https://www.youtube.com/svenedwards

Sven Edwards, The Life Giving Church Road, Tadepalligudem (2026)

24/05/2026

దేవుడు నిన్ను కొత్త స్థాయికి తీసుకెళ్తున్నప్పుడు…
పాత అలవాట్లు, పాత మనుషులు, పాత గాయాలు మళ్లీ నిన్ను వెనక్కి లాగడానికి ప్రయత్నిస్తాయి. కానీ ప్రతి పిలుపుకి స్పందించాల్సిన అవసరం లేదు…నీ గతం మళ్లీ నిన్ను పిలిచినా…దేవుడు చూపిస్తున్న భవిష్యత్తు వైపు నడవడం నేర్చుకో.ఎందుకంటే కొత్త జీవితం అంటే పాత రోతను తిరిగి చూడకపోవడం.🙏🙌❤️

24/05/2026

కొన్ని సార్లు మనం ప్రార్థించిన వెంటనే పరిస్థితులు మారిపోవు…
అప్పుడు మనకు ఇలా అనిపిస్తుంది:
* “దేవుడు నా ప్రార్థన విన్నాడా?”
* “ఎందుకు ఇంకా సమాధానం లేదు?”
* “నేను ఎంతకాలం ఎదురుచూడాలి?”
కానీ చాలాసార్లు దేవుడు వెంటనే స్పందించకపోయినా,
వెనుకపక్కన పని చేస్తూనే ఉన్నాడు.
మర్తా, మరియ యేసుకు వార్త పంపినప్పుడు
యేసు వెంటనే రాలేదు.
వాళ్లకు అది ఆలస్యం అనిపించింది.
కానీ వాళ్లకు కనిపించని విషయం ఏమిటంటే —
దేవుడు ఒక పెద్ద అద్భుతానికి మార్గం సిద్ధం చేస్తున్నాడు అని. కాబట్టి ఈ రోజు నీ పరిస్థితి మారకపోయినా,
ఒక విషయం గుర్తుంచుకో:
దేవుడు నిశ్శబ్దంగా ఉండవచ్చు…
కానీ నిర్లక్ష్యంగా మాత్రం ఉండడు.🙏🙌❤️

22/05/2026

ఇప్పుడున్న పరిస్థితే నీ జీవితానికి చివరి పేజీ కాదు అన్న మాట. ఎందుకంటే దేవుడు ఇంకా నీ కథను పూర్తి చేయలేదు కాబట్టి. ఇప్పుడు నీవు పడుతున్న బాధ తర్వాత కూడా ఇంకా ఆశ ఉంది…ఈరోజు నువ్వు కార్చే కన్నీటి తర్వాత కూడా ఆనందం ఇంకా ఉంది…ఇప్పుడు మూసుకుపోయినట్టు కనిపిస్తున్న దారుల తర్వాత కూడా దేవుడు తెరవబోయే కొత్త మార్గాలు చాలా చాలా ఉన్నాయి.
అందుకే —“నీ జీవితం ఇక్కడితో ముగిసిపోలేదు.” 🤍ఈరోజు నువ్వు అలసిపోయి ఆగిపోయినట్టు అనిపించినా, దేవుడు మాత్రం ఇంకా నీ భవిష్యత్తులో అందమైన భాగాలను సిద్ధం చేస్తున్నాడు.
కొన్ని అధ్యాయాలు బాధతో మొదలవుతాయి…కానీ దేవుడు రాసే ముగింపు మాత్రం ఆనందంతో నిండి పోయి వుంటుంది. 🌸

21/05/2026

చాలామంది పరిస్థితులకు తగ్గట్టు మారిపోతారు… సత్యం తెలిసినా మౌనంగా ఉంటారు…తప్పు అని తెలిసినా జనాల వెంట నడుస్తారు…కానీ ఈ ప్రపంచం ఎలా ఆలోచిస్తుందో, ఎలా జీవిస్తుందో అదే విధంగా కాకుండా, దేవుడు నేర్పిన విలువలతో నిలబడే వారు కొంతమందే ఉంటారు. వాళ్లు జనాల్లో ఉన్నా… జనాల ప్రభావంలో ఉండరు.
నీకు దేవుడు ఇచ్చిన గుర్తింపు ఏంటంటే — ఏ పరిస్థితి నిన్ను మార్చలేదు అనేదే.
బైబిల్‌లో దానియేలు కూడా అలానే నిలబడ్డాడు. అందరూ రాజు ఆజ్ఞకు వంగిపోయినా, అతను దేవుని ముందు తన విశ్వాసాన్ని వదల్లేదు. ఎందుకంటే —
ప్రపంచం నిన్ను చీకట్లో కలిసిపో అంటుంది…
కానీ దేవుడు నిన్ను చీకట్లో వెలుగు అంటాడు. ✨😊🙏🙌❤️

20/05/2026

కొన్ని భారాలు కళ్లకు కనిపించవు…కానీ అవే మనసును ఎక్కువగా అలసటకు గురిచేస్తాయి” కొంతమంది బయటకి తమ పనులు చేసుకుంటూ, అందరితో సాధారణంగా మాట్లాడుతారు. కానీ లోపల మాత్రం — ఆందోళన, భయం, గత గాయాలు, కుటుంబ ఒత్తిడి, ఇతరులు అనే మాటలు , నిరాశ, self doubt, లాంటి భారాలతో నిశ్శబ్దంగా పోరాడుతుంటారు.
శరీరంపై బరువు మోస్తే కొంతసేపటికి విశ్రాంతి తీసుకోవచ్చు…కానీ మనసులో బరువు ఉంటే అది నిద్రలో కూడా వెంటాడుతుంది కదా…. కనిపించని భారాలే మనిషిని ఎక్కువగా అలసటకు గురిచేస్తాయి అందుకే ….
నీ భారము యెహోవామీద మోపుము ఆయనే నిన్ను ఆదుకొనును అని దేవుని వాక్యం చెబుతుంది 🙌❤️🙏
కీర్త 55:22

19/05/2026

మన జీవితంలో కొన్నిసార్లు మనమే చాలా బలహీనంగా అనిపిస్తాం.ధైర్యం తగ్గిపోతుంది…సామర్థ్యం సరిపోదని అనిపిస్తుంది. పరిస్థితులు అలలలా మీదపడతాయి. అప్పుడు మన దృష్టి నేను ఎంత బలంగా ఉన్నాను? అన్నదానిపై కాదు, నన్ను ఎవరు నడిపిస్తున్నారు? అన్నదానిపై ఉండాలి.😊
పేతురు నీటిమీద నడిచింది తన శక్తితో కాదు… యేసయ్య ను చూసిన విశ్వాసంతో. దావీదు గొల్యాతును జయించింది తన కత్తితో కాదు…తనతో ఉన్న దేవుని మీద నమ్మకంతో.
అందుకే కొన్ని విజయాలు మన సామర్థ్యానికి సాక్ష్యం కావు…మనలను నడిపించిన దేవుని కృపకు సాక్ష్యం. 🙏❤️🙌

18/05/2026

చిన్న విషయాల్లో నమ్మకంగా ఉండటం అంటే — ఎవరూ చూడకపోయినా బాధ్యతగా నిలబడటం. చిన్న పని అని నిర్లక్ష్యం చేయకుండా, దేవుడు ఇచ్చిన అవకాశంగా దానిని చూడటం.
ఎందుకంటే దేవుడు చాలాసార్లు పెద్ద ఆశీర్వాదాలకు ముందు చిన్న బాధ్యతలతో మన హృదయాన్ని పరీక్షిస్తాడు.
ఎందుకంటే — చిన్న విషయాల్లో స్థిరంగా లేని మనిషి,
పెద్ద విషయాల్లో కూడా నిలబడలేడు.🙏❤️🙌

18/05/2026

కొన్ని నిర్ణయాలు తీసుకునే సమయంలో చాలా చిన్నవిగా కనిపిస్తాయి…“ఇది పెద్ద విషయం కాదు” అనిపిస్తుంది. కానీ కాలం గడిచాక చూస్తే —అవి మన జీవిత దిశనే మార్చిన మలుపులుగా కనిపిస్తాయి. ఒక చిన్న తప్పు కొన్నిసార్లు సంవత్సరాల బాధకు కారణమవుతుంది. అలాగే,ఒక చిన్న మంచి నిర్ణయం జీవితమంతా ఆశీర్వాదంగా మారుతుంది. అందుకే దేవుడు చాలాసార్లు “చిన్న విషయాల్లో నమ్మకంగా ఉండు” అని నేర్పిస్తాడు. ఎందుకంటే, మన భవిష్యత్తు ఒక్కసారిగా నిర్మించబడదు… రోజూ తీసుకునే చిన్న నిర్ణయాలతో నిర్మించబడుతుంది. ఈ రోజు చిన్నదిగా అనిపిస్తున్న నిర్ణయం కూడా… రేపటి నీ శాంతి, నీ గమ్యం, నీ ఆత్మీయ స్థితిని నిర్ణయించవచ్చు.
గుర్తుంచుకో… సమయం ఒక్కసారి వెళ్లిపోయాక మళ్లీ వెనక్కి రాదు. అందుకే ప్రతి నిర్ణయం తీసుకునే ముందు తొందరపాటు తో కాదు… జ్ఞానంతో, ప్రార్థనతో, ఆలోచిస్తూ అడుగు వెయ్యి🙏❤️🙌

17/05/2026

దేవుని జ్ఞానం మాటల్లో కాదు… బ్రతుకులో కనిపిస్తుంది. వారి మాటల్లో దయ ఉందా? వారి హృదయంలో క్షమ ఉందా? వారి జీవితంలో ప్రేమ కనిపిస్తున్నదా? అదే నిజమైన జ్ఞానం.
“నీ దగ్గర లోక జ్ఞానమా…
లేక పైనుండి వచ్చిన జ్ఞానమా?”
లోక జ్ఞానం మనిషిని ఎత్తుకు తీసుకెళ్తుంది…
కానీ దేవుని జ్ఞానం మాత్రమే మనిషిని దేవునికి దగ్గర చేస్తుంది.

15/05/2026

👉 *“మేలులు, మంచితనాలు, ఎంతో ప్రేమ — ఇవన్నీ మన నుండి పొందుతూ కూడా కొంతమంది తమ కీడు, తమ స్వభావం, తమ మాటలు మంచిగా మార్చుకోరు. అయితే నువ్వు కూడా మేలు చేసే విషయంలో ఏ మాత్రం మార్చుకోకు . వాళ్లు అలా ప్రవర్తించారనే కారణంతో నువ్వు కూడా కఠినంగా, ద్వేషంతో, కీడుతో మారిపోతే నువ్వు నీ అసలు విలువను కోల్పోతావు.
దేవుడు మనల్ని ఇతరుల్లా మారమని కాదు…వెలుగులా బ్రతకమని పిలిచాడు అంటే చీకటి పెరిగిందని వెలుగు చీకటిగా మారదు కదా…
అలానే, కీడు పెరిగిందని మన హృదయం కూడా మేలును వదలకూడదు.”* ✨🙏

14/05/2026

నిజమైన విశ్వాసం అంటే- ఎప్పుడూ బాధపడకపోవడం కాదు…బాధల్లో కూడా దేవుణ్ణి విడిచిపెట్టకపోవడం.
కన్నీళ్లు రాకపోవడం కాదు… కన్నీళ్ల మధ్యలో కూడా ప్రార్థన ఆపకపోవడం.
మనుషులు చాలాసార్లు ఇలా అంటారు —
“అదేం అంత పెద్ద విషయం కాదు…”
“దానికోసమా ఇంత బాధపడాలి?”
“అవన్నీ వదిలేయాలి…”
ఎందుకంటే బయట నుంచి చూస్తే ప్రతి గాయం చిన్నదిగానే కనిపిస్తుంది. కానీ లోపల ఎంత రక్తస్రావం జరుగుతుందో
ఆ బాధ మోసేవారికే తెలుసు. నీకు తేలికగా అనిపించిన విషయం, ఇంకొకరికి గుండెలు పిండే వేదన కావచ్చు. నీ త్యాగం, నీ కన్నీళ్లు, నీ బాధలు మాత్రం ప్రపంచం మొత్తం గుర్తించాలి అనుకుంటావు… కానీ ప్రక్కవారి గాయాలను మాత్రం చులకన మాటలతో కొలుస్తావు. నీ బాధను “లోతైన గాయం” అంటావు… వారి బాధను మాత్రం“అతి” అంటావు. గుర్తుంచుకో — నీ హృదయం విరిగినప్పుడు ఓదార్పు కావాలని కోరుకుంటే, ఇంకొకరి హృదయం విరిగినప్పుడు తీర్పు ఇచ్చే వ్యక్తిగా మాత్రం వుండకు.
అసలు ప్రేమ ఉన్న చోటే కదా బాధ ఉంటుంది.
విలువైనది కోల్పోయిన చోటే కదా కన్నీళ్లు వస్తాయి.
చివరిగా ఒక్కటి చెబుతున్నా - నీ మాట వల్ల ప్రవర్తన వల్ల ఎవరూ గాయపడకుండా చూసుకో. నీ ఒక్క ఓదార్పు మాట వారి నోట నవ్వుని చిందిస్తుందేమో కదా ఆలోచించు 😀🙌❤️🙏

Sven Edwards

24/05/2026

24/05/2026

22/05/2026

21/05/2026

20/05/2026

19/05/2026

18/05/2026

18/05/2026

17/05/2026

15/05/2026

14/05/2026

Address

Telephone

Website

Alerts

Contact The Place Of Worship

Shortcuts

Share

Category