16/04/2026
آج دلی مسرت ہے کہ اللہ نے آج ہمیں ایک اور توحید کا مرکز عطا کیا۔ ہمارے اسلاف کی مخلص کوششوں اور قربانیوں کا آج ہمیں ثمر ملا۔ ہم ایک جماعت اور ایک جان بن کر اس کی خدمت کریں گے قدمہ، درہمہ، سخنے۔
صدر جمعیت اہلحدیث جموں و کشمیر کا فتح كدل کا دورہ.
مسجد خلفاء راشدین کی سلیب ڈالنے کی تقریب میں شرکت
میر سھیل حرمین //16اپریل 2026// جمعیت اہلحدیث جموں و کشمیر کے صدر محترم ڈاکٹر عبداللطیف الکندی صاحب نے حلقہ خانقاہ، فتح کدل کا اہم دورہ کیا، جہاں مسجد خلفاء راشدین کی تعمیر کے سلسلے میں پہلی سلیب ڈالنے کی تقریب منعقد ہونی تھی۔
صدر جمعیت کے ہمراہ جمعیت کے معزز ذمہ داران، نظماء کرام، اور علاقہ کی معزز شخصیات بھی موجود تھیں، اس موقع پر مقامی لوگوں کی اچھی تعداد نے شرکت کی اور مسجد کی تعمیر کے حوالے سے اپنے جذبۂ ایمانی کا اظہار کیا۔
صدر محترم ڈاکٹر عبداللطیف الکندی صاحب نے خانقاہ اور فتح کدل کے عوام کے اس حوصلہ افزا اور قابلِ تحسین اقدام کو سراہا اور ان کے لیے خصوصی دعا کی۔ انہوں نے کہا کہ مسجد کی تعمیر ایک عظیم دینی خدمت ہے، اور اس میں حصہ لینے والے تمام افراد یقیناً اجرِ عظیم کے مستحق ہیں۔
آخر میں ڈاکٹر عبداللطیف الکندی صاحب نے تمام مسلمانوں، خصوصاً اہلِ خیر سے اپیل کی کہ وہ اس مسجد کی تعمیر میں بھرپور تعاون کریں اور اس صدقۂ جاریہ میں اپنا حصہ ڈال کر اپنی آخرت سنواریں۔ انہوں نے دعا کی کہ اللہ تعالیٰ اس عظیم کام کو جلد از جلد پایۂ تکمیل تک پہنچائے اور اس میں حصہ لینے والوں کو بہترین اجر عطا فرمائے۔
Media Cell
Jamiat Ahlihadees JK
جاری کردہ:
جمعیت اہلحدیث جموں و کشمیر
