https://www.youtube.com/svenedwards

Sven Edwards, The Life Giving Church Road, Tadepalligudem (2026)

03/10/2026

దేవుడు నీ ఇంటికి వస్తున్నాడు రమ్మంటావా? వద్దంటావా?
నీ తలుపు ఆయన కోసం తెరిచి ఉంచుతావా?
లేక నీ బిజీ జీవితంలో ఆయనకు చోటు లేదంటావా?
యేసు నీ ఇంటికి వచ్చినప్పుడు…
ఆయన కేవలం నీ ఇంటి తలుపు తట్టడానికి రాడు; ఆ ఇంటిలో ఉన్న నీ పరిస్థితిని మార్చడానికి వస్తాడు.
యేసు జక్కయ్య ఇంటికి వెళ్లాలని కోరుకున్నాడు.
లూకా 19:5“జక్కయ్యా,….నేడు నేను నీ ఇంట ఉండవలసి ఉన్నది.” అనగానే జక్కయ్య యేసయ్యకు తన ఇంటి తలుపు తెరిచాడు. ఆ ఆహ్వానం కేవలం యేసును తన ఇంట్లోకి ఆహ్వానించడమే కాదు అది జక్కయ్య జీవితంలో ఒక కొత్త మార్పుకు ఆరంభమైంది.
మరి ఈరోజు యేసు నీ ఇంటికి కూడా రావాలనుకుంటున్నారు. ఆయన కోసం నీ తలుపు తెరిచి ఉందా????

02/10/2026

నీ ఆలోచనలు మారితే…నీ మాటలు మారతాయి.
నీ మాటలు మారితే నీ నిర్ణయాలు మారతాయి.
నీ నిర్ణయాలు మారితే నీ ప్రవర్తన మారుతుంది.
నీ ప్రవర్తన మారితే నీ అలవాట్లు మారతాయి.
నీ అలవాట్లు మారితే నీ దారి మారుతుంది.
నీ దారి మారితే నీ గమ్యం మారుతుంది.
చివరికి నీ జీవితమే మారిపోతుంది.
అందుకే ముందు నీ మనసును శుద్ధి చేసుకో. ఎందుకంటే బయట కనిపించే జీవితం కంటే ముందు, లోపల నడుస్తున్న ఆలోచనలను దేవుడు మార్చాలి అని వేడుకో. పాత ఆలోచనలను పట్టుకుని కొత్త నిర్ణయాలు చేయలేవు. అందుకే మనసులోకి వచ్చిన ప్రతి ఆలోచనను అలాగే ఉంచకు. దేవుని వాక్యంతో పరిశీలించు.
జాగ్రత్త …అన్నిటికంటె ముఖ్యముగా నీ హృదయమును భద్రముగా కాపాడుకో సామె4:23
అంటే… నీ హృదయంలో ఏమి నింపుతున్నావో జాగ్రత్తగా చూసుకో. ఎందుకంటే నీ జీవితం ఎటు వెళ్తుందో నిర్ణయించేది చాలాసార్లు నీ బయట పరిస్థితులు కాదు నీ లోపల ఉన్న ఆలోచనలే. అందుకే ఈరోజు దేవునిని ఇలా అడుగు: “ప్రభువా… నా పరిస్థితులను మార్చే ముందు, నా ఆలోచనలను మార్చు. నా మనసును శుద్ధి చేయి. నీ వాక్యానికి అనుగుణంగా ఆలోచించే మనసును నాకు ఇవ్వు.” ఆమెన్ 🙏 🙏

01/10/2026

నీ ముందున్న సమస్య ఎంత పెద్దదిగా కనిపించినా, దాన్ని చూసి నీ ప్రయాణాన్ని ఆపుకోవద్దు. అడ్డంకి పెద్దదిగా ఉండటం వల్ల నీ దేవుడు చిన్నవాడు కాదు. నీ దారి కష్టంగా ఉండటం వల్ల నీ గమ్యం అసాధ్యమూ కాదు. కొన్నిసార్లు దేవుడు అడ్డంకిని వెంటనే తొలగించడు; దాన్ని దాటేంత బలాన్ని నీలో పెంచుతాడు. నీవు అడ్డంకినే చూస్తే భయం వస్తుంది. కానీ దేవుని చూస్తే ధైర్యం వస్తుంది. గుర్తుంచుకో, దావీదు గోల్యాతును చూసి ఆగిపోలేదు. ఎందుకో తెల్సా?
గోల్యాతు ఎంత పెద్దవాడో కాదు తనతో ఉన్న దేవుడు ఎంత గొప్పవాడో దావీదు చూశాడు కాబట్టి 1 సమూ17:45–47

30/09/2026

“నేను శుభ్రపడ్డాక దేవుని దగ్గరకు వస్తాను” అనుకోకు. ఎందుకంటే… దేవుని సహాయం లేకుండా నిన్ను నీవు శుభ్రపరచుకోలేవు. ఎవరైనా నీటి దగ్గరకు రాకుండా
శుభ్రపడగలరా? చెప్పు??????
అలాగే, దేవుని దగ్గరకు రాకుండా మన హృదయాన్ని మనమే మార్చుకోలేం. మన పాపాన్ని మనమే తొలగించుకోలేం. మన జీవితాన్ని మనమే పూర్తిగా శుద్ధి చేసుకోలేం. శుభ్రపడిన తర్వాత దేవుని దగ్గరకు రావడం కాదు… దేవుని దగ్గరకు వచ్చినప్పుడు ఆయనే మనలను శుభ్రపరుస్తాడు.
కాబట్టి నీలో ఉన్న లోపాలను చూసి
“నేను దేవుని దగ్గరకు వెళ్లడానికి ఇంకా అర్హుడిని కాదు” అనుకోకు. ముందు యేసు దగ్గరకు రా… ఆయనను ఇలా వేడుకో ….. దేవా, నేను పవిత్రుడనగునట్లు……..నా పాపము పరిహరింపుము. హిమముకంటెను నేను తెల్లగా నుండునట్లు నీవు నన్ను కడుగుము. కీర్త51:7 ఆమెన్ 🙏 ❤️🙌

29/09/2026

నిన్ను అడ్డుకునేవి ఎన్నో ఉంటాయి. వాటిపైన మనసు పెట్టి నిరుత్సాహపడకు. సూటిగా చూడు. ఏ మాటకూ తల తిప్పకు. అసలు వేటినీ పట్టించుకోకు. నీవు చేయాల్సిన పని నీ ముందుంది. దాన్ని నువ్వు చేరాలి. నువ్వు గెలవాలి. నువ్వు చేసి చూపించాలి.
“నీ వల్ల కాదు” అన్న నోర్లను మూయించడం మాత్రమే కాదు… దేవుని బలంతో నువ్వు ఎలా చేయగలిగావో కూడా చూపించాలి.
గుర్తుంచుకో… దానికి కావాల్సిన బలం, ధైర్యం, సహాయం దేవుని నుంచే వస్తాయి. నీ బలం తగ్గినప్పుడు కూడా దేవుడు నీ చేతులను తిరిగి బలపరచగలడు. కాబట్టి నీ బలాన్ని చూసి వెనక్కి తగ్గకు. నిన్ను బలపరచే దేవుని చూసి ముందుకు సాగు.
“నన్ను బలపరచువానియందే నేను సమస్తమును చేయగలను.”ఫిలి4:13 🙏

28/09/2026

జీవితంలో ఎవరు ఉన్నారు, ఎవరు లేరు అనేదానికంటే ముఖ్యమైనది దేవుడు నీతో ఉన్నారా? అన్నది. మనుషులు నీ పక్కన ఉండలేని పరిస్థితుల్లో కూడా దేవుడు నీ పక్కనే ఉంటాడు. అందుకే ఒంటరితనం వచ్చిన ప్రతిసారీ
“నాకు ఎవరూ లేరు” అని అనుకోకు.
“నాతో దేవుడు ఉన్నాడు” అని గుర్తు చేసుకో.
దేవుడు నిత్యము నా హృదయమునకు ఆశ్రయదుర్గమును స్వాస్థ్యమునై యున్నాడు. అని స్తుతించటం మర్చిపోకు 🙏❤️🙌 కీర్త73:26

27/09/2026

నీ పరిస్థితిని తెలుసుకోకుండా కొంతమంది మాట్లాడవచ్చు, నీ నిర్ణయాలను తప్పుగా అర్థం చేసుకోవచ్చు, నీలోని మంచిని చూడకుండా నీ లోపాలనే చూడవచ్చు. కానీ వారి మాటలు నీ విలువకు కొలమానం కావు. ఎందుకంటే నిన్ను సృష్టించిన దేవునికి నీ హృదయం తెలుసు. నీ కన్నీళ్లు తెలుసు.నీ పోరాటాలు తెలుసు. నీవు ఎవరికీ చెప్పలేని విషయాలు కూడా ఆయనకు తెలుసు. మనుషులు నిన్ను చూసేది ఒక కోణం మాత్రమే… దేవుడు మాత్రం నిన్ను సంపూర్ణంగా చూస్తున్నాడు. నిన్ను గురించి ఇతరులు ఏమనుకుంటున్నారో కంటే,
దేవుడు నిన్ను ఎలా చూస్తున్నాడో గుర్తుపెట్టుకో. నువ్వు ఆయన కోసం ఎలా జీవించాలో ఎప్పుడూ మర్చిపోకు ❤️

వారాయనను పట్టువదలక అడుగుచుండగా ఆయన తలయెత్తి చూచిమీలో పాపము లేనివాడు మొట్టమొదట ఆమెమీద రాయి వేయ వచ్చునని వారితో చెప్పి…యోహాను8:7

26/09/2026

కొన్ని పరిస్థితులు మన ముందున్న దారినంతా మూసేసినట్టుగా కనిపిస్తాయి. ఎంత ప్రయత్నించినా మార్పు కనిపించదు. అప్పుడు మనసు “ఇక ఇంతే… నా జీవితం ఇక్కడితో అయిపోయింది” అని అనుకుంటుంది. యోబు జీవితం కూడా అన్నీ కోల్పోయినట్టే కనిపించింది అందరికీ. కానీ అది అతని కథకు ముగింపు కాదు యెహోవా యోబును మొదట ఆశీర్వదించినంతకంటె మరి అధికముగా ఆశీర్వదించెను. యోబు42:12 😊 అతనినే కాదు నిన్ను కూడా 🙌

25/09/2026

ప్రతి వ్యక్తి మనల్ని అర్థం చేసుకోడు. ప్రతి చోట మనకు స్థానం దొరకదు. కొన్ని చోట్ల మనం ఎంత ప్రయత్నించినా ఇమడలేం. అది మనలో ఏదో లోపం ఉందని కాదు. దేవుడు మన జీవితానికి ఇచ్చిన పిలుపు, దారి, ఉద్దేశ్యం వేరు కాబట్టి. యేసయ్యా కూడా అందరిచేత అంగీకరించబడలేదు. అయినా ఆయన తన తండ్రి చిత్తం నుండి వెనక్కి తగ్గలేదు. అందరూ నిన్ను అంగీకరించాలి అని ప్రయత్నిస్తూ నిన్ను నీవు మార్చుకోవాల్సిన అవసరం లేదు. ఎక్కడ దేవుడు నిన్ను ఉంచాడో అక్కడ విశ్వాసంగా ఉండు.
“నాలోనే తప్పుందేమో” అని నిన్ను నీవు తక్కువ చేసుకోకు.
మీరు లోక సంబంధులైన యెడల లోకము తన వారిని స్నేహించును; అయితే మీరు లోకసంబంధులు కారు; నేను మిమ్మును లోకములోనుండి ఏర్పరచుకొంటిని; యోహా15:19 🙏🙌❤️

24/09/2026

ప్రతి మూసిన తలుపును చూసి నా జీవితం ఆగిపోయింది అనుకోవద్దు. నీకు కనిపించేది ఒక తలుపు మాత్రమే…
దేవునికి కనిపించేది మొత్తం దారి.
నువ్వు అర్థం చేసుకోలేని చోట కూడా ఆయనను నమ్ము ఎందుకంటే నీ త్రోవ ఆయనకు మాత్రమే తెలుసు. ❤️🙏నీ స్వబుద్ధిని ఆధారము చేసికొనక నీ పూర్ణహృదయముతో యెహోవాయందు నమ్మక ముంచుము సామె3:5

Sven Edwards

03/10/2026

02/10/2026

01/10/2026

30/09/2026

29/09/2026

28/09/2026

27/09/2026

26/09/2026

25/09/2026

24/09/2026

Address

Telephone

Website

Alerts

Contact The Place Of Worship

Shortcuts

Share

Category

Listing takedown request