Islami Malumaat

01/12/2024

04/06/2024

*Bismillahirrahmanirraheem*

*Hadith : Jitni badi museebath hoti hai utna hi bada sawab hota hai,*
-----
Rasool-Allah Sal-Allahu Alaihi wasallam ne farmaya Jitni badi museebat hoti hai utna hi bada sawab hota hai, aur beshak Allah Subhanahu jab kisi qaum se muhabbat karta hai toh usey aazmaata hai, phir jo koi us se raazi aur khush rahe toh woh us se raazi rahta hai, aur jo koi us se khafa ho toh woh bhi us se khafa jo jata hai..

Sunan Ibne Maja, Jild 3,912-Sahih
l

27/05/2024

_*Biddat*_

_*Allah ke Rasool (ﷺ) ne farmaya*_
_Behtareen kalaam Allah (ﷻ) ki kitaab *(Qura'an majeed)* hai aur behtareen tareeqa Hazrat Muhammad (ﷺ) ki zindagi ka tareeqa hai aur deen me bad tareen (Worst) kaam wo hai jo khud nikaale gaye ho aur har naya kaam *Biddat* hai aur har Biddat *Gumraahi* hai._
_*(sᴀʜɪʜ ᴍᴜsʟɪᴍ ʜᴀᴅᴇᴇs 2005)*_

_Allah Ke Rasool (ﷺ) Ne Farmaya, Logo, Deen me parhez karo, Tum se pahele logo ko deen me Glu *(Biddat)* hi ne barbaad kar diya._
_*( Ibne Maaja 3029, Musnad Ahemad 4497)*_

_*Sawaal* 👉 Biddat kise kehte hai?_
_*Sahih Jawaab* 👉 Har wo kaam / Amal / Tareeqa jis ka Quraan aur Hadees me koi zikr nahi Jo Rasool (ﷺ) ki poori Mubarak Zindagi se saabit bhi nahi lekin phir bhi us kaam ko achcha samjha jaay ya sawaab ki neeyat se kiya jaay use Biddat kehte hai._
_👉 Is liye har musalmaan bhai aur bahen ko chahiye ki wo Deen ka sahih ilm haasil kare aur har tarha ki Biddat aur Gumraahi se apne aap ki aur apne ghar walo ki hifazat kare._

25/05/2024

HAR CHEEZ KE LIYE ALLAH KA SHUKR ADA KAREIN ❤️

Rasool Allah (ﷺ) ne farmaya;

"Jab Allah bande ko koi nemat dete hain aur banda Alhamdulillah kehta hai to bande ne jo (shukr) ada kiya, wo milne wali nemat se afzal (behtar) hota hai."

Sunan Ibn Majah 3805 | Hasan

Rasool Allah (ﷺ) ne farmaya:

"Sab se afzal (behtareen) zikr La ilaha illal lah hai aur sab se afzal (behtareen) duaa Alhamdulillah hai."

Sunan Ibn Majah 3800 | Hasan

23/05/2024

*Jannatiyo Ke Liye Allah Ke Inamaat*

Aur Unke liye (Jannat me) khoobsurat aur Badi Badi Ankho waali Hooren hongi, aisi (Haseen) jaise chupakar rakhe huwe Moti ho, ye sab kuch unke (Nek) Aamaal ki Jaza ke taur par unhe diya jaaye ga jo wo Duniya me karte rahte the, waha wo koi behuda kalaam ya Gunah ki baat nahi sunenge, waha jo baat hogi sirf salamati hi salamati ki hogi.

*Suratul Waqiah: 22-26*

22/05/2024

Bismillahirahmanirrahim

Hadith: Aisa mard jo apne Ghar ke andar burayee ko nahi rokta hai us par Jannat haram hai

Rasool-Allah Sallallahu Alahih Wasallam ne farmaya 3 tarah ke logo par Allah Subhanahu ne Jannat haram Kar di hai, Sharab Ka aadi, Waliden Ka Nafarman, aur wo dayyus jo apne Ghar ke andar burayee ko nahi rokta hai ...

Musnad Ahmad 9975-Sahih
l

21/05/2024

*Mout Ki Tamanna Hargiz Na Kare*

Hadees: Nabi-e-Kareem (ﷺ) ne farmaya –

“Tum me se koi Shakhs kisi Takleef ki Wajah se Jo Tumhe Pohanchi ho, Mout ki Aarzoo naa kare.”

Aur agar (Takleef ki Noeyat aisi ho keh Iss ke bagair) Chara na ho tou ess taraha Dua kare,

“Aye Allah ! Tu mujhey ess Wakt tak zinda rakh, Jab tak Zindagi mere liye Behtar ho aur Uss Waqt mujhe mout (die) kar de jab Wafaat mere liye behtar ho.”

Riyaaz-Al-Saleheen, Hadees 40

15/05/2024

*Allah Ki Ibadat*

Rasoolullah ﷺ Ne Farmaya Tum Allah Ki Ibadat Is Tarah Karo Goya Tum Usko Dekh Rahe Ho, Tum Apne Aapko Murdo Me Shumar karo Fir Ek Ek Patthar Aur Darakht ke Paas Allah Ko Yaad Karo Aur Jab Tum Koi Bura Kaam kar Baitho To Uske Saath hi Achcha Kaam Kar Liya Karo. Poshida Gunah Ke Badle Poshida Neki Aur Aur Khullam Khulla Gunah ke Badle Khullam khulla Neki kar Liya Karo.

*Tabrani Kabir 16787*

*ƑOƦWΑƦD TO ALL GROUPS*

20/04/2023

*Sadqa-e-Fitr Kyu*

*Hadees:* Hazrat Abdullah bin Abbas Raziyallahu Anhu se rivayat hai ke Rasoolullah ﷺ ne Rozo ko fuzool wa la'ayani aur Fahash baato ke asraat se paak saaf karne ke liye aur miskeeno mohtaajo ke khane ka bandobast karne ke liye Sadqatul Fitr waajib qaraar diya hai.

[Abu dawood: 1609]

is hadees me sadqa e fitr ki 2 hikmate aur uske 2 khaas faydo ki taraf ishara farmaya gaya hai,

Ek yeh ke musalmano ke jashn va masarrat ke is din me sadqa e fitr ke zariyah mohtaajo miskino ki bhi shikam seri aur asoodgi ka intezam ho jayega,

Aur dusre yeh ke zubaan ki be-ahatyatiyo aur be-baakiyo se Roze per Jo bure asraat padte honge yeh sadqa e fitr unka bhi kaffarah aur fidyah ho jayega,

Hazrat Abdullah bin Umar Raziyallahu Anhu se rivayat hai ke Rasulullah Sallallahu Alayhi Wasallam ne musalmano me se har gulaam azaad per, har mard aur Aurat per chhote aur bade per sadqa e fitr laazim kiya hai,

Ek saa’a khajoor ya ek Saa'a Jav (barley) aur hukm diya hai ke yeh sadqa e fitr Namaz e Eid ke liye Jaane se pehle adaa kar diya jaye,

Sahih Bukhari v Muslim

10/07/2022

*🌹TAKBEERAT KA SAWAB🌹*

Abu Ubaydah bin Abdullah bin Masud Rahimullah farmate hai Agar koi banda raste par kapde mein sone ke seekhey (coins) le kar baitha ho aur har guzarne wale ko seekhey de raha ho jabke dusri taraf Ek banda Takbeerat Keh raha ho to ye Takbeerat kehne wala zyada Sawab paega

*🌹 Takbeer🌹*

*اَللهُ أَكْبَرُ ، اَللهُ أَكْبَرُ، اَللهُ أَكْبَرُ*
*لَا إِلَهَ إِلَّا اللهُ*
*اللهُ أَكْبَرُ، اَللهُ أَكْبَرُ، وَلِلَّهِ الْحَمْدُ*

*Allah bahut bada hai, Allah bahut bada hai,Allah bahut bada hai*
*Allah ke siwa koi bhi ibadat ke layaq nahi,*
*Allah sabse bada hai aur uske liye bahut zyada tarefein hain*
✨✨✨ *Taqabbalallah Minna wa minkum*🌹✨✨
★═━ ¸.✿¨¯`✿´¸¸.•`✿
*🌿 Eid Al Adha Mubarak 🎉*•´¸.•¨).•✿★✿´¸.•¨)…
*🌿 تقبل الله منا ومنكم 🎁*•´¸.•¨).•★★★¸.•¨)…
*🌹 عيد الاضحى المبارك 🍃🎉🎉*

تقبل الله منا ومنكم صالح
الاعمال"
"🌙عيد مبــــــــــــــــــــارك🌙"

*✨الله اكبر الله اكبر الله اكبر لا إله إلا الله ألله أكبر ألله أكبر ولله الحمد✨*

*Aap Aur Aapke Tamaam Ghar Walon Ko Eid Ki Khushyan Behad Mubarak Ho✨💞 Allah Paak Aap Sabhon Se Raazi Rahe Aur Apne Nek O Mehboob Bandon Me Aap Sabko Shumaar Farmaye*

آمیـــــــــن✨

*Duaon Ki Talabgaar🙂*

اَللهُ أَكْبَرُ ، اَللهُ أَكْبَرُ، اَللهُ أَكْبَرُ
لَا إِلَهَ إِلَّا اللهُ
اللهُ أَكْبَرُ، اَللهُ أَكْبَرُ، وَلِلَّهِ الْحَمْدُ
اللَّهُ أَكْبَرُ كَبِيرًا وَالْحَمْدُ لِلَّهِ كَثِيرًا
وَسُبْحَانَ اللَّهِ بُكْرَةً وَأَصِيلًا

Allahu Akbar, Allahu Akbar, Allahu Akbar
Laa ilaaha ill-Allah,
Allahu Akbar, Allah Akbar, wa Lillaah il-hamd
Allahu Akbar kabeera Wa Alhamdu Lillaahi katheera
wa subhaan Allahi bukratan wa aseela

Allah bahut bada hai, Allah bahut bada hai,Allah bahut bada hai
Allah ke siwa koi bhi ibadat ke layaq nahi,
Allah sabse bada hai aur uske liye bahut zyada tarefein hain
Allah ki zaat paak hai , main subah sham uski p**i bayan karta hu..

27/05/2022

If my tears were colourful then my pillow would be the best painting in the world tonight...