശാഭിഷേകവും ഉച്ചപൂജയും കഴിഞ്ഞ് മഹാപ്രസാദഊട്ടും നടന്നു.

വൈകുന്നേരം നരസിംഹാവതാര മുഹൂർത്തത്തിൽ പാനക നിവേദ്യവും നരസിംഹ ആരതിയും മാതൃസമിതിയുടെ വിശേഷാൽ പ്രാർത്ഥനയും നടക്കുകയുണ്ടായി.

തുടർന്ന് നടന്ന 2016 സംഖ്യയുടെ മഹാനരസിംഹ ഹോമത്തിൽ രാത്രി 8:30 വരെ ഭക്തർ നരസിംഹ മന്ത്രജപങ്ങളുമായി ചിലവഴിച്ചത് അതിവിശേഷമായ ഒരു അനുഭവമായിരുന്നു. ഈ പുണ്യദിനത്തിൽ നടന്ന കർമ്മങ്ങളുടെ സമാപനം എന്നവണ്ണം ഹോമത്തിൻ്റെ അവസാനം ഭക്തർ ഒത്തുചേർന്ന് പ്രഹ്ലാദ സ്തുതി പാടി ഭഗവാനെ പ്രസന്നനാക്കി.
നമോ നാരായണായ.....🙏

വൈശാഖ പുണ്യകാലമായതിനാൽ ക്ഷേത്ര സന്നിധിയിൽ അല്പനേരമെങ്കിലും ചിലവഴിക്കാൻ സാധിച്ച ഏവർക്കും ഭഗവാന്റെ പരിപൂർണ്ണ അനുഗ്രഹങ്ങൾ ഉണ്ടാകുമെന്ന് നിസ്സംശയം പറയാം.

ലോകാ സമസ്താ സുഖിനോ ഭവന്തു!

28/04/2026

നരസിംഹ ചതുർദശി