28/08/2026
*ശ്രീനാരായണ ഗുരുദേവൻ്റെ തിരുജയന്തി ദിനത്തിൽ, ലോകത്തിന് സമത്വത്തിൻ്റെയും സഹോദര്യത്തിൻ്റെയും മനുഷ്യസ്നേഹത്തിൻ്റെയും മഹത്തായ സന്ദേശം പകർന്ന മഹാഗുരുവിൻ്റെ പാദാരവിന്ദങ്ങളിൽ പ്രണാമം അർപ്പിക്കുന്നു.*
ഒരു നൂറ്റാണ്ടിനുമുമ്പ് ശ്രീ നാരായണ ഗുരുദേവൻ ഉയർത്തിയ ചോദ്യങ്ങളും മുന്നോട്ടുവച്ച ആശയങ്ങളും ഇന്നും നമ്മുടെ സമൂഹത്തിൻ്റെ മുന്നിൽ പ്രസക്തമായിത്തന്നെ നിലകൊള്ളുകയാണ്. ജാതിയുടെയും മതത്തിൻ്റെയും പേരിലുള്ള വേർതിരിവുകൾ മനുഷ്യരെ അകറ്റുമ്പോൾ, “ഒരു ജാതി, ഒരു മതം, ഒരു ദൈവം മനുഷ്യന്” എന്ന ഗുരുദർശനം കൂടുതൽ ശക്തമായി ഓർമ്മിക്കപ്പെടേണ്ട കാലമാണിത്.
ഗുരുദേവൻ്റെ മഹത്വം ഒരു കാലഘട്ടത്തിലെ സാമൂഹിക പരിഷ്കർത്താവ് എന്നതിൽ മാത്രം ഒതുങ്ങുന്നതല്ല. മനുഷ്യനെ മനുഷ്യനായി കാണാനും, അറിവിലൂടെ ഉയരാനും, അധ്വാനത്തിലൂടെ പുരോഗമിക്കാനും, പരസ്പരം സ്നേഹത്തോടെയും ബഹുമാനത്തോടെയും ജീവിക്കാനും പഠിപ്പിച്ച മനുഷ്യകുലത്തിൻ്റെ മഹാഗുരുവാണ് ശ്രീനാരായണ ഗുരുദേവൻ.
ഇന്ന് ശാസ്ത്രവും സാങ്കേതികവിദ്യയും വളരെയേറെ മുന്നേറിയിട്ടും മനുഷ്യർക്കിടയിൽ വിദ്വേഷവും അസഹിഷ്ണുതയും വിഭജനചിന്തകളും വളരുന്നുണ്ടെങ്കിൽ, മഹാഗുരുവിൻ്റെ സന്ദേശങ്ങളിലേക്കുള്ള തിരിച്ചുപോക്കാണ് കാലം നമ്മോട് ആവശ്യപ്പെടുന്നത്.
വിദ്യാഭ്യാസത്തിലൂടെ മോചനം, സംഘടനയിലൂടെ ശക്തി, വ്യവസായത്തിലൂടെ സ്വയംപര്യാപ്തത, സ്നേഹത്തിലൂടെ മനുഷ്യ ഐക്യം ഗുരുദേവൻ മുന്നോട്ടുവച്ച ഈ ആശയങ്ങൾ ഇന്നത്തെ തലമുറയുടെ വഴികാട്ടിയായി മാറണം.
ശ്രീ നാരായണ ഗുരുദേവനെ സ്മരിക്കുന്നത് മഹാഗുരുവിൻ്റെ ചിത്രമോ വിഗ്രഹമോ പൂജിക്കുന്നതിൽ മാത്രം ഒതുങ്ങരുത്.
ഭഗവാൻ സ്വപ്നം കണ്ട മനുഷ്യനെ സൃഷ്ടിക്കാനുള്ള ഓരോ നല്ല പ്രവർത്തിയും ഗുരുദേവനോടുള്ള യഥാർത്ഥ ആദരവായി മാറണം.
ഈ തിരുജയന്തി ദിനത്തിൽ, ഗുരുദേവൻ്റെ ദർശനത്തെ ജീവിതത്തിൽ പകർത്താനും സമൂഹത്തിൽ സമത്വവും സാഹോദര്യവും മനുഷ്യസ്നേഹവും വളർത്താനും നമുക്ക് പ്രതിജ്ഞ ചെയ്യാം.
മനുഷ്യനെ ഉയർത്തിയ മഹാഗുരുവിൻ്റെ ദർശനം നമ്മുടെ വഴിവിളക്കാകട്ടെ.
ഗുരുദേവൻ്റെ അനുഗ്രഹം ഏവരിലും ഉണ്ടാകട്ടെ എന്ന പ്രാർത്ഥനയോടെ ഏവർക്കും
ശ്രീനാരായണ ഗുരുദേവൻ്റെ തിരുജയന്തി ആശംസകൾ!
https://m.facebook.com/story.php?story_fbid=1614183783395666&id=100044121801789
ശ്രീനാരായണ ഗുരുദേവൻ്റെ തിരുജയന്തി ദിനത്തിൽ, ലോകത്തിന് സമത്വത്തിൻ്റെയും സഹോദര്യത്തിൻ്റെയും മനുഷ്യസ്നേഹത്തിൻ്റെയും മഹത്തായ സന്ദേശം പകർന്ന മഹാഗുരുവിൻ്റെ പാദാരവിന്ദങ്ങളിൽ പ്രണാമം അർപ്പിക്കുന്നു.
ഒരു നൂറ്റാണ്ടിനുമുമ്പ് ശ്രീ നാരായണ ഗുരുദേവൻ ഉയർത്തിയ ചോദ്യങ്ങളും മുന്നോട്ടുവച്ച ആശയങ്ങളും ഇന്നും നമ്മുടെ സമൂഹത്തിൻ്റെ മുന്നിൽ പ്രസക്തമായിത്തന്നെ നിലകൊള്ളുകയാണ്. ജാതിയുടെയും മതത്തിൻ്റെയും പേരിലുള്ള വേർതിരിവുകൾ മനുഷ്യരെ അകറ്റുമ്പോൾ, “ഒരു ജാതി, ഒരു മതം, ഒരു ദൈവം മനുഷ്യന്” എന്ന ഗുരുദർശനം കൂടുതൽ ശക്തമായി ഓർമ്മിക്കപ്പെടേണ്ട കാലമാണിത്.
ഗുരുദേവൻ്റെ മഹത്വം ഒരു കാലഘട്ടത്തിലെ സാമൂഹിക പരിഷ്കർത്താവ് എന്നതിൽ മാത്രം ഒതുങ്ങുന്നതല്ല. മനുഷ്യനെ മനുഷ്യനായി കാണാനും, അറിവിലൂടെ ഉയരാനും, അധ്വാനത്തിലൂടെ പുരോഗമിക്കാനും, പരസ്പരം സ്നേഹത്തോടെയും ബഹുമാനത്തോടെയും ജീവിക്കാനും പഠിപ്പിച്ച മനുഷ്യകുലത്തിൻ്റെ മഹാഗുരുവാണ് ശ്രീനാരായണ ഗുരുദേവൻ.
ഇന്ന് ശാസ്ത്രവും സാങ്കേതികവിദ്യയും വളരെയേറെ മുന്നേറിയിട്ടും മനുഷ്യർക്കിടയിൽ വിദ്വേഷവും അസഹിഷ്ണുതയും വിഭജനചിന്തകളും വളരുന്നുണ്ടെങ്കിൽ, മഹാഗുരുവിൻ്റെ സന്ദേശങ്ങളിലേക്കുള്ള തിരിച്ചുപോക്കാണ് കാലം നമ്മോട് ആവശ്യപ്പെടുന്നത്.
വിദ്യാഭ്യാസത്തിലൂടെ മോചനം, സംഘടനയിലൂടെ ശക്തി, വ്യവസായത്തിലൂടെ സ്വയംപര്യാപ്തത, സ്നേഹത്തിലൂടെ മനുഷ്യ ഐക്യം ഗുരുദേവൻ മുന്നോട്ടുവച്ച ഈ ആശയങ്ങൾ ഇന്നത്തെ തലമുറയുടെ വഴികാട്ടിയായി മാറണം.
ശ്രീ നാരായണ ഗുരുദേവനെ സ്മരിക്കുന്നത് മഹാഗുരുവിൻ്റെ ചിത്രമോ വിഗ്രഹമോ പൂജിക്കുന്നതിൽ മാത്രം ഒതുങ്ങരുത്.
ഭഗവാൻ സ്വപ്നം കണ്ട മനുഷ്യനെ സൃഷ്ടിക്കാനുള്ള ഓരോ നല്ല പ്രവർത്തിയും ഗുരുദേവനോടുള്ള യഥാർത്ഥ ആദരവായി മാറണം.
ഈ തിരുജയന്തി ദിനത്തിൽ, ഗുരുദേവൻ്റെ ദർശനത്തെ ജീവിതത്തിൽ പകർത്താനും സമൂഹത്തിൽ സമത്വവും സാഹോദര്യവും മനുഷ്യസ്നേഹവും വളർത്താനും നമുക്ക് പ്രതിജ്ഞ ചെയ്യാം.
മനുഷ്യനെ ഉയർത്തിയ മഹാഗുരുവിൻ്റെ ദർശനം നമ്മുടെ വഴിവിളക്കാകട്ടെ.
ഗുരുദേവൻ്റെ അനുഗ്രഹം ഏവരിലും ഉണ്ടാകട്ടെ എന്ന പ്രാർത്ഥനയോടെ ഏവർക്കും
ശ്രീനാരായണ ഗുരുദേവൻ്റെ തിരുജയന്തി ആശംസകൾ!
