09/07/2022
ལེའུ་བདུན་མ་ལས།།
སིནྡྷུ་རྒྱ་མཚོ་རོལ་པའི་མཚོ་གླིང་དུ།།
མེ་ཏོག་པདྨ་འབར་བའི་སྡོང་པོ་ལ།།
ཕ་དང་མ་མེད་རང་བྱུང་ཤུགས་ལས་བྱུང་།།
རྒྱུ་དང་རྐྱེན་མེད་འགྲོ་བའི་དོན་ལ་བྱོན།།
ཞེས་གསུངས་པ་ལྟར་བོད་ཟླ་ལྔ་པའི་ཚེས་བཅུ་ལ། ཨོ་རྒྱན་གྱི་སློབ་དཔོན་ཆེན་པོ་གུ་རུ་པདྨ་མ་འབྱུང་གནས་མཆོག་ནུབ་ཕྱོགས་བདེ་བ་ཅན་ལས་སངས་རྒྱས་སྣང་བ་མཐའ་ཡས་ཀྱི་ཐུགས་ཀའི་འོད་ཟེར་ལས་ཧྲི་ཡིག་དམར་པོ་སིནྡྷུ་རྒྱ་མཚོའི་གླིང་གི་མེ་ཏོག་པདྨའི་སྡོང་པོ་ལ་འཕྲོས་ཏེ། སྐུ་མཆོག་འཁྲུངས་པའི་དུས་བཟང་ཁྱད་པར་ཅན་གྱི་ཉིན་མོ་ལ། མོན་རྟ་དབང་མངའ་ཁུལ་ཐེག་རྩེ་གསང་སྔགས་ཆོས་འཁོར་གླིང་དགོན་པ་རུ་བསྟན་བདག་ཆེན་པོ་ ༸ སྐྱབས་རྗེ་ཐེག་རྩེ་སྐྱེ་ཕྲེང་བཅུ་བཞི་པ་ཆེན་པོ་འགྱུར་མེད་བློ་གསལ་རྒྱ་མཚོ་དཔལ་བཟང་པོ་མཆོག་གི་ཐུགས་བསྐྱེད་ལས་འཁྲུངས་པའི་སྨིན་གླིང་གི་ཕྱག་བཞེས་གར་འཆམས་མཐོང་གྲོང་ཆེན་མོ་ཉིན་དགུང་སྔོན་ལ་་་་་་་་དང་། ཉིན་དགུང་རྒྱབ་ཏུ་གུ་རུ་མཚན་བརྒྱད་ཀྱི་འཚམས་སོགས་འཕགས་པའི་དགེ་འདུན་ཡོངས་ནས། དད་ལྡན་མི་མང་རྣམས་ལ་མཇལ་བའི་བསྐལ་བཟང་དུ་བསྐྲུན་པའི་གཟིགས་མོ་འགའ་ཞིག་བཞུགས་སོ།།
